GENERAL HRUAITUTE PROGRAMME:
General Superintendent Rev. R. Lalrinsanga leh General Missions Director Rev. R. Laichhingpuiate chuan Nov 11 -12, 2023 chhung hian Andaman Missions Field Conference hmanpuiin rawngbawlna a nei ang.
General treasurer Rev. Lalmalsawma Sailo chuan Nov. 12 Pathianni hian Keifang Bial, Maite Kohhran ah Kohhran hruaitute Seminar neih puiin rawngbawlna a nei ang.
General Missions Secretary Rev. R. Vanlalawia chuan Nov. 10-12 chhunga Lawngtlai West District ten Missions Conference vawi 5 na an neih ah telpuiin Conference hawnna leh thusawi rawngbawlna a nei ang.
———-
GENERAL PYD OB-TE LEH GENERAL CHOIR-TE RAM PAWNAH FEHCHHUAK:
October ni 31 atang a November ni 3, 2023 chhung khan Asia Pacific Youth Conference 2023 Philippines khawpui Manila-ah Ninoy Aquino Stadium-a neih ah UPC North East India aiawhin General PYD Ob te leh General Choir te an kal.
Philippines khawpui Manila- Ninoy Aquino Stadium-ah Conference hi neiin, Philippines UPC Kohhran thalai ten, Asia ram chhunga UPC thalaite in thawhkhawmna tura an buatsaih a ni. Phillipines hi Khawvel huap a rambung khat a UPC member tam berna ram a ni a. UPC Member hi Nuai 14 vel an awm a ni. APYC 2023 ah hian heng ram hrang hrang:
1. Papua New Guinea
2. Qatar
3. Singapore
4. New zealand
5. Solomon Island
6. United Kingdom
7. Belgium
8. Guam
9. Japan
10. USA
11. Netherlands
12. Samoa
13. Philippines
14. North East India
15. Hong kong
16. Australia
17. Vanuatu
18. Fiji
atangte hian Palai kal khawmin UPC North East India atangin General PYD Ob te leh General Choir te, an vaiin member 29 an kal a ni.
He conference hi chhawng hnih ah then a ni a Cluster 1 hi foreign Deligates ho tel nan a buatsaihniin October ni 31 leh Nov. ni 1 chhungkhan hman a ni a, Claster 2 hi November ni 2 leh ni 3 khan hman a ni bawk. Khawvel huap rawngbawltu ropui tak tak-te rawngbawlna neiin Speaker 6 an awma, Thupuiah Holy Spirit tih hman a ni.
———-
KOLKATA – AH BUILDING THAR LEI A NI::
UPC North East India Executive Board rorel angin Kolkata Batanagar ah Building lei a ni. He Building lei tur hian General Officials te chu Kolkata ah hian kalin October ni 31, 2023 thawhleh ni khan sum in hlan fel a ni.
Building hi Kolkata Missions Field Batanagar hmuna Kohhran Biak in bul chiah a awm niin Building sak sa chhawng 3 a ni a, Pastor Quarters leh Kohhran tul pawimawh a pianga hman a tan cheng Nuai 54.8 in lei a ni a. India ram Khawpui hmun pawimawh a hmunhma leh Building tha tak UPC North East India Kohhran ten kan nei thei hi Pathian Malsawmna leh Kohhran mipuite tan rualna vang a ni tiin General Hruaitu te chuan lawmthu an sawi a ni.
———-
KUM 2024 SUNDAY SCHOOL ZIRLAI BU RELEASE A NI
November ni 2. 2023 Ninga ni khan UPC North East India General Sunday School Department buatsaih kum 2024 Sunday School zirlai bu release na hun hman a ni.
Lehkhabu release inkhawm hi General Sunday School Director Rev. Biaksangzuala chuan kaihruai in. Rev. V.L. Dika Sailo, General Superintendent (Retired) chuan hunserh a hmang a, Rev. Lalmalsawma Sailo chuan lehkhabu sawihawnna (Book preview) hun a hmang bawk. Evan R. Lalbiakfela, General Sunday School Treasurer chuan Technical report pein, Rev. R. Lalrinsanga, General Superintendent, UPC, NEI chuan lehkhabu te hi a tlangzarh a ni.
General Secretary Rev. Zohmingthanzama leh General Sunday School Secretary Rev. Jh. Za Hluna hnen atangin General Sunday School Deparmtent hmalakna pawimawh hrang hrang ngaihthlak a nih hnuin, Rev.R.Laichhingpuia, Gen.Missions Director in inkhawm hi tawngtaiin a tin a ni.
Kum 2024 ah hian Puitling Sunday School chuan Thuhriltu leh Hla Thlan Khawmte, Rev. K. Malsawmtluanga, Calvary Bible College Principal ziah an zir ang a, Naupang lamah Pentecostal Education Series Kum 2-na an zir dawn a ni. Tuntumah hian Puitling zirlai bu leh Naupang zirlai bu zawng zawng hi a ruala release vek a ni.
Puitling Zirlai bu hi copy 17000 chhut a ni a. District hrang hrang leh Pentecostal Book Store Millenium Center ah te zawrhchhuah niin Puitling zirlai bu man hi Rs.120/- a ni ang.
