GENERAL HRUAITUTE PROGRAMME:
General Superintendent Rev. R. Lalrinsanga chuan February ni 29 atanga March ni 3 chhung hian North Mizoram District Conference vawi 74-na, Headquarters Kohhran Tuikhuahtlang, Aizawl a neih ah telpuiin March ni 3 Pathianni zingah Thusawi rawngbawlna a nei ang.
General Secretary Rev. Zohmingthanzama chuan February ni 29 atanga March ni 3 chhunga Lawngtlai West District Conference neih ah a telpui ang.
General Treasurer Rev. Lalmalsawma Sailo chuan February ni 29 atanga March ni 3 chhunga Lunglei District Conference vawi 59-na, Headquarters Local Biak In, Chanmari-ah neih ah telpuiin, Thusawi rawngbawlna a nei ang.
General Missions Director Rev. R. Laichhingpuia chuan March ni 3 Pathianni hian Champhai Kahrawt Bial ah Missionary Support zawngin hun a hmang ang.
———-
———-
CHHIMTUIPUI DISTRICT
LICENCE HMU THAR TE HNEN AH LICENCE HLAN
February Ni 27.2024 khan Chhimtuipui District Committee Room ah Rev.Joseph L.Thlauhthang District Superintendent chuan Licence hmu tharte hnenah Licence hlanna a nei. Licence hlan te :
1. Pastor C.Lalchhuanthanga Ordination Licence, Meisatla
2. Evan.P.Lalrintluanga General Licence, New Laty
3. Evan.Lalnunzira General Licence, Ephatha
4. Evan.Lalrinawma General Licence,Tuipang L’
5. Evan.Lalrothuama Local Licence, Meisatla
6.Evan.Lalchhuanmawia
Local Licence, Siahatla
7. Evan.Dr.Aichhunga Local Licence, College Vaih
8. Evan.Lalduhsanga Local Licence, Siahatla
9. Evan.S Vanlalvena Local Licence, Hqrs.
10. Evan.Lalrokhuma Local Licence, Hqrs.
11. Evan.Rinkunga Local Licence, Bethlehem
Licence hlanna neih zawh hian fuihna thu Rev.Kholy Hlychho Treasurer, Rev.Lalhnehchunga Dist. Mission Director, Rev.K.Kawngkharmawiallleh Pastor C.Lalchhuanthanga ten an sawi ani. Licence hmu tharte tawngtai sakna hun hman ani.
———-
S LUNGPHER LOCAL TLAWH
Dt.24-25.2.2024 hmang khan Pangkhua Home Mission Field te chuan S.Lungpher local tlawhin, Speaker atan Evan.Jona Lalrintluanga (Home missionary) chu hman niin,members 19 kalin, hun hlimawm leh thatak hman a ni.
S.Lungpher Local te hian Pangkhua kohhran hnenah a tul apiang a hman turin sum thahnem tak Rs.12000(kohhranpui Rs.10000 + LAD Rs 2000) anpe a.
Pangkhua kohhran te hian thinlung takin S.Lungpher Local hnenah lawmthu ansawi ani.
———-
48th DISTRICT LAD CONFERENCE HMANG DAWN.
Ni 1-3 march 2024 hian Chhimtuipui District LAD conference V 48 na chu Tuipang L Local church ah neih ani dawna,a thlengtu tur bial leh local pawh nasa taka in buatsaihin, conference palai in report atanga alan danin palai pawh kal tha tura ngaih ani.Speaker pathian mi hmanlai Evan Ls Lalhmingmuana,Evan E Khaching leh Evan H Lalhruaitluanga te hnen atang pathian thu ngaihthlak ani ang.
———-
———-
LUNGLEI DISTRICT
LUNGLEI DISTRICT UPC CONFERENCE VAWI 59-NA NEIH A NI DAWN:
February ni 29 Ninga zan atanga March ni 3 Pathianni zan thleng hian UPC Lunglei District Conference vawi 59-na chu Headquarters Local Biak In, Chanmari-ah neih a ni dawn. Inkhawmpui thupui ah hian THLARAU THIANGHLIM NEI RAWH U’ Joh. 22:20 chu hman a ni ang a, General Treasurer Rev.Lalmalsawma Sailo chuan a hmanpui ang.
