PYD DAY
March ni 21, Ningani kha North East India UPC Kohhran thalai pawl Pentecostal Youth Department PYD Day vawi 55-na a ni a, India hmarchhak pum huapa hman a ni.
He ni hi Kohhran ni pawimawh a nih avangin Kohhran Office, Bookstall, zirna in leh Kohhran hmun pawimawh dangte pawh khar vek a ni.
Kum 1969 khan Foreign Mission division phalna angin, Unit hranin N.E.India unit tia din a ni a. Kum 1969 March ni 21-a NE India Unit Executive board hmasa ber chuan, Pentecostal Youth Department tiin Pentecost thalai pawl hi a din ta a. Tichuan, March ni 21 hi PYD chuan Day atana hmangin, kum tin awmni khamin hman thin a lo ni ta a ni.
Hruaitu hmasa ber te :
General PYD President – Rev. KL Hnuna
General PYD Secy/Trea. – Rev.K.Satinvela
Pentecostal Youth Department (PYD) hian Kumpuan thupui atan “Thuthlung puan uar” tih a hmang mek a. Tun dinhmunah hian North East India UPC huamchhungah PYD member 27768 an awm mek a, tualchhung kohhran 576 ah PYD hi din a ni.
Tun a General PYD hruaitu ni mek te :
General President Rev. C. Lalthantluanga
General Secretary Evan Dr. R. Vanlalpeka
General Treasurer Evan. C. Lalruatsanga
———-
GENERAL HRUAITUTE PROGRAMME:
General Superintendent Rev. R. Lalrinsanga chuan March ni 15 – 17, 2024 chhung hian Chhimtuipui District Conference, Bualpui NG a neih chu telpuiin Speaker ah a tang ang.
General Missions Director Rev. R. Laichhingpuia chuan March ni 15, 2024 Zirtawp ni khan N. Bengal and Sikkim Missions Field, Siliguri hmunah Kohhran Building Lungphum a phum a ni.
General Missions Treasurer Evan. F. Lalsangliana chuan March ni 15 – 17, 2024 chhung hian Dimapur Missions Field Conference hmanpuiin Speakerah a tang a, Khatkhati Pastor Quarters leh Manza Biak In hawnna a neih pui nghal ang.
———-
VAIRENGTE BIAL CHURCH BOARD MEMBER TEN GENERAL OFFICE TLAWH
Vairengte Bial Conference 2024 in a pass angin Vairengte Bial Church Board member te chuan March ni 20, 2024 Nilaini khan UPC North East India General Headquarter Office leh CBC New Building- te bakah Aizawl East District Office leh N. Mizoram District Office te an tlawh a, Bialtu Pastor, Rev. Lalpianthanga’n hovin Member 18 an thawk chhuak a ni.
General Office-ah hian General Hruaitu ten lo dawng sawngin an pualhian hun tawi buatsaihin Report te ngaih thlak a ni a, Thingpui in hona te neih a ni bawk. Vairengte Bial te hian General Headquarters Office tan Sana Lian an present bawk.
Vairengte Bial ah hian Local Church 5 leh Preaching Point 2 awmin Bial chhungah hian member 1026 an awm mek a ni.
———-
———-
CHHIMTUIPUI DISTRICT
Chhimtuipui District Conference vawi 48na chu Ni 14-17.3.2024 khan Bualpui Ng Biak In ah palai 700 vel thleng khawm in hlawhtling taka hman a ni. Conference thupui “Thlarau thianghlim nei rawh u” thu hmangin Speaker Evan.John Vt Hniehu, Upa N.Thathei, Rev.C.Lalthantluanga, leh Rev.R.Lalrinsanga ten thuchah nung tak an sawi thin a. He Conference rual hian Dist Sunday School Dept leh Dist PYD ten rorelna an nei ve bawk a ni. Kohhran inruat thar kum anih angin, Ni 16.3.2024 Inrinni khan inruat tharna neih a ni a. Superintendent atan Rev.Kholy Hlychho, Secretary atan Rev.Joseph L.Thlauhthang,Treasurer atan Rev. K.Kawngkharmawia te ruat(thlan)an ni. Ni 17.3.2024 zan khan Rev.R.Lalrinsanga General Superintendent, Pension a chhuak mai tur pualin thlahna leh amah chawimawina hun buatsaih a ni a. District Kohhranpui, District Department, Bial Kohhranpui, Bial Department, Local Church hrang hrang leh mimal engemaw zatin hmangaih thilpek an pe bawk a ni.
