GENERAL HRUAITUTE PROGRAMME:
General Superintendent Rev. R. Lalrinsanga chuan Good Friday Lal Isua Lungngaih zan March ni 28, 2024 khan Aizawl East District Headquarters Kohhran ah Sakrament semin rawngbawlna a nei a, March ni 29 Good Friday ni khan Mualpui Kohhranah Thusawi rawngbawlna a nei bawk.
General Secretary Rev. Zohmingthanzama chuan March ni 28, 2024 zan khan North Mizoram District, Headquarters Kohhran, Tuikhuahtlangah Sakrament leh Kesil rawngbawlna neiin hun a hmang.
General Treasurer Rev. Lalmalsawma Sailo chuan March ni 28 atanga ni 31 chhung hian Chhiahtlang Vengpui Kohhranah hun hmangin rawngbawlna a nei anga, March ni 28, 2024 zanah Lalpa zanriah Sakrament semin rawngbawlna a nei anga, March ni 30 inrinni ah Kohhran hruaitute Seminar a neih pui bawk.
General Missions Director Rev. R. Laichhingpuia chuan Good Friday Lal Isua Lungngaih zan March ni 28, 2024 khan Salem Kohhranah Sakrament semin rawngbawlna a nei.
General Sunday School Director Rev. Biaksangzuala chuan Good Friday Lal Isua Lungngaih zan March ni 28, 2024 khan Chaltlang Kohhranah Sakrament rawngbawlna neiin, March ni 29 Good Friday ni khan Mualpui Kohhranah hun a hmang bawk.
———-
MISSIONARY TIHCHHUAHNA NEIH A NI:
March ni 27, 2024 zan khan UPC North East India General Missions Department chuan Missionary lak tharte tirhchhuahna programme Salem veng Biak in a nei.
He Tirhchhuah inkhawm hi General Missions Director Rev. R. Laichhingpuia chuan kaihruaiin, Aizawl East District Missions Director, Rev. VL Hnemtluanga chuan hunserh a hmanga, Rev. R. Lalrinsanga, General Superintendent hnen a tangin Fuihna thuchah ngaihthlak a ni bawk.
General Missions Department in Missionary lak tharte awm na tur Location Report Evan. F. Lalsangliana, General Missions Treasurer hnen atanga ngaih thlak a nih hnu ah Rev. R. Laichhingpuia chuan Tirhchhuahna hun a nei a ni. General Hruaitute Rev. Lalmalsawma Sailo leh Rev. Zohmingthanzama ten thu tawi sawina hun hmang bawkin Rev. C. Lalramthanga, District Missions Director, N. Mizoram chuan Malsawm tawngtaina in hun a tin a ni.
Missionary tirhchhuah turte leh An awmna hun tur:
1) Lunminlal Gangte, Imphal – Tawang, Arunachal M/F
2) Evan. H. Lalnunmawia, Dinthar – Gangtok, N. Bengal/Sikkim M/F
3) A. Denis-a, Vairengte – Odhisa M/F
4) Evan. Peter Lalawmpuia, Boro-arkap – Andaman M/F
———-
GENERAL OFFICE TLAWH:
March ni 26, 2024 Thawhleh ni khan Chawngte C Local, Lawngtlai West District-te chuan UPC NEI General Headquarters Office an tlawh.
Chawngte C Local Church te hian March ni 26 khan ASC Home, Kolasib tlawhin, thilpek thahnem tak an hlan a, hemi hnu hian General Headquarters Office, Aizawl tlawh lehin BIaltu Pastor K. Lalzawmsangan a ho va, an vai hian mi 12 an ni.
