GENERAL HRUAITUTE PROGRAMME
General Superintendent, Rev. R. Lalrinsanga chuan September ni 18 Pathianni hian Thuampui Bial ah, Bial chhung a rawngbawltute hun hmanpuiin rawngbawlna a nei ang.
———-
ACHIVE COMMITTEE:
September ni 16 Zirtawpni khan General Archive Committee chu General Headquarters Committee Romm, Mualpui salemveng Aizawl ah neih a ni.
He meeting hi General Archivist Rev. JH Zahluna’n kaihruaiin, General Officials te an tel kim thei bawk. An rorel langsar ziangah Kum 2021 December thla a Mizoram-a UPC Kohhran History chung chang symposium an neih a thurel bawh zuiin he tiang hian thu tih tluk a ni.
1. Mizorama Kohhran dinna hmasa ber chu Lungleng-1 khua a ni.
2. Mizorama UPC Kohhran Biak In dinna hmasaber chu North Lungleng khua a ni.
3. Mizorama Lalpa Isua hminga Baptisma channa hmun hmasa ber chu Varak Dil, Aizawl a ni.
Heng te hi Kohhran History a pawm a nemnghet turin Executive Board a thlen tur a ni.
———-
———-
BARAK DISTRICT
September ni 11 Pathianni khan Jiribam Bial, Pangkot Local ah Pastor L. Kapma, District Secretary chuan Mi Pali chu Lalpa Isua hmingin sual ngaihdamna Baptisma a chan tir a, an zing a pakhat hi mi thar a ni.
September ni 11 Pathianni khan Chhimtuipui District,Council Veng Local LAD, Siaha West Section-te chuan Barak District, Saron Local Church khuang lei na tur Rs. 3000 chu Evan. Peter Lalawmpuia District Evangelist kut ah an hlan a ni.
———-
———-
LAWNGTLAI WEST DISTRICT
District Superintendent, Rev.F.Lalbiakthuama chuan Lawngtlai North bial Mission Department Conference a telpui anga Pathianni zingah Pathian thuchah sawina a nei ang.
District secretary, Rev.Lalsawmliana Sailo chuan Sep ni 18 Pathianni hian Bungtlang Bial tlawh in Bungtlang bial Local hrang² ah missionary support zawngin rawngbawlna a nei ang.
District Treasurer, Pastor S.Vanlallunghnema chuan a bial hmui mek Lawngtlai North bial Mission Conference a telpui ang.
———-
MITHAR LAWMLUT LEH NAU HLANNA
September ni 11 Pathianni khan Bungtlang South Local-ah Pastor K Lalzawmsangan mithar pahnih(2) Kohhranah lawmlutin Lalpa Isua Hmingin Sual ngaihdamna Baptistma a chantir a, naute pakhat(1) hlanna a nei bawk.
September ni 11 Pathianni khan Upa L.Lalnunzira Lawngtlai AOC Chairman chuan member thar pakhat(1) Lawmluhna a nei a, hemi rual hian Rev.TV. Mawngchina’n Naute Pakhat(1) hlanna a nei bawk .
———-
THLAITHAR KUT LEH THAWHLAWM
September ni 11 Pathianni khan Vathuampui bial, Mautlang Local church ten Thlaithar kut pualin hun an hmang. Tin, kumtin Mission Department pual a chhungtin ten an ar vulh te thawh khawm in an lilam a Mission target tlak nan an chhungkhawm thin bawk a ni.
He programme hi bialtu Pastor B. Lalbiakchhunga leh bial chhunga mi pawimawh then khat ten an hman pui bawk a ni.
———-
BIAL MISSION CONFERRNCE HMANG
September ni 16 – 18 chhung khan Lawngtlai North bial chuan Lawngtlai AOC Local Church ah Bial Mission Conference an hmang a. He Conference ah hian speaker ah Evan. Lalhmangaihzama, Hmawngbu Home missionary, PCES Principal i/c ni bawk chu an hmang a ni.
———-
———-
LUNGLEI DISTRICT
SOCIAL WORK DAY HMAN DAN TUR REL :
October ni 2 hi kumtin Social Work Day atan PYD (NEI) chuan a hmang thin a, kumin hi Pathianni anih avangin he Social Work Day hi October ni 3 Thawhtanni ah hman a ni ang.