Inkhawmpui chhung hian March ni 1 Zirtawpni ah Sunday School Department leh PYD ten ro an rel ang a, March ni 2 Inrinniah Kohhranpuiin rorelin rorel zawhah hian kum 2024-2025 chhunga District kohhranpui hruaitu thlanna neih a ni ang. Inkhawmpui chhung hian General Treasurer Rev.Lalmalsawma Sailo bakah District Superintendent Rev.C.Vanlalena, Luangmual bialtu Pastor Rev. Lalbiakdika Chawhte., Theiriat bialtu Pastor Rev.K.Lalchhuansanga, Hnahthial bialtu Pastor Rev. VL. Hmuaka ten thusawi ranwgbawlna an nei ang. Tin, Lunglei District UPC Choir bakah Headquarters bial PYD Zaipawl, Pukupi bial PYD Zaipawl, Luangmual bial PYD Zaipawl, Rahsiveng bial PYD Zaipawl leh Haulawng bial PYD Zaipawl te an zai ang a, Bro.PC.Lalrinsanga leh Sist.C.Zothanmawii ten zaiin rawngbawlna an nei bawk ang.
———-
BIAL PARIAT IN INKHAWMPUI AN HMANG :
Lunglei District chhunga bial hrang hrang 12 ten bial inkhawmpui an hmang zo tawh hnu ah, February ni 16-18 chhung khan bial pariat, Sertlangpui bial, Thingsai bial, Pukpui bial, Theiriat bial, Thenhlum bial, Haulawng bial, Pangzawl bial leh Rahsiveng bial te chuan inkhawmpui hi an hmang a, bial hrang hrangte hian bial inrelbawlna tur leh District-a thlen tur thu pawimawh tak tak an ngaihtuah a, hetiang hi an hun hman dan leh rorel tlangpuite a ni.
1) SERTLANGPUI BIAL : Sertlangpui bial inkhawmpui vawi 47-na hi Sertlangpui Local-ah neih a ni a, District Superintendent Rev.C. Vanlalena chuan a hmanpui a, kohhranpui rorel tlangpuite:
– Bial chhung local tinah Accountancy training neih nise.
– Bial chhunga Licence neite serh leh sang ti a an chhuahin TA leh DA in pek ve tawh nise.
– Bial inkhawmpui hun February 3rd Sunday a kan hman thin chu 2nd feb. ah hman tawh nise, 2025 bial inkhawmpuina hmun atan Buarpui Local a ni ang.
2) THINGSAI BIAL : Thingsai bial inkhawmpui vawi 34-na hi Thingsai Local-ah neih a ni a, District Missions Director Rev.C.Lalhriatpuia chuan a hmanpui, kohhranpui rorel tlangpuite:
– Nakkum 2025 bial Conf.- na hmun atan Bualpui H Local ruat a ni.
– Bial Thianghlimna Committee in hmalak nise.
– Bial chhung Local tinah Bial hruaituten Financial Campaign neih nise.
3) PUKPUI BIAL : Pukpui bial inkhawmpui vawi 39-na hi College veng Local-ah neih a ni a, Luangmual bialtu Pastor Rev.Lalbiakdika Chawhte chuan a hmanpui, bial kohhranpui rorel pawimawh zualte:
– Pastor Quarter ah Kichen Cabinet siam nise.
– Rawngbawltu inralna Rs.6000 ni mhin chu Rs.10000 ni tawh se
– Pastor Visitor Note, bial in siam nise Local tina kawl tur in.
– Kum 2025 bial inkhawmpuina hmun atan Venglai Local nise a hun atan February Sunday vawi 3-na ruat a ni.
