GENERAL HRUAITUTE PROGRAMME:
General Superintendent, Rev. R. Lalrinsanga chuan March ni 2 atanga 5 chhung North Mizoram District Conference vawi 73na, Thenzawl Field Veng a neih chu hmanpuiin rawngbawlna a nei.
General Treasurer Rev. Lalmalsawma Sailo chuan March ni 3 atanga 5 chhung hian Lunglei District Conference vawi 58-na, Headquarters Kohhran, Lunglei Chanmari a neih chu hmanpuiin Speaker-ah tangin rawngbawlna a nei ang.
General Sunday School Director, Rev. Biaksangzuala chuan March ni 3 atanga 5 chhung hian Lawngtlai West District Conference Vawi 5 na neih chu General Superintendent Represent niin a hmanpui. March ni 3 Zirtawpni zan ah Lawngtlai West District Conference hawnna neiin, Pathianni Zing leh Zan inkhawmah thusawi rawngbawlnaa nei bawk ang.
———-
GENERAL SUNDAY SCHOOL LEH NATIONAL HEALTH MISSION :
Vawiin March ni 2, 2023 Ningani khan General Sunday School OB te leh National Health Mission, Mission Director Dr. Eric Zomawia te chuan inkawm hona hun an hmang.
General Sunday School Conference in vaihlo leh a kaihhnawih dona kawnga sawrkar lamte nen thawk hova hmalak nise tia ruahmanna a lo siam bawhzuiin National Health Mission hruaitute hi kawm an ni a. Kohhran leh sawrkarin huam zau leh tangkai zawka ke an pen dun theih dan tur ruahmanna hrang hrangte sawi hovin; thawh ho dan tur an duang. He meetingah hian Pu R. Lalremruata, State Consultant NTCP pawh a tel a ni.
General Sunday School OB te hian Feb ni 7, 2023 khan NTCP lama hruaitute pawh an lo titi pui tawh nghe nghe a ni.
———-
———-
NORTH MIZORAM DISTRICT
DISTRICT HRUAITUTE PROGRAMME:
North Mizoram District hruaitu pathum Rev. Chhiarpuia, Dist. Supdt., Rev. K. Lalduhsanga Dist, Secy leh Rev. C. Lalthantluanga Dist. Treasurer te chuan March 2-5, 2023 chhunga NMD Conference vawi 73-na Thenzawl Field Veng Biak ina neih turah kalin hun an hmang a, Conference zawh March ni 7-9 chhungin District Board District Committee Room-ah neih a ni ang.
———-
NORTH MIZORAM DISTRICT CONFERENCE VAWI 73-NA HMANG:
UPC, N.E.I North Mizoram District chuan March ni 2nd – 5th, 2023 hmang in District Conference vawi 73-na, Thenzawl Fieldveng Biak inah a hmang dawn.
Conference hi March 2, 2023 Ningazanah tanin, Rev. H. Zakiamlova, Pensioner in Conference a hawng ang a, Confe chhung hian Inkhawmpui thupui “Kohhran” tih hmangin thupui then hrang hrang heng speaker te hian an sawi ang 1) March 2 Ninga zanah Upa C. Lalnunmawia, Hqrs Bial 2) March 3 Zirtawp zanah Rev. C. Lalthlengliana, Kol. Rengtekawn Bial Pastor 3) March 4 Inrinni zanah Rev. K. Lalduhsanga, Dist. Secretary, North Mizoram District 4) March ni 5 Pathianni zingah Rev. R. Lalrinsanga, Gen. Supdt. (UPC-NEI) leh 5) March 5 Pathianni zanah Rev. Chhiarpuia, Dist. Supdt. NMD..
Confe-ah hian Zaipawl hrang hrang 1) Thenzawl Bial PYD 2) Thenzawl Field Veng PYD Zaipawl 3) General PYD Choir leh NMD PYD Zaipawl te an zai ang a, Mal zaiah heng i) Rebek Remsangpuii ii) Lalnuntluangi iii) Lalruatdika iv) Lalneihpuii leh v) Lalfakzuali te an zai bawk dawn a ni.
March ni 3rd Zirtawpni ah Conference report kohhranpui leh Department hrang hrang atanga report ngaihthlak a nih bakah Dist. In Lawmman hrang hrang a buatsaih te sem a ni bawk dawn a ni.
