54th GENERAL CONFERENCE_HRIATTIRNA LEH SAWMNA
United Pentecostal Church of North East India General Conference Vawi 54 -na chu November 24-27, 2022 (November Pathianni hnuhnung ber)ah hian Zemabawk Vengpui Biak Inah neih a ni dawn a, kohhran memberte kan inhriattirin, kohhran dan anga khawmpui palai tur Licence neia rawngbawltute chu thahnem ngai taka General Conference hmang turin kan insawmin kan in hriattir a ni.
Rev. Zohmingthanzama
Secretary
United Pentecostal Church North East India.
———-
54th General Conference Programme:
24th November, 2022 Thursday
6:30 PM :Evangelistic Service
Chairman : Rev. R. Lalrinsanga, General Superintendent
Offerings : General fund
Inauguration : Rev. Ellic Hnehzova Fanai, Former General Secretary
Welcome speech : Rev. KVL Hmangaihkima, Dist. Superintendent, AED
Choir : Pentecostal Choir, AED
Introduction : Chairman
Book release : Golden Jubilee Souvenir (GMD) Silver Jubilee Souvenir (Kolkata)
Speaker : Rev. C. Vanlalena, Dist. Supdt., Lunglei District
25th November, 2022 Friday
10:30 AM : Departmental Conference
Department Place of Meeting
Missions Department : Zemabawk Vengpui Biak in
Sunday School Dept : Zemabawk Vengpui Sunday School Hall
L.A.D : Zemabawk Biak in
6:30 pm : Evangelistic Service
Offerings : General fund
Chairman : Rev. R. Laichhingpuia, General S.S Director
Choir : District PYD Choir, N. Mizoram
Speaker : Rev. VL Dika Sailo, Former General Superintendent
26th November, 2022 Saturday
7:00am : General Officials Election
Venue : Zemabawk Vengpui Biak in
P.O : Rev. K. Darsailova, Representative of R.D for Asia
10:30 am : Conference Business Meeting
Venue : Zemabawk Vengpui Biak in
6:30 PM : Evangelistic Service
Chairman : Rev. V.L Tluanga Sinate, General Missions Secretary
Offerings : General fund
Bible reading & Prayer : Pastor Haris John Lepcha, N. Bengal & Sikkim M/F
Introduction & Report : Chairman
Special item : Pastor & Mrs. TC Lalfakmawia
Jubilee lung hawnna : Rev. R. Lalrinsanga
Chawimawina : Evan. R. Lalbiakfela, General Missions Treasurer
Message : Rev. Biaksangzuala, General Missions Director
Solo : Evan. Lianlalzawm Gangte, N. Bengal & Sikkim M/F
Documentary film
Benediction : Rev. R. Vanlalenga, Director, Lunglei District
27th November, 2022 Sunday
10:30 AM : Evangelistic Service
Chairman : Rev. Lalmalsawma Sailo, General Treasurer
Offerings : General Missions
Choir : General Choir
Diploma Certificate distribution Ordination service & Message : Rev. R. Lalrinsanga, General Superintedent
2:00 PM : Lengkhawm
Leaders : Rev. PC. Laltlankima, Kawnpui Bial & Pastor K. Vanlalhlimpuia, Ngopa Bial
2:00 PM : Pensioners Union General Meeting
Venue : Zemabawk Vengpui Kohhran, Committee Room
7:00 PM : Evangelistic Service
Chairman : Rev. R. Lalrinsanga, General Superintendent
Offerings : Calvary Bible College
Speaker : Rev. Zohmingthanzama, General Secretary
———-
GENERAL HRUAITUTE PROGRAMME
General Superintendent, Rev. R. Lalrinsanga chuan November ni 22 Inrinni hian Evan. K. Laldawla Dinthar te chhungkua Pathian hnena lawmthu sawi chawimawina ah Speaker ah a tang ang.
General Missions Director Rev. Biaksangzuala chuan November 18-20 chhung a Chhimtuipui District Missions Conference hman mek ah telpuiin rawngbawlna a nei ang. General Missions Secretary Rev. VL Tluanga Sinate pawh in November 18-20 chhung a Lawngtlai West District Missions Conference vawi 4-na neih mek a hmanpui bawk.
General Sunday School Director Rev. R. Laichhingpui chuan November ni 18 khan North Mizoram District Sunday School Department Conference Chaltlang Bial, Bawngkawn Local-a neihah a tel pui.
