General Superintendent, Rev. R. Lalrinsanga chuan September ni 1 Ningani khan Kolasib, khuangpuilam a UPC North East India enkawl Audrene Scism Children Home leh Susanne Downs Boarding School te tlawhin, Home leh School mamawh leh hmalak dantur hrang hrangte a enfiah a ni.
BSI Aizawl Auxiliary ten CBC tan thilpek hlan:
August ni 31 Nilaini khan Bible Society of India, Aizawl Auxiliary chuan UPC North East India Bible Zirna Calvary Bible Collage (CBC) tan Hebrew leh Greek Bible an hlan.
He mi pual hian General Headquarters Office Mualpui Salem veng, Aizawl ah inkhawm tawi neih niin General Treasurer Rev. Lalmalsawma Sailo chuan a kai hruai a, BSI Aizawl Auxiliary Secretary Rev. Remlalfaka’n thilpek an pek chhan sawiin Hebrew leh Greek Bible hi Calvary Bible Collage (CBC) a BD 2nd Year zirlai ten an zirna leh an rawngbawl zelna tur a tangkai taka an hman atan duhsak taka an hlan thu a sawi a ni. He mi rual hian Hebrew leh Greek Bible hi CBC Library, Shillong leh UPC General Office, Aizawl a dah tur an hlan tel bawk. BSI Aizawl Auxiliary atang a thipek te hi UPC North East aiawhin General Superintendent Rev. R. Lalrinsanga’n lawm tak in a lo dawng a ni.
———-
REVEREND TITLE HLAN:
UPC-North East India, General Aministrative Committee chuan North Mizoram District Board in a recommend angin Pastor Lalpianthanga chu kum 10 chuang Pastor rawngbawl hna rinawm taka a lo thawh tak avangin August ni 31, 2022 Ningani khan Reverend title a hlan a, tun hnuah chuan Rev. Lalpianthanga tia lam leh ziah tawh tur a ni.
Rev. Lalpianthanga hi August ni 1, 2012 khan North Mizoram District Pastor atan lak a ni a, a rawngbawlna peng hrang hrang te thlirin North Mizoram District Board chuan Reverend title pek tlakah ngaiin a recommend-a, General Adminitrative Committee chuan he title hi a hlan ta a ni.
———-
———-
AIZAWL EAST DISTRICT
Relief sunday:
September 4, Pathianni vawi khatna hi Relief Sunday a nih angin Pathianni zan inkhawm thawhlawm hi District-ah chhunluh tur a ni a, he hriattirna hi Rev.R.Laltlankima, District Secretary chuan Tualchhung Kohhran hrang hrangah alo tichhuak tawh a ni.
———-
N.Lungpher Biak In hawng:
August 26, Zirtawpni chawhma Dar 11 khan Saitual Bial, N.Lungpher Biak In sak thar chu Rev.KVL.Hmangaihkima, District Superintendent chuan UPC- North East India Biak In pakhat ni turin a hawng. Hemi ni zingkarah khan N.Lungpher Sunday School Hall sak thar pawh Rev.Rohmingliana, District Sunday School Director chuan hawnna a nei bawk a ni.
Biak In hawnna hi Biak In tualah hman hmasak niin Rev.T.Lalbiakliana, Bialtu Pastor chuan a kaihruai a ni. Biak In hawnna hun hman zawh hian Biak In chhunga a lawmna programme hman chhunzawm niin Rev T.Lalbiakliana, Bialtu Pastor chuan inkhawm a kaihruai a, Rev.KVL.Hmangaihkima, District Superintendent hnen atang hian thuchah ngaihthlak a ni. Bro.Lalkima Zote bakah Kohhran zaipawl leh PYD ten fak hla sa in chibai bukna mi hrang hrang ten an nei a, Technical Report, T.Upa Lalramliana hnen atangin ngaihthlak a ni bawk.
Biak In hawn programme hi August 25, Ninga zan atanga August 28, Pathianni zan thleng khan hman niin inkhawm apiangin Bialtu Pastor lo ni tawh ten thusawi rawngbawlna an nei thin a, Zaipawl leh mimal zai ngaihthlak thin a ni bawk. Zirtawpni leh Inrinni- ah khan Biak In thar lawmna tisa ruai theh a ni a, Kohhran ten hlim takin hun an hmang a ni.
N.Lungpher Biak In hi Kum 2009 atanga sak kha niin a sak nan hian cheng nuai sawmthum vel an hmang a ni. Biak In hi a dung ft 72 leh a vang ft 33 a liana sak niin mihring tha singkhat chuang sen ral a ni. Sum leh pai bakah tha senral hlut zawng hi cheng nuai sawmnga pariat vel nia chhut a ni.
Sunday School Hall sak nan hian cheng nuai sarih vel sen niin a dung ft 48 leh a vang ft 21 aliana sak a ni.