Lunglei District chhunga Town Area PYD te chuan a huhoin he Social Work Day hi an hmang dawn a, a hman dan tur hi September ni 11 Pathianni chawhnu khan Pentecostal Youth Department, Lunglei District hnuaia Social Work Day Organising Committee chu an Chairman Upa C.Malsawmkima Quarters, Chanmari-ah Town Area Local tin aiawhte nen thukhawmin an rel a, Social Work Day hi Sobji Bazar leh a chhehvel tihfai nan hun hman nise tiin an rel a ni.
———-
BIAL MISSIONS CONFERENCE HMANG DAWN:
September ni 16-18 chhung hian Chhipphir bial Missions Department Conference vawi 35-na chu Chhipphir Local UPC biak inah neih a ni dawn a, Speaker atan District Missions Director Rev.R.Vanlalenga chu hman a ni ang a, thupui atan ‘Khawvar hmain a thova, a chhungte ei tur a pe thin’ Thufingte 31:15 chu hman a ni ang.
———-
DIAMOND JUBILEE CUM BIAK IN HAWN :
September ni 16 Ningani khan Rangte N Local-te chuan Diamond Jubilee Cum Biak in hawn Programme hlim takin an hmang.
Chawhma dar 10 ah biak in hawn Programme hman tan a ni a, Lungsen bialtu Pastor PC.Zion Rammawia chuan biak in hi a hawng a, biak in chhungah inkhawmna neih chhunzawm niin Upc HC.Lalruata, Chairman, Building Committee chuan inkhawm a kaihruai a, Bro.Albert V.Zirthanenga, Secretary, Building Committee chuan Report pein bialtu Pastor PC.Zion Rammawia chuan thusawina a nei a ni.
Chawhnu dar 1 atangin Diamond Jubilee lawmna Programme hman tan leh a ni a, District Superintendent Rev.C.Vanlalena chuan Jubilee lung hawnna a neih hnuin inkhawmna neih chhunzawm a ni a, he hun hi Evan. Lalramsanga Jongte, Chairman Rangte N Local chuan a kaihruai a, Upa Rody Rodintluanga, Secretary Rangte N Local chuan Report pein District Superintendent Rev.C.Vanlalena chuan thuchah puan chhuahna a nei a, Sist. HC. Lalengzami chuan zaiin rawngbawlna a nei a, tlai lamah biak in hawn leh Jubilee lawmna ruai an kil ho a ni.
———-
SALVATION CUM REVIVAL CAMPING HLAWHTLING TAKA NEIH A NI:
September ni 6-10 chhung khan Thingsai Local ah Salvation Cum Revival Camping neih a ni a, Speaker atan Rev R Sangthanga chu hman a ni. He Camping ah hian Campers 68 awmin tui Baptisma chang mi 22 an awm a, an zingah hian mi thar 2 an tel bawk. Baptisma rawngbawlna hi bialtu Pastor Lallawmsanga chuan a nei a, Thlarau thianghlim Baptisma chang hi mi 40 vel an awm bawk a ni. September ni 10 Inrinni leh ni 12 Thawhtanni ah te khan Pathian chawimawina ruai an buatsaih a, hlim takin hun an hmang.
———-
MI THAR :
Sist. PC. Lalhmangaihzuali B/W Speaker ah hmang a, Bualpui V Missions Field a Revival Crusade neih kal zel ah, September ni 13 Thawhlehni zan khan puitling Hmeichhia pakhat chu UPC Bualpui V a lawi turin Home Missionary Evan. R. Lalrokhawman a lawm lut.
September ni 11 Pathianni khan Lungsen S Local a lawi turin Evan B.Lalchungnunga’n mi thar 3 (puitling 1 leh Naupang 2) a lawm lut bawk.
September ni 9 Zirtawpni khan Tlabung Local-a lawi turin bialtu Pastor R.Lalremsiama chuan mi thar 5 (Puitling hlir) a lawm lut bawk.
———-
———-
NORTH MIZORAM DISTRICT
DISTRICT EMERGENCY BOARD NEI:
UPC-North East India, North Mizoram District chuan vawiin Sept ni 13 khan Dist. Hqrs. Biak In, Tuikhuahtlangah Emergency Board kovin; Rev. Chhiarpuia Dist. Supdt.-in Board Meeting a kaihruai a. Rev. R. Lalrinsanga Gen. Supdt. UPC-NEI chuan a ho bawk.