4) THEIRIAT BIAL : Theiriat bial inkhawmpui vawi 34-na hi Emmanuel Local, Zobawk-ah neih a ni a, Headquarters bialtu Pastor Rev.LH.Lalchhandama chuan a hmanpui a, hengte hi an thurel pawimawh zualte a ni.
– Bial kohhranpui huapin (Department telin) Seminar buatsaih nise.
– Bial huap Crusade Lungpuizawl Local-ah neih nise.
– Preaching Point Sairep-a kan Biak In repair leh kohhran mamawh lei kawngah a tul anga hmalak nise.
5) THENHLUM BIAL : Thenhlum bial inkhawmpui vawi 34-na hi Lungchem Local-ah neih a ni a, Hnahthial bialtu Pastor Rev.VL Hmuaka chuan a hmanpui, bial kohhranpui thurel pawimawh zualte:
– Nakkum 2025 bial inkhawmpuina hmun atan Thenhlum Local ruat a ni.
– Lungchem leh Changpui kar kawng chhe zual lai hnatlanga siam nise.
– Pastor Quarters kawt PCC paving a siam.
– Pastor Quarters panna ah gate siam.
– Bial chhung upa leh rawngbawltute tan seminar neih nise.
6) HAULAWNG BIAL : Haulawng bial inkhawmpui vawi 60-na hi Lamthuamthum Local-ah neih a ni a, Tawipui bialtu Pastor Rev.R.Vanlalenga chuan a hmanpui. Bial kohhranpui thurel pawimawh zualte:
– Nakkum bial inkhawmpui neihna hmun atan S Phaileng Local ruat a ni.
– Financial Campaign neih nise
7) PANGZAWL BIAL : Pangzawl bial inkhawmpui vawi 39-na hi Rawpui Local-ah neih a ni a, District Treasurer Rev.PC.Lalfakawma chuan a hmanpui a, thu pawimawh tak tak an ngaihtuahte:
– Rammut beihpui thlak leh nise
– Nakkum bial inkhawmpui neihna hmun atan Khuanghlum Local an ruat bawk.
8) RAHSIVENG BIAL : Rahsiveng bial inkhawmpui vawi 39-na hi Rahsiveng Local-ah neih a ni a, District Secretary Rev.C.Lalrintluangan a hmanpui a, an thurel pawimawh zualte:
– Bial inkhawmpui palai fee Rs.200 ni thin chu Rs.500 ni tawh se.
– Nakkum bial inkhawmpui neihna hmun atan Runtung Local an ruat bawk.
———-
BIAL PATHUMIN PYD INKHAWMPUI AN HMANG :
February ni 23-25 chhung khan heng bial pathum, Pukpui bial PYD, Headquarters bial PYD leh Rahsiveng bial PYD te chuan inkhawmpui an hmang a, an hun hman dan leh an rorel pawimawh zualte:
1) PUKPUI BIAL PYD : Pukpui bial PYD inkhawmpui vawi 39-na hi Bazar Local UPC Biak Inah neih a ni a, Speaker atan Pastor Jerry Lalmuanawma, Chawngte bialtu Pastor chu hman a ni. February ni 24 Inrinniah rorel a ni a, an thurel tlangpuite:
– Kum 2025 ah Rs. 36,000/- in Missionary Support leh nise. (2024 ah Rs. 36,000/-) tho in Kan support
– Bial PYD Member Bible chhiarchhuak te lawmman pek leh nise.
– Section PYD Anniversary Local tinin mahni remchan dan angin hman leh theuh nise, Bial atangin day thuchah chhiarchhuah tur siam nise tih a ni.
– Bial PYD member CBC a kal te Rs. 2000/- a tanpui ve thin nise.
2) HEADQUARTERS BIAL PYD : Headquarters bial PYD inkhawmpui vawi 45-na hi Kikawn Local UPC Biak Inah neih a ni a, February ni 24 Inrinniah rorel a ni a, an thurel tlangpuite:
– Bial PYD inkhawmpui dawltu puihna Rs.20000 ni tawh se.
– Bial Sport leh Bible ralchhan neih nise.
– 2026 bial PYD inkhawmpui neihna hmun atan Headquarters Local ruat a ni.
