GENERAL HRUAITUTE PROGRAMME:
General Superintendent, Rev. R. Lalrinsanga chuan March ni 9 atanga 12 chhung a Churachandpur District ten Conference leh Ruby Jubilee an hman tur ah telpuiin rawngbawlna a nei a. March ni 13 hian Imphal District ten Rawngbawltu Seminar an neih ah a telpui bawk ang.
General Secretary, Rev. Zohmingthanzama chuan March ni 9 atanga 12 chhung Aizawl East District Conference Vawi 29na N. Vanlaiphai a neih ah telpuiin Pathianni chawhma ah thusawi rawngbawlna a nei ang.
General Treasurer Rev. Lalmalsawma Sailo chuan March ni 9 atanga 12 chhung hian Imphal District Conference, Khousabung a neih ah Speaker-niin rawngbawlna a nei ang.
General Sunday School Director, Rev. Biaksangzuala chuan Aizawl East District in March ni 9 atanga 12 chhung a District Conference, N. Vanlaiphaia an neih tur ah a telpui ang.
General Missions Director, Rev. R. Laichhingpuia chuan March ni 9 atanga 12 chhung a Churachandpur District ten Conference an neihah telpuiin rawngbawlna a nei a ni.
———-
CBC BUILDING SAK BUL TAN A NI:
March ni 7, 2023 (Thawhleh ni) khan UPC North East India Pathian thu zirna Calvary Bible College hmun thar Mualpui, Aizawl ah Building Ban hmasa ber tur phun a ni.
He hun ah hian Executive Board member leh Theological Education Board member then khatte, Kolkata Field Director bakah General Headquarters Office Staff-te kal khawmin, General Superintendent Rev. R. Lalrinsanga, TEB Chairman chuan Building sak dan tur ruahmanna leh hmalakna te report a pe a, chumi hnu ah tawngtai rualna neiin Calvary Bible College (CBC) Building thar ban hmasaber chu chhun a ni.
UPC North East India rorelna sang Executive Board in a lo rel tawh angin Calvary Bible College Shillong a mi chu CBC ram Mualpui, Aizawl ah sawn chhoh tur a hmalak mek a ni a, November ni 28, 2022 Thawhtan zing 10:00 am khan Building LUNGPHUM phum na hi Rev. R. Lalrinsanga, General Superintendent & Chairman TEB chuan a lo nei tawh a ni.
———-
———-
AIZAWL EAST DISTRICT
Aizawl East District hnuaia inkhawmpui lianber, District Conference vawi 29-na chu Leilet Biak In, N.Vanlaiphai Bial-ah hman mek a ni a, Pathianni zanah a tiak ang. Conference hi March 9, Zirtawp zan atang khan hman tan niin Rev.KVL.Hmangaihkima, District Superintendent chuan a kaihruai a, palai lawmna Bialtu Pastor B.Lalhmingliana chuan neiin Rev.Biaksangzuala, General S.S Director chuan Conference hlanna a nei thung a ni.
Kumin Aizawl East District Conference-ah hian thupui hranpa nei lovin Ninga zan khan Evan Lalramzauva, Bethlehem Bial chuan thusawina neiin Zirtawp zananh Upa F.Lalzawmliana, Kahrawt Bial, Champhai chuan thusawina nei lehin Rev.V.Biaksangliana, Director, Kolkatta Missions Field chuan Inrinni zan khan thusawina a nei bawk a, Pathianni chawhmaah Rev. Zohmingthanzama, General Secretary, Chawhnu-ah Rev.R.Malsawma, Zemabawk Bialtu Pastor leh Rev.R.Laltlankima, District Secretary te hnen atangin thusawi ngaihthlak leh a ni dawn a ni.