———-
Beihrual thla:
September thla hi Kohhran ten Beihrual thla atana kan hman angin Aizawl East District chhunga Tualchhung Kohhran hrang hrangte chuan urhsun takin Beihrual hi hmang turin ruahmanna an siam. District atangin a hranpaa inkaihhruaina siam ni lovin Tualchhung Kohhran te hian anmahni remchan angin beihrual hi an hmang hlawm dawn a, Biak In-a hmang tur an awm laiin Kohhran In-a inkhawm a hmang tur an awm bawk a ni. Kuminah Beihrual thlaah hian Rev.R.Vanlalawia ziak “Chhandamna lawng” tih chu zir a ni dawn a ni.
———-
District Evangelist awmna hmun sawn:
Aizawl East District in ramlak beihpui a thlakna atana hmun hrang hranga rawngbawl tura a lak thenkhatte chu an awmna hmun hetiang hian sawn an ni. Heng awmna hmun sawmte hian September 8, Ningani-ah an awmna hmun thar thleng vek tura tih an ni.
1. Evan.MH.Laldingngheta – Suangpuilawn Bial.
2. Evan.H.Lalremhlua – Khawbung Bial
3. Evan.Lalamena – Bethlehem Bial
4. Evan.Lalhlimmawia – Khawruhlian Bial
5. Evan.C.Lalzidinga – Rabung Bial
6. Upa.Lalrokima – Hnahlan Bial
7.Bro.Lalhruaizela – Khawhai Bial
8. Sist.Vanlalpari – Keifang Bial.
9. Bro.Ramdintluanga – Saitual Bial
10. Evan.V.Kamneihthanga – Serchhip Dinthar Bial.
11. Evan.C.Lalropuia – Chhingchhip Bial
12. Evan.H.Lalhlimpuia – Khawzawl Bial
13Evan.K. Vanlaldika – Kahrawt Bial
14. Bro.Malsawmdawnga – Kawlkulh Bial
15. Evan.Lalbiakmuana – Zawmabawk North Bial.
———-
District PYD Executive meeting neih a ni:
August 30, Thawhlehni khan District Superintendent room-ah Rev.C.Lalmalsawma, President kaihhruaiin District PYD Executive meeting neih a ni. He hun hi District Kohhranpui hruaitute pawhin an telpui bawk a ni. Thu pawimawh tak tak ngaihtuah niin an thu passed langsar zualte:
1. North Bengal & Sikkim Missions Field hnuaia Darjeeling hmuna District PYD in Biak In a sak tur- District hruaituten a hmunah a sak dan tur leh tur dangte an en chu report ngaihthlak niin Darjeeling hmunah hian a ranglamin Biak In sak hna tan ni se tih a ni.
2. September 28, Nilaini-ah District PYD in Manual a siam thar chu District Committee room-ah hlanna hun hman nise tih niin Rev.KVL.Hmangaihkima, District Superintendent chuan hlanna nei se tih a ni. He hunah hian Aizawl khawpui chhunga Bial PYD President te sawm ni se tih a ni bawk.
Aizawl East District PYD OB te hian Kumin November thlaa Khawzawl hmuna General PYD Conference a thlen tura inbuatsaihna hrang hrangte enpuia, a tul anga hmalakpui turin September 5, Thawhtanni hian Khawzawl kal ni se an ti bawk a ni.
———-
Revival Crusade:
August 30, Thawhleh zan atang khan District Missions Department ruahmanna angin Keifang Bial, Keifang hmunah Chhandamna Crusade hman mek a ni a, ruahmanna ang chuan he Crusade hian Pathianni zan thleng a awh ang. Chhandamna Crusade-ah hian Speaker-ah Rev.VL.Hnemtluanga, District Missions Director leh Bro.H.Vanlalhruaia te hman niin Kohhran ten hlim takin hun an hmang a ni. Sis. F.Lalhriatchhungi’n zaia rawngbawlna a nei thin a ni.
August 27 leh 28 chhung khan Bawngkawn Bial Missions Department buatsaihin Peniel Biak In-ah Revival Crusade hlawhtling taka hman a ni bawk. Speaker-ah Evan F.Malsawmdawngliana chu hman niin Bial chhung Kohhran ten hlim takin hun an hmang a ni. Evan F.Malsawmdawngliana Speaker-a hmang vek hian Hnahlan Bial-ah tunah hian Revival Crusade hman mek a ni bawk.
———-
District LAD hruaitute rawngbawlna:
Sis. Zionparmawii B/W, President leh Sis. R.Lalramsiami B/W, Secretary District LAD te chuan August 25, Ningani khan District LAD Conference Kumin October 2, Pathianni hmanga hmanna tur Zohmun tlawhin Organising Committee te nen committee neiin hun hlimawm tak an hmang.
District LAD Hruaitute hian August 26, Zirtawpni khan Darlawn bial ah kal leh in Seminar neiin hun an hmang leh a, thupui ah chhungkaw maicham leh Rinna kawnga fate kaihhruai tih thupui hmangin paper present na neiin rawngbawlna an nei a, Pathianni chamin revival programme te neiin hun hlimawm tak an hmang nghal bawk a ni.