– District-a thlen tur thu pawimawh tak tak an ngaihtuah bawk.
3) RAHSIVENG BIAL PYD: Rahsiveng bial PYD inkhawmpui vawi 40-na hi Hauruang Local-ah neih a ni a, Speaker atan Pastor PC.Zionrammawia, Lungsen bialtu Pastor chu hman a ni a, thupui ah ‘Chhandamna dik’ tih chu hman a ni a, an thurel langsar zualte:
– Bial Pastor Quarters-a dah tur bungraw lei nan Rs 15000 ruahman a ni.
– Gen. PYD Conference dawltu puih nan pek ve nise
– Bial Inkhawmpui a hranga neih (kum 2026) leh na hmun tur atan Runtung Local ruat a ni.
– Bial PYD in Missionary pahnih chawm nise tiin Bial Inkhawmpui Sunday zingah Appeal hmanga tuak nghal a ni.
– Bial inkhawmpui a hranga kan neih kum dawltu puih nan Rs. 15000 nise.
– District-a thlen tur thu pawimawh tak tak an ngaihtuah bawk.
———-
CEC SCHOOL-A BOARD EXAM HMACHHAWN TURTE AN TLAWH:
February ni 23 Zirtawpni khan Lunglei District PYD Education Committee-te chuan CEC School Cl-X&XII Board Exam hmachhawn turte tlawhin Hosteller-te eitur an pe.
He hunah hian Evan.R.Lalsanglura, Chairman, Education Committee leh Rbt.Dr.Malsawmtluanga, Secretary, Education Committee te chuan zirlaite hnenah fuihna thu an sawi a, exam an hmachhawn turah duhsakna sang ber an hlan bawk.
———-
MI THAR :
February ni 18 Pathianni zing inkhawm ah khan District Missions Field Vaisam Local-ah mi thar pakhat Vaisam Home Missionary Evan.R.Lalthlamuana chuan a lawmlut.
———-
———-
AIZAWL EAST DISTRICT
District Conference atan inbuatsaihna peih thawkhat a ni:
March 7 atanga 10 chhunga Saitual Bial ten, N. Lungpher Biakina District Conference vawi 30-na an thlen tur atan inbuatsaihna peih thawkhat a ni. District Conference hi March 7, Zirtawp zan atangin hman tan tur niin Rev. R. Lalthanzuala chuan Conference hlanna a nei anga, Palai lawmna thu Bialtu Pastor, Rev B.Lalengzauva hnen atangin ngaihthlak a ni bawk ang. Kumin Aizawl East District Conference-ah hian District PYD leh Sunday School Department te bet tel ve in March 8, Zirtawpni chawhma Dar 10:30-ah rorelna hetiang hian an nei dawn a ni. District PYD: Community Hall, North Lungpher; District Sunday School: N. Lungpher Biakin. Kohhranpui rorel hi March 9, Inrinni chawhma Dar 10-ah Conference neihna hmun N. Lungpher Biakinah hian neih a ni dawn a ni.
Kumin Conference-ah hian thupui hranpa nei lovin mi hrang hrang ten thusawi rawngbawlna hetiang hian an nei dawn a ni.
Ninga zanah Evan Lalhmangaiha Chawngthu, Serchhip Bial
Zirtawp zanah Rev. C. Lalmalsawma, District PYD President
Inrinni zanah Rev R. Lalhawia
Pathianni chawhmaah Rev R. Lalrinsanga, General Superintendent
Pathianni chawhnuah Sacrament rawngbawlna, District Superintendent in a nei ang.
Pathianni zanah Rev KVL. Hmangaihkima, District Superintendent
Zirtawp zan inkhawmah District Sunday School Department ten chawl lova Zirtirtu Kum 25 thawkte hnenah chawimawina an hlan anga, PYD ten Budget tlak hmasa lawmman hlanna an nei bawk ang. Inrinni zan leh Pathianni zanah Kohhranpuiin lawmman an sem turte semin Pathianni chawhma inkhawmah Upa leh Licence Holder Kum 25 chawl lo leh Sr. Upa te hnenah chawimawina hlan an ni bawk dawn a ni.