Kumin Conference-ah hian District LAD leh S.S te chuan a hrana conference an neih loh avangin Zirtawpni khan rorelna hun an hmang a, S.S hian Leilet Biakinah Rev.KVL
Hmangaihkima, Director kaihhruaiin rorelna neiin rorel palai mi 200 chuang an ni. An rorel thu passed te:
1. Sunday School Hall sak tanpuina hman mek chu tihsan ni se tih niin Rs 50,000 ni tawh se tih a ni.
2. Naupang S.S hlabu chhut leh hunah Naupang S.S leh thalaite sak chi Thuthlung hla tam zawk sengluh ni se tih a ni.
3. Bial OB te chu an lawina Local S.S Board/Committee-ah ex-officio ni ve tawh se tih a ni.
Report bu atanga a lan danin tunah hian Puitling leh Naupangah S.S hming ziak mi 20,919 awmin Puitling hming ziak hi 13,131 an awm a, naupang lamah hming ziak mi 7788 an awm mek a ni.
LAD te hian Hqrs.Biakin-ah Sis.Zionparmawii B/W,President kaihhruaiin rorelna an nei thung a, an thu passed langsar zualte:
1. May 10, LAD Day-ah ram tana tawngtai neih ni se, thupui-ah hengte hi hman ni se tih a ni.
a. Suahsualna in kan mimal, kan khawtlang leh Kohhran chhungkua a tihchhiat mek humhim nan.
b. Kan ramah ruihhlo leh eirukna a reh theih nan.
c. Kan rama inthlanna thianghlim leh felfai kan neih theih nan.
2. CBC library tih changtlun nan Rs 50,000 pek tura tih a ni.
3. 2024 LAD Day thawhlawm chanve, District chan chu Tailoring Centre tih changtlunna atan hman ni se tih a ni.
Report bu atanga a lan danin Aizawl East District Bial 31-ah hian LAD hi khaw 158-ah dingin member 5455 an awm mek a, zuk leh hmuam nghei thar mi 160 an awm a ni.
Sunday School leh LAD te hian Zirtawp zan inkhawmah khan lawmman sem tur an neih hrang hrang leh chawimawina hlan tur an neihte hlanna hun an hmang bawk a ni.
Kohhranpui rorel hi March 11, Inrinni khan neih a ni a, he thu buatsaih lai hian an rorel kan hre hman lo a ni.
———-
———-
NORTH MIZORAM DISTRICT
District hruaitute Programme:
District Hruaitu Pathum Rev. Chhiarpuia, Dist. Supdt. Rev. K. Lalduhsanga, Dist. Secy leh Rev. C. Lalthantluanga, Dist. Treasurer te chuan kar kalta Pathianni hmanga North Mizoram District Confe. Vawi 73th Thenzawl-a an hman hnuah, District Board March 7 – 9, 2023 chhung NMD Office Committee Room-ah nei lehin, Conference hmachhawp baka District Board Agenda thahnem tak an rel leh a ni.
———-
NORTH MIZORAM DISTRICT CHHUNGA INKHAWMPUI LIAN BER HMAN A NI NORTH MIZORAM DISTRICT CONFERENCE VAWI 73-NA HMANG:
UPC, N.E.I North Mizoram District chuan March ni 2nd – 5th, 2023 hmang in District Conference vawi 73-na, Thenzawl Fieldveng Biak inah a hmang.
Conference hi March 2, 2023 Ningazanah tanin, Rev. H. Zakiamlova, Pensioner in Conference a hawng ang a, Confe chhung hian Inkhawmpui thupui “Kohhran” tih hmangin thupui then hrang hrang heng speaker te hian an sawi a ni i.e 1) March 2 Ninga zanah Upa C. Lalnunmawia, Hqrs Bial 2) March 3 Zirtawp zanah Rev. C. Lalthlengliana, Kol. Rengtekawn Bial Pastor 3) March 4 Inrinni zanah Rev. K. Lalduhsanga, Dist. Secretary, North Mizoram District 4) March ni 5 Pathianni zingah Rev. R. Lalrinsanga, Gen. Supdt. (UPC-NEI) leh 5) March 5 Pathianni zanah Rev. Chhiarpuia, Dist. Supdt. NMD..
Confe-ah hian Zaipawl hrang hrang 1) Thenzawl Bial PYD 2) Thenzawl Field Veng PYD Zaipawl 3) General PYD Choir leh NMD PYD Zaipawl te an zai a, Mal zaiah heng i) Rebek Remsangpuii ii) Lalnuntluangi iii) Lalruatdika iv) Lalneihpuii leh v) Lalfakzuali te an zai bawk a ni.
