GENERAL HRUAITUTE PROGRAMME:
General Superintendent Rev. R. Lalrinsanga chuan October ni 13 – 15, 2023 chhung hian Lunglei District, Lungsen Bial Missions Conference Vawi 40-na hman puiin Speakerah a tang.
General Treasurer, Rev. Lalmalsawma Sailo chuan October ni 13 – 15, 2023 chhung hian Lunglei District, Chawngte Bial ten Rawngbawltu Seminar an neih ah resource person niin hun a hmang.
General Missions Director Rev. R. Laichhingpuia leh Treasurer Evan. F. Lalsangliana te chuan October ni 13 – 15, 2023 chhung hian Odhisa Field Conference, Phulbani a neih chu hmanpuiin rawngbawlna a nei.
General Sunday School Director, Rev. Biaksangzuala chuan October ni 14 hian Rabung Bial, Hliappui Kohhran Biak In hawnna ah hun a hmanpui.
———-
GENERAL LAD CONFERENCE VAWI 45-NA
United Pentecostal Church of NEI, General Ladies Auxiliary Department Conference vawi 45 na chu October ni 6 atang ni 8 chhung khan Serchhip, Electric Veng UPC Kohhran Biak In ah hlawhtling tak a neih a ni.
General LAD Conference vawi 45-na hi ruahmanna hmasa ah chuan Churachandpur District a neih tur a tih a ni a, amaherawh Manipur rambuai avangin a hmun sawn niin Serchhip khua, Aizawl East District ah nghah a ni ta a ni.
General LAD Conference ah hian UPC North East India hnuai a District hrang hrang atangin Palai1700 vel an kal thei a, General Department leh District hrang hrang hruaitu-ten Conference hi an hmanpui bawk a ni. October ni 6, 2023 Zirtawp zan khan Rev. KVL Hmangaihkima, Superintendent Aizawl East District chuan Conference hawnna a nei a, Thupui ah “Thlenchin atanga hmasawn” Philipi 3:16 tih chu hman niin Speaker tha tak tak ten Pathian thu chah ropui tak tak an sawi thin a ni.
October ni 7 inrinni chhun khan General LAD President Sis. Lalramthangi b/w kaihhruaiin Conference rorel-na neih a ni a, an thurel then khat te:
1. Kum 2025 UPC North East India General LAD conference na hmun a tan Lunglei District ruat a ni.
2. Calvari Bible College CBC shifting fund atan kum 2024 atangin LAD Member tin ah fund khawn ni se tia pass a ni.
3. General LAD ten General Missions Department Support na PIM an pek thin chu tih pun tur a rel a ni.
4. Kum 2024 a tanga hman tan turin thla khatah vawi 1 tal LAD in khawmna ah Tu leh Fa te pual a tawngtaina hun hman thin ni se ti a pass a ni.
———-
CHANCHINBU THA THLANG LEH DAWN
Gen.PYD-in Chanchinbu kan neih, THLAMUANTU chuan Kum 2023 chhunga Bial/Local Chanchinbu tha a thlang leh dawn a, Bial/Local Chanchinbu tichhuak zawng zawng ten thehlut vek turin kan in sawm a ni.
Hriatturte:
1. Chanchinbu hi January atanga October.2023 thla thleng thehluh tur a ni.
2. Chanchinbu hi Hard Copy-a thehluh tur a ni.
3. Thehluh hun chhung : November 5.2023 aia tlai lo.
4. Thehluhna hmun turte :
Gen.Hqrs. Office bakah District hrang hrang Office
5. Lawmman hi Kumin November thlaa Gen.Conference, Lunglei hmuna hman tur hun remchangah sem tum a ni.
North East India huam chhunga Bial/Local Chanchinbu tichhuak zawng zawng ten thehlut vek turin kan inngen a ni.
Tin, Article/Sermon, Kumpuan pual engtik lai pawhin kan dawng thei reng a, thawn duh tan email- thlamuantu@yahoo.com-ah emaw Editor ph no- 9862996079-ah whatsapp/telegram hmangin engtiklai pawhin thawn theih reng a ni.
