GENERAL HRUAITUTE PROGRAMME:
General Secretary, Rev. Zohmingthanzama chuan March ni 17 atanga 19 chhung hian Central District Conference, Tura hmuna neih chu a hmanpui.
General Treasurer Rev. Lalmalsawma Sailo chuan March ni 18 Inrinni hian Lawngtlai West District, Chanmari Kohhran Biak In hawnna neiin Pathianni thleng hian rawngbawlna a neih chhunzawm ang.
General Missions Director, Rev. R. Laichhingpuia leh General Missions Secretary Rev. R. Vanlalawia te chuan chuan March ni 16 atanga 19 chhung hian Chhimtuipui District Conference hmanpuiin thusawi rawngbawlna an nei a ni.
General Sunday School Department hruaitu te chuan Lawngtlai West District chhung a local then khat ah rawngbawlna neiin General Sunday School Director, Rev. Biaksangzuala chuan March ni 19 Pathianni hian Chawngte P Kohhran ah Sunday School Seminar a neih pui ang, General Sunday School Secretary Rev. JH. Zahluna pawhin Diltlang Kohhran ah Sunday School Seminar a neih pui bawk ang.
———-
CBC BUILDING SAK BUL TAN A NI:
March ni 7, 2023 (Thawhleh ni) khan UPC North East India Pathian thu zirna Calvary Bible College hmun thar Mualpui, Aizawl ah Building Ban hmasa ber tur phun a ni.
He hun ah hian Executive Board member leh Theological Education Board member then khatte, Kolkata Field Director bakah General Headquarters Office Staff-te kal khawmin, General Superintendent Rev. R. Lalrinsanga, TEB Chairman chuan Building sak dan tur ruahmanna leh hmalakna te report a pe a, chumi hnu ah tawngtai rualna neiin Calvary Bible College (CBC) Building thar ban hmasaber chu chhun a ni.
UPC North East India rorelna sang Executive Board in a lo rel tawh angin Calvary Bible College Shillong a mi chu CBC ram Mualpui, Aizawl ah sawn chhoh tur a hmalak mek a ni a, November ni 28, 2022 Thawhtan zing 10:00 am khan Building LUNGPHUM phum na hi Rev. R. Lalrinsanga, General Superintendent & Chairman TEB chuan a lo nei tawh a ni.
———-
———-
IMPHAL DISTRICT
March ni 9-12, 2023 hmang khan Imphal District Annual Conference Vawi 23 na chu khousabung bial, Hqrs. Local ah neih a ni a, Conference thupui ah Thlarauva awm ula, (Galatia 5:16) chu hman niin Speaker-ah UPC North east India General Treasurer Rev. Lalmalsawma Sailo leh Rev. Samson Thur, principal Gamilel Bible Institute Mokie Nagaland te hman an ni.
Conference Rorel tangpui te:
1)kum 2024 Imphal District khawmpui na tur Moreh bial ruat lawk sa chu rem tih a ni a, ahun leh ni atan chuan March 1-3 rem tih tlan ani,.
2) District khawmpui thleng tu tanpuina atan cheng nuaihkhat 100000/-rem tih a ni.
3) Crusade Tokpa (Nepali te awmna hmun) a neih rem tih a ni
4) Tokpa hi District enkawlna hnuai a awm a ni a,Nepali khua niin an biak sak that rem tih a ni bawk.
5) 2023 Kumpuan a tan “I puan in hmun chu zauh rawh”(Isaiah 54:2) tih chu thlan a ni bawk.
———-
———-
CHURACHANDPUR DISTRICT
Churachandpur District annual conference vawi 70-na leh kum 70 a tlinna PLATINUM JUBILEE chu March 9-12, 2023 chhung khan, Lamka Local, Dist.Hq. Salem veng ah neih a ni.
Churachandpur District annual conference vawi 70-na leh PLATINUM JUBILEE hi UPC North East India General Superintendent, Rev. R.Lalrinsanga, General Missions Director, Rev. R.Laichhingpuia, Rev. R.Sangthanga leh Unaupa T.Liana te bakah Chandel District Superintendent Rev. BD Kailun te nupa ten an hmanpui a ni.