March ni 3rd Zirtawpni ah Conference report kohhranpui leh Department hrang hrang atanga report ngaihthlak a nih bakah Dist. In Lawmman hrang hrang a buatsaih te sem a ni bawk. Confe. Report bua tanga a lan dan in hetiang hi North Mizoram District dinhmun tlangpui chu a ni:-
DISTRICT KOHHRANPUI DINHMUN TLANGPUI
1. Kohhran puitling ding zat 149
2. Preaching Point zat 33
3. Home Missions Field zat 18
4. Kohhran in awm zat: a) Hlang 6115
b) Hlang lo 671
Total 6786
5. Biak in ding zat 192
6. Biak in neilo zat 9
7. Mipa zawng zawng zat 14290
8. Hmeichhia zawng zawng zat 14650
9. Kum 2022 member zawng zawng zat 28940
10. Kum 18 chunglam zat 18061
11. Pawldang atanga lo lut zat 928
12. Naupiang thar zat 554
13. Kohhrana pem lut zat 693
15. Kum 2022 chhunga punna 814
16. Mitthi neih zat 188
17. Pemchhuak zat 837
18. Kum 2022 chhunga kiamna 1361
19. Thlarau Thianghlim dawng tawh zawng zawng 11393
20. Thlarau Thianghlim dawng thar zat 587
21. Tui Baptisma chang thar zat 1135
22. Tui Baptisma chang tawh zawng zawng zat 17584
25. Kohhran dingthar / Preaching Point awm zat 9
26. Ordination Licence nei zat 45
27. General Licence nei zat 93
28. Local Licence nei zat 69
29. Bible Women awm zat 31
30. Licence nei zawng zawng zat 238
31. T. Upa zawng zawng zat 409
32. Sr. Upa zawng zawng zat 32
33. Upa Deacon zawng zawng zat 620
34. Church Board Member zawng zawng zat 1236
35. Thuhrilh rawngbawltu awm zat 2656
37. Bial Thianghlimna Committee din zat 31
38. Kum 2022 chhunga rawngbawltu thi zat 19
39. Thuhrilna nei zinga Pulpit lawn thei zat 1628
SUNDAY SCHOOL DEPARTMENT
11. Inchhiarna:
Sunday School nei thei zat : 181
Sunday School nei thei lo zat : 13
Naupang chawhnu inkhawm nei thei zat : 61
S.S hall neih zat : 130
S.S Hall nei lo zat : 64
Hall nei thar zat : 12
Kumpuan bawhzui zat (Bial & Local) : 53
Seminar neih zat (Bial & Local) : 24
Camping buatsaih zat : 19
Tui baptisma chang thar (Naupang bik) : 371
Thlarau baptisma chang thar (Naupang bik) : 299
12. Enrolment:
1. Puitling Office Bearer : 535
2 Puitling zirtirtu : 673
3. Puitling hming ziak zat : 12621
4. Puitling Dept hming ziak zawng zawng : 13829
5. Naupang Office Bearer : 337
6 Doctrinal : 551
7. Senior : 946
8. Intermediate : 1028
9. Junior : 1178
10. Primary : 1422
11. Beginner : 1974
12. Naupang Deptt. hming ziak zawng zawng : 8456
LAD DINHMUN TLANGPUI
1 Chhungkaw awm zat : 6036
2. L.A.D dinna zat : 177
3. L.A.D member zat : 5678
4. Bible Women awm zat : 26
5. District Board neih zat : Vawi – 2
6. Executive Board neih zat : Vawi – 4
7. Pentecostal Lady lak zat : 2269
8. L.A.D Conference neih tawh zat : Vawi – 54
9. OB Committee neih zat : Vawi – 2
PYD DINHMUN TLANGPUI
Statistics Report Tlangpui :
1) Kum 2021 PYD members : 7032
Mipa – 4384 Hmeichhia – 2648
Total – 7032
2) Kum 2022 PYD members : 7232
3) Kum 2021 aia 2022-a member punna : 197
5) Local PYD dinna zat :148
6) Local PYD din lohna :32
7) Local PYD members tamna ber : Dinthar (228)
8) Local PYD members tlemna ber :Persang (3)
9) Bial PYD members tamna ber : Dinthar Bial (443)