———-
———-
CHHIMTUIPUI DISTRICT
CONFERENCE HLAWHTLING TAKIN HMANG:
Chhimtuipui District Conference vawi 48na chu Ni 14-17.3.2024 khan Bualpui Ng Biak In ah palai 700 vel thleng khawm in hlawhtling taka hman a ni. Conference thupui “Thlarau thianghlim nei rawh u” hmangin Speaker Evan.John Vt Hniehu, Upa N.Thathei, Rev.C.Lalthantluanga, leh Rev.R.Lalrinsanga ten thuchah nung tak an sawi thin a. He Conference rual hian Dist Sunday School Dept leh Dist PYD ten rorelna an nei ve bawk a ni. Kohhran inruat thar kum anih angin, Ni 16.3.2024 Inrinni khan inruat tharna neih a ni a. Superintendent atan Rev.Kholy Hlychho, Secretary atan Rev.Joseph L.Thlauhthang,Treasurer atan Rev. K.Kawngkharmawia te ruat(thlan)an ni. Ni 17.3.2024 zan khan Rev.R.Lalrinsanga General Superintendent, Pension a chhuak mai tur pualin thlahna leh amah chawimawina hun buatsaih a ni a. District Kohhranpui, District Dept, Bial Kohhranpui, Bial Dept, Local Church hrang hrang leh mimal engemaw zatin hmangaih thilpek an pe bawk a ni.
———-
DISTRICT DEPARTMENT HRUAITU TUR RUAT THAR:
Ni 20.3.2024 khan Chhimtuipui District Board chuan District Department hruaitu turte a ruat thar a. Chungte chu :
1.District Missions Department:
Director : Rev.Lalhnehchunga
Secretary: Evan.John VT Hniehu
Treasurer: Rev.Joseph L.Thlauhthang
2.District Sunday School Dept:
Director: Evan.V.John
Secretary: Evan.F.Lalrothuama
Treasurer: Rev.K.Kawngkharmawia
3.District LAD :
President: Sist.L.Nitei BW
Secretary: Sist.T.T.Duhtinthluaii
Treasurer: Sist.N.Lalmuani
4.District PYD:
President: Evan.K.Rinthara
Secretary: Evan.Lalduhsanga
Treasurer: Rbt.J.Lalhriatchhunga
V.President : Upa Vt Lungawia
Asst.Secretary : Rbt. S.Vabeima
Fin.Secretary : Sist.H.Lalhlunsangi
5.District PCD:
President: Evan.S Vanlalvena
Secretary: Bro.LS Vanlalchhuanga
Treasurer: Sist.Lalzawmpuii
———-
MTHAR LAWMLUT
Ni 24.3.2024 Palm Sunday khan UPC of Mizoram atangin chhungkaw khat member paruk chu UPC NEI Local Church, Phura member ni turin Upa F.Lawma,Local Chairman in a lawm lut. Tun kum kal meka phura Local Church a member thar lawm luh hi member sawmpakhat an ni tawh a ni.
Ni 25.3.2024 khan Ephatha preaching station ah mi thar
chhungkaw khat Member pa 6 chu UPC NEI ah Evan G.Lalnunzira’n a lawm lut ani.
———-
CHAWIMAWINA NEI:
Ni 22.3.2024 tlenkim ni a hmangin Muallianpui (LLD) kohhrante chuan Iana (Ainak) Local te an tlawh a, kohhran te an hlimin malsawmna pawh an dawng hle. Ni 25.3.2024 khan Iana Local church chuan Chawimawina neiin Muallianpui lam Kohhranhote pawh an la cham dawn a ni.
———-
MISSIONARY LA THAR:
District Missions Board Vawi 104 rorel 1na chuan heng a hnuai a mite hi April 2024 -March 2026 chhung atan Missionary leh District Evangelist atan lak an ni.
1. Evan. LC. Khailawng =Amobyu Vaihthie
2. Evan. T. Lalhmingthanga = Riasika
3. Evan. E. Khaching =Vahia
4. Evan. G. Lalnunzira =Ephatha
5. Evan. LS. Lalhmingmuana =Pangkhua
6. Evan. P. Lalrintluanga= N.Laty
7. Evan.H.Lalhruaitluanga= Vartekkai (Tuipui V)
8. Evan.Jonah Lalrintluanga= Tialdawnglung
9. Evan.N.Thanghnuna =District Evangelist te an ni.
———-
PYD DAY HMANG :
Ni 21.3.2024 khan Siaha West Bial PYD te chuan a mamawhtu te tan Siaha blood bank ah thisen an pe. Thisen pe te hi Hmeichhia – 6 leh Mipa – 18 an vaiin 24 an ni.