District Conference leh Platinum Jubilee hman tur chungchang ah hian Kum 2022 March thla a District Board in Organising Committee a din te chuan theih tawpa hma la in, sub-committee peng hrang hrang siam a ni a, a thlengtu Lamka Local Church Board ah Jubilee ruai buatsaih mawhphurhna etc. an pek dungzuiin, Bawngpa lian tawk 2 leh vawkpa lian tawk 2 talh in ruai ropui taka theh a ni. Tin, inrinni zan atangin Pathianni zan thleng Media te hmalaknain live chhuah a ni bawk.
A vawi 70na Conference rual hian District S.S. Deptt. leh District LAD ten March 10,2023 khan rorelna an nei ve nghal bawk a, a tuk March 11,2023 ah District Kohhranpui report leh rorel neih a ni, chumia Kohhranpui rorel pawimawh zual te chu :-
1. Kum leh a District Conference na hmun turin Tuibong Local ah awm se, tia rawtna chu lungrual taka pawm tlangin, 2nd Sunday March 2024 huam a neih leh ni se tia passed a ni.
2. Kumin 2023 a kan District kumpuan atan District board in a lo recommend, “Kan fate i chhanhim ang u” tih hi kan District kumpuan atan lungrual taka pawm tlan a ni.
3. District hminga Camping Centre atan ram lei nise, tih thu hi issue lian tham a nih avangin Section tinin uluk zawka lo zirchian phawt nise la, District khawmpui leh ah ngaihtuah atan dah nise tia a ni.
4. District Music Sub-Committee din tura District PYD ngenna chu din nise, a bawhzuina hna chu District Board kuta dah nise tih a ni.
Tichuan March 12,2023 khan Platinum Jubilee hman a ni a, Rev. R.Lalrinsanga General Superintendent in Jubilee lung a hawng a, mi 70 thlan chhuah ten Jubilee dar vawi 70 an vuakna an nei bawk. Tin, Jubilee Souvenir buatsaih a awm chu Rev. Paosei, District Superintendent in a hawng a, bu 1 Rs. 100/- an pe chhuak nghal bawk a ni.
Inkhawmpui chhungin mipuiin Pathian thutak leh Thlarau lamah hlawkna tam tak an char chhuak bawk a, khawmpui tiah zan (13/3/2023) khan inkhawmna buatsaih leh a ni a, thlarau lam revival a thleng nasa hle.
STATISTICS REPORTS:
Name of District : CHURACHANDPUR
Name of District Superintendent : Rev. Paosei
Name of District Secretary : Rev. Lalzawm
Name of District Treasurer : Rev. B.Lalzamluaia
1. No.of Section & Sectional Pastor within District : 7 Sections
Name of Sections : Pangzawl Section, Tuibong Section, Lentlang Section,
Thangting Section, Thanlon Section, Parbung Section & Singngat Section.