———-
Mithar leh baptisma chang thar:
August 27, Inrinni zan inkhawmah khan Saitual Bial, N.Lungpher Kohhrana lawi turin chhungkaw khat, member 4 chu Rev.KVL.Hmangaihkima, District Superintendent chuan Kohhranah sengluhna a nei.
Ngopa Bial, Teikhang Kohhranah August 28, Pathianni khan Evan Lalamena rawngbawlna kal zelah mi 4 in sual ngaihdamna baptisma an chang a, an zinga pakhat hi mithar a ni.
August 28, Pathianni vek khan Bazar Bial, Armed Veng-ah mithar pakhat Kohhranah sengluh a ni bawk.
Keifang Bial Keifang Kohhrana lawi turin August 28, Pathianni khan mithar pakhat Kohhranah sengluh a ni bawk. Keifang Kohhranah hian Bro.H.Vanlalhruaia leh a Team Disciples in Act 29 ten rawngbawlna an nei a, Kohhran chhungah harhna thlengin member thar pawh engemaw zat an sengluh tawh a ni.
Thuampui Vengthar-ah pawh August 28, Pathianni vek khan Evan H.Malsawmthanga rawngbawlna kal zelah mithar pakhat Kohhranah sengluh a ni bawk.
———-
Arunachal Missions Field tanpuina pe:
Arunachal Missions Field Pastor Quarters chung khuhna tur chu Philos Ministry leh mi tlawmngaite’n thawhkhawm in tanpuina an pe. Arunachal Field Karo Pastor Quarters Choka chung khuhna tur, Philos Ministry leh mi thahnemngai te thawhkhawm Rs 15000/- (Singkhat sangnga) tlingkhawm hi Aizawl East District District Missions Department Treasurer Evan. C. Lalchhuanga hnenah Pastor R. Lalfamkima’n a hlan a ni.
———-
Pathian chawimawina:
August 27, Inrinni khan Khawruhlian Bialtu Pastor, Pastor Hmingchungnunga Ralte te chhungkua chuan Pathian chawimawina an nei a, Kohhran ten hlim takin hun an hmang. Chawimawinaah hian Pastor J. Lalhmingsanga, Keifang bialtu Pastor chu Speaker a ni a, a thu sawi a ropui thin hle. Kohhran dang atangin chhimtu an awm nual reng bawk. Thlarau lam malsawmna lo thlengin mi pakhatin Thlarau baptisma a dawng thar a, lam ngai tawh lote an lam chhuakin hlim takin Kohhran ten hun an hmang a ni. August 28, Pathianni khan mi 5 in sual ngaihdamna baptisma an chang thar a ni.
———-
Hmuntha Rawngbawlna:
August 25 atanga 28 chhung khan Chhingchhip Bial, Hmuntha ah District Missions Director, Rev VL Hnemtluanga chu Rammu in rawngbawlna a nei. Rawngbawlna neih chhung hian zantin inkhawmna neih thin a ni a, August 28, Pathianni khan mi 3 in Isua hmingin Baptisma an chang. Baptisma chang zingah member Pakhat leh a fanu (Member 2) chu Bialtu Pastor HP Ramfangzauvan Kohhranah a senglut bawk. Hmuntha ah hian District Missions Evangelist Evan F.Vanlalruata’n rawngbawlna a nei mek a ni.
———-
Thuampui Bial Muthi rawngbawlna:
August 28, Pathianni khan Thuampui bial Pastor leh Bial OB te chuan Muthi kohhranah rawngbawlna an nei. Chawhma inkhawmah Bialtu Pastor, Rev.R. Laltlankima chuan rawngbawlna a nei a, mi pakhatin baptisma a chang a ni. Chawhnu hunah Kohhran hote Seminar neih puiin, bial OB 3 ten hun an hmang a. Tlaiah kohhran hote nen chawhlui kil hoin zan inkhawm ah Bialtu Pastor hian rawngbawlna a nei leh nghal bawk a ni.
———-
Hruaitute Programme:
Rev KVL.Hmangaihkima, District Superintendent chuan Pathianni hian a lawina District Hqrs. Kohhranah hun a hmang ang.
Rev.R.Laltlankima, District Secretary chuan Pathianni hian a Bial hmui mek, Thuampui Bial-ah hun hmangin rawngbawlna a nei ang.
Rev H.Lalropuia, District Treasurer chuan August 31, Nilaini khan Khawihai Bial, Sialhawk Biak In sak mek enpuiin hun a hmang a, Pathianni hian a bial hmui mek Khawlian bial fangin Chiahpui-ah rawngbawlna a nei ang.
Rev.VL.Hnemtluanga, District Missions Director chuan Keifang hmuna Crusade hman mekah Speaker-ah tangin rawngbawlna a nei mek a ni.