March ni 4th Inrinni nilengin Conference rorel neih ni bawkin, Inrinni zan atangin revival inkhawmin March ni 5 Pathianni confe tiak zan thleng hman a ni bawk dawn a ni.
———-
BUKPUI KOHHRAN TEN NMD OFFICE TLAWH:
March 27, 2023 (Thawhtanni) chawhnu dar 2:00 khan Bukpui Local hruaitute chuan Bialtu Pastor H.Lalrinpuia hovin Aizawl khaw chhunga UPC – NEI hmun pawimawh NMD Office, General Office leh AED Office te an tlawh. hmun pawimawh hrang hrangte an tlawhah hian chawhnu Dar 2:00Pm ah NMD Office an lo thleng a, District Secretary REv. K. Lalduhsanga leh Office Staff ten lawm takin an lo dawngsawng a ni.
District Office-ah hian Inkhawm tawi hmangin Rev K.Lalduhsanga, Dist. Secy in a kaihruai a, ani hian Office Staff te inhmelhriattirna nei nghalin kohhranin harsatna a tawh leh chumi atanga Pathianin khaw eng hmu tura NMD in malsawmna a dawn dan chungchang te a sawi a, Bukpui Bialtu Pastor H. Lalrinpuia’n Bukpui lam Kohhran hruaitute inhmelhriattirna nei bawkin, Evan. MS Dawngliana’n tawngtaina a nei a, Inkhawm tihtawp a ni.
Inkhawm ban hnu hian Distrrict Office in mikhualte an lo lawmna thingpui leh a hmeh tui tak eia in ho a ni a, Bukpui lam atangin Office staff-te duhsakna thilpek chawhmeh tui tak an pe bawk.
———-
Thilpek pe:
Feb 27, 2023 thawhlehni khan Tuipuibari Northy Kohhran in mamawh em em khuang chu North Mizoram District, Missions Deptt chuan lei sakin Director Rev. C. Lalramthanga’n a hlan a ni.
———-
THENZAWL BIAL REPORT:
March, 26 Pathianni khanPWD Veng Local-ah Bial Mission Dept. Target intuakpui programme Rev. C. Lalrammuana Thenzawl Bialtu Pastor chuan neihpuiin, He hunah hian Bialtu Pastor kutah mi 7 in sual ngaihdamna baptisma an chang bawk a ni.
———-
MITHAR NEI:
March 26, Pathianni khan NMD Home Missions Field K. Sarali-ah thawktu Evan. John Gabriela rawngbawlna atangin Mithar nei a ni a, Missionary hian Lal Isua hmingin Kohhran lawmluhna a nei nghal a ni.
———-
REIEK BIAL MITHAR LEH NEWS DANG:
March 22, 2023 (Nilai) zan khan Rulpuihlim local ah, Bro. Robin Lalsangliana (Vala) MZ UPC chu UPC-NEI-ah lawmluh a ni.
Reiek bial Mission Dept chuan bial Mission Conf rorel bawhzuiin, Dist home Mission field a a tul apianga hman atan Rs. 10,000/- Dist. Mission Dept ah an pe.
Reiek local Mission Dept leh local PYD te tangkawp chuan, Rulpuihlim Kohhran chhungkaw khat in sa tur tanpui nan tile phek 25 an pe bawk.
———-
Lawipu Biak in sak lungphum phum:
March 24, 2023 zirtawp ni zing dar 8 khan Maubawk bial Lawipu kohhran Biak In thar sakna tur lungphum phumna Rev.K.Lalduhsanga District Secretary chuan a nei. Lungphum phum hma hian Pathian thu chhiarin thuchah tawi a sawi a,chumi zawhah lung chu phumin Bialtu Pastor Rev.R.Lalhmangaiha’n tawngtainain hun a khar a ni.
———-
———-
AIZAWL EAST DISTRICT
District Conference atan inbuatsaihna peih thawkhat a ni:
March 9 atanga 12 chhunga N.Vanlaiphai Bial ten, Leilet Biakina District Conference vawi 29-na an thlen tur atan inbuatsaihna peih thawkhat a ni. District Conference hi March 9, Zirtawp zan atangin hman tan tur niin Rev. Biaksangzuala, General Sunday School Director chuan Conference hlanna a nei anga, Palai lawmna thu Bialtu Pastor B.Lalhmingliana hnen atangin ngaihthlak a ni bawk ang. Kumin Aizawl East District Conference-ah hian District LAD leh Sunday School Department te bet tel ve in March 10, Zirtawpni chawhma Dar 10:30-ah rorelna hetiang hian an nei dawn a ni. District LAD: Hqrs. Biakin, N. Vanlaiphai; District Sunday School: Leilet Biakin, N. Vanlaiphai. Kohhranpui rorel hi March 11, Inrinni chawhma Dar 10-ah tan Conference neihna hmun Leilet Biakinah hian neih a ni dawn a ni.