———-
Serchhip P&E Veng Biak In hawng:
February 24, Inrinni khan Serchhip Bial, P&E Veng Biak In chu Rev K VL Hmangaihkima, District Superintendent chuan Isua hmingin hawnna leh Pathian hnenah hlanna a nei. Biakin thar hawnna hi Biakin pawnah neih hmasak niin chumi hnuah Biakin chhungah Biakin hawn lawmna neih chhunzawm nghal a ni.
He hun hi Pastor C. Lalchhuanga, Serchhip Bialtu Pastor chuan kaihruaiin Upa. H. Rammawia, Church Board Chairman hnen atangin Technical report ngaihthlak a ni. Electrict Veng PYD leh Sis. Lalhmingsangi ten Pathian fak hla an sa bawk a ni. Rev. KVL. Hmangaihkima, District Superintendent chuan Pathian thuchah sawina neiin tlai-ah tisa ruai hlim takin an kilho a ni.
P&E Veng Biak In hi a Dung 60.10 ft. Avang 48.10 ft a lian a sak a ni a, Biak In sak nan hian Nuaih 70 (Tha sen nen) Chuang sen a ni. Biak In hawnna hi Bial Pastor ni tawh, Rev B Lalengzauva, Rev C Lalengliana ten an telpui a, Pastor K Lalhmingmawia, Serchhip Dinthar Bialtu Pastor bakah Rev VL Hnemtluanga, District Missions Director ten an telpui bawk a ni.
———-
Missionary Support zawngin rawngbawlna nei:
District Missions Department chuan kum danga an lo tih thin angin Bial hrang hrangah District Missions Support zawngin rawngbawlna an nei kal mek zel a, February 25, Pathianni khan Serchhip Bial leh Serchhip Dinthar Bial-ah Support zawnna hi an nei leh ani. He hunah hian Rev. VL. Hnemtluanga, Director bakah Bial hruaitute kalin Bial pahniha Tualchhung Kohhran hrang hrangah cheng nuai ruk chuang an hmu thei a ni.
———-
Mithar:
Febuary ni 25 Pathianni chawhma inkhawm ah Thuampui kohhranah mithar chhungkaw 1 member 3 awmna chu Rev. Darchhawna’n a lawm lut. Thuampui kohhranah hian kumin 2024 chhung hian mithar hlak chhungkaw 3 (Member 11) an nei tawh a ni.
February 25, Pathianni vek khan Zemabawk bial Tuirial Kohhranah sual ngaihdamna tuikhur hawn niin, Evan. Thangneihsanga kutah mi paruk in baptisma an chang a. Bungbangla Preaching point ah mi 8 in Evan. H. Lalrinfela kuta sual ngaihdamna baptisma an chang bawk. Heng mi pariat zinga pathum hi pawl dang (Presbyterian kohhran) atanga lo lut thar te an ni.
———-
Hruaitute Programme:
Rev. KVL. Hmangaihkima, District Superintendent chuan March 2, Inrinni hian Thuampui Vengthar Biakin sak thar hawnna a nei a ni.
Rev VL. Hnemtluanga, Missions Director chuan Pathianni hmang hian Thuampui Bial-ah Missionary Support zawngin rawngbawlna a nei ang.
———-
———-
NORTH MIZORAM DISTRICT
DISTRICT HRUAITUTE PROGRAMME:
Dist. Supdt. Rev. Chhiarpuia chuan kar kal ta Inrinni Feb ni 24 khan Kolasib Venglai Bial chhunga Kohhran la naupang tak Hebron Kohhran Biak in sak thar a hawng a, Feb ni 29 atanga March ni 3 chhunga N. Mizoram District Conference hman turah kaihhruaina hna a thawk bawk ang.
District Secretary Rev. K. Lalduhsanga leh Treasurer Rev. C. Lalthantluanga te pawhin NMD in Conference vawi 74-na an hmachhawn mek ah an tihtur chanpual te an ti bawk ang.