Editor
THLAMUANTU
———-
———-
CHHIMTUIPUI DISTRICT NEWS
QUIZ COMPETITION:
October Ni 14-15.2023 chhung hian Chhimtuipui District PCD chuan Council Vaih Local ah District huap Quiz Competition a buatsaih dawn a, district chhunga local 11 ten he in elna hi an hmachhawn dawn a ni. He Quiz competition ah hian (I korinth-ll korinth) bakah UPC Chhimtuipui history a tangte in inelna an nei ang. Quiz Competition programme hi Pennet Chhimtuipui YouTube channel ah live a pek chhuah a ni dawn bawk a ni.
———-
SIAHA TOWN PYD TEN JOINT FELLOWSHIP NEI:
October ni 8.2023 khan Siaha West bial PYD te leh Siaha bial PYD te chuan Joint fellowship District Headquarters Local ah an nei. He hun ah hian Joint sport Ni 27-28.10.2023 a neih tur chu hawnna neih nghal a ni a, Rev.Joseph L. Thlauhthang District Superintendent chuan sport hawnna leh Pathian hnen a hlanna a nei nghal a ni. Joint fellowship ah hian member 100 chuang an kal khawm a, hlim tak leh hlawhtling taka hun hman a ni.
———-
SANGAU BIAL AH CAMPING NEIH MEK A NI:
Sangau Bial Conference rorelna in bial huap a PMD camp nei tura a lo passed tawh chu District Evangelist Evan.N.Thanghnuna leh a ṭhiante pa 6 rawngbawlna leh inpekna zarah chhawng khatna tluang taka neih zawh a ni a. Tunah hian chhawng hnihna tur a duh apiang tan tiin chhunzawm leh mek a ni.
Camping chhawng khatna hi Ni 4.10.2023 tlai lamah an lut ṭan a, Ni 7.10.2023 chawhnu khan an chhuak a ni. Camp chhawng khatnaah hian campers mi 23 niin nupa a lutte an awm a. Camper ṭhenkhat chu Biak in pan ngai lote, thuthlung hre lote, ruihhlo ti ṭhinte an ni hlawm a, mahse speaker leh a ṭhiante rawngbawlna Lalpan malsawmin Thlarau thianghlim Baptisma chang thar mi paruk(6) awmin campers ten an hlawkpui hle a, nun thar neiin hmasawnna thar an nei a ni tih an nunah a lang a ni.
Camping chhawng hnihna hi buatsaih leh nghal a ni a. Luh hun tur a ruahman siam angin Ni 11.10.2023 tlai dar 5:00 atang khan lut tan lehin mi 27 an lut a, Ni 14.10. 2023 tlai lamah an chhuak dawn a ni.
———-
PENTECOST CHHUNGKAW NI HLAWHTLING TAKA HMAN A NI:
Ni 8.10.2023 (Pathianni) khan Chhimtuipui District Local hrang hrang ah Pentecost chhungkaw Ni (Pentecost family Day) hlawhtling taka hman a ni. He hunah hian District atanga Chhungkaw Ni thuchah siam chu chhiar chhuah a ni a, Local thenkhat inbuatsaihna a nasa hle a, programme fel tak lo duang lawk sa vekin Day ni pual hian banner te siam tirin, chhungkua a Pathian rawngbawl tura intiamna hunte siam a ni a. Local thenkhatah chuan Chhungkua a zaihona te leh changvawn sawi rualna te an nei bawk a, chutiang ang chuan Pentecost chhungkaw Ni hi hlim tak leh hlawk taka hman a ni.
———-
KOHHRAN DING THAR PHALHRANG (THIAHRA) HMUN AH RAWNGBAWLNA NEI:
Tun hnai a Kohhran ding thar Phalhrang (Thiahra) kohhran ah Ni 30.9.2023 – 1.10.2023 khan Siahatla Local Church ten rawngbawlna tluang takin an nei.