2. Total no. of Term Evangelist within the District : 7
3. No.of new members joined UPC within the District : 106
4. Total no. of members- Male : 2,760; Female : 2,745
Age 18 yrs. above : 3,389, 18 yrs. below : 2,116
5. Total no. of members within the District : 5,505
6. Total no. of water Baptised in Jesus name : 3423
7. Total no. of Holy Spirit baptised received : 2092
8. Total no. of Holy Marriage in Jesus name : 6
9. Total no. of Re-Marriage : 34
10. Total no. of death buried in Jesus name : 38
11. Total no.of Deacon : 132
12. Total no. of Co-opted member (Tual Upa) : 99
13. Total no. of Licence Ministers: (a) Ordination Licence : 11
(b) General Licence : 26
(c) Local LIcence : 22
(d) Bible Woman Certificate 14
Total : 73
DISTRICT BUDGET 2023
1. Tithes from all Locals & Section Rs. 1,50,00,000/-
2. Worker’s & Pensioner’s tithes Rs. 10,80,000/-
3. Handful of rice from all Locals & Section Rs. 7,00,000/-
4. Collection Offerings Rs. 30,20,000/-
5. For Pension account Rs. 6,00,000/-
6. Others Rs. 14,20,000/-
Sub-Total Rs. 2,18,20,000
7. District Missions Department Rs. 13,94,000/-
8. District Sunday School Deptt. Rs. 1,82,500/-
9. Dist. Ladies Auxiliary Deptt. (L.A.D.) Rs. 3,71,000/-
Gen. LAD Conference budget 2023 Rs. 6,02,600/-
10. District Pentecostal Youth Deptt.(PYD) Rs. 1,93,900/-
11. Education Deptt. Rs. 21,60,000/-
Sub-Total Rs. 49,04,000/-
12. Grand Total of all budget for 2023 Rs. 2,67,24,000/-
———-
———-
LAWNGTLAI WEST DISTRICT
March ni 12 Pathian ni khan Evan K.Laineihtluanga tuidangchhuah Home missionary chuan chhungkaw hnih(2) member sawm(10) awmna chu Lalpa Isua hmingin UPC North East India Kohhran ah lawmluhna a nei a, Mi parukin Sual ngaihdamna Baptistma an chang nghal bawk a ni.
March ni 12 Pathian ni khan Pastor RVL Hriatpuia diltlang bialtu chuan khawmawi local church ah Baptisma rawngbawlna neii member pali(4)in sual ngaihdamna baptistma an chang a ni.
Baptisma Chang thar te zingah mi pahnih 2 te hi february thla tir a lawm luh te an ni
———-
CAMPING NEIH A NI.
March ni 18 2023 Inrinni atang khan Vathuampui ah camping neih a ni a speaker atan Rev.R.Sangthanga chu hman a ni.
———-
BIAKIN LUNGPHUM PHUM
March ni 16, 2023 Ningani khan Sabualtlang kohhran biak in sak tan hna thaw tanna neih niin Biak in lungphum chu Rev.F.Lalbiakthuama Dist.Supdt chuan a phum a ni. Sabualtlang ah hian School din niin Peniel Comprehensive English School tih a ni bawk.
———-
———-
LUNGLEI DISTRICT
REVIVAL COMMITTEE AN THUKHAWM:
March ni 10 Zirtawpni khan District Superintendent Room-ah District Revival Committee chu an chairman Rev.C.Vanlalena kaihhruainain an thukhawm a, he Committee hian Revival Committee kalphung tur an duang a, Revival hawnna Programme chu April ni 2 Pathianni ah Venglai Local-ah neih nise chhun leh zanah hun hman nise an ti a, hemi ni vek chhun leh zan inkhawmah hian Local hrang hrangah Revival puala tawngtaina neih nise an ti bawk.
———-
RAWNGBAWLTUTE LEH AN NUPUITE PUAL SEMINAR NEIHNA NI :
Ni 12 March 2023 (Inrinni) khan Theiriat Local te chuan, Rawngbawltute leh an nupuite pual Seminar, UPC Biak In, Theiriat Local-ah an hmang.
Hun khatna programme hi Evan. C. Remruatkima, Chairman, UPC Theiriat Local chuan kaihruaiin, Upa C. Lalhluna, Vice Chairman, UPC Theiriat Local chuan hunserh hmangin, programme Pathian hnenah hlanin a tawngtai a. Upa Lalnunsanga Chawngthu, Secretary, UPC Theiriat Local chuan Introduction pe-in report tawi a pe bawk.
Rev. C. Lalrintluanga, District Secretary, UPC Lunglei District chuan Resource Person niin hun a hmanpui a, Rawngbawltute mawhphurhna tih thupuia hmangin paper a present a. Hun khatna hlawk thlak tak hman a ni.
