GENERAL HRUAITUTE PROGRAMME:
General Superintendent Rev. R. Lalrinsanga chuan March ni 9 – 10, 2024 chhung hian Aizawl East District Conference vawi 30-na, N. Lungpher a neih ah telpuiin March ni 10 Pathianni zingah Thusawi rawngbawlna a nei ang.
General Secretary Rev. Zohmingthanzama chuan March ni 10 Pathian ni hian NMD Headquarters, Tuikhuahtlangah hun hmangin Sunday School Zirtir na a nei ang.
General Treasurer Rev. Lalmalsawma Sailo chuan March ni 8 atanga March ni 10 chhunga Churachandpur District Conference vawi 71-na, Tuibuang Section a neih ah telpuiin, rawngbawlna a nei ang.
General Missions Director Rev. R. Laichhingpuia chuan March ni 9 – 10, 2024 chhung hian Bihar Missions Field Conference hmanpuiin, March ni 12 Thawhleh ni ah Kujhesar Biak In hawnna a nei bawk ang. March ni 15 Zirtawp ni ah N. Bengal and Sikkim Missions Field, Siliguri Building Lungphum phum in hun a hmang bawk ang.
———-
———-
CHHIMTUIPUI DISTRICT
48th DISTRICT LAD CONFERENCE HLAWHTLING TAKA HMAN A NI:
Chhimtuipui District LAD Conference Vawi 48 na chu Ni 1-3 March 2024 khan Tuipang L Local Church ah hlim tak leh hlawhtling taka hman a ni. Bial hrang hrang atanga Conference palai kal hi mi 600 vel an ni a, Speakers Rev.Joseph L.Thlauhthang, Evan.Ls Lalhmingmuana, Evan.E Khaching leh Evan.H Lalhruaitluanga te hnen atangin thupui “I dam em? i pasal a dam em? naupang kha a dam em?” tih hmangin Pathian thu tha tak tak ngaih thlak thin a ni. He Conference hi Lunglei District atangin Sist.R.Lalramchhani Secretary District LAD, Sist. Lalremsiami Asst.Secretary District LAD, Sist.Lalramchhani Treasurer District LAD, Sist.Lalnghakliani Treasurer Theihriat Bial, Sist.Lalchhanhimi Sailo Treasurer Rahsiveng Bial, Bro.Biakhmingropuia Driver ten an telpui bawk a ni.
———-
DISTRICT CONFERENCE HMANG DAWN:
48th Chhimtuipui District Conference chu Ni 14-17 March 2024 hian Bualpui NG Local ah neih a ni dawn a, hemi rual hian District Sunday School Dept leh District PYD ten Conference an nei ve bawk ang. Hlim taka hman anih theih nan a thlengtu Bial leh Local te nasa takin an in buatsaih a, bial hrang hrang atangin palai tam tak kal turin an beisei a ni. Chhimtuipui district Conference hi Rev.R.Lalrinsanga General Superintendent in a hmanpui dawn a ni.
———-
———-
LUNGLEI DISTRICT
LUNGLEI DISTRICT UPC CONFERENCE TLUANG TAKA NEIH A NI.
(District Superintendent atan Rev.C.Lalrintluanga thlan a ni.)
February ni 29 Ninga zan atanga March ni 3 Pathianni zan thleng khan UPC Lunglei District Conference vawi 59-na chu Headquarters Local Biak In, Chanmari-ah neih a ni a, Inkhawmpui thupui ah hian THLARAU THIANGHLIM NEI RAWH U’ Joh. 22:20 chu hman a ni a, General Treasurer Rev.Lalmalsawma Sailo chuan a hmanpui.
March ni 2 Inrinni khan District conference Hall-ah Lunglei District UPC hruaitu (2024-2025) tur thlanna General Treasurer Rev.Lalmalsawma Sailo kaihhruainain neih a ni a, District Superintendent ah Rev.C.Lalrintluanga chu thlan a ni a, District Secretary ah Rev.Pc.Lalfakawma chu thlan niin, District Treasurer-ah Pastor K.Vanlalhruaia chu thlan a ni.
