UPCNEINEWSSERVICE APRIL 4-11.2021
———–
General Missions Exeutive Meeting
UPC North East India General Missions Executive Board Meeting chu April ni 7 Nilaini khan Gen. Hqrst. Missions Director Room, Mualpui ah neih a ni.
Meeting hi General Missions Director Rev. R.Lalhawia’n kaihruaiin, General Official ten an telpui thei a, UPC North East India General Missions in a hmalak tawhna leh hmachhawp hrang hrangte thlirin hmalak zel dan tur ruahmannate siam a ni. Rorel langsar zingah Assam Missions Field, Pilingkata, Gwahati hmunah Biak In sak leh water pump siam chu tha tih a ni.
———-
General Hruaitute Programme:
General Superintendent Rev. R. Lalrinsanga chuan April ni 9 – 11 chhung a Aizawl East District Conference vawi 27 na, Mualpui Bial a an neih ah rawngbawlna neiin hun a hmanpui ang.
General Treasurer Rev. Lalmalsawma Sailo chuan April ni 10 a Aizawl East District Conference rorel, Mualpui Biak ina neih ah a tel pui bawk.
———-
CHHIMTUIPUI DISTRICT
BIAL REVIVAL KHAWMPUI NEI DAWN
April ni 9-11 2021 chhung hian UPC North East India Chhimtuipui District Niawhtlang Bial te chuan Bial Revival khawmpui Siata 1 Local Church ah an nei.
He Khawmpuiah hian Speaker atan Evan N.Thanghnuna Dist Evangelist chu hman niin, Bial chhunga local tin atangin palai pawh thahnem tak an kal a, Sis VT. Hmangaihsangi leh Sis. Zionpari ten zai rawngbawlna an nei bawk.
———-
CRUSADE NEI DAWN
April ni 9-11 2021 hmang hian Tuipui V Varṭekkai Home mission field, South Lungpher Bial ah, South Lungpher Bial PYD hmalakna in Crusade neih a ni a, crusade ah hian Rbt RL Hmingthanzuala Chairman Dist kum puan Committee chu speaker ah hman a ni.
———-
———-
LAWNGTLAI WEST DISTRICT
District hruaitute programme
District Superintendent Rev. R. Ramthatzawla, Dist. Secretary & Treasurer, Rev. Lalsawmliana Sailo leh Dist. Mission Director Rev. F. Lalbiakthuama te chuan April ni 11 Pathianni hian Vathuampui bial ten, Chikhurlui Local-a Seminar an neih turah resource person a tangin hun an hmanpui dawn a, subject hrang hrang hmang in seminer hi neih pui ang.
Rev.R.Ramthatzawla, Subject : Administration & Leadership
Rev.Lalsawmliana Sailo, Subject : financial&Acount maintance
Rev.F.Lalbiakthuama, Subject : Incheina leh Thianghlimna.
———-
MITHAR LAWMLUT
April ni 4 Easter Sunday khan Lawngtlai West District, Mission Director Rev. F.Lalbiakthuama chuan Mampui Local ah Mithar 10 Kohhranah a lawm lut a, Mithar lawmluh zing atang hian mi pali te chu Speaker Evan. R. Vanchhunga chuan Isua hmingin sual ngaihdamna Baptisma a chantir bawk.
Easter Sunday (Pathianni) ni vek hian Saizawh East Local ah member thar paruk(6) chu Evan K.Laineihtluanga chuan UPC North East India Kohhran a lawi turin alawm lut bawk.
———-
CHARGE IN HLANNA NEI
April ni 7 Nilaini khan Kum 2021-2022 chhunga Lawngtlai West District Department hrang hrang hruaitu te charge inhlanna hun hman a ni.
He hun hi Rev.HC. Thandaia, Chhimtuipui District chuan hmanpuiin, hruaitu thar te charge hlanna a nei a, hemi rual hian Lawngtlai West District Pastor te pawh charge in hlan nghal a ni.
———-
———-
LUNGLEI DISTRICT
CHARGE IN HLAN :
Lunglei District UPC Board vawi 202-na in Office Staff-te hna chanpual a siam danglam chu April ni 5 thawhtanni khan mawhphurtu tur ten charge an in hlan fel.
Hetiang hi Office Staff-te hna chanpual thar a ni.