He hunah hian District PYD week nen a in rual avangin PYD lam an kal ve thei ta lova, LAD leh PMD mi 18 an kal a. Siaha Bialtu Pastor Rev.K.Kawngkharmawi te nupa leh Senior Pastor Rev. H.Thandaia, Local Chairman Upa. C. Liannghinga leh Local Secretary Upa H. Dopianga, Upa Ch. Hmuhei leh LAD President leh PMD President ten an telpui bawk a ni.
Siahatla Local ten
Thiahra kohhran tan hetiang hian hmangaih thilpek hlanna an nei bawk a.
1. Siahatla Local Church – Rs.10000
2. PMD – Rs. 3000
3. LAD – Sacrament semna tray leh no(two set)
4.PYD – Thingpui inna no
5. Bro.Tevala – Dust-bin pahnih
6.Rev.H.Thandai- Belpui khap sawm pakhat
7. Rev.C.Valy – Belpui khap sawm pakhat
8. Upa. C. Liannghinga – Dekchi khap sarih pakhat
8. Upa. H. Dopianga – Silpaulin pakhat
Phalhrang (Thiahra)ah hian Upa C.Liannghinga, Upa H Dopianga, Senior Pastor Rev.H.Thandaia ten rawngbawlna nung tak an nei a, a theih ang anga In hrang hrang tlawh kualin chibai bukna an nei bawk a ni. Tichuan Ni 1.10.2023 Sunday tlai khan Siahatla Local Church atanga kalte leh Thiahra kohhran ten chawhlui tuihnai tak an kilho bawk a. Ni 2.10.2023 khan Phalhrang (Thiahra) Kohhran te chu ngai leh thlahlel tak chungin dam taka in hmu leh turin an haw san ta a ni.
## KOHHRAN DING THAR TAN LUANG CHHUAK ZEL:
Kohhran ding thar Siachangkawn Preaching Station chu tlang tin a Kohhran ten an ngaihsak hle a. Bial hruaitute remruatna leh ruahmanna angin inkhawmpuitu pawh la nei zelin Kohhran ding thar tana thilpek petute pawh an awm chho zel bawk a ni.
———-
———-
LUNGLEI DISTRICT
MUSIC FESTIVAL BUATSAIH CHUNGCHANGAH ORGANISING COMMITTEE AN THUKHAWM:
October ni 8, Pathianni chawhnu khan Music Committe, Lunglei District UPC leh PYD Lunglei District-in an buatsaih tur Music Festival chungchang ngaihtuahin organising Committee an thukhawm a, an rorel langsar zualte:
1) Music Festival neih hun atana ruat Dt.28&29.10.2023 chu Rahsiveng Bial Missions Conference nen a hun a inrual avangin ngaihtuah ho a ni a, Dt.4&5.11.2023 ah sawn mai nise tha tih tlan a ni.
2) Fakzai rawngbawlna neitute lawmman siamsak ve nise tha tih a ni
3) Zai hruaitute leh Musician te hman turin Hlabu buatsaih tha tih a ni a. Fak-hla sakho tur thlan lawk leh Hlabu buatsaih hi Programme Committee kutah dah nise tha tih a ni.
4) Music Festival dawltu puihna atan Rs 10,000.00 pek nise tha tih a ni.
5) Inrinni Zan, Pathianni Zing leh Pathianni Zan inkhawmah thawhlawm khawn nise, Tualchhung kohhranah Thawhlawm hi lut vek se tha tih a ni.
6) Chanvo neituten an duh zawng Topic thlang mai se tha tih a ni.
7) Festival inbuatsaihna leh tuldang thlirho turin Dt.29.10.2023 ah Electric Local PYD-te meeting neihpui nise tha tih a ni.
———-
BIAL MISSIONS CONFERENCE :
October ni 13, zirtawp zan atang khan Lungsen bial Missions Department Conference vawi 40-na chu Lungsen N Biak Inah neih a ni a, Speaker atan General Superintendent Rev.R.Lalrinsanga chu hman a ni.
Inkhawmpui thupui ah hian ‘Nangmahnin ei tur pe rawh u’ Marka 6:37 chu hman a ni. October ni 14, Inrinni khan rorel a ni a, October ni 15 , Pathianni zan thlengin hun hman a ni ang.