———-
———-
LUNGLEI DISTRICT
HRUAITUTE PROGRAMME:
– District Superintendent Rev.C.Lalrintluanga chuan March ni 28 Ninga zan khan Khawhri Local-ah Sacrament buatsaihin rawngbawlna a nei a, Good Friday a hmang bawk, Easter Sunday pawh a hmang nghal ang.
– District Missions Director Rev.C.Lalhriatpuia chuan Electric Local Lunglei ah Sacrament buatsaihin rawngbawlna a nei.
———-
PUANTHUI ZIR TUR LA :
March ni 27 Nilaini khan Pentecostal Social Ministry (PSM) hnuaia thla 6 chhung puanthui zir tur mi 10 lakna District Secretary Room-ah neih a ni a, a hnuai tarlante hi Personal Interview kaltlangin puanthui zir tura lak te an ni.
1. PC.Vanlaltlanhlui, Farm veng
2. Lalrinawmi, Hauruang
3. K.Lalthlamuanpuii, Ramthar
4. Vanlalnguri, Sesawm Vengthlang
5. Daphne Vanlalrinchhungi Chhangte, S.Lungdai
6. PC.Lalbiakzuali, Theiriat
7. T.Lalthanpuii, Electric veng, Lunglei
8. R.Lalbiakmuani, Thingfal
9. TC.Malsawmtluangi, Zion Local Venghlun
10. Lalkrosmawii, Tuisenchhuah
Panel List :
1. Zaithangpuii, Tleu
———-
FREE EVANGELIST RAWNGBAWLNA:
Missions Department Lunglei District-in Free Evangelist atana a lak Rbt.Zodinpuia chuan March ni 24 Pathianni hmang khan Darzo Local-ah rawngbawlna a nei a, March ni 29 Good Friday leh March ni 31 Easter Sunday hian Hnahthial Electric Local-ah rawngbawlna a nei bawk ang.
———-
MI THAR:
March Ni 24.3.2024 Pathianni khan Zehtet Field chhung, Mautlang ah Mi thar pakhat (1), chhungkaw pa ber chu Upa Lalrinmawia Mautlang Local Treasurer chuan a lawmlut.
———-
———-
AIZAWL EAST DISTRICT
Missionary chawm nan cheng nuaikhat dawng:
March 22, Zirtawpni khan Upa Lalthlamuana Hnamte hnen atangin District Missions Director, Rev. VL. Hnemtluanga chuan Missionary chawmna atan Rs 1,00,000/- a dawng. Upa Lalthlamuana Hnamte te chhungkua hi Mizoram a School tha ber pawl Home Mission School neitute an ni a, Kohhran tana an inpekna hi a ropui tak meuh a ni. District Missions Department hruaitute chuan an chungah lawmthu a sawi tak meuh va, lei malsawmna leh van malsawmna tam tak an dawn an duhsak tak meuh a ni.
Aizawl East District Missions Department hian malsawmna a dawng nasa hle a, Kohhran hrang daih atang te, District hrang atang tein Missionary Support a dawng thin hi a ropui a, a lawmawm em em a ni.
———-
Kohhran puitlingah Pamchung Preaching point hlangkai:
Rabung Bial, Pamchung Preaching Point chu March 19, Thawhleh zan khan District Superintent, Rev K VL Hmangaihkima chuan Kohhran Puitlingah a hlangkai. Pamchung Kohhranah hian Member 30 vel an lawi mek a ni.
———-
Vairengte Bial Upa ten Office tlawh:
March 19, Thawhlehni khan Vairengte Bial, N Mizoram District te chuan Aizawl East District Office tlawh in, inkhawmna hun tawi hman a ni. Rev. R. Laltlankima, District Secretary chuan inkhawm tawi hi kaihruaiin Office staff te inhmelhriattirna leh District chhunga hmalakna hrang hrangte ngaihthlak a ni bawk. Vairengte Bial te hi Bialtu Pastor Lalpianthanga chuan hovin ani hnen atang hian District Office an tlawh chhan te sawiin inhmelhriattirna a neih nghal a ni. Vairengte Bial ten Office an tlawhnaah hian mi 17 an thawkchhuak a, District Office atan thilpek tha tak an hlan bawk a ni.