———-
TRIPURA DISTRICT HEADQUARTERS HAWN A NI:
UPC North East India, Tripura District Headquarters building chu November 5, 2023 Pathianni khan Gen. Superintendent, Rev. R. Lalrinsanga chuan Lalpa Isua hmingin a hawng.
Building hawn inkhawm hi General Officials te, Executive Board member leh Distrtict Officials te bakah Tripura District chhung Section hrang hrang atangin kohhran te kal khawmin, mi 200 chuang zet an pungkhawm a ni.
Tripura District Headquarters Building hawnna programme hi District Superintendent Rev. R. Lalrinmawia chuan a kaihruai a, General Superintendent Rev. R. Lalrinsanga’n Granite ziakte hawngin, ribbon chepchatin building a hawn hnuah Building thar chu Pathian hnenah tawngtairualin urhsun taka hlan a ni a.
District Treasurer Rev. Malsawma Darlong chuan Building technical report pe in,
He building hi chhawng 4 (B+G+2) tura ruahman a niin, a slab zawng zawng chhun zawh vek tawh a ni a. A hman dan tur chu hetiang hian ruahman a ni –
1. A hnuai ber (basement) – District Treasurer quarters
2. Ground floor – District Main Office leh room khat chu Department Office atan.
3. First floor – District Superintendent quarters. A sir room hnih chu Guest room atan hman tur a ni.
4. Second floor – District Secretary quarters. A sir room hnih chu Guest room atana hman tur a ni.
He building sak nan hian General HQ leh Department atang te, District hrang hrang leh department te, Local hrang hrang leh mimal atangtein tanpuina Rs 74,67,097/- (Tripura District pawn atangin – Rs 48,91,310 leh Tripura District chhung atangin Rs 25,75,787/- ) zet hmuh tawh a ni a, a sak nan hian Rs 71,12,790/- hman a ni tawh bawk a ni.
———-
———-
CHHIMTUIPUI DISTRICT NEWS
DISTRICT LAD SEMINAR NEI
November ni 5 Pathianni hmang khan CTP District LAD te chuan District conference rorel bawhzuiin Seminar a thawhhnih nan Bualpui bial leh Niawhtlang bialah ta an nei a member ten an hlut thiam hle. Heng topic hmang te hian seminar paper buatsaih ani.
1. Church Administration By:-
Rev Dr.C Sihmo
2. Account Vawn dan By:-
Rev Kholy Hlychho
3. Fa neih tam By:-
Rev.WL Thanghre
4. Taihmakna (Gen Lad kumpuan)
Tun ṭumah hian Group hnih ah inṭhenin bial hnihah heng te hian seminar an neihpui.
BUALPUI BIAL
1.Rev.WL Thanghre Dist Secy
2. Rev Dr.C Sihmo Senior pastor
3. Sis T.T.Duhtinthluaii
4. Sis Lalnunsiami
5. Bro.B Lalnunnema.
NIAWHTLANG BIAL
1. Rev.Kholy Hlychho Dist Treasurer.
2. Rev.Lalhnehchunga Dist Mission Director
3. Sis Ngilneii B/w Dist pre Lad
4. Sis L.Nitei B/w Dist Treasurer Lad.
Heng bial hnih ah te hian hlim takin sunday inkhawm banah seminar neih niin tlai lamah chawhlui an buatsaih te hlim taka kilho ani. Bialtu pastor te leh Lad bial hruaitu ten ruahmanna felfai tak an siam a an chungah Dist Lad te an lawm takzet bawk.
Tuipang bialah Dt.12.11.2023 ah neih leh tura programme duanlawk ani. Buaina leh harsatna te awm lova tluang taka programme duanlawk sa te hman anih theih nan ṭawngṭaina a dilpui turin kohhran ho te an ngen tak meuh meuh ani.
———-
REVIVAL CRUSADE NEI
Tuipang bial PYD te chuan Bial Conference rorel bawhzuiin Dt. 3-6.Nov.2023 chhung in Tuipang ‘L’ Local Church ah Revival Crusade,Sports Meet leh Thisen pek runpui an nei.
Dt.3-5.Nov.2023 ah Crusade neih niin,Speaker atan Upa N. Lalchhuanmawia,Treasurer Dist PYD hman a ni a,a rawngbawlna kaltlangin Thlarau Baptisma chang thar mi 7 awm in,siamtharna chang mi engemaw zat an awm. Speaker hi Siahatla Local atang member 8 in an tawiawm a ni.
Dt.4.Nov.2023 (Inrinni) ah Bial chhung PYD member kalkhawm ten Tipa ‘B’ Playground ah inti hlimna neih ni in, Upa B. Dingliana,Bial Secretary in hunserh a hmang. Infiamna item chi hrang hrang hmangin hlim takin hun an hmang ani.