———-
———-
AIZAWL EAST DISTRICT
City Sunday School meet nei dawn:
District Sunday School Department hmalakna in October 15, Pathianni chawhma leh chawhnu hmang hian Vanapa Hall-ah City Sunday School meet hman a ni dawn.
He hun hi Session hnihah then niin Session khatna hi Bro. TC Vanlalruata, Organising Committee Member chuan a kaihruai anga Pentecostal Choir te hnen atangin fak hla ngaihthlak a ni ang. Hunserh, Evan K. Lalmuansanga, District S.S Secretary chuan hmangin Rev. R. Malsawma, District S.S Director hnen atangtin thusawi tawi ngaihthlak a ni bawk ang. Secretary report Bro. Jerry Lalrinsanga, Organising Committee Secretary chuan pe in Aizawl khawpui chhung Bial hrang hranga Naupang Sunday School te hnen atangin Item chi hrang hrang thlir leh ngaihthlak a ni dawn a ni. Session hnihna, Chawhnu lamah pawh Naupang te hnen atangin Item chi hrang hrang an entir leh dawn bawk a ni. Chawhnu lamah hian Bro. Johny Lalthafamkima, District PYD Education Sub- Committee Treasurer hnen atangin motivational speech ngaihthlak a ni bawk ang. He hunah hian Aizawl khawpui chhunga Bial hrang hrang atangin Sunday School naupang Intermediate atanga Doctrinal te kal tura beisei an ni.
———-
District PYD Executive meeting:
October 4, Nilaini khan District Superintendent room-ah District PYD Executive meeting neih a ni. Rev. C. Lalmalsawma, President chuan kaihruaiin member an kalkim thei a ni. An thu passed langsar zualte:
1. District PYD in live crusade neih hun tura alo duan tawh 3th -5th November chu
rokhawlhna dang a awm avangin a hmun ngai, Zemabawk Biakin-ah 17th- 19th November, 2023 ah sawn nise tih a ni. Zaia rawngbawl turin heng mite hi sawm ni se an ti bawk.
1. Khawpui chhung Bial Zaipawl te
2. Pentecostal choir
3. General Choir
4. Sis. Vanlalhriatdiki, Bazar Bial
5. Bro. Lalzemawia, Zemabawk Bial
6. Sis Angeli Lalruatpuii, Chhingchhip Bial
7. Sis. Chingsanluni, Hnahlan Bial
Crusade hlanna nei turin Rev. H. Lalropuia, District Treasurer chu ruat a ni bawk.
2. Darjeeling hmuna District PYD in Biakin a sak, 15th October, 2023 a hawng tura ruahman tawh chu
rokhawlna dang a awm avangin a hun tur ngaihtuah that leh a ni a, November 5, Pathianni-ah ah hawn nise tih a ni.
3. General PYD atanga Manipur ram buaina in a nghawng kan unaute tanpuina tura PYD member tinah vehbur khawn tura ngenna chu District chhungah pawh theihtawpa hmalak nise tih a ni.
———-
Revival Crusade:
October 11, Nilai zan atang khan Bethlehem Kohhranah Revival Crusade neih mek a ni a, Pathianni zan hian a tiak ang. Speaker-ah Rev. KVL. Hmangaihkima, District Superintendent chu hman niin Pathian thlarau thianghlim awmpuina hnuaiah hlim takin hun an hmang a ni.
Khawhai Bial, Sialhawk hmunah pawh Rev. VL. Hnemtluanga, District Missions Director Speaker-a hmangin Revival Crusade neih mek a ni bawk a, Pathianni zan hian a tiak ang.
———-
Mithar leh Baptisma chang thar:
October 9, Thawhtan zan khan Chhingchhip Bial, Hmuntha Kohhran ah Member thar 1 chu Evan R.Lallawmzuala’n Kohhranah a senglut. Hmuntha ah hian District Missions Evangelist Evan R Lallawmzuala hian rawngbawlna a nei mek a ni.
October 8, Pathianni khan Thingsulthliah Bial, CTI Kohhran ah Member 2 sengluh an ni bawk.