———-
44th GENERAL PYD CONFERENCE REPORT
United Pentecostal Church of North East India Kohhran thalai inkhawmpui lian – General PYD Conference vawi 44-na Khawzawl khuaa nghah chu hlawhtling taka neih a ni. Zuchhip Field-ah pandal mawi taka sak hnuaiah hlim leh lawm takin thlarauva khatin inkhawm thin a ni. Conference hi 10 November 2022 (Ningani) zan atanga tanin 13 November 2022 (Pathianni) zan khan Pathian Thlarau awmpuina nen ropui takin a tiak. Conference Palai kal zat hi thlen belh an awm deuh reng a, Palai kal hi mi 2000 bawr anga chhinchhiah a ni.
Conference theme atan “I pianna ramah haw leh rawh” (Gen 31:1) tih chu hman a ni a. Thupui hi – Thianghlimna ah, Rinawmna ah, Thuthlung ah, Thlarau Thianghlim ah tih tea then hrang lehin, Speaker hrang hrang hman a ni a, anni hnen atangin rawngbawlna nung Pathian thu chah tha tak ngaihthlak thin a ni. Chennai, India Unit atangin mikhual duhawm tak – Pastor Ruban Hobday leh Sis. Dr. Shandhya Ruban te nupa lo mikhual an ni a, 11 November 2022 (Zirtawpni) zan inkhawmah thusawi rawngbawlna ropui tak an nei.
Conference-ah hian lehkhabu pakhat – “Pathian thu bawm: thupui thlan bikte” Aizawl East District PYD Kumpuan Committee buatsaih chu Rev. H.Lalropuia (Gen PYD President) chuan tlangzarhna a nei nghal. Conference inkhawm hi Youtube PenNet Channel-ah LIVE-a pek chhuak thin a ni a. Media rawngbawlna ngaih pawimawh niin video coverage bakah official photographer pawh in ruat a ni a, conference service enlet theih turin PenNet Youtube, Facebook page leh Instagram lamah te pho chhuah thin a ni.
CONFERENCE ROREL
Rev. H. Lalropuia, General PYD President kaihhruaiin Conference rorel inkhawm chu Headquarters Biak In, Khawzawl Vengthar hmunah neih a ni a. Agenda pakua (9) rel zingah paruk (6) chu lungrual taka pass a ni. Rorel palai mi 300 bawr awmin tluang taka rorelna neih a ni.
Thu rel tlangpuite chu:
1. Kum 2024-a General PYD Conference hmun atan Lunglei thlan niin Lunglei District ten an thleng ang.
2. PYD Day – March 21 ni ah North East India huam chhungah a rualin member thar lawmluh neih thin a ni ang.
3. North East India dan bu Article 48, Section 252 siam that turin General Kohhranpui-ah thlen tum a ni.
4. General PYD Executive rel turin North East India Unit pawn hmun hrang hranga PYD member awmte pawh khawm a Pathian thu lama kaihhruai tura hmalak tum a ni.
Conference thu relah hian General Kohhranpuia thlen tur pahnih leh General PYD Executive-a rel tur pahnih dah a ni.
———-
AIZAWL CITY PYD JOINT FELLOWSHIP
November ni 17 Ningani khan Aizawl City PYD Coordination Committee buatsaihin Chanmari YMA Hall ah Joint Fellowship neih a ni.
Aizawl City PYD Joint Fellowship hi Evan. K. Lalbiaknunga, Asst. Secretary, ACPYD chuan kai hruaiin Evan. JH. Malsawmdawngliana, General PYD Secretary chuan hunserh a hmang a, Evan. K. Rotluanga, Secretary ACPYD chuan report a pe bawk. Aizawl khawpui chhung District hnih, North Mizoram District leh Aizawl East District a tangin PYD Member 400 chuang kal khawmin, mal zai leh Zaipawl zai thiam tak tak bakah item chi hrang hrang hmangin Fellowship hlim tak a hman a ni.