———-
———-
LUNGLEI DISTRICT
CHARGE IN HLAN:
March ni 15, Zirtawpni chawhma dar 10 khan District Superintendent Room, UPC Office, Lunglei ah UPC Lunglei District hruaitu (2024-2025) atana thlan tharte leh hruaitu hluite chuan charge an in hlan.
District Superintendent kal chhuak tur Rev.C.Vanlalena chuan Superintendent atana thlan thar Rev.C.Lalrintluanga hnenah mawhphurhna a hlan a, District Secretary nilai Rev.C.Lalrintluanga chuan Secretary atana thlan thar Rev.PC.Lalfakawma hnenah mawhphurhna hlanin, Treasurer thar Pastor K.Vanlalhruaia chuan Treasurer nilai Rev.PC.Lalfakawma hnen atangin mawhphurhna hi a la bawk.
Charge in hlan anih hnu hian District Superintendent kal chhuak tur Rev.C.Vanlalena chuan hruaitu tharte hi tawngtaina a nei sak a ni.
Rev.C.Vanlalena hi Zobawk bial (Bial thar) ah a awm ang.
———-
LAD LUNGLEI DISTRICT INKHAWMPUI VAWI 55-NA TLUANG TAKA HMAN A NI:
March ni 15-17 chhung khan Ladies Auxiliary Department, Lunglei District inkhawmpui vawi 55-na chu Haulawng Lamthuamthum Local Biak Inah neih a ni a, inkhawmpui thupui ah hian TAIMAKNA tih hman a ni.
March ni 16 Inrinni ah District LAD President Sist.PC.Lalrinthangi B.w kaihhruainain Biak Inah rorel inkhawm neih a ni a, an thurel pawimawh zual zingah Home Missionary te Christmas Present tur pualin sumtuak fehchhuah neih te, 2027 District LAD Diamond Jubilee lawm te, nakkum 2025 ah Biak In pakhat sakte, conference dawltu puihna tihsan te, Missionary 5 support mek chu pakhat support belh te bakah General-a thlen tur thu pawimawh tak tak ngaihtuah a ni a, Kum 2026 District LAD Conference-na tur atan Farm veng ruat a ni.
Report bu a alan danin Lunglei District chhung bial 20 ah LAD hi din vek a ni a, bial 20 chhungah hian Local 109 awmin LAD member hi 4133 an awm mek a ni.
LAD Lunglei District hian nikum 2023 chhung khan Partner In Missions (PIM) ah Rs 60000 a pe a, CEC School, Tripura District Office thar pual, kohhranpui project, Dimapur field leh ASC Home pualin sum engemawzat a sem chhuak a, Pangzawl Ramrikawn Biak In sak nan Rs.300000 a pe bawk. Tin, Christmas Present ah Lunglei District chhunga Rualbanlo mi 63 te hnenah Rs.2000 theuh a pe a, Home Missionary mi 9 te Rs.10000 theuhin Christmas present a pe bawk.
Inkhawmpui chhung hian District Superintendent Rev.C.Lalrintluanga, Secretary Rev.PC.Lalfakawma, Treasurer Pastor K.Vanlalhruaia, Former District Superintendent Rev.C.Vanlalena leh Chuisu Thuvuril, President LAD South East Nagaland ten Pathian thuchah an sawi a, Lunglei District UPC Choir-te bakah Local LAD zaipawl hrang hrangte an zai bawk
———-
OFFICE TAN SANA PUI HLAN:
LAD Lunglei District Inkhawmpui vawi 55-na hmanpui tura kal, South East Nagaland District LAD hruaitute chuan March ni 16 Inrinni khan UPC Lunglei District Office an tlawh a, Office-a tar tur hian SANA PUI lian tha tak an pe.
SEND LAD hruaituten Sana an pek hi District hruaitute aiawhin Lungsen bialtu Pastor PC.Zionrammawia chuan a dawng.
———-
———-
AIZAWL EAST DISTRICT
Bial LAD Inkhawmpui:
Aizawl East District chhunga bial hrang hrangte chuan March 22, Zirtawp zan atang khan Bial LAD Inkhawmpui an hmang mek a, Pathianni zan hian a tiak ang. Bial LAD Inkhawmpui-ah hian Inrinni nileng khan Bial chhung in awpna leh District LAD-a lut tur ngaihtuahin rorel Inkhawm neih a ni a, zan atangin Revival Inkhawm-a hun hman nghal a ni. Bial LAD Inkhawmpui-ah hian Bial thenkhat chuan Speaker leh Thupui hranpa nei an awm laiin Bial thenkhat erawh chuan Thupui hranpa nei lovin Bial hruaitute bakah Bialtu Pastor ten thusawina an nei thin a ni, Bial thenkhatah intihsiaka hun hmang an awm bawk a ni. Bial LAD Inkhawmpui hi District LAD Hruaitute chuan hmun hrang hrangah hetiang hian an hmanpui a ni:
President, Sis Zionparmawii B/W chuan Khawhai Bial a hmanpui a,
V.President, Sis Lalramliani Sailo in Hnahlan Bial hmanpuiin
Secretary Sis Lalramsiami B/W leh Sis. Laldinpuii, Fin. Secretary te chuan Darlawn Bial an hmanpui a,
Asst.Secretary, Sis Saimawii B/W in Kawlkulh Bial a hmanpui bawk a ni.