Hruaitu thlan anih hnu hian kohhranpui chuan District Conference Hall-ah Superintendent Rev.C.Vanlalena kaihhruainain rorelna an nei chhunzawm a, dan siam that kum anih angin dan lam khawih thil chi hrang hrang an rel a, District inrelbawlna tur thu pawimawh tak tak pass an nei a, General thleng tur dan khawih thil engemawzat an ngaihtuah bawk. Tin, Theiriat bial thenin bial thar Zobawk bial hawn nise tha tih a ni a, kumtin May Pathianni vawi 3-na hi PCD Sunday atan hman thin nise tha tih a ni bawk. Nakkum 2025 District inkhawmpui vawi 60-na chu Headquarters Local, Chanmari ah nghah nise tha tih a ni.
Report bu a alan danin UPC Lunglei District chhungah hian bial 20 a awm a, Local 113 ah Member 19292 an awm mek a ni. Kum 2023 chhung khan Lunglei District UPC hian hma nasa takin a sawn a, Office building thar hawn anih bakah Local 9 hnenah Biak In sak tanpuina a pe a, Athibung biak in sak tanpuinate, Andaman & Nicobar Island ram lei na tur te, Jengkha Biak in sak tanpuina te a pek bakah District chhungah Pastor Quarters leh Local hrang hrang Biak In sak tanpuina a sem chhuak bawk.
March ni 1 Zirtawpni hian Sunday School Department leh PYD ten ro an rel a, Sunday School Department Conference vawi 34-na hi Director Evan.PC.Zosangliana kaihhruainain Biak Inah neih a ni a, an thurel pawimawh zingah District Sunday School atanga Sunday School Hall sak ṭanpuina inpek thin hi Rs 10000/- ni tawh se tha tih a ni a, Sunday School hming ziak aṭanga chhuta Exam tam ber bial hnenah lawmman siam nise an tih bakah General a thlen tur thu pawimawh tak an ngaihtuah bawk.
Lunglei District chhungah hian Sunday School hming ziak zawng zawng hi zirtirtu leh hruaitute telin member 11140 an ni a, Kum tawpa Exam zawng zawng hi member 6482 an ni. Nikum 2023 chhung khan Lunglei District Sunday School Department hian kum 25 chin Sunday School a mawhphurhna lo chelh tawh mi 10 hnenah citation an hlan a, General Sunday School Department nen tangkawpin Zirtirtu leh hruaitute pualin Seminar a buatsaih bawk.
PYD Conference vawi 56-na rorel inkhawm hi District UPC Conference Hall ah Vice President Upa C.Malsawmkima kaihhruainain neih a ni a, an thurel langsar zingah District huapa thisen pek leh nise tha tih a ni a, Ruihhlo do kawnga hmalak nise an tih bakah PYD thuzir bu hi uar zawka zir tura hmalak tha an ti bawk.
Report bu a alan danin Lunglei District chhungah hian PYD dinna Local 96 awmin Member hi 5739 (Mipa 3685,Hmeichhia 2054) an awm mek a ni. Lunglei District PYD hian Manipur ram buai avanga kan unaute tanpui nan Rs.148250 a pe a, Bial 10 atangin Civil Hospital Blood Bank-ah Thisen unit 391 an pe bawk.
———-
DISTRICT MISSIONS BOARD NEIH A NI.
(Free Evangelist atan Rbt.C.Zodinpuia Pukpui Local lak a ni)
March ni 1, Zirtawpni chawhnu dar 2 khan District Board Room ah Lunglei District Missions Department Board chu Director Rev.C.Lalhriatpuia kaihhruainain neih a ni a, an thurel pawimawh zualte :
1.Free Evangelist atan Bro.C. Zodinpuia s/o C.Lawmthanga of Pukpui lak a ni.