Dt. 6.Nov.2023 (Monday) ah Tipa ‘B’ Sub-Center ah District PYD Conference rorel bawhzuiin Thisen pek runpui neih a ni a. Thisen pekna neih hmain inkhawmna tawi neih a ni a. Inkhawmna hi Bro. T. Rokamlova,Bial PYD Secretary kaihruaiin,Pastor Robert B. Lalnunsiama T, bialtu pastorin hunserh hmangin Upa C. Khawngaihsanga,bial Treasurer in tawngtaina a nei. Thisen pek runpui ah hian Upa T. Zalawma,bial missions Director, Upa ZT. Lalfakmawia, bial SS Director, Upa H. Lalrotlinga,Chairman, Tuipang ‘L’ Local leh bial LAD hruaituten an tawiawm.
Thisen pe mipa 28 leh hmeichhia 5 ( Unit 33) pe in,thisen pe zing ah hian Upa H. Lalrotlinga,Chairman, Tuipang ‘L’ Local leh Upa Zt. Lalfakmawia, Bial SS Director te pawh an tel ani.
———-
NAUPANG SUNDAY SCHOOL INTIHSIAKNA NEI:
Ni 29.10.2023 (Pathianni) khan Siaha West Bial Naupang Sunday School Department te chuan District headquarters Local ah Intihsiakna a tumhnihna a tan an nei. He intihsiakna hi Bial Sunday School hruaitute, District Superintendent, District SS Director te, District headquarters Upa leh rawngbawltu te leh Kohhran ten an tawiawm a, Local hrang hrang Naupang Sunday School Department ten item hrang hrang hmangin intihsiakna an nei a ni. A pumpuiah Meisatla Local pakhatna niin, Council Vaih Local pahnihna, District headquarters te pathuamna an ni a. Hlim tak leh kham lo takin nileng a hun hman a ni. Tlai lamah District headquarters Local ten Intihsiak chhimtute tan a an buatsaih ruai tuihnai tak kilho nghal a ni.
———-
RIASIKAH KOHHRAN TLAWH :
Ni 29.10.2023 (Pathian ni)khan Siaha West Bial LAD rorelna bawhzuiin Bial LAD hruaitu ten Riasikah kohhran an tlawh. He hun hi Upa Lalrintluanga’n a telpui a, LAD hruaitute hian zing leh zan hun an hmanpui a kohhrante pawh an lawm hle a ni.
———-
CRUSADE HLAWHTLING TAKIN NEI :
Ni 28-29.10.2023 khan Siaha Bial ten Thiahra Local Church ah Revival Crusade hlawhtling takin an nei.
Crusade neih chhungin Inkhawm kaihhruai hna heng unau te hian an hmang a.
1.Rev.K.Kawngkharmawia, Bialtu Pastor
2. Upa. H. Dopianga, Bial SS Director
3.Upa.L.Mahu, Bial Missions Treasurer. Tin, zaikhawm kaihhruai hna hi
1.Sis.T.Lallianmawii B/W, Bial LAD President
2.Pastor J. Chawnthanga, bial M/director
3.Evan.G.Lalnunzira, Home missionary
4. Upa. T. Lalhmingmawia, Clv-II Local Treasurer
ten an hmang thin bawk a.
1.Rbt.Dr.Aichhunga
2.C.Lalhmangaihthangi
3. Tete-i of Phalhrang te
hnen atangin zai mawi tak tak ngaihthlak thin ani bawk.
Crusade chhung a speaker atan Evan.John. Vt. Hniehu Bial Secy chu hman ani a, a hnen atangin Pathian thu ropui tak ngaih thlak thin ani a, Lalpan a hmangin a rawngbawlna a nung tak zet a ni. Siaha Bial Local hrang hrang atangin Crusade hmang tur hian mi 44 vel an kal a, College vaih II Local ten Thiahra Kohhran ding thar tan sum fai thahnem tak an hlan bawk a ni. Crusade chhung hian Siahatla Local PMD ten ei rawngbawlna hma an thawk a, chu mai piahlamah Thiahra kohhrante leh siaha atanga kal te tan ruai an buatsaih sak bawk a, Kohhran hruaitute an lawm tak zet a ni.
Pastor C. Lalchhuanthanga Siaha West Bialtu Pastor in a tawiawm bawk a ni.
———-
SEMINAR HLAWHTLING TAKIN NEI :
Ni 29.10.2023 (Pathianni) khan Chhimtuipui District LAD te chuan District Conference rorel bawhzuiin Seminar Sangau bial leh S.Lungpher bialah te an nei a, member te pawh an kal ṭha hle a ni. Heng topic hmang te hian seminar paper buatsaih ani.
1. Church Administration By:
Rev Dr.C Sihmo
2. Account vawn dan By:
Rev.Kholy Hlychho
3. Fa neih tam By:
Rev.WL Thanghre
4. Taihmakna (General Lad kumpuan)
A thawhkhatna bial hnih a Seminar neihna ah hian Group hnih ah inṭhenin heng mite hian seminar an neihpui.