Rev. KVL. Hmangaihkima, District Superintendent chuan Bazar Bialah hmangin
Rev R. Laltlankima, District Secretary chuan a Bial hmui mek, Khawlian Bialah hmangin
Rev. VL. Hnemtluanga, Missions Director pawhin a Bial hmui mek Darlawn Bialah a hmang bawk a ni.
———-
PYD Day:
March 21, Ningani khan North East India PYD Day a nih angin Aizawl East District chhunga Bial leh Tualchhung hrang hrangte pawhin urhsun takin an hmang hlawm a, Bial anga hmang an awm laiin Tualchhung anga hmang an awm bawk a ni. PYD Day hi Bial leh Tualchhung hrang hrangte hian nileng a hmang an awm laiin zan hun chauha hmang an awm a, vantlang tana thil tha tihna hun atana hmang engemaw zat an awm bawk a ni. Day hman naah hian General PYD President atanga Day thuchah chhiarchhuahna neih a ni bawk.
———-
District Kohhranpui Board:
District Kohhranpui Board March 7 leh 12 atanga 14 chhunga neih chu tluang takin zawh a ni a, an thu passed langsar zualte:
1. Pastor atana lak tharte:
Evan.Philip VL.Hmuchhuaka S/o C.Lalthankima, Bethlehem
Evan H.Lalhmingmawia S/o H.Lalmuankima of Armed Veng
2. Department hruaitu:
Missions Department:
Director: Rev.C.Lalmalsawma
Secretary: Evan C Lalremruata, Mualpui Bial
Treasurer: Evan C.Lalthlamuana, Bazar Bial
PYD
President: Pastor J.Lalhmingsanga
V.President: Evan Dr.R.Vanlalpeka, Bazar Bial
Secretary: Evan Lalfelkima, Bethlehem Bial
Asst.Secretary: Evan F.Malsawmdawngliana, Bawngkawn Bial
Treasurer: Evan Lawmsangkima, Zemabawk North Bial
Fin.Secretary: Evan K.Lalbiaknunga, Bawngkawn Bial
S.S:
Director: Rev.C.Lalengliana
Secretary: Evan K.Lalmuansanga, Upper Republic bial
Treasurer: Evan.Lalramzauva, Bethlehem Bial
LAD
President: Sis.R.Lalramsiami B/W, Bazar Bial
V.President: Sis.Rodingliani Sailo B/W, Serchhip Bial
Secretary: Sis.Lalhmunsiami Khiangte B/W, Zemabawk North Bial
Asst.Secretary: Sis.Saimawii B/W, Serchhip Bial
Treasurer: Sis.Laldinpuii, Bazar Bial
Fin.Secretary: Sis Lalbiakkimi, Upper Republic Bial
3. Pastor Transfer and Posting hetiang hian siam a ni:
Pastor Hmingchungnunga, Khawruhlian bial chu Thingsulthliah Bialah“
Rev.Rosanga Kawlni, Zemabawk North Bial chu Bazar Bialah
Rev C.Lalengliana, Thingsulthliah Bial chu Zemabawk North Bial-ah
Pastor H.Lalbiakzauva, Khawbung Bial chu Khawruhlian bialah
Pastor Philip VL.Hmuchhuaka chu Khawlian Bialah
Pastor H.Lalhmingmawia chu Darlawn Bialah
Pastor Robert Lalrinsanga chu Khawbung bialah
Suangpuilawn Bial hi District Superintendent in a hmui ang.
Pastor V.Lalnienga, Suangpuilawn Bialtu chu Office-ah awm tura tih a ni.
Charge hlan hun atan April 2.2024 chu ruat niin Pastor transfer te hi an awmna hmun turah April 4-ah thlengin April 7, Pathianniah induction neih tura tih a ni.