Pannel list ah thla 3 chhung atan Sist.K.Lalnunpari dah a ni.
2.Crusade fund Pangzawl bial leh Sertlangpui bial ₹10000/- ve ve pek an ni.
———-
———-
AIZAWL EAST DISTRICT
District Conference hman mek a ni:
March 7, Ninga zan atang khan Saitual Bial, N. Lungpher hmunah Aizawl East District Conference vawi 30-na chu hman mek a ni a, Pathianni zan hian a tiak ang. Conference tan zan, Ninga zan khan Rev. R. Lalthanzuala chuan Conference hlanna a nei a, Palai lawmna thu Bialtu Pastor B.Lalengzauva hnen atangin ngaihthlak a ni. Inhmelhriat tirna Chairman-in a nei bawk a ni.
Kumin Aizawl East District Conference-ah hian District PYD leh Sunday School Department te bet tel ve in an pual hian March 8, Zirtawp zan khan Inkhawm a awm bawk a ni. March 8, Zirtawpni chawhma Dar 10:30-ah rorelna hetiang hian an nei bawk. District PYD: Community Hall, N. Lungpher; District Sunday School: N. Lungpher Biakin. Kohhranpui rorel hi March 9, Inrinni chawhma Dar 10-ah khan Conference neihna hmun N. Lungpher Biakinah hian neih a ni bawk a ni.
Kumin Conference-ah hian thupui hranpa nei lovin mi hrang hrang ten thusawi rawngbawlna hetiang hian an nei dawn a ni.
Ninga zanah Evan Lalhmangaiha Chawngthu, Serchhip
Zirtawp zanah Rev. C. Lalmalsawma, District PYD President
Inrinni zanah Rev R. Lalhawia, Mualpui Bial
Pathianni chawhmaah Rev R. Lalrinsanga, General Superintendent
Pathianni chawhnuah Sacrament rawngbawlna- Rev. KVL. Hmangaihkima, District Superintendent
Pathianni zanah Rev. KVL. Hmangaihkima, District Superintendent
Pathianni zan inkhawm hi District Superintendent Rev KVL. Hmangaihkima, May 30. 2024-a Pension-a chhuak tur thlahna inkhawm neih tur niin hetah hian District Kohhranpui chuan thlahna thilpek pe in District Department te pawhin thilpek an hlan bawk ang.
Zirtawp zan inkhawmah District Sunday School Department ten chawl lova Zirtirtu Kum 25 thawkte hnenah chawimawina an hlan a, Inrinni zan leh Pathianni zanah Kohhranpuiin lawmman an sem turte semin Pathianni chawhma inkhawmah Upa leh Licence Holder Kum 25 chawl lote hnenah chawimawina hlan an ni bawk dawn a ni. Pathianni chawhnu-ah sunna Rev. Rotluanga kaihhruaiin neih a ni bawk ang.
Aizawl East District Conference hman mekah hian Pathianni chawhma inkhawmah Pastor nemnghehna, District Superintendent chuan a nei bawk dawn a ni.
———-
Selam Biak Inpui leh Selam Vengthar te Hnahlan Bial-a awm turin lawhluh an ni.
District Board in alo passed tawh angin 03.03.2024 Pathianni chawhma inkhâwmah khan Ngopa bial a awm thîn, Selam a tualchhûng Kohhran pahnih, Selam Biak Inpui leh Selam Vêngthar te chu Hnahlan biala awm tûrin lawmluhna neih a ni.