– UDC atang H.A-ah Sist.R.Khawngaihzuali
– LDC (Account Assistant) atang UDC (Cashier) ah Sist.C.Lalhunthangi
– C.E.C.School Cashier atang LDC (Account Assistant) ah Rbt.H.Lalpianfela
———-
MI THAR :
April ni 2 Good friday zan khan Muallianpui Local-ah Baptisma khur hawn a ni a, Mi 7 in bialtu Pastor Rochungnunga Renthlei kutah baptisma an chang a, an zingah hian mi thar pakhat a tel bawk.
April ni 4 Easter Sunday khan Haulawng lalvengah Baptisma khur hawn a ni a, mi 17 in Baptisma changin mi thar 1 kohhranah seng luh a ni. Baptisma rawngbawlna hi Evan B Zonunsanga chuan a nei a ni.
March ni 31 nilai zan khan Buknuam ah Sacrament inkhawm buatsaih a ni a, hetah hian members thar pakhat Zehtet Home Missionary Evan. C. Lalrinzuala chuan a lawm lut.
April ni 2 Good Friday khan Ṭawipui N-II ah bialtu Pastor Rev.H.Rothuama chuan mi thar 3 kohhranah a lawmlut.
———-
BIAL PYD DAY HMANG :
April ni 6 thawhlehni kha Luangmual Bial PYD Day a ni a, he hun hi bial chhunga Local hrang hrangin a lawmna hun hlim takin an hmang.
Bial PYD Board ruahman angin Luangmual bial PYD Day vawi 22-na hi zan lamah Local tinin mahni remchan dan ang theuhin an hmang a, Day thuchah chhiah chhuahnate neiin CBC pualin sumtuak fehchhuahna hun an nei theuh bawk.
Luangmual bial chhungah hian PYD dinna Local paruk a awm a ni.
———-
———-
AIZAWL EAST DISTRICT
District Conference hmang mek:
Aizawl East District hnuaia inkhawmpui lian ber, District Conference vawi 27 na chu Mualpui Bial-ah hman mek a ni a, Pathianni hian a tiak ang. District Conference hi April 9, Zirtawpni khan Department rorel in bul tan a ni a, Kuminah hian District LAD in a hrana Conference an neih loh kum a nih avangin District Conference-ah an bet tel a, Zirtawpni Chawhma Dar 10 khan District Sunday School nen a hranin rorel inkhawm an nei a ni. District LAD hian Salem Veng Biakin-ah Sis Zionparmawii B/W, President kaihruaiin rorelna an nei a, District Sunday School hian Mualpui Biakinah Rev HL Thakunga, Director kaihhruaiin an nei ve bawk a ni. Inrinni nileng khan Rev Biaksangzuala, District Superintendent kaihhruaiin Kohhranpui hian rorel inkhawm an nei bawk a ni. Covid-19 hrileng in min la chenchilh reng avangin kum dang angin inkhawmpui hi neih theih a ni lova, Department rorel-ah hian bial tin atangin rorel palai bik ruat an ni a, Kohhranpui-ah pawh rorel palai tih tlem a ni bawk.
Report atanga a lan danin tunah hian District chhunga Bial 31 awm atangin LAD member hi sangnga chuang an awm mek a, LAD hi khaw 157-ah dingin zuk leh hmuam nghei sangkhat zathum chuang an awm a, Bible women hi mi 21 an awm mek a ni. Chhungkaw maicham nei thei 836 awmin, a changa nei thin 3721 an awm a ni. District LAD te hian kum 2020 LAD Day thawhlawm, District-in a chan atangin Kohhran 6-ah Biakin sak tanpuina a hlan a, HIV darh zel tur laka inzirtirna atan Guideline siama hmalak mek a ni. Kum 2020 khan Cancer natna vei, Treatment la mek mi 24 te hnenah Rs 7000/- theuh in tanpuina a hlan bawk a ni.
District Sunday School report atanga a lan danin tunah hian District chhungah Puitling leh naupang hming ziak hi singhnih chuang an awm mek a ni. Kum 2020 khan Darlawn, Ratu, Khualen leh Aiduzawl Kohhran Sunday School Hall hawn niin Sunday School Hall sak tanpuina hi Kohhran 10-ah pek a ni bawk. Sunday School Department te hian rorelna an neih rual hian Sunday School zirtirtu chawimawina an hlan nghal bawk a ni.