Board meeting-ah hian Mizoram UPC nena Kum 27 chhung zet thubuai an neih, Supreme Court in September ni 7-a NEI UPC te thiam a chantir chungchang chu thlir hovin hmalak dan tur an rel a, tuna Mizoram UPC ten UPC-NEI building leh Biak in etc. an luah te chu a hma thei anga an chhuahsan dan tur kawng dap tha an ti a, hemi chungchangah hian UPC-NEI General Hruaitute leh N.Mizoram District hruaitute’n kawng lo dap se an ti.
———-
BIAL SUNDAY SCHOOL INKHAWMPUI TLUANG TAKA HMAN ZAWH A NI:
UPC North Mizoram District chhunga Bial 31 te chuan Sept ni 10 leh 11 hmang khan Bial SS Conference a rualin an hmang.
Sept ni 10 Inrinni chu Bial SS rorel-na atan hman a ni a, Confe rorelah hian kum 2023-a conference neih na hmun tur te, SS Dept buatsaih, Bial huapa hmalak dan tur hrang hrang te an rel bawk. Confe ah hian Begginners atanga Doctrinal Dept thlengin Pathian thu leh hlaa intihsiakna hrang hrang neiin; a bik takin Beginners lam intihsiak nei te’n mipui lawm an hlawh thin hle.
———-
DIST. MISSIONS EXECUTIVE MEETING NEI:
Sept ni 15 Ningani khan NMD Missions Executive meeting neih a ni. Meeting hi District Office Missions Director room-ah neiin; members an telkim thei a, an rorel pawimawh zingah tun hnaia kohhran dintharna hmun Bawngva hmunah rawngbawltu dah relin Bro. Vanlaltanpuia Chawlhhmun chu he hmuna rawngbawl tur hian ruat a ni. Hetih rual hian Kohhrante’n Biak in inkhawmna tur an mamawh hmasak avangin Biak in sak dan tur ruahmanna a rang lama kalpui an rel bawk. Hetih rual hian Vawngawnzo Missionary Sist. Esther-I chu dam lohna avangin hun rei tak Field-ah a awm thei tawh lova, a natna enin field-a chhuk leh thei mai dinhmuna a din loh avangin; Mamit Bial hruaitute nen inberawna Damdiai Missionary Evan. Gospel R. Lalrinmawia’na a lo hmui theih dan tur kawng dap tha an ti bawk.
———-
PENSIONER TE CHAWHLUI KIL PUI:
UPC-NEI, North Mizoram District Supdt. Rev. Chhiarpuia chuan NMD chhunga rawngbawltu Pensioner te Sept ni 15 Ningani tlai khan zanriah kilpuiah sawmin; District Office common room inkhawmhona an nei a, he inkawmhonaah hian Mz UPC ten court-a an khin avanga kum 27 harsa taka an lo kal dan chungchang te leh Sept ni 7 Nilaini-a Supreme court in High Courh ruling anga thiam a chantirnaah an lawm thu te an sawi a, hemi chungchanga hruaitute chet lak dan Kohhran taka an rorelna te chu Pensioner te hian fakawm an tihthu te an sawi bakah Pensioner te hian kohhran chu Lalpa en reng chunga fimkhur taka ke pen zel tura fuihin Mizoram UPC te pawh kan Unau, hun rei tak chhung rawng kan lo bawlpui te an nih hre reng chunga rawng kan bawlho leh theih dan a awm a nih phawt chuan chu mi kawng chu zawng zel tura hruaitute an duh thu an sawi bawk.
Pensioner te hi remchang angin PenNet North Mizoram District chuan interview an lo neihpui bawk a ni.
———-
BEIHRUAL INKHAWM KALPUI MEK:
North Mizoram District chhunga Bial 31 te chuan September thla chhunga Beihrual thupui CHHANDAMNA LAWNG tih bu atangin Inrinni leh Pathianni zan tih loh zantin inkhawmin ngawrh takin THupui te an zir a, beihrual inkhawm hi kohhran thenkhat chuan group 2-ah te inthenin in lamah an inkhawm kual a, thenkhante’n Biak in lamah beihrual inkhawm hi neiin; in lama thleng duh tan sawm theih an renga awmin beihrual inkhawm an kalpui bawk thin.