October 5, Ninga zan khan Sis.Lalpianmawii, Lenchim (Keifang Bial) chu Pastor J Lalhmingsanga’n Kohhranah sengluhna a nei. Sis Lalpianmawii hi natna avanga hrehawm taka hun hmang mek a ni a, Natna khum atang hian Pathian beiseina nei in Kohhranah hian a rawn lut ta a ni.
October 5, Ninga zan vek khan Hnahlan Bial, Vapar Kohhranah chhungkaw khat, Member 5 chu kohhranah sengluh a ni bawk. Vapar ah hian Evan Lalremhlua’n rawngbawlna a nei mek a ni
———-
District Missions Conference atan inbuatsaihna kalpui mek zel a ni:
Kumin October 27 atanga 29 chhunga Sakawrdai Bial ten Sakawrdai hmuna District Missions Department Conference an thlen turah inbuatsaihna chak taka kalpui mek a ni. Conference hi Sakawrdai Bial Hqrs., Sakawrdai Kohhrana Biakin zar zawma hman tur niin tunah hian pandal sak hna hi an zo thawkhat tawh a ni. Conference an thlenna turah hian hnatlang pawh ngawrh taka kalpui reng a ni bawk. District Missions Department hruaitute pawhin Octiber 4 leh 5 hmang khan tul leh pawimawh hrang hrang enpuiin Sakawrdai-ah hian hun an hmang a ni.
Kumin District Missions Department Conference, Sakawrdai Bial ten an thlen turah hian Bazar Bial Missions Department te chuan hnatlan nan Rs 10,000 an hlan a, Zohmun Bial PYD ten Rs 2000 hlan bawkin, Zohmun Bial Missions Department ten Rs 8000 an hlan bawk a ni. Sum leh paia hnatlangte chungah Organising Committee chuan lawmthu a sawi a ni.
———-
Kumpuan Nite hman a ni:
October 2, Thawhtan zan khan New Serchhip YMA hall ah, Kumpuan Sub – Committee te buatsaih in Serchhip bial ten kumpuan Night hlawhtling takin an hmang a, member kal an tha in, hun hlimawm taka hman a ni. He hunah hian Tualchhung hrang hrang ten Thuthlung lam hawi thupui a hmangin quiz a in tihsiakna neih a ni a, Electrict Veng PYD te point hmu sang berin pakhatna an ni a. Tin, Short film hmanga inelna an buatsaih result puanna neiin, bial headquarters Biakinpui PYD te Pakhatna an ni. Best Actor ah, Bro. Malsawmdawngliana, Chanmari PYD niin Best Actress Sis. Lalnunpuii thlan a ni. Bialtu Pastor leh bial PYD hruaitu ten telpui bawkin New serchhip kohhran ten Ei tur tui tak an buatsaih a Bial chung khawpui chhunga awm local te an tel kim thei a ni.
———-
———-
NORTH MIZORAM DISTRICT
HRUAITUTE PROGRAMME:
District Supd: NMD Dist. Supdt. Rev. Chhiarpuia chuan Oct. Ni 14 Inrinnni hian Phainuam Bial kohhran thenkhat te a tlawh ang a, Oct. Ni 15 Pathianni hmang hian Phainuam Kohhran tlawhin Jubilee lawmna Programme a hmanpui ang.
District Treasurer: NMD Dist Rev. C. Lalthantluanga chuan General Choir te zai rawngbawlna tawiawmin Oct. Ni Gen choir tawiawmin Oct. Ni 15 Pathianni hian THuampui Biak inah a inkhawm ang a, Pathian zan ah Mualpui Biak inah a inkhawm thung dawn a ni.
District Missions Director: NMD Dist Mission Director Rev. C. Lalramthanga chuan Oct. Ni 12 Ningani hian NMD Missions Conference rorel tur atan Resolution Committee neihah Meeting a kaihruai ang.