10) Bial PYD tlemna ber : Tlangsang Bial (20)
11) PYD members zuk leh hmuam laka fihlim zat : 2018
12) PYD members zuk leh hmuam laka fihlim thar zat : 101
13) Bial PYD members zuk leh hmuam laka fihlim tamna ber : Dinthar – 187
14) Bial PYD members zuk leh hmuam laka fihlim thar tamna ber : Chawlhhmun – 26
15) PYD rawngbawlnaa member thar neih zat : 31
16) Innei thar zat : Lehkha tar : 40 Tar lo : 80 Total : 120
17) PYD members rawngbawltu chin pulpit lawn thei zat : 458
18) PYD members rawngbawltu chin pulpit lawn thei lo zat : 545
19) Education Qualification Survey:
(A) Academic Line
Master Degree chunglam : 29
MA leh a tlukpui : 183
BA leh a tlukpui : 699
HSSLC leh a tlukpui : 1003
HSLC leh a tlukpui : 1661
(B) Theological Line
M.Th chunglam : Nil
M.Th chin : Nil
BD chin : 5
B.th chin : 31
C.Th/PSM : 68
MISSIONS DEPARTMENT DINHMUN
Missions Field-a Member dinhmun :
2021 Member zawng zawng – 1,599
2022 Member zawng zawng – 2,688
2021 aia member tamna/Member thar- 1,089
Kum 2022 chhunga sum lakluh zawng zawng: Rs. 22186848
Kum 2022 chhunga sum lakluh zawng zawng: Rs. 15155982
Closing Balance: Rs. 70,30,866
March ni 4th Inrinni nilengin Conference rorel neih ni bawkin, Inrinni zan atangin revival inkhawmin March ni 5 Pathianni confe tiak zan thleng hman a ni bawk dawn a ni.
———-
NORTH MIZORAM DISTRICT BOARD NI 1-NA ZOVI’N BOARD NI 2-NA TAN MEK A NI:
UPC-NEI, North Mizoram District Board chu Nimin March ni 7, 2023 khan North Mizoram District Office, Committee Room-ah Rev. Chhiarpuia District Supt. Kaihhruaiin neih a ni a, Board ni 1-na, UPC-NEI, Gen. Supdt. Rev. R. Lalrinsanga’n a ho bawk.
District Board Ni 1 ni hian Pentecostal School of Ministry (PSM) dil thar te, Calvary Bible College kal dil te, Local License leh Gen. License dil te, Bible Women leh District in Tirhkoh Missionary Post a siam dil te pualin interview hun atan hman a ni. Interview bakah hian written exam neih a ni bawk. Rawngbawlna kawnga dil theih dilte dinhmun hetiang hi a ni.
PSM kal dil = 36
CBC kal dil = 2
Gen. License dil = 5
Local License dil = 17
Evangelist Post dil = 36
Bible Women dil = 1
Heng ho hi vawiin March 8, Nilaini hian a tling turte Pathian rawn chungin uluk takin Dist. Board hian a thlang dawn a ni.
District Board hi District hruaitute beisei danin March ni 9 (Ningani) thleng awh tura ngaih a ni. Chanchin buatsaih lai hian District Board thuchhuak kimchang hriat theih ala ni lo a ni.
———-
Tumpanglui MF tan thilpek hlan:
March 7, 2023 thawhlehni khan Rev R.Lalhmangaiha te chhung Maubawk Bialtute chuan Tumpanglui Kohhran (field) tan Baptisma khur siam na tur Rs 5,000 Dist. Missions Director kutah an hlan a, District aiawhin Rev. C. Lalramthanga, Dist. Missions Director chuan a lo dawng a ni.
———-
CHALTLANG KOHHRANAH MEMBER THAR PATHUM LAWMLUH A NI:
March ni 1, 2023 Nilai zan khan Chaltlang Bial, Chaltlang Local ah Presbyterian aṭangin pahnih (2) leh Mizoram UPC aṭangin pakhat (1), an vai in member pathum chu Bialtu Pastor Rev. P. Vanlalfelan lawmluhna a nei a ni. Kohhran hote an lawm hle a ni.