Covid-19 hrileng avangin Kumin District Conference-ah hian Revival inkhawm a awm dawn lova, Pathianni-ah vawi khat inkhawm chauh ruahman niin Chawhma Dar 11-ah Mualpui Biakin-ah inkhawm neih tur niin Rev Biaksangzuala, District Superintendent chuan inkhawm a kaihruai anga, hunserh Rev R.Lalrinsanga, General Superintendent chuan hmangin Rev C.Lalengliana, Upper Republic Bialtu Pastor in Doctrine sawirualna a kaihruai ang. Mitthi sunna Rev HL Thakunga, Bazar Bialtu Pastor kaihhruaiin neih a ni anga, Pastor thar nemnghehna District Superintendent in a nei ang. He hunah hian Upa leh Licence holder Kum 25 chawl lo te hnenah chawimawna hlan tur niin lawmman chi hrang hrang sem a ni dawn bawk a ni.
———-
Kumpuan hawnna neih a ni:
April 6, Thawhleh zan khan General PYD Kumpuan “Thuthlung puan uar” chu Aizawl East District PYD Kumpuan Sub-Committee te ruahmanna in hawnna Zemabawk Vengpui Biakin-ah neih a ni. He hun hi Evan H.Lalhlimpuia, Chairman Kumpuan Committee chuan kaihruaiin Bro.Lalhmingmawia’n hunserh a hmang a, Sis Mercy Lalmuanpuii hnen atangin Pathian fak hla ngaihthlak a ni. Bro. CS.Lalrothuama, Secretary hnen atangin report ngaihthlak a ni a, Bial leh tualchhung hmala tha te hnenah lawmman siam a nih leh dawn thu bakah Kum 2021 chhunga District chhunga hmalak dan tur hrang hrang te ngaihthlak a ni bawk. Kumpuan hawnna, Rev C.Lalmalsawma, District PYD President chuan neiin Pentecostal Choir te hnen atangin fak hla ngaihthlak a ni a, General PYD Kumpuan hruaitute atangin thusawi tawi ngaihthlak niin Sis Ruthi Lalhriatrengi’n fak hla a sa bawk a, Rev R.Laltlankima’n malsawm tawngtaiin hun a titawp a ni.
Aizawl East District PYD ten Kumpuan hawnna an neih-ah hian Aizawl khawpui chhung atangin Bial hruaitu engemaw zat telin District PYD hnuaia sub-Committee hruaitute pawhin an telpui bawk a ni.
———-
Mithar leh baptisma chang thar:
Good Friday leh Easter Sunday vuakvetah khan Aizawl East District chhung hmun hrang hrangah mithar leh baptisma chang thar neih a ni a, hriattheih chinah hetiang hi mithar leh baptisma chang thar neih dan a ni:
Thuampui bial, Muthi Kohhranah April 4, Pathianni khan mithar pakhar sengluh a ni. Muthi hmunah hian District Missions Department rawihin Bro Joseph VL Hmangaihzuala chuan rawngbawlna a nei mek a ni.
Bazar bial-ah mithar pakhat sengluh a ni a, Chhinga Veng Kohhranah mi 4 in sual ngaihdamna baptisma an chang a, Armed Veng South Kohhranah mi pakhat in baptisma a chang bawk.
Zemabawk bial, Lungbial Kohhranah chhungkaw khat member 5 sengluh an ni bawk.
Khawruhlian bial Khawruhlian Kohhranah mi 2 bialtu Pastor Hmingchungnunga Ralte chuan sengluhna a nei bawk a ni.
N.Vanlaiphai bial, Khawlailung Bunghmun-a District Evangelist, Evan H.Lalbiakzauva rawngbawlna kal zelah chhungkawkhat member 3 chu April 4, Pathianni khan sengluhna neih a ni bawk a,
Suangpuilawn bial, Suangpuilawn Kohhranah pawh mi 1 Kohhranah sengluh niin Bialtu Pastor Laltlanhlua Hnamte kutah sual ngaihdamna baptisma a chang nghal a ni.
Khawzawl bial, Hermon Kohhranah Pathianni khan mi 2 in sual ngaihdamna baptisma an chang bawk.