———-
———-
NORTH MIZORAM DISTRICT
HRUAITUTE PROGRAMME:
DIST SUPDT: Rev. Chhiarpuia chuan Pathianni kalta Aug ni 28 khan Chawlhhmun Biala Sakawrtuichhun Kohhran tlawhin an Biak in sak mek leh hmalak dan tur te a sawipui a, rawngbawlna a nei bawk.
DIST SECY: Rev. K. Lalduhsanga chuan Aug ni 28 Pathianni chawhma khan Sihphir Bial Serkhan kohhrante a tlawh a, zan thleng awmin rawngbawlna a nei.
Dist. Secretary hian Sept ni 4 Pathianni hian Lengpui Bial Dapchhuah kohhrante tlawhin rawngbawlna a nei ang bawk ang.
DIST TREASURER: Rev. C. Lalthantluanga chuan Aug ni 28 Pathianni khan Lengpui bial Dapchhuah kohhran tlawhin rawngbawlna a nei a ni.
DISTRICT MISSION DIRECTOR: Dist. Missions Director Rev. C. Lalramthanga chuan Mualthuam West-a Biak in work camp-a an sak mek chu Sept ni 1 khan chhunzawm turin a chhuak leh a, hetih rual hian Tuipuibari Hmar veng leh Tuipuibari Centre te tlawhin Biak in leh Quarters mamawh Solar light leh Ceiling fan te a pe bawk ang.
Sept ni 2- Mualthuam West Biak in sak hna hi workcamp in an chhunzawm ang a, Sept ni 4 Pathianni chu Kolalian Missions Field te hun a hmanpui bawk dawn a ni.
———-
Dist.LAD Hruaituten Kanghmun Bial an tlawh:
Pathianni kal ta Aug 28 khan NMD LAD hruaitute chuan Kanghmun Bial chhung Local hrang hrangah Chhungkaw Maicham Campaign neiin an fehchhuak.
LAD Hruatute hian Darlung, Bawngthah leh Kanghmun kohhranah te rawngbawlna hi an nei a ni.
Darlung kohhran-ah hian District LAD President Sist. Lalhmachhuani B/W in hun hmangin, Bawngthah-ah District LAD Secy. Sist Kross Chhuanawmi leh Dist LAD Tresurer Sis. Lalchhuankungi B/W bakah Kanghmun Bial LAD President Sist Manthangi ten rawngbawlna an nei a, Kohhran ho ten an rawngbawlna an hlawkpui hle.
———-
RAM LAK REPORT:
BUALPUI VENGLAIAH MITHAR:
Aug ni 30 thawhleh zan khan Norh Mizoram District Revival Team zinga Pentecost Apologetic team Speaker, Evan. H.Zoramsanga rawngbawlna kaltlangin Bualpui Venglai kohhranah member 2 lawm luh a ni. Evan. H. Zoramsanga leh a rawngbawlpuite rawngbawlna Lalpa’n mal a sawm a, Rammut thla chhungin mithar 11 lai Lalpan an rawngbawlna kaltlangin kohhranhote min pe ta a ni.
———-
RANGVAMUAL MITHAR:
Kar kalta Inrinni zan Aug ni 27 khan Evan. R. Lalrinchhana leh a rawngbawlpuite rawngbawlna kaltlangin Rangvamual Kohhrana lawi turin mithar 3-neih a ni. Heng mithar te hi Hunthar Bialtu Pastor Rev.H.Zabiaka’n Lal Isua hmingin kohhranah a lâwm lût a ni.
———-
SAIHAPUI ‘K’ MITHAR:
Evan Lalliankima chuan Rengtekawn Bial Saihapui ‘K’ Kohhranah Rammut Programme hmangin, Aug ni 28 Pathianni khan Mi thar -1 Pentecost kohhranah sengluh niin; NEI-UPC Saihapui ‘K’ Kohhrana lawi turin Lalpa Isua hmingin Lawmluh nghal a ni.
———-
KOL. VENGTHAR MITHAR:
Bro. C. Lalthafamkima, Maubawk chu, Aug ni 10 atang khan Kol Diakkawn Bial chhung Kol Vengthar kohhranah Rammuin rawngbawlna a nei a, A rawngbawlna atangin Thlarau lam boruak tha tak piah lamah Mi thar 2 leh kohhrana awmsa 1 in Aug ni 28 Pathianni sual ngaihdamna Baptisma an chang
———-
N.THINGLIAN HOME MISSIONS FIELD-ah Mithar:
Aug ni 26-28 chhunga rammut programme hmang Rev C.Lalthlengliana, Rengtekawn Bialtu Pastor leh Bro Lalmalsawma tevchuan N.Thinglian Home Missions field-a rawngbawlin Aug ni 28 Pathianni khan Mi thar -5 (chhungkaw khat) an sengluh a ni, heng mithar te hi Rev.C.Lalthlengliana, bialtu Pastor chuan kohhranah lawmlutin Nau -3 a hlan nghal bawk. Hetihrual hian Pathianni Inkhawmbanah Baptisma khur hawn niin; Puitling -5in Rev. C. Lalthlengliana kutah Sual ngaihdamna baptisma Lalpa Isua hmingin an chang nghal a ni.