Hun hnihna hi Upa Hs. Biakngura, Treasurer, UPC Theiriat Local chuan kaihruaiin, Rev. K. Lalchhuansanga, Sectional Pastor, UPC Theiriat Section chuan Pathian hnenah tawngtaiin hun hnihna programme a hlan a. Rev. PC. Lalfakawma, District Treasurer, UPC Lunglei District chuan, Rawngbawltu nupuite mawhphurhna tih thupuia hmangin paper a present bawk a. Kalkhawmte an hlawk hle.
———-
MI THAR LAWMLUT :
1. March ni 12 Pathianni khan Cherhlun Local-ah member thar pakhat lawm luhna bialtu Pastor K.Lalnunpuia chuan a nei.
2. Rangte N Local LAD Golden Jubilee March ni 10 Zirtawpni khan hman niin Jubilee lawmna kal zel ah Crusade a chhunzawm niin bialtu Pastor Pc Zion Rammawia chu Speaker a hman a ni. Crusade boruak kal zel ah March ni 12 Pathianni khan mi 6 in sual ngaihdamna Baptisma an chang a, Baptisma chang zinga mi 3 hi Kohhran dang atanga mi thar lawmluh te an ni. Baptisma rawngbawlna hi Chhumkhum a Evangelist thawklai Evan Lalrokima Chhangte in a nei a ni.
3. March ni 12 Pathianni khan |awipui bialtu Pastor Rev.R.Vanlalenga chuan Thingfal Local-ah Member thar 2 a lawm lut bawk.
———-
———-
NORTH MIZORAM DISTRICT
DISTRICT CONFE HLIM TAKIN HMANG:
UPC-North Mizoram District chuan Marcy ni 2-5 chhung khan Thenzawl-ah North Mizoram District huam chhunga a inkhawmpui lian ber an hmang. Confe-ah hian “Kohhran” tih thupuia hmangin – Rev. R. lalrinsanga, Gen. Supdt. UPC-NEI, Rev. Chhiarpuia, NMD Supdt, Rev. K. Lalduhsanga, NMD-Secretary, Rev. C. Lalthlengliana, Rengtekawn Bial Pastor bakah Upa C. Lalnunmawia ten Pathian thuchah ropui leh tha tak tak an sawi.
Conference report leh Rorel tlangpui te hetiang hi a ni:-
DISTRICT KOHHRANPUI DINHMUN TLANGPUI
1. Kohhran puitling ding zat 149
2. Preaching Point zat 33
3. Home Missions Field zat 18
4. Kohhran in awm zat 6786
5. Biak in ding zat 192
11. Pawldang atanga kohhrana lo lut zat 928
12. Naupiang thar zat 554
13. Kohhrana pem lut zat 693
15. Kum 2022 chhunga punna 814
16. Mitthi neih zat 188
19. Thlarau Thianghlim dawng tawh zawng zawng 11393
20. Thlarau Thianghlim dawng thar zat 587
21. Tui Baptisma chang thar zat 1135
22. Tui Baptisma chang tawh zawng zawng zat 17584
25. Kohhran dingthar / Preaching Point awm zat 9
26. Ordination Licence nei zat 45
27. General Licence nei zat 93
28. Local Licence nei zat 69
29. Bible Women awm zat 31
30. Licence nei zawng zawng zat 238
31. T. Upa zawng zawng zat 409
32. Sr. Upa zawng zawng zat 32
33. Upa Deacon zawng zawng zat 620
34. Church Board Member zawng zawng zat 1236
March ni 4 Inrinni-ah Conference rorel neiin; rorel pawimawh zingah North Mizoram District -in ram lak beihpui thlak te, Conference Hall lian neih te a passed bakah Conference neih lehna tur ruahmanin kum 2024-ah Hqrs. Bial nghatin, Kum 2025 -ah Bilkhawthlir Bialah nghah a ni a, Kum 2026-ah Kolasib Diakkawn Bialah nghah a ni thung.