———-
———-
NORTH MIZORAM DISTRICT
Hruaitute Programme:
Dist. Secretary Rev. Chhiarpuia chuan Tlangsang Bial vawng tura District Board hnuhnung berin a lak thar, Pastor C. Zoramthara chu March ni 30 thawhlehni khan, Tlangsang Kohhran Biak inah lawmluhna Induction service a neihpui.
Dist. Treasurer Rev. K. Lalduhsanga chuan Vairengte Bial vawng tura District Board in a ruat Pastor Lalpianthanga chu March ni 31 Nilaini khan, Vairengte Hqrs. Biak inah Lal Isua hmingin lawmluhna a nei. District Treasurer hian Good Friday Programme Bukpui Bial Lungmuat kohhranhote a hmanpui bawk.
Dist. Missions Director Rev. C. Lalthantluanga chuan West Phaileng Bial vawng tura District Board-in ruahmanna a siam angin, Pastor K. Ainawna chu March ni 31 Nilaini zan khan lawmluhna inkhawm a nei a ni. Rev. C. Lalthantluanga hian Lal Isua thawhlehna ni April ni 4 Pathianni zanah Ramhlun Biak inah thuhrilh rawngbawlna a nei.
———-
Bilkhawthlri Bialtu Pastor pualin Induction service nei:
Fomer Dist. Supdt. Rev. Lalmuanpuia chuan Bilkhawthlir Bial vawngtu tur Pastor Jakob Lalremsanga chu March ni 31 Nilaini zan khan Bilkhawthlir Bial Hqrs. Biak inah Induction service a neih pui
———-
District PYD ten Kumpuan hawng:
N. Mizora District PYD te chuan, NEI Gen PYD in Kumpuan atana a neih “Thuthlung Puan uar”tih chu March ni 28 chawhnu dar 1:30 PM Pathianni khan, District PYD Kumpuan Committee hmalaknain, Chawlhhmun Biak inah an hawng.
Kumpuan hawnna inkhawm hi NM District PYD Kumpuan Chairman Evan. R.Vanlalchhanchhuaha’n kaihruaiin; kumpuan hawnnaah hian General leh District hruaitute bakah District PYD hnuaia Committee peng pawimawh te leh Bial PYD OB te, Local Kumpuan OB te leh Bial OB te an kal tha hle.
Kumpuan hawn Inkhawm Prog Evan. R.Lalthlamuana Former Dist. PYD Treas, Chawlhhmun chuan Pathian hnenah hlanna neiin; Evan. R. Lalṭhakima. Chaltlang Bial PYD kumpuan Chairman-in hun hmasa a hmang a, Evan. J. Vanlalruata, Gen. PYD Kumpuan Chairman leh North Mizoram Dist. PYD President ni bawk chuan “Thuthlung Puan Uar” tia PYD ten Kumpuana an lo neih chu Pathian thuchah ropui tak sawi chungin Lal Isua hmingin a hawng a ni.
Dist. Kumpuan hmalakna hrang hrang Dist. levela kumpuan Committee a hmalak tawhna leh hmachhawp neih te Dist. Kumpuan Comt Secretary Bro. Lalneihkima Nursery chuan report a pe bawk a ni.
Kumpuan hawn inkhawmah hian Sis. Lalhmingmawii Zonuam leh Sis. Lalfakzuali’n ten Pathian fak hla mawi tak sain rawngbawlna an nei bawk.
———-
SS Seminar nei:
March ni 27 Inrinni khan Bilkhawthlir Bial SS Dept buatsaihin, Bilkhawthlir Bial Hqrs., Dawrveng Kohhran Biak inah Seminar neih a ni. Seminar-ah hian Dist SS Director Rev K. Malsawmtluanga chu resource person ah hman niin; thupui 2 chawhma leh chawhnuah zir a ni a. Bilkhawthlir bial chhung kohhran hrang hrang atangin puitling leh naupang zirtirtu mi 50 vel an tel a ni.
———-
Sihphir Biala, Lungdai kohhran Biak in hawn a ni:
March ni 28 Pathianni khan, Sihphir Biala awm Lungdai Kohhran Biak in chu Sihphir Bialtu Pastor Rev. C. Lalrammuana’n Lal Isua hmingin a hawng. Biak in hawnnaah hian Lungdai kohhran te bakah Bial chhunga rawngbawltu pawimawh mi thahnem tak an pungkhawm a, Inkhawm Pathian thlarauvin a awmpui a, hlim takin hun an hmang a ni.