———-
WEST PHULPUI-AH MITHAR 6:
W.Phaileng Pastor K.Ainawna’n W. Phulpui Mission Field-a a rawngbawlna kal zelah, Aug ni 29 thawhtan zan khan damna inkhawm buatsaihin a rawngbawlna kaltlangin mithar 6 Pentecost kohhranah lawmluh an ni. Damna inkhawm buatsaihah hian natna hrang hrang nei mi pakua te chuan Pathian tihdamna an chang tawh bawk
———-
SAMLUKHAI CRUSADE:
Aug ni 21 (2022) Pathianni Zan Inkhawmna ah Evan C.Lalruatanga Rawngbawlna atangin Pathian Thuthlung hmua mit tih var Sist Vanlalchhuanpari chu Sialsuk Bialtu Pastor Rev.K.Vanlaldikan UPC members ni turin kohhrana lawmluhna a nei a. Sual ngaihdamna Baptisma chantir a ni nghal bawk.
———-
EDENTHAR RAWNGBAWLNA:
Evan. T. Vanlalruata leh a rawngbawlpui Apostolic Revival Team te chuan Hunthar Bial Edenthar Kohhranah rawngbawlna neiin; Aug. ni 21 Pathianni zan khan Presbyterian kohhran atanga Pentecost kohhrana lo lut mithar pahnih an nei. Heng mithar 2 te hi lawmluh nghal an ni.
Hei bakah hian Aug ni 29 Thawhtan Zan khan Apostolic Revival Team te rammut rawngbawlna kal zelah mithar chhungkaw khat UPC NEI Edenthar kohhranah lawmluh an ni leh ta bawk a ni.
———-
NEW BUILUM KOHHRAN ,KOLASIB RENGTEKAWN BIAL:
Aug ni 24.8.2022 ( Nilaizan) khan Rev C.Lalthlengliana, Rengtekawn Bialtu Pastor chuan New Builum Local ah bial fan programme hmangin , Mi thar -7 chu Lalpa Isua hmingin a lawm lut ,Hetih rual hian Nau -4 hlan nghal a ni.
———-
KOLASIB RENGTEKAWN BIAL CHHUNG GOSEN VENG-AH MI THAR NEIH A NI:
Rengtekawn Bial Gosen venga Rammua rawngbawl Sist J.Lalmuankimi leh a ṭhian te chuan UPC-NEI KOhhran la dinlohna hmun Gosen veng: Kolasib-ah rawngbawlna neiin Mi thar – 9 an senglut tawh a, Aug ni 21 Pathianni khan mitharte hi Rev.C.Lalthlengliana Bialtu Pastorin Lalpa Isua hmingin kohhranah a lawm lut.
Gosen vengah hian inkhawmna tur Biak in an la neih loh avangin Bro Ramchangliana te Inah inkhawm thin a ni. Mithar lawmluh a nih hnu hian Puitling -3 te chuan sual ngaihdamna baptisma Lalpa Isua hmingin an chang nghal bawk a ni.
Mithar Lawmluh inkhawmah hian, Rengtekawn kohhran leh New Builum Kohhran aṭangin Bial hruaitu, Upa leh Tual up ate bakah Department hruaitu pawimawh tak tak ten hun an hmanpui bawk a ni.
———-
TLANGNUAM BIAL SAMTLANGAH MITHAR NEI:
Aug ni 20 (2022) 𝙄𝙣𝙧𝙞𝙣 𝙯𝙖𝙣 𝙠𝙝𝙖𝙣 𝙐𝙋𝘾 𝙉𝙤𝙧𝙩𝙝 𝙈𝙞𝙯𝙤𝙧𝙖𝙢 District Treasurer Rev.C.Lalthantluanga 𝙘𝙝𝙪𝙖𝙣 𝙎𝙖𝙢𝙩𝙡𝙖𝙣𝙜 𝙠𝙤𝙝𝙝𝙧𝙖𝙣 𝙩𝙡𝙖𝙬𝙝𝙞𝙣, 𝘽𝙧𝙤. 𝙇𝙖𝙡𝙣𝙪𝙣𝙥𝙪𝙞𝙖 of Mission Vengthlang 𝙧𝙖𝙬𝙣𝙜𝙗𝙖𝙬𝙡𝙣𝙖 𝙖𝙩𝙖𝙣𝙜a Member thar neih 𝘽𝙧𝙤. 𝘼𝙢𝙗𝙚𝙧 𝙇𝙖𝙡𝙝𝙧𝙞𝙖𝙩𝙖 chu Pentecost kohhranah 𝙖 𝙡𝙖𝙬𝙢𝙡𝙪𝙩 a, kohhranhote an lawm hle.