———-
NORTH MIZORAM DISTRICT MISSIONS DEPTTT CONFERENCE VAWI 43-NA HMANG TURA INBUATSAIHNA TLUANG TAKIN A KAL MEK:
UPC-North Mizoram District Missions Dept Conference vawi 43-na Sumsuih Bial, Sumsuih Biak ina neih tur inbuatsaihna chuan hmasawn lam pan mekin, District Missions pawhin District level-a tih tur Report bu leh Conference in a ken tel thil pawimawh hrang hrangah inbuatsaihna tluang takin a kal mek a, Bial atanga sum leh pai District-a lut tur leh Conference report-a lang tur chin pawh 10th Oct khan khar fel a ni bawk.
District Missions Conference rorel tur thlitfimna Resolution committee hi Oct. Ni 12 Ningani hian neih tur niin; Bial hrang hrang atanga Conference Agenda tura buatsaih pawh a lutkim tawh bawk.
District Missions Conference-ah hian THupui “Chi tuh rah seng” tih hman tur niin; Speaker hrang hrangte’n thupui hi an sawi dawn a ni.
———-
NORTH MIZORAM DISTRICT HUAM CHHUNGA BIAL 31 BIAL MISSIONS CONFERENCE HLIM TAKIN AN HMANG. :
North Mizoram District huam chhunga Bial 31 te chuan Bial huap Missions Dept confe chu Sept Ni 29th atanga Oct. ni 1st hmang khan hlim leh tluang takin an hmang.
Bial Conference a ruala hman hi District Kohhranpui Hruaitute leh District Missions hruaitute pawhin bial hrang hrang hetiang hian an hmanpui a ni:-
District Secretary Rev. K. Lalduhsanga’n Dinthar Bial
Dist Treasurer Rev. C. Lalthantluanga’n Durtlang Bial
District Missions Director Rev. C. Lalramthanga’n Bilkhawthlir Bial
District Missions Secretary Evan. JH Maslawmdawngliana’n THenzawl Bial leh
District Missions Treasurer Evan. MS Dawngliana’n Headqeuarters Bial te an hmanpui bawk.
Bial Missions Conference hmanah hian Oct. Ni 30 inrinniah rorel inkhawm neiin; Kum 2024 chhunga Ramthim rawngbawlna kawnga hmachhawp hrang hrang an lak tur te bakah rawngbawlna kawng hrang hrangte an rel a, Bial tam zawkte’n Missionary chawm chhunzawm zel an tum bawk.
———-
BIAL JOINT REVIVAL INBUATSAIHNA NEIH TAN A NI:
UPC-North Mizoram District ten Bial Joint Revival Nov ni 11 leh 12 hmanga an neih thin inbuatsaihna chu kalpui Bial 5 Joint Revival neih tura Bial inkawp Kolasib Diakkawn bial; Kawnpui bial; Bukpui bial; Sihphir bial & Durtlang bial te chuan Kolasib Diakkawn biala nei tur te chuan Oct. Ni 03 Thawhlehni khan Kolasib Diakkawn bial pastor quarters-ah joint committee an nei. Meeting-ah hian Durtlang bial; Bukpui bial; Kawnpui bial leh Kolasib Diakkawn bial aṭangin bial hruaitu mi 9 an kal thei a. Joint revival thlengtu tur Kolasib Diakkawn bialtu pastor Rev. C Lalmuanpuia chuan meeting hi a kaihruai a ni.
Joint committee hian inkhawm programme a duan bakah; revival fund atan bial tinin ₹2000/- thawh an rel a; Bukpui bialah kum 2024 joint revival neih turin an rel bawk. Heng bakah hian kum 2023 joint revival auditor atan Kawnpui bial Secretary leh Sihphir bial Secretary te an ruat a; joint revival thlengtu ṭanpuina atan ₹10,000/- (cheng sing khat) hman mek chu ennawnin, a ngai anga kalpui rih an rel. Thu leh awm hma atan Joint committee DA atan ₹300/- inpek ṭhin an rel bawk a ni.
———-
MITHAR NEIH REPORT:
October ni 8 Pathianni Chawhma Inkhawm khan Bairabi Bialtu Pastor Rev C. Lalhmunliana chuan mithar 1 Pentecost kohhranah a lawm lut a, Inkhawm banah Sual ngaihdamna Baptisma a chantir nghal bawk.