———-
———-
LAWNGTLAI WEST DISTRICT
LAWNGTLAI WEST DISTRICT MISSION CONFERENCE HMANG
November ni 18-20 chhung hian Lawngtlai West Dist.chuan District Mission conference vawi 4na chu Chandmary Local Church ah hman mek a ni a, speaker ah North Mizoram District Treasurer Rev.C.Lalthantluanga niin thupui atan “Boralte zawnga chhandam” tih chu hman a ni. Lawngtlai West Dist.chuan District Mission conference ah hian General Missions Director represent in Rev. VL. Tluanga Sinate, General Missions Secretary chuan a hman pui bawk a ni.
———-
BIAKIN HAWNGNA NEI
November ni 12.2022 khan M.Kawnpui Mission field biakin chu Rev.F.Lalbiakthuama Dist.Supdt chuan hawngna a nei. Biakin hawngna ah hian M.Kawnpui tualchhung kohhran leh VC leh YLA te sawm niin tlai lamah Biakin hawngna ruai kilhona neih a ni bawk.
Tun dinhmunah M.Kawnpui ah hian kohhran member sawmli(40) vel awmin Field worker ah Evan C.Lalhmangaiha chu a awm mek a ni.
———-
MITHAR LAWMLUT
November ni 13 Pathian ni hian Evan PC.Vanlalpeka Ngengpuikai Home Missionary chuan mithar pakhat duhawm tak mai Ngengpuikai Kohhran member ni turin Lalpa Isua Krista hmingin a lawm luhna a nei a ni.
Pathianni(Sunday) Zan inkhawm ah khawmawi Local church ah Chairman Upa Hc Roparsanga’n member thar duhawm tak pakhat khawmawi Local church ah a lawmlut ani.
———-
———-
LUNGLEI DISTRICT
PSM IN TANPUINA HLAN:
Pentecostal Social Ministry (PSM) Lunglei District chuan November ni 16 Nilaini khan November ni 14 Thawhtanni a Maudarh hmun a ABCI Company Quarry chim avanga chhiatna nasa tak thlenga tul leh pawimawh hrang hrang buaipuitu Leite Branch YMA hnenah Rs.10000 (Singkhat) tanpuina an hlan.
Tanpuina hi PSM Treasurer Rev. R. Vanlalengan a hlan a, PSM Secretary Upa C.Lalhmangaihan a tawiawm bawk.
———-
INVERTER FULL SET HLAN:
Headquarters Local, Missions Department-te chuan Biak In a eng (light) chhit tur nei lo Local 5 thlang chhuakin Inverter full sets pek nise, deliver vek nise ti a rel bawhzuiin Dt.10-14.11.2022 chhung khan District Missions Director Rev. R. Vanlalenga leh Rev. R. Lalrosanga Director, Headquarters Missions Department-te chuan heng Inverter-te hi a dawngtu tur Local hnen ah an pe.
Inverter dawngtu Local-te
1. Zehtet
2. Belthei
3. Putlungasih
4. Laisawral
5. Tarpho
Tarpho Local hi Lunglei District a UPC dinna hmasa ber a ni a. District nen tang kawp a Biak In sa lai mek an ni.
Inverter dawngtu Local-te hian Headquarters Local Missions Department te chungah lawmthu an sawi tak meuh meuh a ni. (Pic. Inverter hlan)
———-
CRUSADE :
November ni 15 (Thur) atang khan Lungsen bial Missions Department buatsaihin Putlungasih Local-ah Crusade buatsaih a ni a, Speaker atan Evan. Lalhriatmawia, Thiltlang Home Missionary chu hman a ni ang a, November ni 20 Pathianni thlengin hun an hmang ang.
November ni 18 (Fri) zan atang khan Zobawk Local-te chuan Crusade an buatsaih a, Speaker atan Pukpui bialtu Pastor Rev. H. Rothuama chu hman a ni a, November ni 20 Pathianni zan thleng hun an hmang ang.
———-
SPORT MEET CUM REVIVAL :
November ni 19 Inrinni atang khan Chhipphir bial PCD Sport Meet Cum Revival chu Chhipphir Local-ah neih tan a ni a, November ni 20 Pathianni zan thlengin hun an hmang ang.
November ni 19 Inrinni chhun khan Chhipphir Playground-ah infiamna chi hrang hrang hmangin intihhlimna neih a ni a, zan lam atangin Revival inkhawm neih niin hun hman chhunzawm a ni. He hun hi Rbt. C. Lalramluahpuia, President PCD Lunglei District chuan a hmanpui.