———-
NISAPUIAH MITHAR NEI:
Aug ni 21 (2022) Pathianni khan Sihphir Bial Nisapui Kohhran a lawi turin Evan. Vanrammawia’n Nupa tuak khat (member pahnih) UPC-NEI, North Mizoram District Nisapui kohhrana lawi turin a lawmlut a ni.
———-
Marpara Missions Field:
Aug ni 21 (2022) Pathianni zing khan Marpara a rammua fehchhuak Evan Vanlaldika chuan member thar pali Buddhist atangin a lawm lut a. Mithar pathum te hian Evan Vanlaldika kutah sual ngaihdamna baptisma an chang nghal bawk a ni.
———-
Rangvamual Kohhranah mithar:
Aug ni 27 Inrinni kalta zan khan Bro.Lalhmingthanga te chhungkua, member pathum (3) chu UPC(NEI) Rangvamual kohhrana lawi turin Rev.H.Zabiaka Hunthar Bial Pastor chuan Lal Isua hmingin a lâwm lût.
———-
MUALLUNGTHU-AH MITHAR 2:
Rammut thla denchhena Chaltlang kohhran ten Muallungthua an rammut rawngbawlna kal zelah Aug ni 28 Pathianni khan mithar 2 Pentecost kohhranah an senglut.
Muallungthu-ah hian August ni 20 & 21 khan Chaltlang kohhran aṭangin Rev. P. Vanlalfela, bialtu pastor leh Sis. K. Lalhmachhuani, Dist. LAD President hovin rawngbawlna an nei ṭan a. Pathianni kal ta Aug. 28 hian PYD President Evan. R. Lalṭhakima hovin bialtu PYD ten Pastor Rev. P. Vanlalfela ṭawiawmin rawngbawlna an nei leh a, mithar 2 sengluh an ni ta a, mithar 2 te hi Chaltlang Bialtu Pastor Rev. P. Vanlalfela’n a lawmlut a ni.
Muallungthu ah hian District rawihin Evan. Lalramnunsanga Sailo a awm mek a, amah leh Upa te thawhhona leh thawhrimna te, Chaltlang local aṭanga Lalpa mi hman mi inpe tak takte rawngbawlna zarah mithar duhawm tak neih a ni a, kohhranhote an lawm hle.
———-
NEW BUILUM MITHAR:
Kar kalta Aug ni 27-28 Inrinni leh Pathianni khan Rammut programme hmangin Evan Lianthangvunga leh a rawngbawlpui te chuan Rengtekawn Bial New Builum kohhranah rawng an bawl a, an rawngbawlna kaltlangin mithar 3 Pentecost-ah lutin mithar te hian sual ngaihdamna Baptisma an chang nghal bawk a ni.
———-
THILPEK PE:
HQRS. BIAL PYD TE MISSIONS FIELD TAN AN FEHCHHUAH:
Hqrs. Bial PYD te chuan Aug ni 23 khan NMD Home Mission Field Vawnawnzo Biak in Pulpit leh Lecturn siamna atan Rs. 20000 Dist. Missions Treasurer kutah an hlan. Hqrs. Bial PYD ten Field mamawh hria a thilpek petu Hqrs. Bial PYD hruaitute chungah lawmthu an sawi a ni.
———-
COMBO PE:
Aug ni 28 Pathianni khan Darlung Kohhrante tan Bro.Lalmuanawma te chhungkua Chawlhhmuna awm te chuan Darlung Kohhrante’na an mamawh em em Combo Rs.15000 man tha tak an pe, Darlung kohhrante hian Kohhranho te hian hmangaih taka thilpek petu Bro.Muantea leh a chhungte chungah lawm thu an sawi a ni.
———-
BIAL/KOHHRAN ACTIVITIES:
CHHANDAMNA CAMPING: : North Mizoram District PYD chuan Sept ni 5 thawhtanni atang hian thlakhat chhung awh Chhandamna Camping nei turin ruahmanna a siam a, Camping-a lut tur hian Lal Isua mamawh a duh apiangte chu NMD PYD te hian an sawm a ni.
Camping hi Sept 5 thawhtanniah luh tan tur niin; Camping Chhawng Khatna hian Sept ni 5th atanga ni 18th thleng awhin, a Chhawng hnihna Sept ni 19 atangin Oct. ni 2nd thleng a awh thung dawn a ni. Camp Follow up prog.hi camping neihna hmun NMD Camping Centre, Sakawrtuichhun ah vek neih tur a ni dawn a ni.
Camping Organising committee chuan Camping-a lut duhte tan Bus tlan dan tur ruahman siamin; Setp ni 5 Tlai Dar 3 atanga chhuak turin hetiang hian ruahmanna a siam a, Camping-a lut tur te phur turin Bus 2 ruahman a ni a, Bus No 1 hi UPC-North Mizoram District Office kawt aṭangin a chhuak anga. Bus no 2 hi Chaltlang Bial Bawngkawn kohhran Biakin Kawt (Bawngkawn Brigate) atangin a chhuak dawn a ni.
Tin, Camping-a lut turte’n Mutbu, Bible leh Note Bu bakah Mahni thuamhnaw leh mimal mamawh angte ken tur a ni dawn a ni.