———-
BAIRABI NORTH KOHHRANIN PLATINUM JUBILEE HMANG:
UPC, North Mizoram District, Bairabi bial, Bairabi North Kohhrante chuan Kum 70 an tlinna Platinum Jubilee vawiin March ni 15 khan an hmang. JubiLee hman Programme hi UPC-North Mizoram Dist. Hruaitu pathum Rev. Chhiarpuia, Dist. Supdt. Rev. K. Lalduhsanga, Dist. Secy leh Rev. C. Lalthantluanga, Dist. Treasurer ten an hmanpui bakah Bairabi Bial Pastor lo ni tawh Rev. P. Vanlalfela, Chatlang Bial, Rev. C. Laltlanchhuaha Rengdil Pastor, Rev. Vanlalhmuaka Hnamte leh Bairabi atanga Pastor-a chhuak Pastor Jakob Lalremsanga, Bilkhawthlir Bial ten an hmanpui bawk.
Jubilee hmanna Programme hi March ni 14, thawhleh ni, chawhma dar 11-ah tanin Dist. Secretary Rev. K. Lalduhsanga’n Jubilee hawnna neiin Jubilee mei a det bawk a, Bairabi lo bial tawh Rev. Lalhmuakliana hnamte leh Pastor Jakob Lalremsanga ten thuhrilh rawngbawlna an nei. Zan dar 7-ah Jubilee hi hman chhunzawm a ni a. Bairabi bialtu pastor lo ni tawh Rev. P. Vanlalfela leh Rev. C. Laltlanchhuaha ten thusawina neiin; Rev. C. Lalthantluang, Treasurer, NMD-in thuhrilh rawngbawlna a nei bawk a ni.
March ni 15 chawhma dar 10:30Am khan Jubilee lawmna Programme hman chhunzawmin North Mizoram District Supdt Rev. Chhiarpuia chuan Junbilee Lungphum hawngin, Kohhrana sul lo sutute leh rawngbawltu pawimawh ten Jubilee dar vawi 70 khawngin, Biak in chhung programme hman chhunawm a ni.
Jubilee lawmna pui ber March ni 15-a neih inkhawm hi Bialtu Pastor Rev. C. Lalhmunliana’n a kaihruai a, Jubilee report Evan. Varhlunkima, Jubilee Organising committee Secretary chuan report pein, Rev. C. Lalthantluanga’n Jubilee Souvenir a tlangzarh bawk.
Memento hlanna Bro. Jacky Lalruatmawia, Souvenir Sub-Committee Chairman in hlanna a nei a, Bairabi North Kohhrana sul lo su hmasa mi 42 zet hnenah chawimawina thilpek a hlan a ni. Jubilee lawm ni hian District Supdt. Rev. Chhiarpuia’n Pathian thuchah a sawiin- ‘Bairabi North Kohhran te’na kum 70 an tlinna Platinum Jubilee lawm theia an awm chu Pathian venna liau liau a nih thu te, kum 70 an tlin theihna tura hruaitu tha an nei leh Pathian pek hun lawmawm lawm thei tura Organisng comt te fak an phu thu te sawiin, Jubilee hriatrengna tura ro hlu tak Jubilee souvenir an siam theih chungchangah lawmthu a sawi bawk a ni’
Jubilee Zaikhawm Evan. PC Lalramchhuanmawia kaihhruaia neiin; hlim takin zaikhawm neih a nih hnuah Jubilee lawmna ruai kohhran mipuite’n an kilho bawk.
Jubilee proramme hman tawp zan Upa Lalmakthanga, Jubilee Orgn. Chairman in kaihruaiin Rev. K. Lalduhsanga Dist. Secy. In rawngbawlna a nei a, Rev. Lalhmuakliana Hnamte chuan Malsawm tawngtaina neiin; Jubiee lawmna inkhawm chu a tin ta a ni.
———-
———-
AIZAWL EAST DISTRICT
Aizawl East District hnuaia Inkhawmpui lian ber, District Conference vawi 29-na N.Vanlaiphai, Leilet Biak ina hman chu March 12, Pathianni zan khan a tiak.