———-
BIAL MISSIONS CONFERENCE :
November ni 18 Zirtawp zan atang khan Tlabung bial Missions Department Conference vawi 16-na chu Tlabung Local-ah neih tan a ni a, Thupui atan ‘Ngaiteh ka lo kal thuai dawn e’ Thupuan 22:12 chu hman niin, Speaker atan District Missions Director Rev.R.Vanlalenga chu hman a ni. November ni 20 Pathianni zan thlengin hun an hmang ang.
———-
JOINT CONFERENCE :
November ni 18 Zirtawp zan atang khan Cherhlun bial PYD & LAD Conference vawi 44-na chu S.Chawngtui Local-ah neih tan a ni a, November ni 19 Inrinniah rorelin November ni 20 Pathianni zan thlengin hun an hmang ang.
———-
———-
NORTH MIZORAM DISTRICT
DISTRICT HRUAITUTE PROGRAMME:
NMD Superintendent Rev. Chhiarpuia chu Nov ni 16 Nilainiah hian District Board thu bawhzuiin Bairabi-ah kalin Pastor Quarters ram a en fel ang. Nov. ni 17 Ningani-ah Gen SS Secy leh Pentecostal Voice Editor ni bawk Rev. R. Vanlalawia pa Evan. Rualkhuma lungphun programme tel puiin an chhungkaw chanchin ziakna lehkhabu a tlangzarh ang.
Nov. 18 Zirtawpni chhun leh zan hmang hian North Mizoram District Sunday School Confe Chaltlang Bial Bawngkawn Local-a neihah telin zanah Pathian thuchah a sawi ang. A tuk Inrinni Nov. ni 19-ah Evan. K. Laldawla of Dinthar te chhung in Pathian chawimawina an neihah a kal leh ang a, Nov ni 20 Pathianni zanah Tlangnuam Kohhran tlawhin rawngbawlna a nei ang.
District Secreatry Rev. K. Lalduhsanga chuan Nov 17 Ningani hian Rev. HF Malsawma fapa Bro. Richard Silvana Nupui neih turah Inneih kutsuih rawngbawlna a nei Sumsuih Biak in ah a nei dawn. District Secretary hian Nov ni 20 Pathianni hian Mamit Bial Darlak Biak in a hawng bawk dawn a ni.
District Treasurer Rev. C. Lalthantluanga chuan Nov ni 18th – 20th hmang hian Lawngtlai District Missions Deptt. Conference vawi-4 na Lawngtlai Chanmary Local-a neih turah Speaker niin rawngbawlna a nei ang.
District Missions Director Rev. C. Lalramthanga chuan Nov. ni 15 thawhlehni khan Home Missions Field leh Casual worker te awmna thenkhat tlawhin District Missions Exe. Leh OB meeting rorel bawhzui ngai thil tul te a buaipui dawn a ni.
———-
North Mizoram District Sunday School Conference hmang:
Nov ni 18 zirtawpni chawhma dar 11:00 Am khan NMD Sunday School Dept. Confe chu Chaltlang Bial Bawngkawn Brigade kohhranah rorel inkhawm an nei. Confe rorel hi Pastor Lalruatkima Fanai, Dist. SS Director chuan kaihruaiin chanchin buatsaih lai hian rorel kimchang hriat a ni lo.
Confe hian zan Programme awhin Dist. Supdt Rev. Chhiarpuia’n thuhrilh rawngbawlna neiin; Tlangnuam Bial, Hqrs. Bial leh Dinthar Bial te fak hla an sa ang a, Hruaitu hlun chawimawina bakah SS kum 10 chhung SS kalkim te chawimawina lawmman hlan a nib awk ang.
———-
Pastor Rev Chawngtinliana Hqrs kohhrante’n inkhawmpui:
North Mizoram District UPC leh MZ UPC inkar thubuai chinfelna tura tha leh zung tam tak sengtu UPC-Delhi kohhran enkawltu Rev. Chawngtinliana te Nupa Mizoram rawn chuang chhuak chu Nov ni 11 Zirtawpni khan NMD Supdt. Rev. Chhiarpuia’n Lengpuiah lo hmuakin kohhran thubuai chinfel kawnga NMD tana theihtawp a chhuah chungchuangah Dist. Supdt. hian lawmthu a lo hrilh, Pastor Chawngtinliana hi Nov. ni 13 Pathianni chawhma khan Hqrs. Kohhran, Tuikhuahtlangah inkhawmpuiin Hqrs. Kohhrante hian thusawina hun an lo pe a. Pastor Chawngtinliana hian report ngaihnawm tak tak pein Pathian thuchah a sawi bawk.