———-
DISTRICT PYD BUATSAIH CHHANDAMNA CAMPING KALPUI MEK:
North Mizoram District PYD bultuma Chhandamna Camping chu NMD Camping Centre Sakawrtuichhunah tluang taka kalpui mek a ni. He Camp hi Sept ni 5 thawhtanni zan atanga tan niin chhawng khatna hian Sept ni 5-18 chhung awhin, Sept ni 19-ah Camping chhawng 2-na chhunzawm leh leh a ni ang a, Camp chhawng 2-na hian October ni 2 thleng a awh dawn a ni.
Camping chhawng khatna hian campers mi 124 lutin dan luih theih loh mi 5 bawr vel an chhuak leh bawk.
Chhamdamna Camping Orgnising Hruaitute:
Chairman: Evan. C. Lalruatsanga, DIst. PYD Secy.
Secretary: Bro. Lalmuanawma, Lungeng North
Treasurer: Bro. Samuel Lalnunsanga Pachuau, Chawlhhmun
Camping mawh latute
Camp Directors: 1) Evan. R. Lalmanliana, Maubawk & 2) Evan. H. Lalnunzira, Maubawk
Secretary: Evan. ZD Lalhmangaihzuala, Lengpui Bial
Speakers: 1) Evan. C. Lalruatsanga 2) Evan. T.Vanlalruata
Councellor: 1) Lalnunpuia, Mission Vengthlang 2) Bro. Zion Lalramngaia, Bawngkawn 3) Bro. Laltanpuia, Chawlhhmkun 4) Bro. Lalsangpuia, Edenthar te an ni.
———-
———-
AIZAWL EAST DISTRICT
Archive Cell meeting neih a ni:
September 13, Thawhlehni khan District Superintendent room-ah Rev.H.Lalropuia, Chairman kaihhruaiin District Archive Cell meeting pawimawh tak neih a ni. He hunah hian member an telkim thei a ni. Hmalakna tur hrang hrang ngaihtuahin an thu passed langsar zualte:
1. Archive Room a dah tur Bungrua hlui leh dahthat tur awm chi te lakkhawm ni se tih a ni a, Bungraw pawimawh lakkhawm dan tur chu hetiang hian ruahmanna siam a ni.
a) Office bungrua pawimawh te – District-pui hruaitute kutah dah a ni
b) District Department Bungrua-te – District Department hruaitute kutah dah a ni.
c) Bial Document leh pawimawhte – Bial tinah information pek tura tih a ni.
d) Tul leh pawimawh dang te chu Archive Cell hruaitute kutah dah a ni
2. Archive room atana hman mek hi a hmun nghet ala nih loh avangin tun dinhmunah chuan bungraw laksawn theih chi hmanga bungrua te dahthat nise tih niin Thlalak dahkhawmna siam a, Photo album hmang a thlalak te vawnthat ni se tih a ni. Hruaitu hlui, mi pawimawh leh Pastor boral tawh te tan hmun siam tha tih a ni bawk.
3. Aizawl East District Bial hrang hrangte an bial lo din dan theuh te ziaka District Archive Cell ah thehlut tura ngen nise.
1. Bial Jubilee- hmang tawh te hnenah an Souvenir dil ni se.
2. Souvenir la siam lo te hnenah an Bial lo din dan ziak tur a ngen nise
Archive room atan hian tuna Office Building hlui zawk kawng an leh Building hnuai hi Family Guidance & Councelling Centre atan hman turin tunah hian cheithat mek a ni.
———-
Bial Sunday School Inkhawmpui hlim taka hman zawh a ni:
Aizawl East District hnuaia Bial hrang hrang ten September 9, Zirtawp Zan atanga Bial Sunday School Inkhawmpui an hman chu September 11, Pathianni Zan khan Pathian Thlarau Thianghlim awmpuina hnuaiah hlim taka hman zawh a ni.