He lawmluhna nei tur hian 02.03.2024 Inrinni ah, Hnahlan bialpui hruaitute leh Hnahlan bial a bial Department hruaitute an kala, Inrinni zanah Evan.Lalzarzoliana Pârtê, Hnahlan bial Secretary in Pathian thu a sawi a, Pathianni chawhma ah bialtu Pastor Albert Chanchinmawiia’n hun a hmang bawk. Chawhnu ah inkhawm lovin, bialpui hruaitute leh Church board memberte leh Bial Department hrang hrang hruaitute leh tualchhung dept. hrang hrang hruaitute, hmalak zêl dân tûr leh thawhhona tha zâwk a awm theih nân inkawm hona neih a ni a, hlâwk thlâk an ti hlê. Pathianni zân inkhâwmah Upa Chuailova, bial Treasurer in Pathian thû sawina a nei. He hunah hian Farnu Vanlalhmangaihtharzêli Pârtê in Pathian fakhlâ sa in Kohhran ten hlim takin hun an hmang a ni.
———-
———-
NORTH MIZORAM DISTRICT
UPC, NEI, North Mizoram District Conference vawi – 74-na tluang taka hman a zawh ni:
United Pentecostal Church of North East India North Mizoram District chuan Conference vawi – 74-na, “Lalpan thil ropui takte min tihsak a” tih thupui hmang Feb ni 29- March ni 3 chhunga District Headquarters Biak in Tuikhuahtlang hman chu March ni 3 Pathian ni zan khan tluang taka zovin an tiak.
Conference hman chhung hian Rev. Chhiarpuia, Dist. Supdt. Rev. K. Lalduhsanga, Dist. Secy leh Rev. C. Lalthantluanga Dist. Treasurer ten kaihruaiin, Inkhawmpui tan zanah Conference UPC, North East India Former Gen. Supdt. Rev. K. Darsailova’n hawngin North Mizoram District ten Pathian malsawmna nasa tak an dawnah lawmthu a sawi a, Confe tan zan hian Rev. H. Zabiaka, Hunthar Bial Pastor in Pathian thuchah a sawi a, thupui atan Lalpan thil ropui takte min tihsak a (Thlarauvah) tih hmangin thuchah a a sawi a ni.
Conference chhung hian Speaker tan heng mite hi hman a ni, an thupui sawi nen tarlang ila
Rev. H Zabiaka: Lalpan thil ropui tak te min tih sak a (Thlarauvah)
Rev. C. Lalmuanpuia: Lalpan thil ropui tak te min tih sak a (Thilpekah)
Rev. P. Chunga Former Gen. Supdt: Pathian Chawimawina Speaker
Rev. C. Lalrammuana: Lalpan thil ropui tak te min tih sak a (Sengkhawmna-ah)
Rev. R. Lalrinsanga: Lalpan thil ropui tak te min tih sak a (Inrelbawlna-ah)
Rev. Chhiarpuia : Lalpan thil ropui tak te min tih sak a.(Thutak-ah)
Conference dang ang lo takin Conference vawi 74-na hman tum hian March ni 2 Inrinni nileng khan Pathian chawimawina inkhawm neiin; hei hi North Mizoram District-in hun harsa leh thim tak tak paltlanga Lalpa’n hun tha leh muanawm a herchhuahpui leh chungchangah Lalpan kohhranhote a a hruainaah lawmna avanga Pathian chawimawina inkhawm buatsaih a ni.
Conference neih chhung hian Malzaia Pathian fakna tum 5 awmin, Zaipawl Pathian fakna tum 5 a awm bawk
He Conference hi hruaitu thar thlan hun a nih angin March ni 2 Pathianni zing khan Gen. Supdt. Rev. R. Lalrinsanga kaihhruaina hnuaiah Kum 2024-2025 North Mizoram District hruaitu thlan thar hun neihna a ni a, heng mite hi thlan chhuah a ni:-
Superintendent : Rev. K. Lalduhsanga
Secretary : Rev. C. Lalthantluanga
Treasurer : Rev. C. Lalmuanpuia
March ni 1 Zirtawpni khan Conference rorel nei bawkin an rorel thu passed te:
Kum 2028 thleng Confe thlenna tur ruahmanna hetiang hian siam a ni.