Pastor Chawngtinliana te Nupa hi North Mizoram District leh Hqrs. Local LAD ten lawmthu sawina thilpek pein, Hqrs. Local Missions Department ten Upa David R. Lalsawmtluanga, Local Missions Director inah lawmthusawina thingpui an lo inpui bawk a ni.
———-
NMD HOME MISSIONS FIELD-AH WORK CAMP:
Nov ni 14 thawhtanni khan Zawlnuam Bial chhunga Missions Field awm Vitor Kalagang hmunah Missionary Quarters chhung pindan te leh Bath Room te siam turin Bialtu Pastor Lalduhsaka hovin mi Pali an fehchhuak a, thawhtanni khan vitor hi thlengin hnathawh tura an ruahman te an thawk nghal a. An ni hian Nov ni 16 thleng hna hi an thawk a. an thawh bak tihtur tul awm ang ang te.. Tlangnuam Local Missions Dept. ten an chhunzawm dawn a ni.
West Phaileng bial:
Nov ni 13 Pathianni khan Kawnmawi kohhranah kohhran member thalai pali in Bialtu Pastor K. Ainawna kutah sual ngaihdamna baptisma an chang a, nau pakhat hlan a ni bawk.
He kohhranah hian Evan Lalthapuia, Darchawi khua, Tripura District chu Bro Lalruatkima s/o T. Upa Vanlalruala(L) Tlangsang khua, Lunglei a awm mek sponsor chuan rawngbawlna a nei mek a. Evan Lalṭhapuia rawngbawlna ah hian kohhran an nung hle a, nasa takin kohhran ten hma an sawn a. Biak in thar tungding turin chak takin hma an la mek bawk a ni.
Kananthar Missions Field-ah Mithar Mithar 3:
Nov. ni 13 Pathianni khan Bialtu Pastor Rev. C.Lalhmunliana Bial fanga fehchhuak chuan Kananthar Missions Field tlawhin rawngbawltute kaltlanga mithar neih 3 a lawmlut a, Nau 3 Lal Isua hnenah a hlan bawk. mi 6 in Baptisma an Chan bakah zan lamah hian sacrament rawngbawlna a neih bawk a ni.
Pentecostal Gateway Higher Secondary School building extend: Pentecostal Gateway Higher Secondary School chu a building a tet tawh avanga PG Managing board ruahman angin extend hna thawh a ni a, Tunah hian sak zawh thawkhat niin; reiloteah luah theih mai beisei a ni.
———-
Aibawk Local Missions Dept buatsaih:
Aibawk local Missions Dept. buatsaih Ram lâk Crusade chu Nov ni 16 Nilaizan khan tan a ni. Crusade tan zan hian Upa H. Lalremmawia, Local Missions Director-in inkhawm a kaihruai a, Pastor Pc. Lalrokima, bialtu Pastor chuan crusade a hawng.
Crusade-ah hian Evan. Isak Lalhmingliana (Maranatha Revival Team) ten rawngbawlin Crusade hian Nov ni 20 Pathianni zan thleng a awh ang
Thenzawl Bial PWD Localte’n Revival Crusade nei: Thenzawl bial PWD local te chuan Nov ni 16 Nilai zan atang khan revival crusade neiin; Evan Lalramhluna Hmar Chawlhhmun chu hmangin tawiawmtu 4 a nei.
———-
———-
AIZAWL EAST DISTRICT
Nilai zan thupui bu tlangzarh:
November.9.2022, Nilaini khan District Office-ah Kum 2023-a a zir tur Nilai zan thupui bu chu Rev.KVL.Hmangaihkima, District Superintendent chuan tlangzarhna leh hlanna a nei. District Superintendent hian Nilai zan thupui zirtur hma taka peih a nihnaah lawmthu sawiin Kohhran hoten hlawk taka kan zir a duh thu a sawi a ni. Nilai zan thupui bu zir tur hi Rev.R.Laltlankima leh Rev.VL.Hnemtluanga te ziak niin Ringtute pawimawhna leh Rinna thute tih niin thupui zir tur 40 a awm a ni. Bu khat hi Rs 80 man tur niin District Book Stall-ah a lei theih a ni.