SANGAU BIAL
1.Rev.WL Thanghre Dist Secy
2. Rev Dr.C Sihmo Senior pastor
3. Sis T.T.Duhtinthluaii
4. Sis Lalnunsiami
5. Bro.B Lalnunnema.
S.LUNGPHER BIAL
1. Rev.Kholy Hlychho Dist Treasurer.
2. Rev.Lalhnehchunga Dist Mission Director
3. Sis Ngilneii B/w Dist pre Lad
4. Sis L.Nitei B/w Dist Treasurer Lad.
Heng bial hnihah te hian hlim takin sunday inkhawm banah seminar neih niin tlai lamah chawhlui an buatsaih te hlim taka kilho ani. Bialtu Pastor te leh LAD Bial hruaitu ten ruahmanna felfai tak an siam a an chungah Dist LAD te an lawm takzet bawk. A thawh hnihna hi Ni 5.11.2023 Sunday hmang hian Bualpui Ng bialah leh Niawhtlang bialah te neih ani anga, a thawh thumna hi Tuipang bialah Ni 12.11.2023 ah neih leh tura programme duan lawk a ni.
———-
NEW LATY PREACHING STATION TLAWH:
Ni 29.10.2023 (Pathianni) hmang khan Amobyu Vaihthie (Zero Point) Kohhran ten New Laty Kohhran te an tlawh. Amobyu Vaihthie atang hian mi 27 an kal a, home Missionary Evan.Ls Lalhmingmuanan rawngbawlna a nei a, hlim taka inpawlhona neih a ni. New Laty Kohhran te hian chawhlui tuihnai tak an lo buatsaih sak ve bawk a ni.
———-
SIACHANGKAWN PREACHING STATION AH RAWNGBAWLNA NEI:
Ni 29.10.2023 (Pathianni) hmang khan Evan.N.Thanghnuna chuan Siachangkawn Preaching Station ah rawngbawlna a nei a. A rawngbawlna hi Bualpui Ng Bialtu Pastor, Upa te leh member engemaw zatin an tawiawm a ni. Evan.N.Thanghnuna District Evangelist hian a tul ang zelin Siachangkawnah hian rawngbawlna a nei chho dawn a ni.
———-
DISTRICT MISSIONS CONFERENCE INBUATSAIHNA NEI:
Ni 17-19.11.2023 a neih tur District Missions Conference thlengtu tur Council Vaih Local leh Siaha West Bial te chuan khawmpui hlim tak leh hlawhtling taka hman anih theih nan nasa takin inbuatsaihna an kalpui mek zel a,Biak In leh a vel pawh zawh fel thawkhat a ni a, tlang hrang hrang a Kohhran te, a tam thei ang ber khawmpui chhim turin an beiseiin an sawm a ni.
———-
———-
LUNGLEI DISTRICT
MUSIC FESTIVAL HLIM TAKA HMAN A NI :
Music Committee leh PYD Lunglei District tangkawpin an buatsaih ni hnih awh MUSIC FESTIVAL chu Electric veng Local Biak Inah hlim taka hman zawh a ni ta.
Music Festival hi November ni 4, Inrinni zan khan tan a ni a, November ni 5, Pathianni chawhma, chawhnu leh zan lamah te hlim taka hun hman chhunzawm a ni.
He Music Festival ah hian Lunglei District UPC Choir bakah bial zaipawl 5 te an inlan a, malzai thiam tak tak mi 16 ten Thuthlung hla mawi tak tak hmangin Pathian fakna an nei a, hlim takin Pathian fakin chawimawina hla sak thin a ni bawk.
Festival neih chhung hian Rev.C.Vanlalena, District Superintendent, Rev.C.Lalhriatpuia, Chairman Music Committee leh Evan. C. Lalremchhunga, Chairman, Organising Committee, Music Festival ten hunserh hmangin fuihna thu tha tak tak an sawi a, Rev.C.Lalrintluanga, District Secretary chu Worship Leader niin a kaihhruaina hian Pathianni chawhnu ah Praise and Worship hlim taka hman a ni.
Music festival hi Rbt.S.Lalrinsanga leh Sist.Elizabeth Zothansangi ten thiam takin an kaihruai a ni.
———-
PANGZAWL BIAL PYD TEN THISEN UNIT 29 AN PE :
November ni 6, Thawhtanni hian Pangzawl bial PYD-te chuan Lunglei Civil Hospital tan thisen unit 29 an pe.
Lunglei District PYD Conference in Blood Donation neih nise tia a lo rel bawhzui nan Pangzawl bial PYD-te hian thisen hi an pe a, Rawpui Community Hall-ah he hun hi hman a ni a, thisen pek hma hian hunserh tawi hman niin, he hun hi bial PYD President Upa R.Kawlzidinga chuan a kaihruai a, bialtu Pastor Rev.R.Lalsangzuala chuan hunserh a hmang. He hunah hian Blood bank, Civil Hospital Lunglei thawktute a?angin thusawi ngaihthlak a ni bawk.
Thisen unit 29 petu te hi mipa 23 leh Hmeichhia 6 an ni.
———-
JOINT CONFERENCE :
November ni 3-5 chhung khan Chawngte bial PYD leh LAD inkhawmpui vawi 43-na chu Lungrang S Local-ah neih a ni a, Pastor C. Lallianbuanga, Missionary, North Bengal and Sikkim Field chu Speaker ah hman a ni. November ni 4, Inrinni khan rorel a ni a, rorel pawimawh zualte:
LAD : 1. Bial LAD member boral an awmin Rs 1000/- a in ral nise tih a ni.