———-
RENGDIL BIAL MUALTHUAM WEST-AH BIAK IN SAIN WORKCAMP:
N.Mizoram District Missions Director Rev. C. Lalramthanga leh a thuihhruai member te chuan Kumin kum tira kohhran thar dinna Rengdil Bial Mualthuam West-ah Biak in sa in work camp an nei.
Biak in sak hna thawk tur hian Aug ni 23 thawhlehni khan Aizawl atangin mi 3 bakah Lengpui Bial atangin 3 vek an thawk chhuak bawk, Biak in hi RCC-a sak tura ruahmanin thawktute hian ni 3 leh zan thum 3 thawkin Biak in beam leh ban tur an phun kim hman a ni. Work camp thawhkhatna a kal te hi
1. Rev. C. Lalramthanga, Dist. Missions Director
2. T.Upa H. THantlaunga, DIst. Missions Driver
3. Bro. Lalnunhlima,
4. Bro. Malsawmkima,
5. Bro. Phillip-a
6. Bro. Lalhmangaihzuala,
7. Bro. Remruatkima
8. Sist. Khawlliani te niin a hmuna rawngbawltu awm Bro. Vanlalsawma leh a kohhran enkawlte’n Biak in sak hna hi a hma atangin an lo thawk tawh bawk.
District Missions Director leh Missions Drivers te hian Sept ni 1 khan work camp turin Mualthuam West panin an fehchhuak leh bawk a ni.
———-
AIBAWK BIAL THUTHAR:
Aibawk bial Missions Deptt hruaitute chuan bial fan thawhhnihna Aug ni 28 Pathianni khan neiin; Chawhnu-ah Aibawk kohhran tlawhin bial Director Tual Upa MS Dawngliana’n rawngbawlna a nei a, Zan lamah Sateek kohhran tlawh lehin, bial Missions Treasurer Upa Vanlalkiman rawngbawlna a nei thung.
———-
SOLFA TRAINING NEI: SOLFA TRAINING NEIH MEK A NI:
Dist.PYD Music Committee hmalakna in Dt. 26th Aug.2022 aṭang khan Pastor Bial thenkhat ah Solfa Training neih mek a ni. Dist.PYD Music Committee Rorel angin Bial hrang hrang aṭanga Solfa training duh bialte in report in Dist.PYD music Committee hmalaknain Dilana thlen Bialte ah Trainer/ instructor tur in tirchhuakin a hmunah (Bial 5 ah) kalchilhin Training hi pek a ni.
———-
———-
LUNGLEI DISTRICT
LUNGLEI DISTRICT UPC DAY VAWI 57-NA:
Aug.ni 29 Thawhtanni kha Lunglei District UPC Day vawi 57-na a ni a, he ni hi Lunglei District UPC kohhran ni pawimawh a nih angin kohhran Office, zirna in leh hmun pawimawhte khar a ni.
He ni hi Lunglei District chhunga Local hrang hrangin an remchan dan angin a lawmna hun an hmang a, Local tam zawk chuan zing karah Pathian hnena lawmthu sawiin tawngtai hona an nei a, zan lama Day lawmna hun hmang an awm bawk.
February 19, 1950-a Mizorama UPC kohhran din anih hnu khan August 29, 1965-ah Mizoram chhim lamah chuan District hran din a ni a, a hming atan South Mizoram District tih niin, he hming hi 1979 thleng khan a pu zui a, 1980 atangin Lunglei District tia thlak a lo ni ta a ni.
South Mizoram District din ni hi Lunglei District din ni atan hman chhunzawm zel a ni a, tun kum hi Lunglei District a indan atanga kum 57- na a ni.
Lunglei District UPC huam chhungah hian bial 20 awmin Local 114-a awm mek a, Member hi 19000 chuan an awm mek a ni.
Tuna Lunglei District hruaitute:
Superintendent – Rev.C.Vanlalena
Secretary – Rev.C.Lalrintluanga
Treasurer – Rev.PC.Lalfakawma
———-
LITERATURE BOARD AN THUKHAWM:
August ni 30 Thawhlehni khan Literature Committee, Lunglei District UPC chu District Superintendent Room-ah an thukhawm a, an rorel langsar zualte:
– Nakum 2023-a District PCD thuzir bu, Pastor Jerry Lalmuanawma ziah chu Publish sak nise tha tih a ni.
– Bial leh Local hrang hrang chanchin ziahna lehkhabu tih chhuah tur chu bial leh Local atanga lo lut tawh te chhut theih turin Press-ah pek thlak nise, la thehlut lo bial leh Local ten an thehluh thuai theih nan hmalak ni bawk se tha tih a ni.
———-
SHORT FILM RESULT PUANG DAWN:
Thianghlimna Committee, Lunglei District UPC in Short Film siam intihsiakna a buatsaih result chu September ni 4 Pathianni chawhnu hian District UPC Conference Hall-ah puan a ni ang.