———-
Thilpek pe:
November 9.2022, Nilaini khan District Board in alo passed tawh angin Hospice Care Unit, Zemabawk-ah Syringe Infusion Pump pahnih hlan a ni. Rev R.Laltlankima, District Secretary chuan hlanna hun hmangin Hospice Care Unit-a thawktuten an lo dawng a ni. He khawl hi Cancer damlo zual tawhte enkawlna tur niin a pahnih hian cheng singsarih chuang man a ni. Hospice Care Unit-a thawktute chuan hetianga Cancer damlo zual tawhte enkawlna tur phal taka Aizawl East District in a peknaah lawmthu an sawi bawk a ni.
———-
District Board:
November 22, Thawhlehni hian District Committee room-ah District Sunday School chuan kumtawp board an nei dawn. He hun hi Rev Rohmingliana, Director chuan kaihruaiin Bial atang leh Official atanga agenda lutte an ngaihtuah anga, Kum 2023 Budget pawh District Kohhranpui Board-a pass turin an ngaihtuah bawk ang.
———-
Mithar leh baptisma chang thar:
November 13, Pathianni khan Evan H.Malsawmthanga rawngbawlna kaltlangin Champhai Bethel Bial, Champhai Zotlang hmunah member thar 3 Kohhranah sengluh an ni. November 6, Pathianni khan Evan H.Malsawmthanga rawngbawlna kaltlang hian mithar 12 Kohhranah sengluh an lo ni tawh bawk a ni.
November 13, Pathianni vek khan Keifang Chehrep hmunah mi pali ten Evan Philip VL.Hmuchhuaka kutah sual ngaihdamna baptisma an chang bawk. Heng baptisma chang tharte hi hun hmasa lama Kohhrana lo senguh tawhte an ni. November 6, Pathianni khan member thar pakhat sengluh a ni bawk.
November 13, Pathianni vek khan Thuampui Bial, Muanna Vengah Bro.H.Vanlalhruaia rawngbawlnaah mithar pakhat Kohhranah sengluh a ni bawk. Mi thar hian sual ngaihdamna baptisma a chang nghal a ni.
———-
Pathian chawimawina:
November 12, Inrinni khan Zemabawk North Bial, Bethel Kohhranah Bro. Nghakmawia te chhungkua chuan Pathian chawimawina an nei a, Kohhran ten hlim takin hun an hmang. He hunah hian Evan Lalbiakmuana chu Speaker-ah hman a ni.
Bawngkawn Kohhranah pawh T.Upa Vanlalkoha Khiangte te chhungkua chuan Pathianni hian chawimawina an nei dawn bawk a ni. Chawimawina Programme hi November 18, Zirtawp zan atang khan hman tan niin Speaker-ah Evan F.Malsawmdawngliana an hmang a ni.
———-
Lehkhabu donate:
CBC Library atan District Sunday School,chuan Rs 50,000/- man lehkhabu an donate. Lehkhabu an donate te hi The History of Christianity in India, Set 1, bu 5 leh The History of the Origins of Christianity set 1, bu 7 bakah lehkhabu dang 17 lai mai an donate a ni. District Sunday School an donate zawng zawng hi a vaiin lehkhabu 29 a ni.
———-
Hruaitute Programme:
Rev.KVL.Hmangaihkima, District Superintendent chuan Bungkawn Kohhran te Revival Crusade hman mekah Speaker-ah tangin rawngbawlna a nei.
Rev. R.Laltlankima, District Secretary chuan Kohhran thil tul hrang hrang tiin Serchhip-ah a awm mek a, ruahmanna ang chuan Thawhtanni-ah Aizawl a let leh ang.
Rev. H.Lalropuia, District Treasurer chuan Phuaibuang Kohhran ten Golden Jubilee an hman mekah telpuiin rawngbawlna a nei a, ruahmanna ang chuan Thawhtanni-ah Aizawl a let leh ang.
Rev Vl.Hnemtluanga, Missions Director chuan Pathianni hmanga Chhimtuipui District Missions Department Conference Lungpher hmuna mekah telpuiin rawngbawlna a nei ang.
District LAD hruaitute pawhin Pathianni hmang hian Serchhip Bial chhung Tualchhung Kohhran hrang hrangah Thianghlimna Campaign neiin hun an hmang ang.
Facebook