2. ASC home sponsor neih leh nise tha tih a ni.
3. Pastor Quarters budget ah rs 25000/- dah a ni.
4. Local in tlawh tawn nise tha tih ani a. Bial chhung mautlang local bial huapin tlawh nise tha tih a ni.
5. Bial pawn Diltlang local tlawh nise tha tih a ni.
6. 2024 Bible ralchhan Matthaia ziak nise tha tih a ni.
7. Kum 2024 Budget atan Rs 67000/- pass a ni.
PYD: 1. PIM Missionary Pakhat support nise.
2. Sport meet cum Crusade neih nise tih rel a ni.
3. Chhiatni thatni dan ennawn a ni. – member ralna te – zirlai chawimawina te – Bible school bial chhung PYD member kal tanpuina thute – sport lam hlawhtlin chawimawina dan te siam a ni.
4. Bial huapin media cell din nise.
5. Kum 2024 Bial PYD budget atan Rs 50000.00/- pass a ni.
2024 bial LAD & PYD INkhawmpuina atan Chawngte Local a ni ang.
———-
———-
AIZAWL EAST DISTRICT
District Missions Conference:
Aizawl East District Missions Department Conference vawi 30-na chu tluang takin October 27 atanga 29 chhung khan Sakawrdai hmunah hman a ni.
Inkhawmpui hi October 27, Zirtawp zan atang khan hman tan niin Inkhawm Rev.VLHnemtluanga, District Missions Director chuan a kaihruai a, Rev.R.Laltlankima, District Secretary in hlanna a nei a ni. Palai lawmna thu Bialtu Pastor Vanlalrosiama hnen atangin ngaihthlak a ni bawk.
He inkhawmpui-ah hian Thupui hranpa nei lovin mi hrang hrang ten thusawi rawngbawlna an nei thin a, inkhawmpui tan zan khan Evan H.Lalhmingmawia, District Missions Evangelist chuan thusawina neiin Inrinni zanah Pastor Hrangliankhuma, Itakhola-a Missionary awm mek chuan thusawina a nei a, Pathianni chawhma-ah Rev.KVL.Hmangaihkima, District Superintendent, Chawhnu-ah Rev. R.Laichhingpuia, General Missions Director leh Pathianni zanah Rev VL.Hnemtluanga ten thusawina an nei bawk.
Inrinni nileng khan Rev.VL.Hnemtluanga, Director kaihhruaiin Sakawrdai Community Hall-ah rorel inkhawm neiin Kum 2025-ah chuan a hrana inkhawmpui nei lovin Kohhranpuiah beh ni se tih niin kum 2026-ah Thingsulthliah Bial-ah inkhawmpui hi nghah a ni a, ruatsa angin 2024-ah E.Lungdar Bial-ah inkhawmpui hi neih a ni ang. District Missions Department hian Camping Centre/Recreation Centre tur lei ni se tih niin Imphal District chhunga tanpui ngaite tan tanpuina pek ve ni se tih a ni bawk.
Rorel lo tan Pandal-ah vantlang inkhawm neih niin inkhawm Evan F. Vanlalruata’n a kaihruai a, hun hmasa Evan Lalhunthara chuan hmangin Thuchah Bro. H. Lalrinfela hnen atangin an ngaithla a ni. He hunah hian zaipawl bakah mimal zai ngaihthlak thin a ni bawk.
Secretary report atanga a lan danin tunah hian Aizawl East District Missions Department hian hmun hrang hranga rawngbawl turin Home Missions Evangelist mi 17 a ruai mek a ni. Inkhawmpui-ah hian Bial 31 atangain palai engemaw zat kalin hun hlimawm taka hman a ni a, inkhawm apiangin mal zai bakah zaipawl ten Pathian fak hla an sa thin a ni.
———-
Darjeeling, Alubari Biakin hawn a ni
Aizawl East District PYD ten Darjeeling hmuna Alubari Kohhran tana Biakin an sak chu November 4, Inrinni khan hawn a ni. Biakin hawnna hi Rev.C.Lalmalsawma, District PYD President chuan neiin Biakin chhunga Prog.hman chhunzawm Pastor FK.Lalchawiliana, NB&S Missions Field Director kaihhruaiah Rev.H.Lalropuia, District Treasurer chuan thuchah sawiin District PYD Hruaitute leh Sis Betty H.Lawmsangpuii ten thusawi tawi an nei bawk a ni.
Biakin hi kum 2022 Nov.thla vel atang khan sak tan niin tunah hian hawn a lo ni ta a ni. Biakin sak nan hian Rs 700,000 District PYD chuan sanction-in chumi hmang chuan sak zawh niin Kum 2022 Krismas hmanpui pahin Pentecostal Choir te an lo work camp tawh bawk a ni.
Aizawl East District PYD te hian Sheaves for Christ Account hran neiin Bial hrang hrangah beisei zat a siam thin a, bial hrang hrangte chuan chu beisei zat chu tihlawhtlingin he Sheaves for Christ A/c-a sum leh pai tlingkhawm hmang hian Biakin hi sak zawh a ni ta a ni.