———-
Awmhmun sawn thar tur Pastor te thlah a ni:
Bilkhawthlir Bialte chuan March ni 28 Pathianni chawhnu inkhawm ah Kum 5- zet Bilkhawthlir Bial vawngtu an Pastor Lalpianthanga term hmang zova chhuak tur chu, thlahna hun an hmang.
Pastor thlahna hun hi Bial Headquarter (Dawrveng) Biak Inah hmangin; Pastor thlahnan hian Bial kohhranpui leh Department leh mimal ten duhsakna thilpekte an hlan hlawm a ni.
———-
Apostolic Revival Team te rawngbawlna (22nd – 28th march):
North East India; Compassion Centre Project (ASC Home & Susanne Downs Boarding School) hmunah North Mizoram District Speaker te zinga mi Evan T.Vanlalruata chuan rawngbawlna neiin; a rawngbawlna kaltlangin mi 10-in Sual ngaihdamna Baptisma an chang a, he zinga 2 hi mithar an ni.
———-
Tlangsang Biak in hawn a ni:
Tlangsang Bial, Tlangsang Kohhran Biak in chu March ni 27 Inrinni chawhma dar 11:30 khan North Mizoram District Secretary Rev. Chhiarpuia’n Lal Isua hmingin a hawng.
Tlangsang biak In hawn Prog hi hun hnih Biak in chhung leh pawn Programme-a kalpui a ni a, Biak In kawt prog. Bialtu Pastor K.Ainawna’n kaihruaiin NMD Secretary Rev.Chhiarpuia chuan Pathian thu te chhiarin, Lalpa Biak buk Lal Isua hmingin a hawng a, Rev. Chhiarpuia hian “He Tlangsang Biak In hi mihringin kan hawng satliah a ni mai lova, Lalpan a hawng a ni’ a ti.
Tlangsang Biak in chu Pathian ropuina tur leh Kohhran ten damna leh Thuthlung puanna, zirtirna dik sawi chhuahna hmun ani tur a ni a ti bawk.
Report-in a tarlan danin, Tlangsang Biak In hi Kum 2017 Sept ni 9-ah Pastor K.Ainawna’n Biak in sak lungphum a phum a, Biak In hi a dung 60 fts leh a vang 30 fts niin; a san zawng a liang thlengin 18 fts a ni bawk. Biak In sak nan hian tha 2000 vel sengin, kum 3 chhung sak a ni. Mimal ṭhahnemngai te thilpek tamtak dawn a ni a, Dist.-in ₹ 250,000/- an pek leh mimal leh kohhran te thawh khawm aṭangin, biak in sak nan hian cheng nuai 16 chuang sen a ni.
Tlangsang Biak In hawn prog hmang tur hian Aizawl leh Darchawi leh bial chung leh pawn hmun hrang hrang a ṭangin kohhranho thahnem tak an pungkhawm a, an zingah hian rawngbawltu pawimawh Rev Sanghleia Sailo Pensioner, Rev.B.Vanlalruata Kol Venglai Bialtu leh zai rawngbawltu Sist Laldinthari (Dindini) ten an ho bawk.
———-
Kang tuarte in sak sak:
Maubawk venga kang tuar in sak puih ngai te, April ni 3 inrinni nileng khan Maubawk kohhran PYD leh PMF te chuan in puiin; in an sak sak a, member thahnem tak an thawk chhuak a, kang tuar ten lawmthu an sawi.
———-
Lungsei Biak in hawng:
March ni 27 Inrinni khan Sialsuk Bial Lungsei Kohhran Biak in sak thar chu North Mizoram District Supdt. Rev. Laltluanga’n a hawng.
Biak in hawn inkhawm hi Bialtu Pastor Rev. K. Vanlaldika’n kaihruaiin; Rev. Laltluanga’n Lal Isua hmingin Biak in hawnna a nei a, Kohhran mipui piah lamah Sialsuk Bial chhunga Pentecost kohhran leh mipui tawiawmtu pawh an tha hnem hle.
Lungsei kohhrante hian Biak in thar lawmna ruai theh in Sial leh vawk an talh a, khawtlangin Biak in thar lawmna ruai hi an theh a ni.