———-
District PYD Board:
March 8, 2024, Zirtawpni khan District Conference N. Lungpher hmuna neih pahin District PYD Board neih a ni a, an thu passed langsar zualte:
1. Kum 2024 chhunga District PYD hnuaia Sub Committee hrang hrang hruaitu atan hengte ruat chhuah an ni.
Kumpuan Committee
Chairman : Bro. Lalengmawia, Zemabawk North Bial
Secretary : Evan. Lalmuanpuia Varte, Bazar Bial
Treasurer : Bro. R. Lalbiakkima, Mualpui Bial
Education Committee
Chairman : Bro. Oliver Lalthlengliana, Bethlehem Bial
Secretary : Bro. Nelson Vanlalneiha, Thuampui Bial
Treasurer : Bro. Vanlalremruata Lushai, Zemabawk Bial
Music and Choir Committee
Chairman : President, PYD AED
Vice Chairman : Evan. Zothansiama, President, Thuampui Bial
Secretary : Bro. Lallawmzuala, Bazar Bial
Treasurer : Sis. Lalnunhlimi, Thuampui Bial
Conductor : Bro. Nelson KVL. Chhandama, Bazar Bial
Assistant Conductor: Bro. Lalchhuansanga, Bawngkawn Bial
Fund Raising Committee
Chairman : Bro. Lalrammawia, Bazar Bial
Secretary : Bro. Lalrintluanga, Zemabawk North Bial
Treasurer : Bro. Zorema Pachuau, Upper Republic Bial
Environment Protection Committee
Chairman : T. Upa. Johny Lalsangzuala, Mualpui Bial
Secretary : Bro. Lalhruaitluanga Sailo, Serchhip Bial
Treasurer : Sis. Lalhunlawmawmi Rokhum, Upper Republic Bial
Street Ministry Committee
Chairman : President AED PYD
Secretary : Bro. Johny Lalthafamkima, Bazar Bial
Treasurer : Sis. Betty H. Lawmsangpuii, Bazar Bial
Archive Committee:
Chairman : Assistant Secretary AED PYD
Secretary : Bro. HK Lalneihsanga, Bawngkawn Bial
Treasurer : Bro. MS Dawngzuala, Bazar Bial
2. Bial chak lo zawkte dawm kang tura hmalak nise tih niin OB meeting in ruahmanna lo siam se tih a ni.
3. Sheaves for Christ Pual account hi budget angin kal chho reng nise tih a ni.
4. Member teah lehkha tar a Inneih hlutna nasa zawk a in zirtirna neih ni rawh se tih Conference in a passed, ruahmanna District Board kuta a dah chu Bial PYD in mahni bial chhungah theuh zirtirna uar zawka kalpui ni se, District Kohhranpui ah hma minlo lakpui tura ngenna thlen ni se tih a ni bawk.
———-
District S.S Board:
March 8, 2024, Zirtawpni khan District Conference N. Lungpher hmuna neih pahin District S.S Board neih a ni a, an thu passed langsar zualte:
1. Kumpuan bawhzuina leh Thlarau Thianghlim beihpuithlakna chungchanga hmalak dan tur chu Executive Board-in lo ruahman se, bial tina bawhzui turin hriattirna siam nise tha a ni.
2. Bial insiksawi avangin Hnahlan, Ngopa leh Khawlian bialte budget siamrem a ngaih avangin
siamrem/siamthat dan tur ngaihtuah a ni a, hetiang hian budget chu siamrem a ni ta a ni.
(1) Hnahlan – Rs. 38,000/- (2) Ngopa – Rs. 20,000/- (3) Khawlian – Rs. 10,000/-
(4) Saitual – Rs. 28,000/- (5) Chhingchhip – Rs. 30,000/-
———-
Mithar leh Baptisma chang thar:
March 17, Pathianni khan Khawruhlian bial, Lailak Kohhranah Evan K Vanlaldika rawngbawlna kaltlangin Mithar 3 chu Isua hmingin Kohhranah lawmluh an ni.
March 17, Pathianni vek khan Mualpui Kohhranah mi pahnih in Isua hmingin Baptisma an chang thar a, an zinga pakhat hi mithar a ni.
Kawlkulh bial Vengthar kohhran ah member thar 3 lawm luh a ni bawk. Lawm luhna hi District Fulltime Evangelist Evan R. Vanchhunga, Missions Support zawng a awm mek in a nei a. Inkhawm banah Evan Zonunsangan member thar te leh kohhran nisa nen mi 4 baptisma a chantir bawk.
March 17, Pathianni khan Champhai Bethel Bialah mithar 34 sengluh an ni.
Zokhawthar-ah 5, Zotlang-ah 8, Melbuk-ah 7 leh Zion Kohhanah 14 te an ni.