Kum 2025 – Bilkawhthlir Bial
Kum 2026 – Dinthar Bial
Kum 2027 – Kolasib Diakkawn Bial
Kum 2028 – Chaltlang Bial
Kum 2024 chhung hian Ram lak beihpui thlak ni se.
Chhiat that ni khua a rawngbawlna nei turin Lengpui Airport-ah Chaplain dah nise.
North Mizoram District huam chhunga Bial Joint revival neih thinah Pathian ni zing thawhlawm hi Bial Missions Dept pual ni tawh se. Tih te rel a ni.
Conference Report bu in a tarlan dan atanga North Mizoram District dinhmun tlangpui te:-
Bial awm zat : 31
Kohhran member zat : 29950
Kohhran in awm zat : 6966
Biak in awm zat : 192
Kum 2023 chhunga member punna:1365
Kum 2023 chhunga member boral: 22
Thlarau thianghlim dawng tawh zawng zawng: 11989
Thlarau Thianghlim dawng thar zar: 512
Sual ngaihdamna Baptisma chang thar zat mi:862
North Mizoram District Conference vawi 74-na Lalpan nasa takin hriak a thih a, Thlarau lam hla leh fakna hla sak apiang nung tak leh hlim taka sak thin niin; Biak in pum mai lamna hmunah chantir thinin Confefence Pathian hriakthih takzet a ni.
———-
North Mizoram District Board tluang taka neih a ni:
March ni 3 leh ni 5 Thawhtanni leh thawhlehni khan District Board Meeting Rev. Chhiarpuia kaihhruaia neiin; Board ni khat ni a, Pentecostal School of Ministry-a kal dil te, Kohhranpui Missionary leh Revival Speaker dil te, Gen. Licence, Local Licence, Bible women leh CBC kal dil te interview neih hmasak a nih bakah hetiang hian Pastor 1 lak thar niin District Department hruaitute thlan thar a ni bawk:-
Pastor Lak thar: Pastor C. Lalruatsanga
Department Hruitute:
Missions Department
Director : Rev. C. Lalramthanga
Secretary: Evan. R. Lalthangchhuana
Treasurer: Evan. JH Malsawmdawngliana
Sunday School Department
Director : Pastor Lalruatkima Fanai
Secretary: Evan. Challiana
Treasurer: Evan MS Dawngliana
Ladies Auxilliary Department
President : Sist. F. Rohlupuii B.w
Secretary: Sist. Doris Lalrinsangi B.w
Treasurer: Sist. Lalzuiliani B.w
Pentecostal Youth Department
President : Rev. B. Vanlalruata
Secretary: Evan. K. Rotluanga
Treasurer: Evan. Lalmuanawma
Pastor Transfer & Posting khawih hun a nih angin hetiang hian transfer and posting siam a ni:
1. Dinthar Bial – Rev.Chhiarpuia
2. Chawlhhmun Bial – Rev.K. Vanlaldika
3. Tlangnuam Bial – Pastor Vanlalruata
4. Maubawk Bial – Rev.HF.Malsawma
5. Kol.Diakkawn Bial – Rev.PC.Laltlankima
6. Sialsuk Bial – Pastor H.Lalrinpuia
7. Sumsuih Bial – Pastor Lalramthanga Kawlni
8. Mamit Bial – Pastor C.Lalruatsanga
9. Kawnpui Bial – Rev.Lalruatkima Fanai
10. Bukpui Bial- Rev.R.Lalhmangaiha
Charge in hlan hun Dt.25.3.2024 Mon.
Transfer hun hi Dt.26.3.2024 tih a ni a, a rem chan dan angin kan Hotuten an rawn ruahman bawk ang.
Induction
Service hi Dt.27.3.24 Nilaini zan
Pastor C.Lalruatsanga Joining Report hun tur Dt.15.3.2024 a ni ang.
Facebook