———-
Mithar nei:
Mi thar 2 lawm lut March 5, 2023 Pathianni khan Damparengpui Bial Tuipuibari Centre-ah mi thar 2 chu Seventh Day atangin lawm luh a ni a, Tuipuibari Centre-a rawngbawltu awmin Isua hmingin mithar te a lawmlut a ni.
Kawnpui Kananah mithar nei: Feb ni 19, 2023 Sunday zing khan Pentecost kohhrana lawi turin Kawnpui Kanan Presbyterian atangin mithar lakluh a ni a, Bialtu Pastor Rev.Pc.Laltlankima chuan March 1, 2023 Zan khan Isua hmingin Sual ngaihdamna Baptisma an chan tir a, Kohhranhote an lawm hle.
N. Chhimluangah Mithar nei: Feb ni 22, 2023 zan khan N.Chhimluang Kohhran a lawi turin Bro. Lalsena chu Presbyterian kohhran atangin, United Pentecostal Church (NEI) member ni turin Evan.C.Lalnunhlua’n Lal Isua hmingin a lawmlut a, Kohhran mi nisa pahnih te nen sualngaihdamna Baptisma an chang nghal bawk.
———-
NMD PYD ten Rising Day hmang:
North Mizoram Dist. PYD chuan Kum 62 a tlinna (Rising Day) chu March 3, 2023 Inrinni khan a hmang. North Mizoram District PYD Kum 62 tlinna (Rising Day) ah hian North Mizoram District PYD President hnen atangin Rising Day message tihchhuah niin Day lawmna atan Dist. PYD Hmalaknain Local leh Bial tinah PYD Flag, Bial leh Dist PYD flag te hemi ni hian zar chhuah a ni.
Pentecostal Youth Department, North Mizoram Dist. hi Kum 1961-ah din niin hun harsa leh hun khirh tak karah Lalpa hruaina changin Kum 62-na an lo thleng ta ni.
District hruaitu pahnih President Jeno Vanlalruata leh Secretary Evan. C. Lalruatsanga te chuan NMD Confe. vawi 73-na Thenzawla an hman lai niin, Rising day hi Thenzawl Field Veng Local PYD an hmanpui a, zingkarah Flag zarin Biak bukah tawngtaina hun an hmanpui bawk.
———-
———-
LUNGLEI DISTRICT
LUNGLEI DISTRICT UPC CONFERENCE VAWI 58-NA TLUANG TAKA NEIH A NI:
March ni 2-5 chhung khan UPC (NEI) Lunglei District Conference vawi 58-na chu Headquarters Local biak in, Chanmari-ah neih a ni a, inkhawmpui thupuiah ‘I rawngbawlna kha hlen rawh’ II Tim.4:5 chu hman a ni. March ni 3 Zirtawpni khan District Sunday School Department chuan District Conference Hall-ah ro an rel a, District Ladies Auxiliary Department-ten Biak in ah rorelna neiin March ni 4 Inrinniah kohhranpui chuan ro an rel bawk.
Ladies Auxiliary Department, Lunglei District Conference vawi 54-na hi President Sist.PC.Lalrinthangi B.w chuan a kaihruai a, an rorel langsar zingah nakum District LAD Conference thupuiah Taihmakna tih chu hman nise tha tih a ni a, Home Missionary-te Christmas Present pek leh ngei nise an ti bawk. Kumin 2023 chhung hian District chhungah Biak in sak leh nise an tih bakah District chhunga Vohbik awmte Christmas Present pek an rel bawk. District LAD te hian Children Home din turin zir chian tha an ti a, May ni 10 General LAD Day ah LAD te inkhawm kim nise tiin an rel. Tin, Pentecostal Lady Magazine latu an tam theih nan hmalak tha an ti a, LAD Kumpuan Taihmakna tih chu District huapa hmalak tha an ti bawk, Chhiatni thatni ah puan lukhum uar turin bial leh Local tinah nasa zawka inzirtir nise an tih bakah kumin General LAD Conference Churachanpur a neih tur kal dan tur chu mahni bial theuh inngaihtuah nise tha tih a ni.