Conference hi March 9, Zirtawp zan atang khan hman tan niin Rev.KVL.Hmangaihkima, District Superintendent chuan a kaihruai a, palai lawmna Bialtu Pastor B.Lalhmingliana chuan neiin Rev.Biaksangzuala, General Sunday School Director-in Conference hlanna a nei thung a ni.
Kumin UPC- Aizawl East District Conference-ah hian thupui hranpa nei lovin Ninga zan khan Evan Lalramzauva, Bethlehem Bial chuan thusawina neiin Zirtawp zananh Upa F.Lalzawmliana, Kahrawt Bial, Champhai chuan thusawina nei lehin Rev.V.Biaksangliana, Director, Kolkatta Missions Field chuan Inrinni zan khan thusawina a nei a, Pathianni chawhmaah Rev. Zohmingthanzama, General Secretary, Chawhnu-ah Rev.R.Malsawma, Zemabawk Bialtu Pastor ten thusawina hi nei lehin Pathianni zanah Rev.R.Laltlankima, District Secretary hnen atangin thusawi ngaihthlak leh a ni bawk.
Kumin-ah hian District LAD leh Sunday School te chuan a hrana conference an neih loh avangin Zirtawpni khan rorelna hun an hmang a,Sunday School hian Leilet Biakinah Rev.KVL Hmangaihkima, Director kaihhruaiin rorelna neiin rorel palai mi 200 chuang an ni. An rorel thu passed te:
1. Sunday School Hall sak tanpuina hman mek chu tihsan ni se tih a ni.
2. Naupang S.S hlabu chhut leh hunah Naupang S.S leh thalaite sak chi Thuthlung hla tam zawk sengluh ni se tih a ni bawk.
Report bu atanga a lan danin tunah hian Puitling leh Naupangah S.S hming ziak mi 20,919 awmin Puitling hming ziak hi 13,131 an awm a, naupang lamah hming ziak mi 7788 an awm mek a ni.
LAD te hian Hqrs.Biakin-ah Sis.Zionparmawii B/W,President kaihhruaiin rorelna an nei thung a, an thu passed langsar zualte:
1. May 10, LAD Day-ah ram tana tawngtai neih ni se, thupui-ah hengte hi hman ni se tih a ni.
a. Suahsualna in kan mimal, kan khawtlang leh Kohhran chhungkua a tihchhiat mek humhim nan.
b. Kan ramah ruihhlo leh eirukna a reh theih nan.
c. Kan rama inthlanna thianghlim leh felfai kan neih theih nan.
2. CBC library tih changtlun nan Rs 50,000 pek tura tih a ni.
3. 2024 LAD Day thawhlawm chanve, District chan chu Tailoring Centre tih changtlunna atan hman ni se tih a ni.
Report bu atanga a lan danin Aizawl East District Bial 31-ah hian LAD hi khaw 158-ah dingin member 5455 an awm mek a, zuk leh hmuam nghei thar mi 160 an awm a ni.
Sunday School leh LAD te hian Zirtawp zan inkhawmah khan lawmman sem tur an neih hrang hrang leh chawimawina hlan tur an neihte hlanna hun an hmang bawk a, District S.S hian Kum 25 chawl lova Sunday School zirtirna hna thawkte leh Budget tlak hmasa te hnenah semin, District LAD hian Budget tlak hmasa te hnenah lawmman an sem bawk a ni.
Kohhranpui rorel hi March 11, Inrinni khan conference neihna hmunah Rev.KVL.Hmangaihkima kaihhruaiin neih a ni a, hetah hian Pathian tih mi, eiruk hlemhletna laka fihlim, ram leh hnam hmangaiha hmasawnna thlen thei tura ram hruaitu kan neih theih nan Kohhran member ten ram hruaitu thlannaah fimkhur taka vote an thlak theih nan ngen ni se an ti a ni. Heng bakah hian Kum 2023 chhung hian ramlak beihpui thlak ni se tih niin Kum 2025 Conference chu Serchhip Bial-ah an nghat bawk a ni.