Kumin Conference-ah hian thupui hranpa nei lovin mi hrang hrang ten thusawi rawngbawlna hetiang hian an nei dawn a ni.
Ninga zanah Evan Lalramzauva, Bethlehem Bial
Zirtawp zanah Upa F.Lalzawmliana, Kahrawt Bial
Inrinni zanah Rev V. Biaksangliana, Director, Kolkatta Missions Field
Pathianni chawhmaah Rev Zohmingthanzama, General Secretary, UPC- NEI
Pathianni chawhnuah Rev R.Malsawma, Zemabawk Bialtu Pastor
Pathianni zanah Rev R.Laltlankima, District Secretary
Zirtawp zan inkhawmah District Sunday School Department ten chawl lova Zirtirtu Kum 25 thawkte hnenah chawimawina an hlan anga, Inrinni zan leh Pathianni zanah Kohhranpuiin lawmman an sem turte semin Pathianni chawhma inkhawmah Upa leh Licence Holder Kum 25 chawl lo leh Sr. Upa te hnenah chawimawina hlan an ni bawk dawn a ni. Pathianni chawhnu-ah sunna Rev VL.Hnemtluanga, District Missions Director kaihhruaiin neih a ni bawk ang.
Conference thlengtu tur N. Vanlaiphai Bial te pawh nasa taka inbuatsaih tawhin N. Vanlaiphai khaw chhunga Kohhran chhung tinte mikhual thleng thei turin an inbuatsaih hlawm a ni. Mikhual hmuahna hi Counter pahnih siam niin Venglai-ah leh Rahsi Vengah mikhual te hi lo hmuah tur a ni dawn a ni. Aizawl East District Conference hi Pennet AED Youtube channel-ah Live tura ruahmanna a ni bawk.
———-
Revival Crusade hlawhlting takin hmang:
February 23 atanga 26 chhung khan Saitual Bial, Tualbung hmungah Revival Crusade hlawhtling taka neih a ni. He Crusade-ah hian Rev KVL.Hmangaihkima, District Superintendent chu Speaker-ah hman niin Pathian thlarau thianghlim awmpuina hnuaiah hun hlim takin an hmang a ni. Zirtawpni khan Pathian thu zirhona neih niin Pathianni tlaiah khan Tualbung kawnah Mual Inkhawm neih a ni bawk a, hlawk takin hun an hmang a ni. District Superintendent hi Evan HK.Lalhmangaiha leh a Team ten an tawimawm bawk a ni.
———-
Charge inhlanna nei:
Aizawl East District PYD hnuaia Sub- Committee peng hrang hranga hruaitu hlui leh tharte chuan March 3, Zirtawp zan khan District Committee room-ah Rev C.Lalmalsawma, President kaihhruaiin Charge inhlanna hun an hmang. Hruaitu hlui leh thar ten Charge inhlanna an neih zawha heng Sub-Committee hrang hrang a member turte Bial hrang hrang atangin ruatchhuahna neih chhunzawm nghal a ni. Sub- Committee hruaitu turte hi District Board February 18- a neih chuan alo ruat tawh a, chungte chu:
Kumpuan Committee
Chairman : T. Upa. C. Zamawia, Upper Republic Bial
Secretary : Bro. Jerry Lalrinsanga, Bazar Bial
Treasurer : Sis. Lalnghakliani Hauhnar, Zemabawk North Bial
Education Committee
Chairman : T. Upa. C. Lalnunfela, Bethlehem Bial
Secretary : Bro. Vanlalremruata Lushai, Zemabawk Bial
Treasurer : Bro. Johny Lalthafamkima, Bazar Bial
Music and Sound Committee
Chairman : Rev. C. Lalmalsawma, President, PYD AED
Vice Chairman : Evan. Zothansiama, President, Thuampui Bial
Secretary : Bro. Lallawmzuala, Bazar Bial
Treasurer : Sis. Lalnunhlimi, Thuampui Bial
Conductor : Bro. Nelson KVL. Chhandama, Bazar Bial
Assistant Conductor : Bro. Lalbiakdika, Upper Republic Bial
Fund Raising Committee
Chairman : Bro. Lalrammawia, Bazar Bial