Mithar hi Bairabi South kohhranah a lawi dawn a ni. (Bairabi S mithar)
Oct. Ni 8 chawhma inkhawm khan mithar member 9 lai chu Thenzawl PWD Veng Pentecost kohhrana lawi turin Thenzawl PWD Kohhran Church Chairman Upa Pachhunga chuan Lal Isua hmingin kohhranah a lawmlut a, Mithar duh awm tak tak Thenzawl PWD vengte’n an neih avangin hian Kohhranhote an lawm hle.
———-
BUKVANNEI P.P :
October ni 8 Pathianni kal ta khan Kol Rengtekawn Bial chhunga awm Bukvannei Preaching Point kohhranah mi thar -2 Lal Isua hminga lawmluh an ni. Heng mithar te hi N. Thinglian Missionary Evan Vanlalhliman Lalpa Isua hming a lawm lutin, Nau -5 hlan nghal a ni.
———-
THENZAWL HERMON MITHAR:
Pathianni kal ta Oct Ni 8 chawhma inkhawm khan Thenzawl Hermon Local-ah Mithar chhungkaw khat (member 6) te chu Bialtu Pastor Rev.C.Lalram- muana’n Pentecost Kohhran-ah Isua hmingin a lawmlut. Heng mithar te hi Kohhran memberte’n hlim takin an lo lawm a ni.
———-
SIHTHIANG MF-AH MITHAR:
October ni 8 Pathianni khan 𝗨𝗽𝗮. 𝗖. 𝗟𝗮𝗹𝗻𝗴𝗵𝗲𝘁𝗮 (𝗥𝗲𝗻𝗴𝗱𝗶𝗹) Rawngbawlna kal tlangin Sihthiang Missions Field-ah 𝗕𝗕𝗖 𝗸𝗼𝗵𝗵𝗿𝗮𝗻 𝗮𝘁𝗮𝗻𝗴𝗶𝗻 𝗺𝗲𝗺𝗯𝗲𝗿 𝗽𝗮riat lai Pentecost kohhranah lawm luh an ni a, He hmuna Missionaryh hna thawk Evan f. Lalbiaknian Lalpa isua hmingin memer thar te hi Kohhranah a lawmlut a ni.
Heng mithar te hian Sual ngaihdamna Baptisma Evan. F. Lalbiaknia kutah changing nau 3 Lal Isua hnenah hlan a ni.
———-
Kanghmun rawngbawlna:
North Mizoram District in rawngbawltu ruaia Kanghmun Bial Lungphun khuaa a dah rawngbawltu rawngbawlna kaltlangin hun rei tak Pentecost kohhrante’n inkhawm a buatsaih theih tawhloh hnuah rawngbawltu rawngbawlna kaltlangin Pathian Maicham meichher tihalh tan leh a ni a, member pawh an pung zel a ni.
———-
RAWNGBAWLTU CAMP NEI:
Kar kal ta Ningni leh Zirtawpni, October ni 5 & 6 hmang khan Kawnpui Venglai Biak Inah Kawnpui Bial Local hrang hrang te chuan Rawngbawltu Camp neiin- bial chhung local hrang hrang aṭangin Church Board Member te leh tualchhung kohhrana sermon rawngbawlna nei thei chin mi 50 an kalkhawm a, Camping-ah hian Evan. R Lalrinchhana, Krista Chhanchhuahte Team chu Speaker –ah hmangin team member mi 4 in an tawiawm bawk a ni.
Speaker hnen atangin rawngbawltute fuihna leh thlarau thianghlim chauh hmachhuan chunga ke pen a tulzia intirin thlarau lam rawngbawlna thuk zawka ke pen turin rawngbawlna kalpui a ni. Camping thawh hnihna Oct. Ni 9 Thawhṭanni aṭanga Ni 14.10.2023 Inrinni thleng hian neih leh tur niin; he hunah hian member a duh apiangte tan buatsaih a nit hung ang.
Facebook