———-
NMD HUAM CHHUNGA CONFERENCE LIAN BER HMANG DAWN:
UPC, NEI, North Mizoram District Conference vawi 74-na chu Feb ni 29 Ningazan khan tan a ni. Confe-ah hian THupui “Lalpa’n thil ropui takte min tih saka” tih thupuia hmangin inkhawmpui neih a ni a. Conference hi Rev. K. Darsailova, UPC (NEI) Gen. Former Supdt. Chuan hawngin, Pathian chawimawina Programme Feb ni 2 Inrinni khan neih a ni bawk a ni.
NMD Conference vawi 74-na hi Kohhranin hun thim chhah tak a hmachhawn leh Pathian khawngaihnaa sutkian a nih tak hnu leh Kohhran buai avanga Biak leh Quarters leh ram engemaw zat North Mizoram District in a chan let leh tak hnuah Conference neih leh hmasak ber niin; North Mizoram District hian Pathian malsawmna nasa tak a dawn avangin Pathian chawimawina hi nei turin District Board chuan a rel ta ni.
Conference-ah hian heng Speakers te hi thuhrilh rawngbawlna an nei:-
1) Rev. H. Zabiaka, Hunthar Bialtu Pastor
2) Rev. C. Lalmuanpuia, Kol Diakkawn Bialtu Pastor
3) Rev. P. Chunga, Former Gen. Supdt.
4) Rev. C. Lalrammuana, THenzawl Bialtu Pastor
5) Rev. R. Lalrinsanga, Gen, SUpdt. UPC (NEI)
6) Rev. Chhiarpuia, Supdt. (NMD)
North Mizoram District chhungah hian Pastor Bial 31 awmin, kum 2023 report thar ber in a tarlan danin hetiang hi NMD dinhmun tlangpui a ni:-
1. Kohhran member zat : 29950
2. Kohhran in awm zat : 6966
3. Biak in awm zat : 192
4. Kum 2023 chhunga member punna:1365
5. Kum 2023 chhunga member boral: 22
6. Thlarau thianghlim dawng tawh zawng zawng: 11989
7. Thlarau Thianghlim dawng thar zar: 512
8. Sual ngaihdamna Baptisma chang thar zat mi:862
NMD Conference neih chhung hian NMD PenNet buatsaiha Short Filim intihsiam “Media in a nghawng” tih lawmman sem a nih bakah, Evangelist leh Upa Chawimawina te neih a ni bawk. Confe chhung hian mal zai mi tum 5 awmin, Zaipawl General Choir, North Mizoram Dist. PYD Choir, Pentecostal Choir te an zai bawk a ni.
———-
KOL. VENGLAI BIAL CHHUNGA AWM HEBRON BIAK IN HAWNG:
Kol. Venglai Bial chhunga awm Kohhran Hebron Preaching Point Biak in sak thar chu Feb ni 24 Inrinni khan NMD Sudpt Rev. Chhiarpuia’n a hawng. Biak in hawn programme hmang hian kohhran member mi 90 an kalkhawm a ni.
Biak in hawn Programme chawhma dar 11:00-ah tanin Biak In pawnah hawnna inkhawm tawi hman hmasak a ni a, District Supt. Rev. Chhiarpuia chuan 2 Chronicle 7:11 chhiarin Hebron-a Biak In hmun lei tura hmalak dante a sawi a, Rev Chhiarpuia chuan “Hebron-ah hian Pathianin Kohhran min din pui a ni,” a ti. Biak Buk sak puitlin a ni chu lawmawm a tih thu sawiin Isua hmingin a hawng a. Biak In pawnah Upa Lalhmangaiha’n tawngtaina a hmang bawk.
Biak In chhungah hun hman chhunzawm niin Rev. R. Lalnithanga, Bialtu Pastor-in inkhawm a kaihruai a. Biak In leh a chhung bungruate Pathian hnenah hlanin tawngtai rual a ni.