Alubari Kohhran tan hian Sis Betty H.Lawmsangpuii te chhungkua, Bazar Kohhran te chuan Pulpit an siam sak a, Evan.Lalhmangaiha Chawngthu te chhungkua, Sechhip in Baptisma khur siam sak bawkin Peniel Kohhran, Bawngkawn ‘S’ ten Sana an Present a, Bro. Zorema Pachuau te chhungkua, Upper Republic leh Upper Republic PYD Kumpuan Sub-Committee ten Combo an pek bawk bakah Mualpui Bial PYD leh T.Upa Rinnghinglova te chhungkua, Serchhip ten Biakina phah tur Carpet man tur an pe bawk a ni.
Biakin hawnnah hian District PYD Hruaitute, Rev.H.Lalropuia, District Treasurer bakah Kohhran member engemaw zat telin hlim takin hun hman a ni. Alubari Kohhranah hian member 30 vel an awm mek a ni.
Inkhawm banah Rev.H.Lalropuia kutah mi pakhatin baptisma a chang nghal a ni.
———-
Zohmun Biakin hawn a ni:
November 4, Inrinni khan Zohmun Biakin sak thar chu Rev. R. Laltlankima, District Secretary chuan North East India Biakin pakhat ni turin hawnna a nei. Biakin tuala programme tawi hman, bialtu Pastor Vanlalnghaka kaihhruaiah Rev Rosanga Kawlni, Zemabawk North Bialtu Pastor chuan tawngtaina hmangin Rev R. Laltlankima, District Secretary chuan Biakin hawnna hi a nei a ni. Biakin chhungah Bialtu Pastor kaihhruaiin hun hman chhunzawm niin hetah hian Rev R. Laltlankima, District Secretary hian thuchah sawina a nei leh a ni. Introduction : Evan. Jeho Lalthantluanga. Secretary. Zohmun Kohhran chuan neiin Technical report : T Upa. Lallawmsanga. Secretary. Building Committee hnen atangin ngaihthlak a ni. Zaia rawngbawlna Sis. F Lalhriatchhungi, Sis. Vanlalzari. Zohmun leh Zohmun Kohhran zaipawl ten bawk a ni.
Zohmun Biakin hawnna proagramme hi November 3, Zirtawp zan atang khan hman niin Zirtawp zan khan Rev Rosanga Kawlni chuan thusawina a nei a, Inrinni zan leh Pathianni zanah Rev. R Laltlankima., District Secretary chuan thusawina nei lehin Pathianni chawhma-ah N. Vanlaiphai Bialtu Pastor B. Lalhmingliana chuan thu sawiin Thusawi tawi : Sis. Darthahniangi. Shillong chuan a nei bawk a, Chawhnu-ah Evan C Lalhmingliana. Salem Veng Aizawl chuan thusawina a nei leh bawk a ni. Inkhawm apiangin mimal zai ngaihthlak thin a ni.
Zohmun Biakin sakna tur hian Kum 2017 khan lungphum phumna neih a ni a, hemi atang hian a sak hna thawh tan nghal niin tunah hawn a ni ta a ni. Biakin sak nan hian hnatlang tha 2200 chuang sen niin Biakin hi a dung ft 70 leh a vang ft 36 a lian, cheng nuai 62 chuang senga sak a ni. Zohmun Kohhranah hian tunah hian member 396 an lawi mek a ni.
———-
Environment Awareness Campaign nei:
November 3, Zirtawp zan khan Salem Veng Kohhran hall-ah District PYD hnuaia Environment Protection SUb- Committee te buatsaihin Environment humhalh a tul zia in zirtirna neih a ni. T. Upa. Johny Lalsangzuala, Chairman chuan kaihruaiin hunserh Bro. R. Lalrammuana’n a hmang a ni. He hunah hian resource person-ah Er. H. Duhkima, Director PMU leh Evan K. Lalmuansanga te hman niin an ni hnen atang hian tui hna leh ramngaw humhalh a tul zia ngaihthlak niin kalkhawm ten hlawkthlak an ti hle a ni. Pentecostal choir ten zaia rawngbawlna neiin Program karah Campaign clip hrang hrang en ho a ni bawk. District PYD hnuaia Environment Protection Sub- Committee te buatsaih District huap Bial tin tan Environment lam hawi video leh photography inelna lawmman sem a ni bawk a, lawmman latu te:
Environment Short Video inelna:
1na: Mualpui Bial
2na: Upper Republic Bial
3na: Serchhip Bial
Consolation prize dawngtute: Zemabawk north bial, Zohmun bial, Bazar bial
Photography inelna
1na: Lalremruata Ralte, Serchhip Bial
2na: David LawmsangzualaBazar Bial
3na: Lalthafamkima Thuampui Bial te an ni.
———-
Mithar leh Baptisma chang thar:
October 29, Pathianni khan Keifang Bial, Maite Kohhranah member thar pali chu Evan MH Laldingngheta’n sengluhna a nei.
October 29, Pathianni vek khan Vapar Kohhranah ah mi 4 in sual ngaihdamna Baptisma Evan. H.Lalremhlua kutah an chang. Vaparah hian Thuthlung Crusade neih niin Kohhran ten hlim takin hun an hmang a ni.