———-
District LAD tailoring centre 2nd batch thlahna leh 3rd batch lakluhna neih a ni:
March 27, Nilaini chawhnu khan District Hqrs. Biakin-ah District LAD tailoring centre 2nd batch thlahna leh 3rd batch lakluhna neih a ni. He hun hi Sis. Zionparmawii B/W, District LAD President chuan kaihruaiin Rev. H. Lalropuia, District Treasurer in hunserh a hmang a ni. He hunah hian Secretary report leh Financial report ngaihthlak niin Rev. KVL. Hmangaihkima, District Superintendent hnen atangin thusawi ngaihthlak a nih bakah puanthui zirtirtu Sis Lalramnghahchhani bakah training chhuak te aiawha thusawi ngaihthlak a ni bawk. Rev R. Laltlankima, District Secretary chuan 3rd batch-a zir tur mi 10 te lakluhna neiin 2nd batch zirchhuakte hnenah Certificate hlanna Sis. Saimawii B/W, District LAD Asst. Secretary kaihhruaiin neih a ni bawk. He hunah hian District Department OB thenkhat hnen atangin fuihna thutawi ngaihthlak ni bawkin Zirlai te hnen atangin fak hla ngaihthlak a ni bawk a, Sis. Lalramliani Sailo, District LAD Vice President in lawmthu sawina neiin Rev. KVL. Hmangaihkima’n malsawm tawngtaiin inkhawm a titawp a ni.
Kum 2022 District LAD Conference Zohmun-a neih chuan Tailoring Training Centre din ni se a tih angin District hruaituten chak takin hma an laa, Kum 2023 March 31 khan hawn alo ni tahw a, 1st batch ten zir chhuak tawhin tunah 2nd batch ten an zirchhuak ve leh ta a ni.
———-
Good Friday:
March 29, Zirtawpni kha Isua Krista, kan tana a tawrhna champha, Good Friday a nih angin District chhunga tualchhung kohhran hrang hrangten urhsun takin an hmang hlawm a, March 28, Ninga zan kha a luangngaih zan niin tualchhung engemaw zat chu Sacrament an kilho a ni. Good Friday-ah hian Tualchhung thenkhat chu chhang ruai an kil laiin tualchhung thenkhat chuan tisa lam ruai thehin hun hlim takin an hmang hlawm a ni. Good Friday hi District hruaitute chuan hetiang hian hmun hrang hrangah rawngbawlna neiin hun an hmang a ni.
Rev KVL. Hmangaihkima, District Superintendent chuan Good Friday khan Rabung hmunah hmangin rawngbawlna a nei a, Easter Sunday pawh Rabung-ah bawk hmangin rawngbawlna a nei ang.
Rev R. Laltlankima, District Secretary chuan Good Friday kha Armed veng South-ah hmangin Easter Sunday, Chawhma hi Bazar Kohhranah a hmang leh ang.
Rev H. Lalropuia, District Treasurer chuan Good Friday kha District Hqrs.-ah hmangin Easter Sunday hi Vaitin Kohhran a hmang ang.
Rev VL. Hnemtluanga, Missions Director chuan Good Friday leh Easter Sunday hi District Hqrs. Kohhranah hmangin rawngbawlna a nei a ni.
———-
Mithar leh baptisma chang thar:
March 24, Pathianni khan Sis. Vanlalpari B/W, District Missions Evangelist rawngbawlna atangin Member thar Nupa, chhungkaw khat chu Buang Kohhran a lawi turin Evan Lalramzauva, District Missions Treasurer chuan sengluhna a nei.
March 27, Nilai zan khan E Lungdar bial, Leng Kohhranah Mithar 5 Chhungkaw khat chu Bialtu Pastor V Kamneihthanga’n Kohhranah a senglut bawk. Leng Kohhranah hian Evan F Malsawmdawngliana’n rawngbawlna a nei mek a. Ni 30.3.2024 hian chawimawina a awm ang.