Secretary : Bro. Lalrintluanga, Zemabawk North Bial
Treasurer : Sis. Lalhmingsangi, Mualpui Bial
Environment Protection Committee
Chairman : T. Upa. Johny Lalsangzuala, Mualpui Bial
Secretary : Bro. Lalhruaitluanga Sailo, Serchhip Bial
Treasurer : Sis. Lalhunlawmawmi Rokhum, Upper Republic
Street Ministry Committee
Chairman : Rev. C. Lalmalsawma, President AED PYD
Secretary : Evan. Lawmsangkima, Assistant Secretary, AED PYD
Treasurer : Sis. Betty H. Lawmsangpuii, Bazar Bial
———-
Mithar leh baptisma chang thar:
February 26, Pathianni khan Zemabawk Bial Lungbial Kohhranah member 10 Kohhranah sengluh an ni a, Nau pahnih hlan nghal a ni bawk. Bungbangla Kohhranah Member 3 Kohhranah sengluh an ni bawk. Bungbangla ah hian Evan Thangneihsanga’n rawngbawlna a nei a ni.“
February 26, Pathianni vek khan Bawngkawn Kohhran a lawi turin Member 7 chu Bialtu Pastor, Rev Vanlafela Ramtiam chuan Kohhranah a senglut. Member thar te hi Bialtu Pastor hian hriakhnawih in rawngbawlna a neihsak nghal a ni.
Bethel Bial, New Champhai Kohhranah Evan MH.Laldingliana rawngbawlna kaltlangin February 26, Pathianni vek khan Member 7 chu Kohhranah sengluh an ni““ a, Zokhawthar Kohhranah Evan Lalhunthara (Missions Evangelist) rawngbawlna kaltlangin Member 3 sengluh an ni bawk.“
Rabung Bial, Aiduzawl Kohhranah pawh member pakhat February 26, Pathianni khan sengluh a ni bawk.
———-
———-
LUNGLEI DISTRICT
DISTRICT CONFERENCE VAWI 58-NA NEI DAWN :
March ni 2-5 chhung hian UPC (NEI) Lunglei District Conference vawi 58-na chu Headquarters Local biak in, Chanmari-ah neih a ni dawn a, inkhawmpui thupuiah ‘I rawngbawlna kha hlen rawh’ II Tim.4:5 chu hman a ni ang a, General Treasurer Rev.Lalmalsawma Sailo leh Rev.V.Biaksangliana Kolkatta Missions Field-te chuan an hmanpui ang.
March ni 3 Nilaini ah District Sunday School Department leh Ladies Auxiliary Department ten rorelna an nei ang a, March ni 4 Inrinniah kohhranpuiin ro an rel ang. Inkhawmpui chhung hian General Treasurer Rev.Lalmalsawma Sailo leh Rev.V.Biaksangliana Kolkatta Missions Field, Rev.C.Vanlalena District Superintendent, Rev.LH. Lalchhandama, Chhipphir bialtu Pastor bakah Sist.PC.Lalrinthangi, President District LAD te chuan thuchah puanchhuahna an nei ang.
———-
PENTECOSTAL SOCIAL MINISTRY (PSM) COMMITTEE NEIH A NI:
February ni 24 Zirtawp zan khan PSM Lunglei District Committee chu Chairman Rev PC Lalfakawma kaihhruainain District UPC Conference Hall-ah neih a ni a, an rorel tlangpuite:
1. Puanthui zir chhuak ten an zir chhuah atanga thla hnih hmaa khawl an lei chuan PSM in Rs.3000 a tanpui nise.
2. Kumin 2023 chhung atan Tailoring Centre hi April – September chhunga kalpui leh nise, zirlai mi 10 lak tur niin, Instructress atan Sist.C.Lalhmunsangi Electric veng Lunglei chu ruat a ni. Heta zir duh turte chu Advertisement siama lak nise tha tih a ni a, dilna hi March ni 22 thleng PSM chairman hnenah thehluh tur niin interview hi March ni 24 ah neih tur a ni a, April ni 3 ah zirlaite lak luhna hun neiin April ni 4-ah Class tan se an tih bakah puanthui zirte hi an zir chhungin thla tin Stipend Rs.500 theuh pek nise an ti bawk.