November 5, Pathianni khan Rabung Bial, Changzawl Kohhranah T.Upa Ramchhuanawma, Missions Evangelist rawngbawlna kaltlang in Mithar pakhat Bialtu Pastor HMS. Dawngkima’n sengluhna neiin Baptisma chantirna a nei nghal bawk. Hliappui Kohhran atangin Upa leh rawngbawltu, thalai te nen Mi 23 lai in he hun hi an hman pui a ni.
———-
Hruaitute Programme:
Rev KVL. Hmangaihkima, District Superintendent chuan kar hmasa Pathianni hmang khan Darlawn Bial-ah rawngbawlna a nei a, November 11, Inrinni khan Serchhip Bial, Ngentiang Biakin hawnna neiin Pathianni thleng hian rawngbawlna a nei dawn a ni.
Rev R. Laltlankima, District Secretary chuan kar hmasa Pathianni hmang khan Zohmun Biakin hawnna Programme a hmang a, November 8, Nilaini khan Andama & Nicobar Island-ah rawngbawlna nei turin General hruaitute nen kalin ruahmanna ang chuan November 14, Thawhlehni-ah Aizawl an let leh ang.
Rev H. Lalropuia, District Treasurer chuan November 4, Inrinni-a Darjeeling Alubari Kohhran Biakin sak thar hawnnaah telpuiin thuchah sawina a nei a ni.
Rev VL. Hnemtluanga, District Missions Director chuan kar hmasa Pathianni hmang khan Zokhawthar Kohhranah hun hmangin District Missions Department ten Zokhathar hmuna Missionary Quarters an sak mek a enpui nghal a ni. November 11, Inrinni-a Serchhip Bial, Ngentiang Biakin hawnna hmanpuiin Pathianni thlenga Programme hmanah a telpui ang.
———-
———-
NORTH MIZORAM DISTRICT
HRUAITUTE PROGRAMME:
SUPERINTENDENT:
NMD Supdt. Rev. Chhiarpuia chuan NEI General Missions Field Andaman & Nicobar Island-in a vawikhatna atana Field Conference Nov ni 10 – 12 hmang a Prothrapur, Portblair-a neih turah fehchhuakin Pathianni zanah Conference-ah Speaker niin rawngbawlna a nei ang.
District Secretary Rev. K. Lalduhsanga leh District Treasurer Rev. C. Lalthantluanga te chuan Nov ni 12 Pathianni hmang hian Bial Join Revival anmahni awmna Bialte an hmanpui ang.
———-
NMD DISTRCT SUNDAY SCHOOL CONFE HMANG DAWN:
UPC, North Mizoram District Sunday School Dept. te chuan Nov. Ni 17 zirtawpni chhun leh zan hmangin District SS Conference vawi 42-na Dinthar UPC Biak inah a hmang dawn.
District SS Confe hi Nov. Ni 17 chawhma dar 11:00Am-ah rorel inkhawma tanin Dist. SS Director Pastor Lalruatkima Fanai hi rorel inkhawm a kaihruai ang a, Dist. Sudpt. Rev. Chhiarpuia’n Confe thuchah a sawi ang. Secretary & Treasurer Report ngaihthlak a ni bawk ang.
Zanah Revival Programme-a hun hmangin inkhawm Evan. Challian District SS Secretary in inkhawm a kaihruai ang a, Hruai hlun chawimawina leh SS kum 10 chhung a zawna kal kim lawman te pek a ni ang. Zirtawp zan inkhawmah District SS Director Pastor Lalruatkima Fanaiin thuhril rawngbawlna a nei bawk dawn a ni.
———-
NMD MISSIONS CONFERENCE VAWI 43-NA ROREL TLANGPUI:
N.Mizoram District Missions Conference vawi 43-na Oct. Ni 27-29 chhunga neih chu tluang taka zawh a ni a, conference rorel pawimawh zualte hengte hi an ni:
1.Conference neih lehna hmun tur hetiang hian ruahman a ni:-
1. Aibawk Bial -2024
2. Kol. Diakkawn Bial -2025
3. Chawlhhmun Bial – 2026
4. Kanghmun Bial – 2027
5. Mamit: -2028
Agenda 2-na: West Phulpui Missions Field chu Kohhranpuia hlankai tha tih tlan niin; District Kohhranpui ah thlen tha tih a ni.
Agenda 3-na: Dist. Mission Confe thlengtute puihna neih Rs. 200000 hman mek chu Rs. 100000-a tihsan ni se. Rs. 300000 ni tawh se tha tihtlan a ni.
Agenda 4-na: Kum 2024 chhung atan Dist. Missions Dept. Hian Second Sunday zana tawngtai thupui tur siam nise tih chu tha tih tlan a ni.
Agenda 5-na: Home Missions Field-a thawktute Missionary te hian 1st Aid & Medical Training buatsaih ni se tih chu tha tih tlan a ni.
Agenda 6-na: Dist. Missions Dept te hian Field member ten thlarau thianghlim an dawn theih nan hma nasa zawkin la rawh se.. tih chu tha tih tlan a ni bawk.