———-
Kolasib Project Vengah Pentecost mithar neih a ni:
North Mizoram District Revival team zinga Apostolic Revival Team Speaker leh a hote chuan Kolasib Project kohhranah rawngbawlin; an rawngbawlna kaltlangin Lalpan mithar 4 a pe.
Heng mithar te hi march ni 13 zirtawpni zan khan Pentecost kohhranah lawmluh niin; Nupa tuakte Evan. T. Vanlalruat’an Sual ngaihdamna Baptisma a chantir a, an fate pahnih Bialtu Pastor Rev. B. Vanlalruata’n Pathian hnenah hlanin rawngbawlna a neihsak bawk.
Phaizau Preaching Point Damna inkhawm a damna chang report
———-
Phaizau rawngbawlna:
April ni 4th Pathianni zan khan Pentecost Apologetics Revival team Evan. H. Zoramsangliana leh a thawhpui te chuan Mamit Bial, Phaizauvah rawngbawlna neiin Damna inkhawm an neihah natna hrang hrang nei ten Lal Isua tihdamna an chang.
———-
Mithar nei:
April ni 6 thawhlehni Tuk khan Damparengpui Biala, Tuirum kohhranah Upa Awmpuia Evangelist Worker rawngbawlna atangin, BBC kohhran chhungkaw khat Member 5 ten UPC-NEI an zawm. Tuirum hi kohhran naupangte niin; kohhranhote pawhin hma nasa takin an sawm mek zel a ni.
———-
Inkhawm tan:
West Phaileng Bial chhunga, District Missions Dept in Missions Field a neih, West Phulpui kohhranah April ni 5 atangin phulpui PYD ten, PYD inkhawm a vawikhatna a tan an nei. Phulpui Missions Field-ah hian PYD member 7 bawr an awmin, Inkhawm kaihhruai hna pawh PYD hruaitute’n thawk nghalin an kutken nghal vek a ni.
———-
Biak in, SS Hall leh Quarters sak hmalakna kal zel:
North Mizoram District Mission Department hmalakna kal zelah hian – North Mizoram Dist. Huam chhungah Biak in, SS Hall leh Missionary Quarters te sak mek zel a ni.
Tunlai hian North Mizoram District Missions Dept chuan an Dist. Huam chhung Field hrang hrangah Biak in, SS Hall bakah Missionary Quarters sak hna a kalpui mek zel a, Biak in leh quarters hi a theih chin chinah RCC-a sak niin; Dist. Mipuite’n Missionary chawmna leh Support an pek sum chu hemi kawngah hian tangkai taka hman chho mek zel a ni.
In sak hna hi Bial leh Local Missions Deparmnet hrang hrang ten workcamp in an sa a, Mission rawngbawlna kawngah mipuite an penchhuak nasa hle. Tunah hian Marpara Field Quarters, West Phulpui Biak in, Bajerung quarters, Tumpanglui Biak in te sain hmalakna tluang takin a kal mek zel a ni.
———-
Good Friday leh Easter Sunday vuakveka Mithar neih dan khaikhawmna:
Kol Diakkawn Bial, Kolasih Tumpuiah mi 3
Kol Venglai Bial, Buk vanneiah mi 2
Mamit Bial, Phaizauah mi 3
Rengdil Bial, Kolalian Mission Field-ah mi 5
Rengdil Bial, New Edenah mi 3
Thenzawl Bial, Buangpuiah 1
Thenzawl Bial, Thenzawl PWD-ah mi 3
Rengdil Bial, Tumpanglui Missions Field-ah mi 2
Lengpui Bial, Dapchhuah 3
Bairabi Bial, Edenthar 1
Bairabi North 1
Damparengpui Bial, Dampa tlangnuam 1
Hunthar Bial, Rangvamual 1
Lengpui Bial, Dilzawl Missions Field 1
An vaiin mi 30 an ni.
———-
Biak in repair sak:
April ni 6 thawhlehni khan Kolalian Missions Field biak in repair ngai awm te chu, Rengdil Bial Hriphaw kohhran PMF ten thawmthat ngaite an thawm tha. Hriphaw atang hian PMF member thahnem tak thawkchhuakin; Biak in repair hna hi zan dar 7:00 thleng an thawk a, Biak in neitu Kolalian kohhran hote an lawm hle.
Facebook