———-
———-
NORTH MIZORAM DISTRICT
District Superintendent: North Mizoram District Superintendent Rev. K. Lalduhsanga chuan Good Friday Lal Isua Lungngaih zan (March ni 28)-ah Hqrs. Bial Missions Vengthlang Kohhranah rawngbawlna neiin; Sakrament, Kesil rawngbawl leh Sual ngaihdamna Baptisma rawngbawlna te a nei ang.
District Secretary: District Secretary Rev. C. Lalthantluanga chuan Lal Isua Lungngaih zan March ni 28 atanga Easter Sunday March ni 31 thleng, Sialsuk Bial Chamring-ah hun a hmang ang a, heta hian Sakrament leh Kesil rawngbawlna a nei ang.
District Treasurer: District Treasurer Rev. C. Lalmuanpuia chuan Lal Isua Lungngaih zan Kol Diakkawn Bial Hqrs.-ah hun hmangin Good Friday-ah Thingdawl TLangnuam kohhran hun a hmanpui ang. Tin, Easter Sunday-ah Kol Diakkawn Bial Hqrs.-ah Pathian thuhril rawngbawlna nein zanah Thingdawl Vengthar-ah hun a hmang bawk dawn a ni.
Dist. Missions Director: Rev. C. Lalramthanga chuan Good Friday Lungngaihzan Mamit Bial Saipum kohhran pahnihah hun hmangin Sakrament leh Kesil rawngbawlna a nei ang.
North Mizoram District Hruaitute’n an hmun an luah ta: North Mizoram District Hruaitu thar (2024 & 2025) Rev. K. Lalduhsanga, Superintendent, Rev. C. Lalthantluanga, Secretary leh Rev. C. Lalmuanpuia, Treasurer te chuan March ni 26 atang khan hruaitu hlui atanga charge an lak atanga a hmasa ber atan an hmun theuh an luah ta.
———-
OFFICE THUTNA TIDANGLAM:
North Mizoram District Board rorel anga, District Department hruaitu term tawp Post tihdanglam a nih angin, March ni 26 thawhlehni khan District Office meeting thutkhawm a ni a, an rorel thu passed angin Evan. MS Dawngliana, Editor PenNet chu a lo thutna thin Office (hnuai zawk) atangin Sunday School Treasurer hna chelhtir a nih hun chhung District Sunday School Room-a thu tura tih a ni.
———-
MUSIC VIDEO ALBUM RELEASE:
N Mizoram District PYD Music Committee enkawl ‘District PYD Choir’ chuan ni 22.3.2024 ( Zirtawpni) zan dar 7 : 00 khan sawm bikte nen Bawngkawn Biak Inah Music Video Album, hla 6 awmna an release.
Album hi Evan. Jeno Vanlalruata, President, NMDPYD in a release a ; thlirlawkna (Album preview) hun Pastor C Lalruatsanga, Mamit Bialtu; Secretary, NMDPYD ni mek bawk chuan a hmang. He hunah hian Bial zaipawl 3 – Aibawk Bial, Maubawk Bial leh Hunthar Bial bakah District choir te an zai a, Dist. Choir Trio te an zai bawk.
Album hi release a nih veleh District PYD Music Committee channel-ah a duh apiang tan en theihin dah nghal a ni.
———-
UPC (NEI) NORTH MIZORAM DISTRICT HRUAITU HLUI LEH THAR TEN MAWHPHURHNA INHLAN FEL:
March ni 25 chawhma dar 11:00 Am khan, UPC (NEI) North Mizoram District Kohhranpui bakah Department hruaitu kalchhuak leh hruaitu thar ten charge an inhlan fel ta.