NMD Missions Dept hian Confe lai hun remchangah District Board nei bawkin District Missions Board hian Field 2 Post ruak hnawhkhat turin Casual worker thawktu pahnih a la a, thawktu a lak thar te hi an post tur nen hetiang hian an awmna tur a ruahman:
1. Bro. H. Vanroenga, Thenzawl chu Bukvannei Mission Field-ah awmin Nov ni 1 khan Joining report a pe a.
2. T.Upa Lalthangzuala, Kol Rengtekawn chu Mamit Bial Vawngawnzoa awm tura tih Nov. Ni 1-ah Joining report a pe bawk.
Heng thawktu lakthar 2 te hian an post tharah rawngbawlna an tan tawh a ni.
———-
LADIES AUXILLIARY TAILORING CENTRE –AH FAREWELL (LATC) FUNCTION HMAN A NI:
N.Mizoram District LAD ten a thlawna puanthui zirna an buatsaih Ladies Auxilliary Tailoring Centre 3rd Batch zirlai naupangte Oct. Ni 31 thawhlehni khan thlahna inkhawm an hmang.
LATC 3rd Batch thlahna inkhawm North Mizoram District LAD President Sist. K. Lalhmachhuani B/W in kaihruaiin, Sist. Lalzuiliani B/w in tanna hun a hmang a, Zirlaite result Dist. LAD Secy Sist. Krosschhuanawmi B/w in a puang a, Zirlai zir zawng zawng tha takin an passed vek a ni.
LATC farewell function hmanah hian District Supdt. Rev. Chhiarpuia leh Dist. Secy. Rev. K. Lalduhsanga ten thu an sawi a ni. Dist. Supdt. Hian Zirlaite chu Theory mark-ah sang tak nih a tha a, a aia pawimawh zawk chu taimakna leh thawhrimna a ni a ti.
LATC Farewell function hi Rev. C. Lalramthanga’n tawngtaiin a tin a ni.
———-
BIAL JOIN REVIVAL HMANG:
North Mizoram District huam chhunga Pastor Bial 31 te chuan Nov ni 11 leh Nov 12 Pathianni zan thleng Bial inkawp tura siam te’n Bial Join revival an hmang dawn. Bial inkawp leh revival an hmanna hmun tur hetiang hi a ni.
1. Headquarters Bial , Tlangnuam Bial leh Hunthar Bial te’n Revival meet District Headquarters Biak inah Revival Meet an nei ang.
2. Chawlhhmun bial, Chaltlangbial, West Phaileng bial, Lengpui bial leh Damparengpui bialte’n Chaltlang bial Bawngkawn local-ah Revival Meet an nei ang.
3. Kolasib Venglai bial, Kolasib Rengtekawn bial,Bilkhawthlir bial, Vairengte bial leh Phainuam bial ten Kolasib Venglai Biak In ah meet an hmang ang.
4. Kawnpui Bial, Kolasib Diakkawn Bial, Bukpui Bial, Sihphir Bial, Durtlang Bial ten Kolasib Diakkawn bial headquarters Biak Inah Meet an hmang ang.
5. Thenzawl bial, Sialsuk bial, Sumsuih bial leh Aibawk bial Aibawk Bialah Revival meet an nei ang.
6. Dinthar Bial, Maubawk Bial, Kanghmun Bial leh Reiek Bial ten Dinthar Biakinah Joint Revival an hmang ang.
7. Rengdil Bial, Mamit Bial, Tlangsang Bial, Bairabi Bial, Zawlnuam Bial ten Rengdil Biak Ina Nov ni 10-12 Chhungin revival Meet an hmang ang.
———-
MISSIONARY THAR THLAHNA PROGRAMME HMAN A NI:
Nov ni 8 Nilai zan khan Kolasib Rengtekawn Bial chuan District Missions Board in Missionary atana a lak thar Tual upa Lalthangzuala thlahna bial huapin an hmang. Missionary thlahna inkhawm hi Upa Lalhruailiana bial treasurer-in a kaihruai a, Upa T.Liana Bial Mission Director leh Tual upa Lalfakawma Bial P.Y.D Vice President leh Upa Lianpauva Bial Sunday School Secretary leh Bro Gideon Lalremruata Bial Thianghlimna Committee Secretary ten thu chah an sawi a, Missionary tura lak hi Rengtekawn Bial chhung a Church Board chinten lu chunga Kut nghatin an tawngtai bawk.
Tual Upa Lalthangzuala pawhin Thu tawi sawiin, Bialtu Pastor Rev C.Lalthlengliana’n lawmpuina leh Fuihna thuchah a sawi a, Bial kohhranpui atangin Ngaihruina Thuziak bakah Rs 1000 hlan a ni a, Bial Department hrang hrang, Bial Thianghlimna Committee piah lamah mimal leh chhungkua ten thilpek hrang hrang an hlan bawk.
Tual upa Lalthangzuala hi Kolasib Rengtekawn bial, Rengtekawn Kohhran a lawi niin; Bial P.Y.D Treasurer leh Rengtekawn Local Puitling S.S. Secretary chanvo chelh lai a ni a, Mamit Bial Vawngawnzo Missions Field-ah a awm dawn a ni.
Facebook