Tun dinhmunah UPC-Aizawl East District hnuaia Pastor Bial 31 awm mekin tualchhung kohhran 174-ah Kohhran member singhnih sangsarih chuang an awm mek a ni. Kum 2022 chhung khan zuk leh hmuam nghei thar mi 254 an awm a ni.
Inrinni zan inkhawmah khan Delhi & Kolkatta Missions Field pualin thawhlawm khawn a ni a, hetah hian cheng nuainga chuang hmuh a ni. Inrinni zan inkhawmah vek hian District Kohhranpui chuan Mimal sawma pakhat pe tha bakah Tualchhung Sawma pakhat member wise-a a pe tam hnenah lawmthusawina hlanin Pathianni chawhma inkhawmah Upa leh Licence Holder kum 25 chawl lo leh Senior Upa te chawimawina hlan ni bawkin Pathianni chawhnu-ah Rev VL. Hnemtluanga, District Missions Director kaihhruaiin rawngbawltu boral te sunna hun hman a ni bawk. Pathianni zanah Kohhranpui hian Bial sawma pakhat target khum bakah mimal buhfai tham tha te hnenah lawmthusawina a hlan leh bawk a ni.
Kumin Aizawl East District Conference-ah hian inkhawm apiangin mal zai bakah zaipawl zai ngaihthlak thin niin Bial hrang hrang atangin conference palai an kalkim thei a ni.
———-
District Board:
Aizawl East District hnuaia rorelna sang District chu nikhat N. Vanlaiphai hmuna neih a nih hnuah March 14 khan District Committee room-ah neih chhunzawm leh a ni. District Board hi Rev KVL. Hmangaihkima, District Superintendent chuan kaihruaiin Bial atanga leh Official atanga agenda lut hrang hrang leh District Conference in bawhzui atana a dah te an rel a ni. District Board-ah hian CBC kal dilte, Licence la thar turte bakah Duftry leh Pastor Written-a tling te interview an nei bawk a ni. District Board hi March 16, Ningani khan tluang takin an zo fel thei a, he thu buatsaih lai hian an thu pass kan hre hman lova, karleh lamah tihchhuah tum a ni ang. District Board-ah hian Board member an telkim thei a ni.
———-
Mithar leh baptisma chang thar:
March 05, 2023 khan N. Vanlaiphai Bial, Khawlailung Bunghmun Kohhranah Baptisma khur hawn a ni a, Mi pasarih (7) ten Sual ngaihdamna Baptisma Pastor B. Lalhmingliana, Bialtu Pastor kutah an chang a ni. An zinga mi pahnih hi mi thar an ni. Hemi ni hian nau pahnih hlan a ni nghal bawk. Khawlailung Bunghmun Kohhranah hian Evan C Lalropuia, District Evangelist-in rawngbawlna a nei mek a ni.
March 5.2023 Pathianni Chawhma inkhawmah vek khan New Champhai Kohhrana lawi tur turin member thar 2 lawmluh an ni. Member thar lawmluhna hi Evan. MH. Laldingngheta, District Evangelist chuan a nei a ni.
March 5, Pathianni vek khan Mithar 2 Zembawk Kohhranah lawmluh a ni bawk.
Bro Joseph Lalremruata leh a rawngbawlpuite kal tlangin, Maite Kohhran ah, March 5, Pathianni zan khan, mi parukin Baptisma an chang. Baptisma changte hi Kohhran chhungkua atangin an ni a, Evan K Laltlanmawia’n Baptisma a chantir a ni. Maite Kohhran ah hian, Bro Joseph-a te rawngbawlna kaltlangin, Lalpan hna a thawk nasa hle a, SS Lâng camp te neiin, mi engemaw zatin Thlarau Baptisma an chang bawk a ni.
March 12, Pathianni khan Sesawng kohhranah mithar Pahnih in Isua hmingin Baptisma an chang. Baptisma rawngbawlna hi Evan JH Lalhminghlua’n a nei a ni.
Facebook