Charge inhlan hi District Committee room-ah neiin. Dist. Supdt. Kal chhuak tur Rev. Chhiarpuia’n hun kaihruaiin District Supt atana thlan thar Rev. K. Lalduhsanga thusawina hun pein Ani’n ‘North Mizoram District hruaina hna rin loh taka a kova tlak tak chungchangah a beisei aia hma a nih dan te, Supdt. Kal chhuak mek Rev. Chhiarpuia thawhpui nuam a tih dan te leh a la thlakhleh thu te, supt kal chhuak a ni chunga thurawn pe tura ala beisei reng thute sawiin; hruaina hna thawhna kawnga mi tawnhriat nei Rev. C. Lalmuanpuia Dist. Hruaina hna thawk tura lo lut tur chungchanga thlamuanthlak a tih thu te a sawi rualin, Department tina hruaitu hlui kalchhuak turte chungah lawmthu sawiin; hruaitu thar lo lut mekte pawh Pathian ruat an nih thu leh inngaichang tawna rawngbawl ho turin a sawm bawk ani.
Hruaitu hlui leh thar te charge inhlan hmain Pathian hnena inhlanna a ruala nein hetiang hian charge inhlan a ni.
1) District Kohhranpui hruaitute
2) Missions Department hruaitute
3) Sunday School Hruaitute
4) LAD hruaitute
5) PYD Hruaitute
6) Motor Board Committee Secretary
Charge hlan hun hman zawhah Lalpa tawngtaina hmanga tawngtaiin tin a ni.
———-
DISTRICT SUPERINTENDENT REV. CHHIARPUIA THLAH A NI:
March ni 25 chawhnu Dar 12:30Pm khan North Mizoram District Office Committee Room-ah Kum 2021 atanga March ni 25, 2024 thlenga North Mizoram District kaihhruai hna thawktu Rev. Chhiarpuia chu a term a lo tawp tak avangin thlahna hun District ruahmannain hman a ni.
Thlahna inkhawm hi Rev. C. Lalthantluanga District Secretary in a kaihruai a, fakna hla ‘Pathian Thlarau Thianghlim’ tih hla sain Programme hlanna leh Rev. Chhiarpuia puala tawngtaina Rev. C. Lalramthanga, District Missions Director in a nei bawk.
Rev. Chhiarpuia thlahna thilpek hi i) District Kohhranpui ii) District Department hrang hrang iii) Staff Welfare te bakah District Dept hrang hrang -Missions Dept., Sunday School, LAD leh PYD te bakah mimal thahnem takin thlahna thilpek an hlan bawk.
Rev. Chhiarpuia Supdt. Kalchhuak tur thlahna thuchhah Rev. K. Lalduhsanga Dist. Superintendent thar in a sawi a, Ani hian ‘Rev. Chhiarpuia chu fakin mi tawngtam lo ni mahse, thil sawi tur a hun leh hmun mila thliar hrang thiam, kohhran inremna tura boruak nei tha a nih dan te, thawhpui an la kham loh zia te sawiin, a hun chhunga North Mizoram District-in harsatna hrang hrang a tawh chinfel a nih takzia te, District Office staff te pawh hriatreng tlak a nih dan te a sawi a, District kal zel danah hruaitu tharte thu rawn pek inthlahrung lo tura duhzia te a sawi chhuak bawk a ni.
Supt. Thlah mek Reh Chhiarpuia pawhin thu sawiin, Dist. Hruaina hna a thawh chhunga famkimlohna a neih tam takah hriatthiamna dilin, a thawhpui pahnihte nen Dist kaihhruai hna kum 2 chhung a thawhna kawnga tumah kal fal awm lova, zai inngaitawn taka rawng an bawlnaah lawmthu a sawi a, District in harsatna a tawh sutkian a nih tak chungchangah pawh a thawhpuite zar a nih dan te, Office a enkawl chhunga staff te laka tawngkam mawi lo leh duhawm lo, lo sawi palh awm thei chungchangah hriatthiamna ngenin.. Tunah chuan District enkawlna chungchanga mawhphurhna ko rit tak kalsana Pastoral hna thawka tawngtai leh thei tura a awm chungchangah a lawm thu te a sawi a. Thlarau lam rawngbawl hna nasa zawka thawk tura a inbuatsaih dan te sawiin – rawngbawltu kalkhawm te fuihna thu a sawiah Designation hi a ropui em em a, a hlutawm rualin Keimahni nunah zawk hian Designation chu a awm zawk tur a ni’ tiin, Hruaitu thar te leh Department hruaitu thar te tan fuihna thu sawiin Kohhran kalphung ngai pawimawh a, hruaitute zahder hram hram turin a fuih bawk a ni.