Lunglei District hnuaiah hian LAD dinna Local 111-a awm a, member hi 4070 an ni. Nikum 2022 chhung khan District LAD hmalakna hian Chawnpui Local biak in sak a ni a, Putlungasih biak in sak nan Rs.100000 an pe bawk, ASC Home Sponsorship ah Rs.200000 an pek bakah Home Missionary te hnenah Christmas thilpek an pe bawk a ni.
District Sunday School Department Conference vawi 34-na hi Director Evan.PC.Zosangliana chuan a kaihruai a, an rorel langsar zingah Bial huap kohhran member zat atanga chhuta Sunday School hming ziak tha Bial, pakhatna atanga pathumna lawmman siam nise, General Sunday School kumpuan “Kan fate i chhanhim ang u” tih hi Bial tinah nasa lehzuala hmalak nise, Lunglei District chhunga Rawngbawltu leh Department hruaitu Sunday School kai loten an kai vek theih nan Distict atanga ngenna siama hmalak nise an ti a, General Sunday School Department-a thlen tur thu pawimawh tak tak an rel bawk.
Report bu a alan danin Sunday School Department ah hian Member 9221 in hming an ziak lut a, zirtirtu 1097 an awm.
March ni 4 Inrinni hian UPC (NEI) Lunglei District Conference vawi 58-na rorel inkhawm chu District Superintendent Rev.C.Vanlalena kaihhruainain Headquarters Local Biak Inah neih a ni a, General Treasurer Rev.Lalmalsawma Sailo chuan a telpui.
He Conference hian thu pawimawh tak tak a ngaihtuah zingah Upa te pualin Training buatsaih ve nise an tih bakah nakum 2024 District Conference-na hmun atan Headquarters Local an ruat bawk. Tin, Rorelna sang zawka thlen tura thu engemawzat an rel zingah Lunglei District inkaihhruaina dana Section leh Local OB post felfai taka ziah lan chungchangte, Kohhran Committee member neih theih zat tur bithliah that chungchangte, Licence holder upat avang leh harsatna engemaw avanga Licence Renew thei lo ten Licence an kawl chhunzawm zel theih dan tur te a tel a ni.
Report bu a alan danin Lunglei District chhungah hian Local 116 a awm mek a, heng Local te hi bial 20 ah then an ni a, Member 19239 (Mipa 9566, Hmeichhia 9673) awm mekin chhungkua hi 4206 an awm a ni. Nikum 2022 chhung khan Lunglei District hian Athibung biak in sak nan Rs.300000 (Nuai thum) a pek bakah Local 7 hnenah biak in sak tanpuina a pe a, kumin a luah hman turin Office bulding a sa bawk.
———-
DISTRICT BOARD VAWI 209-NA NEI MEK :
Ni hnih awh Lunglei District UPC (NEI) Board vawi 209-na chu District UPC Conference Hall-ah March ni 6-8 chhung khan neih a ni a, District Superintendent Rev.C.Vanlalena chuan a kaihruai.
District Board-ah hian Licence dil, CBC kal dil leh Driver hna diltuten interview an nei a, bial hrang hrang atanga Agenda lut te ngaihtuahin, Pastor transfer & Posting chungchang te, biak in sak tanpuina pek tur chungchang bakah 2025 UPC Lunglei District Golden Jubilee thlir lawkna an nei bawk.
———-
———-
LAWNGTLAI WEST DISTRICT
DISTRICT CONFERENCE HMANG
Date 4-6.feb.2023 a hmangin Lawngtlai West District chuan Lawngtlai AOC Local church ah District Conference an hmang.
Speaker ah Rev.Biaksangzuala Gen.SS Director(Gen.Supdt.Represe t) chu hman a ni.
Zaithiam tak² te, District choir leh a thlengtu Local LAD ten Pathian fakna hla sa in rawngbawlna an nei bawk a ni.
Conference ah hian kum 25 chawl lova rawngbawltu te hnenah chawimawina thuziak hlanna an nei.