3. Rualbanlo Sunday leh Relief Sunday-ah te Awarness Campaign neiin Local hrang hrang ah fehchhuah nise tha an ti bawk.
4. Lunglei District-a kan kohhran member UPSC Prelim through-te chu Rs.30000 a tanpui nise, MPSC Prelim through-te chu Rs.20000 in tanpuina pek nise an ti bawk.
5. Rescue Centre pual Account hran hawn nise, nikum 2022 balance atangin Rs.300000 dah tha tih a ni.
6. Pa khawi training buatsaih nise hruaituten hma lo la se tha tih a ni.
———-
PENNET BOARD NEIH A NI:
February ni 24, Zirtawpni khan Pentecostal Network, Lunglei District chu an chairman Rev.C.Lalrintluanga kaihhruainain an thukhawm a, an rorel langsar zualte:
1. Laptop thar lei nise.
2. Inkaihhruaina dan bu hmanlai siam that a ni.
3. Thuhriltu man lutin a chhut man chawi a daih loh nasat avangin aman tihsan nise Rs.40 khawn thin chu, kumin atangin kum khatah a lak man Rs.50 ni tawh se tha tih a ni.
4. District Sunday School Department nen thawk dunin Quiz Competition buatsaih nise tha tih a ni a, Sunday School Department-te biakrawn hmasak tha tih a ni.
5. Nakum 2024 ah LDF-a channel kan pek chhuahna hrui (Fibre) a thara thlun that tura ruahmanna siam nise.
———-
PASTOR QUARTERS LUNGPHUM:
February ni 23, zing Dar 7:30 Am khan Chawngte Pastor Quarters Lungphum hunserh hman a ni.
He Lungphum hun hi Pastor Jerry Lalmuanawma, bialtu Pastor-in kaihhruaiin, Rev C .Vanlalena, District Superintendent in lungphumna a nei. Bial chhung atangin rawngbawltu leh member ten he hun hi an hmanpui.
Bial huapin Quarters thiah leh ban khur laih hnatlang hi neih tum a ni a, March thla atang hian Quarters hi sak tan tum a ni. Quarters hi District Building & Property Committee ruahmanna hnuaiah sak tur a ni.
———-
HOME MISSIONARY LAKLUHNA NEI:
February ni 26 Pathianni khan Lunglei District Missions Department hnuaia W Bungtlang a Home Missionary-a thawk tur Evan T.Laltlawmlova Tawipui N-II lak luhna hun chu Thenhlum biak inah hman a ni.
District Missions Director Rev.C.Lalhriatpuia chuan Home Missionary Evan.T.Laltlawmlova lak luhna hun hi a hmang a, Upa leh rawngbawltute tawngtaina an neih sak bawk.
Evan.T.Laltlawmlova hi Missions Department in Field a hawn thar W Bungtlang ah a awm dawn a, kan kohhran la din lohna hmun a ni.
———-
———-
LAWNGTLAI WEST DISTRICT
DISTRICT PYD CONFERENCE:
Date 24-26 feb.2023 chhung in Lawngtlai West District PYD te chuan Diltlang South Local Church ah District Conference an hmang. Speaker atan Rev.VL Hnemtluanga chu an hmanga thupui ah “Zirtirna dik” 𝐭𝐢𝐭𝐚 2:1 tih chu hman a ni. Zaithiam tak² ten zaia rawngbawlna neiin thlenkim zan atangin boruak a tha in thlarau lam hla nen hun hman a ni.he mi bak ah bro Vanlalnelzualpuia Lawngtlai Dist.thlamuantu Agent chuan thlamuantu Chanchinbu campaign na hun hmangin Lawngtlai Dist chhunga PYD ten a tam thei ang ber thalaiin chanchinbu kan neih chhun hi i lang ang u tiin uar takin a sawi bawk a ni.
Inrinni chhunah Conference(Rorel) neiin PYD member kal ta te sunna hun neih a ni a, tlai lamah ruai ropui taka kilho a ni.Pathianni zing inkhawm bangah Rev.VL Hnemtluanga chuan Baptistma rawnbawlna neiin member panga(5)laiin sual ngaihdamna baptistma an chang a ni.
Rorel tlangpui te :
1.Kum 2025 District PYD chu kum 2022 Conference in a lo rel tawh angin Kum 2024 chu kohhranpui ah beh tur a ni a,kum 2025 District PYD Conference chu a hrana neih a nih hnu ah Lawngtlai South bialah nghah nise tiin lungrual takin an pawm tlang a ni.