March 18, Thawhlehni khan Upper Republic Kohhranah mithar 1 in sual ngaihdamna Baptisma Pastor Laltlanhlua Hnamte kutah a chang bawk.
———-
———-
NORTH MIZORAM DISTRICT
District Office hruaitute Programme:
Dist. Superintendent: District Supdt. Rev. Chhiarpuia chuan March ni 21 & 22 hmanga United Pentecostal Church, North East India-in Bible zirna a neih Calvary Bible College Graduation Day hmanga Shillong-a neih tur a hmanpui anga, March ni 22 zirtawpni ah a lo hawng leh ang.
Dist. Secretary: Dist. Secy. Rev. K. Lalduhsanga chuan March ni 21 (Ningani) PYD Day chu Dinthar Kohhran hmanpuiin Zanah Day thuchah a sawi. March ni 24 Palm Sunday pawh Dinthar Bial hmuitu a nih angin Dinthar Bialah a hmang ang.
Dist. Treasurer: Dist. Treasrer Rev. C. Lalthantluanga chuan March ni 23 Inrinniah Sunday School Seminar khawrihnim-ah neiin a tuk March ni 24 Palm Sunday a hmanpui bawk ang.
District. Missions Director: Dist. Missions Director Rev. C. Lalramthanga chu Field auditor a nih angin Gen Field thenkhat Account adit-in March ni 18 thawhtanni atang khan Guwahati-ah a kal a, March ni 22 hian a lo kir le hang.
———-
Vairengte Bial chhunga rawngbawltute’n District Office an tlawh:
UPC NEI, North Mizoram District, Vairengte Bial rawngbawltu pawimawh member 18 ten District Office an tlawh.
Heng rawngbawltute hi Bialtu Pastor Rev. Lalpianthanga hova lokal niin, Bial hruaitute leh Kohhran hruaitu pawimawh tak ten Kohhran hmangaihna rilru puin Aizawla kohhran hmun pawimawh awmte a hmunah an tlawh a ni.
North Mizoram District Office staff ten Vairengte Bial atanga lokal rawngbawltute hi lo dawngsawngin Office ah inkhawm tawi an lo buatsaih sak a, Dist. Treasurer Rev. C. Lalthantluanga’n inkhawm kaihruaiin Office UDC Sist. K. Lalrokimi’n office thawktute hmelhriattirna neiin; Sist. R. Lalpianfeli UDC- in Office kalphung leh hnathawh dan hrang hrang a sawi bawk.
Hun pek angin Rev. Lalpianthanga Vairengte Bialtuin Vairengte atanga rawngbawltu kalte inhmelhriattirna neiin; hemi zawh hian vairengte Bial treasurer chuan District Office-a tar tur Sana mawi leh nalh tak chu Office hman turin a hlan bawk.
Vairengte Bial chhunga kohhran hrang hrang te’n hetianga Kohhran hmun pawimawh tlawha District Office hmun hma te a hmunah luhchhuaha dinhmun chiang zawka inhriat duhna rilru an pu hi Office Staff ten lawmthu an sawi a, District Treasurer Rev. C. Lalthantluanga chuan District Office aiawhin lawmthu a sawi a ni.
District Office lam hian Vairengte lam khualtha te hi an phak tawk thingpui leh a hmeh tui hnai takin an lo dawngsawng a ni.
———-
Baptima chang :
March ni 21 khan Mamit bial Bawngva Home Mission Field ah mipali in sual ngaih damna baptisma an chang. he Rawngbawlna hi Evan Emmanuel Lalrawngbawlzela’n. Neiin an zingah hian mithar 1 a bawk a ni.
———-
MUSIC VIDEO ALBUM RELEASE DAWN:
N Mizoram District PYD Music Committee enkawl ‘District PYD Choir’ chuan ni March ni 22 Zirtawpni zan dar 7 : 00 hian Bawngkawn Biak Inah Music Video Album, hla 6 awmna an release dawn. Album hi Evan. Jeno Vanlalruata, President, NMDPYD in a release dawn a ; thlirlawkna hun hmang turin Pastor C Lalruatsanga, Mamit Bialtu; Secretary, NMDPYD ni mek bawk chu ruat a ni. Bial zaipawl 3 bakah Dist. Choir Trio zai tura ruat an ni a; Chaltlang bial PYD, Bawngkawn local church, General choir leh Pentecostal te he hun hmang tur hian sawm an ni bawk. Album hi release a nih veleh District PYD Music Committee channel-ah a duh apiang tan en theihin a awm dawn a ni.
Facebook