Evan. Vanlalhruaitluanga, Hebron Tirhkohin Biak In sak dan leh hmalak dan report a pe a, Upa Lalremliana, Bial Treasurer-in sum leh pai hman dan report a pe bawk.
Hebron-ah hian Sept. 2022-ah Tihrkoh daha hma lak tan a ni a, Dec. ni 21, 2022-ah Preaching Point-ah puan niin Biak In hmun tur hi Nov. 26, 2023 khan Rs. 1,65,000/- in lei fel a ni a. Dec. 18 2023-ah a hmun lai tanin Dec. 20, 2023-ah Biak In ban phun zawh a ni.
Biak In saknaah hian Bial hnatlang vawi 3 neih niin, Biak in sak pum nan hian tha 450 vel seng nia chhut a ni a, ni 60 chhunga sak zawh a ni a, Feb.16.2024 zan khan zawh fel a ni ta a ni.
Biak In hi a vang feet 24 leh a dung feet 30-a sak niin skirting chin concrete a ni a, a bangah Tile hmangin, Ceiling tha tak siam a ni bawk a, Pulpit hnung bangah PVC Wall hman a nih bakah Baptisma khur siam nghal a ni bawk. Biak in panna kawng PCC niin Thing gate siam a ni bawk a, report-a a lan danin Biak in sak senso atan Rs. 4,60,719/- sen a ni.
Thuchah sawitu District Supt. chuan Mat. 21:12-13 chhiarin Hebron Biak In hi Pathianin amah chibai bukna hmun atan min pe a, Pathian chenna tlaka sak niin sum sen nen pawh a inphu hle a ni a ti a. Biakbuk hi Thlarau lenga sak tur a ni a, tawngtaina in a ni tur a ni a, Isua Pathianna leh Thuthlung sawi fona hmun a ni tur a ni a, a thianghlimin a felfai ang a, inhauhna hmun tur a ni lo, a ti.
Bial Kohhranpui, Local tin leh Bial Dept. tin atangin thilpek hlan niin heng thilpekte hi Evan. Vanlalhruaitluanga, Hebron Tirhkohin a dawng a ni.
Inkhawm banah Thuthlung rawngbawlna neih chhunzawm a ni a. Mi pakhatin Bptisma changin Rev. Chhiarpuia, Dist. Supt.-in Baptisma a chan tir a. Hemi hnu hian Biak In hawn lawmna tura ei leh in siam chu hlim leh puar taka eia in ho a ni.
———-
W.PULPUI BIAK IN HAWN LEH MISSIONS FIELD-A AWM THIN KOHHRANPUIA HLAN KAI PROGRAMM HMAN A NI
Feb ni 25 Inrinni khan Rev C. Lalramthanga -Director, District Mission Department chuan- West Phaileng Biala awm West Phulpui Missions Field Biak in sak thar hawnna leh Missions Field ni thin Kohhranpuia hlankaina hun a hmang. District Missions Director hi T. Upa H. Thantluanga leh Evan. RS Lalnunmawia ten Aizawl atangin an tawiawm a, Phaileng bial aṭang pawhin he hun hmanpui tur hian member thahnem tak an kal bawk.
Biak in hawn Programme Feb ni 25 Pathianni zing inkhawm Dar 10:30 tanin W. Phulpui Kohhran Biak in sak thar chu District Missions Direcrtor Rev. C. Lalramthanga’n Lal Isua hminga hawngin, Biak in chhungah Programme chhunzawm nghal a ni a.
Biak in chhungah Bialtu Pastor K.Ainawna’n inkhawm kaihruaiin W. Phulpui Missions Field kum 16 chhung zet Dist. Missions Dept. enkawlna hnuaia awm chu kohhran puitlingah Lal Isua hminga hlangkaiin, Hemi rual hian Biak in a dung feet 21 leh a vang Feet 40 leh S.S Hall a dung 24ft leh a vang 12ft bakah a chhunga property awm ang angte leh Kohhran ram passed na te, District Kohhranpui kutah a hlan tel bawk a a ni. Biak in hmunhma leh Document zawng zawng te hi W. Phaileng Bialtu Pastor K. Ainawna chuan Dist. Kohhranpui aiawhin NMD Director Rev. C. Lalramthanga kut atang hian a dawng a ni.