Thusawi ngaihthlak zawh hnuah Rev Chhiarpuia Thlah nan ‘Hmangaihna hrui vuanin’ tih thla sak a ni a, Lalpa’n tawngtai dan a zirtir hmanga tawngtaiin inkhawm tin a ni ta a ni.
Rev. Chhiarpuia thlahna inkhawmah hian North Mizoram District Department hruaitu hrang hrang District Office staff te an kim thei bawk a ni.
MZ UPC atangin rawn lut: March Ni 23, 2024 Inrinni zan khan, Bualpui ‘N’ Venglaiah pawlchhuak (MzUPC) aṭangin chhungkaw khat, member 3 te chu UPC-NEI ah sengluh an ni.
Member sengluh te :
1. Sis. Rokhumi
2. Bro. Lalthanmawia
3. Bro. Lalthantluanga
Kan unau lo kir leh tate hi Bialtu Pastor Rev. PC Laltlankima’n Lal Isua hmingin a lalut a. Bro. Lalthanmawia hi Mzupc ah hian Tual Upa nilai a ni nghe nghe.
———-
PASTOR THLAHNA NEI, [MAUBAWK LOCAL UPC:
Dt. 23.03.24 (Inrinni zan) khan Maubawk Bialtu Pastor Rev. R.Lalhmangaiha thlahna hun chu Maubawk Local-ah hman a ni.
He inkhawm hi Upa Pangthanga’n a kaihruai a, Sis. Zovin tanna hun hmangin Local PYD zaipawl leh Solo, Sist. Ramdinpuii hnen atangin ngaihthlak a ni.
Pastor chhungkua te hnanah thilpek hlanna hun neih zui a ni a, Department hrang hrang leh mimal eng emaw zatin thilpek an hlan a ni.
Thilpek petute:
Kohhranpui -T.Upa L.Kapsanga Sailo, Financial Secretary
Missions Dept. – Upa Lalchhuanawma Tlau, Treasurer
S.S. Dept – Bro Daniala, Treasurer
LAD – Sis Saichhingpuii, Secretary
PYD – Sis Lalthatluangi, Financial Secretary
PMD – Bro H.VL.Muankima, Financial Secretary
Saii Group LAD – Sis K.Lalrindiki, Leader
Mimal thilpek petute – Mi 12 hnen atangin
Hemi hnu hian Kohhran ai awhin Kohran Secy. Upa Lalroluahan thusawina hun a hmang a, mimal thlahna thu tawi sawina hun hawn a nih leh hnuin Bialtu Pastor Rev. R.Lalhmangaihan thusawina hun a hmang zui leh a, Ephesi 4:25 hmangin Kohhran hote hnenah thlahna leh fuihna thu tha tak a sawi a ni.
Inkhawm banah Department hrang hrang leh mimal a duh apiang ten Bialtu Pastor-te chhungkhua thla lakpuina hun hman a ni bawk.
———-
FALKAWN-AH RAM LEI A NI
UPC North Mizoram District Board-in a lo rel tawh angin Falkawn hmunah vawiin March ni 27, 2024 khan ram ṭha tak mai lei fel a ni ta. District aiawhin Rev. K. Lalduhsanga, Dist. Supdt. leh Rev. C. Lalthantluanga, Dist. Secretary te thawkchhuakin Aibawk Bial Pastor PC Lalrokima leh rawngbawltu dangte’n tawiawm bawkin ram inleina lehkha ziahin sum pawh inhlan fel nghal a ni.
Falkawna ram lei tak hi National Highway án, Aizawl aṭanga ZMC thlen hma mtrs 300 vel leka hnai a ni. Ram zau zawng hi Sq. feet 3700 niin cheng nuai 40 man a ni.
Facebook