Inrinni zing dar 6:30am ah Sunday sikul dept in rorelna neiin dar 10:30am ah kohhranpuiin rorelna an nei nghal a ni.
———-
𝐃𝐈𝐒𝐓𝐑𝐈𝐂𝐓 𝐄𝐕𝐀𝐍𝐆𝐄𝐋𝐈𝐒𝐓 𝐑𝐀𝐖𝐍𝐆𝐁𝐀𝐖𝐋𝐍𝐀
March 07-21.March.2023 atangin Ngengpuitlang hmun ah Evan Lalduhkima chuan rawngbawlna a nei tan dawna hmun thlengin Evan GB Lalawmpuia Dist.Mission Secretary chuan a thlah a,athlah mai bakah a rawngbawlna a pui zel dawn bawk a ni.
Dist Evangelist hi Ngengpuitlangah rawngbawlna a nei zawh hian vathuampui bial lamah rawngbawlna a nei leh ang…rawngbawlna nei tura sawm duh chuan mission director Address in dilna siam tur a ni. Tul leh dang chu information kan in pe zel ang.
———-
———-
CHHIMTUIPUI DISTRICT
46th DISTRICT CONFERENCE HLIM TAKA HMAN ANI:
Dt.3-5.3.2023 khan YLA Playground, Sangau II Local-Sangau Bial ah “Pathian nen a lendun” Mika 6:8 thupui hmangin 46 Chhimtuipui Dist PYD Confetence hlim taka hmn ani a. Palai 600 vel in khawmpui an chhim a ni. He khawmpui hi Dist Superintendent Rev Joseph L Thlauhthang leh Dist Official ten hmanpuiin, General PYD Secretary Evan R Vanlalpeka, Evan. C Lalremchhunga President Lunglei Dist PYD, Evan Lalringzuala Secretary Lunglei Dist PYD, Rbt Sanglura Secretary Gen Education Board ten min rawn hmanpuia. Tin, zaithiam Evan H Lalrinawma, Sist Laltleipuii, Sist Lalthnsangi leh Zorema Pachuau ten rawngbawlna anneibawk a ni.
4thMarch khan Rorel palai zat 102 (Dist hruaitute, Dist Sub-Committee hruaitute, Bial hruaitute leh Local hruaitute) ten rorelna annei a, rorel tlangpuite:-
A. CONFERENCE KAIHHNAWIH : 2025 – 48th Chhimtuipui Dist PYD Conference chu Siata Local, Niawhtlang Bial ah nghah a ni. Ahranin kum khat danah khawmpui hi neih ṭhin a ni. Khawmpui neih hun tur hi chu Kohhranpui ruahman anga neih tur a ni. Thlenkim ni atan nilaithawhtan (Thursday) hman tawh tur a ni ang.
B. MISSION/RAMTHIM LAM HAWI HMALAKNA:
b-1. Hunrei tak atanga Chhimtuipui Dist PYD ten Dist Mission Dept kaltlanga Missionary enkawla, kan rawih chu chhunzawm zel nise tha tihtlan a ni. Support pawh Dt.5.3.2022 khan zawn niin sum thahnem tak hmuh ni.
b- 2. Home Mission field pualin work camp project neih tur a ni.
C. SOCIAL WORK/VANTLANG HUAP HMALAKNA:
c- 1. Dist PYD hmalakna in 2023 chhung hian Blood donation kalpui leh tur ani. Calendar siamin Bial tin ten thisen pek hun hman a ni ang.
c- 2. 2023 chhung hian PYD Week hman leh nise. Guide book buatsaih ani bawk ang.
D. ENVIRONMENT PROTECTION PUAL/SAWRKAR HMALAKNA BAWHZUINA:
d- 1. Environment Protection hmalakna pualin Signature campaign neih niin, hmalakna kalpui tur a ni. Kan chhehvel boruak/sik leh sa chhe mek siam that anih theih nan Dist PYD Chuan hma ala dawn a ni.
d- 2. Sawrkar hmalakna single use plastic (SUPs) chungchang ah Kohhran ten atha thei angbera kan bawhzui theih nan hmalak nise:
Facebook