Inkhawmpui tan zan, Zirtawp Zan khan Bial thenkhatah chuan Tualchhung Kohhran hrang hrang ten report pe in Puitling lamin intihsiakna an nei tan a, Bial thenkhat erawh chuan Inrinni rorel inkhawm neihah Tualchhung report an pe thung a ni. September 10, Inrinni nileng khan mahni Bial inawpna leh District-a lut turte ngaihtuahin rorel inkhawm neih a ni a, he hunah hian Bial Sunday School Secretary leh Treasurer ten report an pe bawk a ni.
Sunday School Inkhawmpui-ah hian Naupang lamin mal zai, thu leh thu inchhang, Recitation, Lengkhawm zai leh Group zai tea intihsiakna neiin Bial thenkhat-ah chuan Puitling lamin Lengkhawm zai leh Puitling Zirlaibu atangin Quiz intihsiakna an nei ve bawk a ni. Bial thenkhat chuan intihsiakna nei lovin meet anga hun hman a ni a, Naupang lam ten Item chi hrang hrang hmangin Pathian fakna an nei thin a ni.
Tarlan tawh angin tun dinhmunah Aizawl East District chhungah hian Bial 31 awm mekin Puitling leh Naupanga Sunday School hming ziak singkhat leh sangriat chuang an awm mek a ni. District Sunday School leh Kohhranpui hruaituten hetiang hian Inkhawmpui an hmanpui a ni: District S.S Director, Rev.Rohmingliana chuan E.Lungdar Bial-ah a hmanpui a, Secretary Evan.K.Lalmuansanga chuan Mualpui Bial hmanpuiin Treasurer Evan Hr.Lalrindika chuan Chhingchhip Bial a hmanpui bawk a ni. Chhingchhip Bial te hian Inrinni khan Seminar neiin Evan.Hr.Lalrindika hi Resource person-ah an hmang nghal a ni.
———-
Mithar:
Zemabawk Bial, Bungbangla hmunah September 10, Inrinni zan khan mithar 2 Kohhranah sengluh an ni. Bungbangla hmunah hian Evan Thangneihsanga’n rawngbawlna a nei mek a ni.
September 10 – 11 chhung khan Darlawn Bial Sunday School inkhawmpui Ratu Vengpui hmunah hman a ni a, he inkhawmpui-ah hian Speaker-ah Bialtu Pastor Robert Lalrinsanga chu hman niin thupui-ah “Engkimah fimkhur ula” tih hman a ni. Inkhawmpui neih chhung hian Kohhran dang atangin mithar pakhat Kohhranah sengluh a ni a, hlim takin hun an hmang a ni.
———-
Thlarau Thianghlim mi 14 in dawng thar:
September 9 atanga 11 chhunga Bawngkawn Bial Sunday School Inkhawmpui, Bawngkawn Biak In-a hmanah S.S naupangte zingah Thlarau Thianghlim dawng thar mi 14 an awm. Bawngkawn Bial te hian Pathian Thlarau Thianghlim chenchilhna hnuaiah hlim takin inkhawmpui hi an hmang a, Naupang te hian Thu, Thu inchhang leh hla hmanga item an nei a ni. Inkhawmpui tan zan Zirtawp zan atang khan Thlarau lam hla nen hun hmang nghalin Pathian zan thleng khan hlim takin hun an hmang a ni.
———-
Hruaitute Programme:
Rev.KVL.Hmangaihkima, District Superintendent chuan Imphal hmuna Crusade hman mekah Speaker-ah tangin rawngbawlna a nei a, ruahmanna ang chuan September 19, Thawhtanni-ah Aizawl a let leh ang.
Rev R.Laltlankima, District Secretary chuan Khawhai Bial Revival Crusade Khawhai hmuna hman mekah Speaker-ah tangin rawngbawlna a nei a ni. Ruahmanna ang chuan September 19, Thawhtanni-ah Aizawl a let leh ang.
Rev.H.Lalropuia, District Treasurer chuan Kohhran thil tul pawimawh tiin Darlawn Bial, Ratu Vengpui hmunah hun a hmang mek a, September 19, Thawhtanni-ah Aizawl a let leh ang.
Rev.VL.Hnemtluanga, Missions Director chuan Pathianni hian Keifang hmunah District Missions Evangelist induction neii rawngbawlna a nei anga, Thawhtanni-ah Aizawl a let leh ang.
Facebook