He hun hi District Thianghlimna Committee Chairman, Rev.C.Lalhriatpuia chuan a kaihruai ang a, Sist.Amber Lalmuanpuii chuan zaia rawngbawlna neiin, Evan.V.Lalduhawma chuan Result a puang ang. District Thianghlimna Committee Treasurer Sist.Lalramlawmi Sailo B.w kaihhruainain Result puan chhunzawm a ni ang a, Upa C.Lalhmangaiha chuan lawmthu sawina neiin District Treasurer Rev.PC.Lalfakawma chuan tawngtainain hun tawp a khar ang.
———-
THUTHLUNG CRUSADE CUM SEMINAR :
September ni 3-4 chhung hian Pukpui Local PYD-te chuan Thuthlung Crusade Cum Seminar an buatsaih dawn a, Speaker atan District Secretary Rev.C.Lalrintluanga chu an hmang ang. September ni 3 Inrinni zan atangin Crusade hi hman tan a ni ang a, September ni 4 Pathianni chawhnu ah Seminar neiin hun an hmang ang.
———-
CRUSADE :
September ni 3 Inrinni zan atang hian Bualpui V Home Missions Field chuan Crusade an buatsaih dawn a, Speaker atan Sist.PC. Lalhmangaihzuali, B.w Maubawk Local chu an hmang ang. He Crusade hi tiam chin awm lo a neih tur a ni ang.
———-
MI THAR :
August ni 28 Pathianni khan Dinthar Local, Lungrang (Chawngte Bial ah) member thar- 17, Evan T. Lalzawmsanga, Short Time, Evangelist Chawngte bial chhawr lai chuan a lawm lut.
———-
———-
CHHIMTUIPUI DISTRICT
RAM MU IN FEHCHHUAK
Ni 26.8.2022 Khan Rev Dr C Sihmo District Mission Director chu ram mu turin Riasikah a pan.A thlen zan atang rawngbawlna nei tan in,chawlhni zan thleng rawngbawlna hi anei ang.
Ni 27.8.2022( Inrin ni) ah Rev Kholy Hlychho District Treasurer chuan chawlhni hmang turin New Laty Home mission field tlawh in a fehchhuak.Thuthlunga rinawm taka awm Kohhran chhungkaw khat Unaupa Bena te chhungkua pawh an lawm hle.
———-
SANGAU BIAL PYD ZAIPAWL TEN INDUCTION SERVICE HMANG.
Sangau Bial PYD hnuai a Zaipawl Sub-Committee hmalakna in vawin Date 28/8/2022(Sunday) khan zaipawl member 31 te chu Sangau Bialtu Pastor V. Lalhlimpuia in lawmluhna hun a hmang a..
Zaipawl sub committee lawmluhna hun hi. Upa HC Ramtinuka (Bial PYD president,Sangau Bial) in kaihruaiin, zaipawl sub Committee Chairman Rbt H.Thangkimliana hnen aṭangin report ngaihnawm tak ngaihthlak niinSangau Bial PYD Local hrang hrang aṭangin fuihna thuchah ngaihthlak ani bawk
———-
———-
LAWNGTLAI WEST DISTRICT
Hruaitute Programme:
District Superintendent, Rev.F. Lalbiakthuama leh District secretary, Rev.Lalsawmliana Sailo te chuan Lawngtlai South Bial ten Ram mut beipui an neih ah speaker ah an tag.
District Treasurer, Pastor S.Vanlallunghnema chuan Lawngtlai North Bial ten Revival Crusade an neih ah a telpui ang.
———-
BIAKIN THAWM THATNA WORK CAMP NEI
August ni 22 khan Vathuampui bial chuan work camp nei in Chamdur Project Biak In thawm that hna an thawk a, local hrang hrang atangin mi 30 vel an kal thei a ni.
———-
THILPEK DAWNG
August ni 24 khan Vathuampui bial chhunga Chamdur P biakin sak mekah mitha hnem ngai ten thilpek pe in thilpek pe te chungah bialtu Pastor B.Lalbiakchhunga chuan lawmthu a sawi tak meuh² a ni.
Upa R Lalhmuakliana Damdep II local chairman chuan Chamdur Project Biak In sak that hnatlang thawk mekte thingpui lum nan Rs 500 a lo thawh a, Upa C Zobuailiana Vathuampui local chairman chuan Chamdur Project kohhranhote tan thingpui no, dozen 2, a pe a, tin, Upa K Zoramthara Vaseikai local secretary chuan Chamdur Project Biak In tan Sanapui pakhat a pe bawk, kohhranhote thilpek min pe tu te chungah an lawm tak zet ani.
———-
REVIVAL CRUSADE NEI
August ni 25 – 28 chhung khan Lawngtlai North bial chuan Lawngtlai AOC Local Church ah Revival Crusade an nei a, Speaker ah Rev.R.Sangthanga chu hmang in Kohhran ten hlawk tak in hun an hmang a ni.
Facebook