Hemi hnu hian Dist. Missions Director chuan Pathian thuchah sawi zuiin mithar 1 Pentecost kohhranah lawmluhna a nei nghal bawk.
Heng bakah hian W. Phulpui Field-a Missionary hna thawk Evan.H.Lalnunzira chuan report pein Biak in leh SS Hall sakna tura puina an dawn dan hetiang hian report a pe:-
1. Dist. Kohhranpui – 250000
2. Dist. Missions dept. – 620130
3. Tlangnuam local – 40000
4. Bro.Joseph Lalthlamuana K.Venglai – 35000
5. Upa Lalvenhima Lawipu – 1000
6. W.Phaileng Bial Appeal na – 8450
Sumfai hmuh zat hi cheng 954580 niin cheng 954139 hmanral a ni.
Biak in hawn a nih hian a chhunga property awm tur ang heng Thuthlengsei nghenchhan nei 23, Pulpit, lecturn pa 2, Chairman dawhkan 1, Secy dawhkan pa 2, Ceilling fan pa 8 leh Solar inverter te dah tel nghal a ni a, Dist. Mission Dept. Atangin Biakin thar lawmna leh kohhranpuia hlankai a nih lawmna thilpek Sana lian 1 leh Steel No tha tak Dozen 4 pek a ni bawk
He hun pawimawh tak W. Phulpui kohhrante’n an hmanah hian khawtlang hruaitute pawhin telpuiin tlaiah Biak in thar leh kohhranpuia hlan a nihna lawmna ruai kohhranhote’n an kil a ni.
Pathianni zan inkhawmah Missionary tanglai Evan. H. Lalnunzira’n inkhawm kaihruaiin Bialtu Pastor K. Ainawna’n Pathian thuchah sawiin he zan vek hian Missionary tanglai Evan. H. Lalnunzira W. Phaileng Bialin thlah nghalin Bial leh Department hrang hrangte’n thlahna thilpek an hlan bawk a ni
———-
MI THAR NEIH REPORT
Bawngva Mithar:
Feb ni 25 Pathianni khan Bawngva Mission Field-ah mithar 4 lawmluh niin; heng mithar te hi Bawngva Missionary Evan Vanlaltanpuia Lalpa Isua hmingin a lawmlut a ni. (Bawngva mithar)
DAPCHHUAH AH MITHAR LAWMLUT:
Feb ni 25 Pathianni khan Dapchhuaha rawngbawl mek Evan. R. Lalchhanchhuaha chuan mithar 1 neiin; Lalpa Isua hmingin lawmluhna hun a hmang bawk.
Dapchhuah kohhran te’n Pathian malsawmna an dawng nasa hle mai a, kum 2018 a ding tan in, tun ah hian Member 131 an lawi mek ani
BUNGṬHUAM-AH MI THAR:
Pathianni kal ta Feb ni 25 khan Bungthuama District kohhranpui rawiha rawngbawl mek Evan. C. Lalngaihawma chuan member thar duhawm tak tak 2 neiin rawngbawltu Evan. C. Lalngaihawma hian Lalpa Isua hmingin Pentecost kohhranah a lawmlut a ni.
———-
Rengtekawn Gosen kohhran tan hmun hma leifel a ni:
Kar kal ta Feb ni 24 chawhnu dar 3:30 khan NMD District Superintendent Rev. Chhiarpuia chuan kohhran ding thar Kol. Rengtekawn Bial chhunga Gosen P. P Biak in hmun tur chu Nuai 5 in a lei felt a. Hemi chungchangah hian Gosen kohhrante leh Rengtekawn Bial hruaitute an lawm hle a District Board chungah anmahni hmun ngeia inkhawmna tur nei tura hmun hma an leisak chungchangah lawmthu an sawi a ni.
Facebook