2.Conference tanpuina chu Rs.2000/- a tih pun nise an ti bawk.
3.Blood Donation Callendar siam nise Blood donation Calendar atanga pek nise an ti bawk.
4.Membership form hi in ang tlang veka hman District hian siam nise tul leh pawimawh chu District board kutah dah a ni.
5.District PYD chuan Education Survey chu mumal taka neih tawh nise tul leh pawimawh chu District board kutah dah nise an ti bawk.
6.Bial thum Revival neih nise tih chu tha tih tlan niin kum 2024 chhungin neih ngei nise tul leh pawimawh chu District board ah dah a ni.
———-
CHAWIMAWINA NEI
Date 26.feb.2023 Pathianni chawhnu ah Lawngtlai West District PYD,Education Commt.chuan zirlai ti tha te hnenah chawimawina thuziak hlanna an nei a ni.
He Award hi Upa B.Thanchunga Award tih niin an chhungkua hian an sponsore a ni.
He mi rual hian Media Cell te chuan Bro Vanlalnelzualpuia thlamuantu Agent Lawngtlai leh Bro.C.Lalrinngheta News Editor Thlamuantu,PenNet Lawngtlai Dist.Incharge leh Lalruatpuia Hlawnchhing Media cell te chu Chawimawina Momento an hlan a ni.
Dan khatna a innei te hnenah chawimawina thuziak an hlan bawk.
MUSIC VIDEO TLANGZARG NA HUN HMANG
𝐃𝐚𝐭𝐞 26.𝐟𝐞𝐛.2023 𝐏𝐚𝐭𝐡𝐢𝐚𝐧𝐧𝐢 𝐡𝐢𝐚𝐧 𝐋𝐚𝐰𝐧𝐠𝐭𝐥𝐚𝐢 𝐖𝐞𝐬𝐭 𝐃𝐢𝐬𝐭𝐫𝐢𝐜𝐭 𝐏𝐘𝐃 𝐡𝐧𝐮𝐚𝐢𝐚 𝐌𝐮𝐬𝐢𝐜 & 𝐒𝐨𝐮𝐧𝐝 𝐡𝐦𝐚𝐥𝐚𝐤𝐧𝐚 𝐢𝐧 𝐏𝐫𝐨𝐣𝐞𝐜𝐭 𝐧𝐞𝐢𝐢𝐧 𝐑𝐞𝐩𝐡𝐢𝐝𝐢𝐦 𝐜𝐡𝐮𝐚𝐧 𝐝𝐢𝐬𝐭 𝐜𝐡𝐡𝐮𝐧𝐠𝐚 𝐳𝐚𝐢𝐦𝐢𝐭𝐞 𝐦𝐮𝐬𝐢𝐜 𝐯𝐢𝐝𝐞𝐨 𝐛𝐮𝐚𝐭𝐬𝐚𝐢𝐡 𝐜𝐡𝐮 𝐑𝐞𝐯.𝐅,𝐋𝐚𝐥𝐛𝐢𝐚𝐤𝐭𝐡𝐮𝐚𝐦𝐚 𝐃𝐢𝐬𝐭.𝐒𝐮𝐩𝐝𝐭 𝐜𝐡𝐮𝐚𝐧 𝐚 𝐫𝐞𝐥𝐞𝐚𝐬𝐞 𝐧𝐚 𝐡𝐮𝐧 𝐚 𝐡𝐦𝐚𝐧𝐠.
𝐁𝐢𝐚𝐤𝐢𝐧 𝐡𝐚𝐰𝐧𝐠 𝐭𝐮𝐫 𝐢𝐧𝐛𝐮𝐚𝐭𝐬𝐚𝐢𝐡𝐧𝐚
Lawngtlai Chandmary Local chuan Dt.28.02.2023 hian Biakin tual leh varandah plaster hna an thawk a mi sawmthum(30) Chuang chhuak khawmin zan dar 10:00Pm vel thleng hna thawkin an tangrual hle, Dt.18.03.2023 hian Biakin hawn an tum a ruai ropui tak an buatsaih dawn bawk a ni.
Chandmary Kohhran hi Lawngtlai South Bial chhung ah awmin bialtu Pastor ah Rev.Lalsawmliana Sailo chu bialtu Pastor ni mek a ni bawk.
Facebook