GENERAL HRUAITUTE PROGRAMME:
General Superintendent Rev. R. Lalrinsanga chuan June ni 10 inrinni ah Kolkata Field a thawktu leh Missionary te Seminar neih puiin, June ni 11 Pathian ni hian Batanagar Kohhran, Kolkata-ah rawngbawlna a nei ang.
General Treasurer Rev. Lalmalsawma Sailo chuan June ni 10 inrinni ah Kawlkulh vengthar kohhran rawngbawltute Seminar neihpuiin inrinni zan atanga Pathianni zan thleng hian Kawlkulh Bial PYD Programme neih ah a telpui ang.
General Sunday School Director, Rev. Biaksangzuala chuan June ni 11 Pathian ni hian W. Phaileng Bial, North Mizoram District ah Sunday School Seminar & Retreat neihpuiin rawngbawlna a nei ang.
———-
LITERATURE & PUBLICATION BOARD
June ni 8 Ninga ni khan UPC North East India Literature & Publication Board chuan General Headquarters Committee Room, Mualpui Salem Veng, Aizawl ah Kum 2023 Beirual thupui zir tur ” Ramthim rawngbawlna” tih Rev. K. Satinvela a ziak chu Edit na an nei.
———-
———-
CHHIMTUIPUI DISTRICT
REVIVAL CRUSADE HLAWHTLING TAKIN NEI :
Ni 31.5.2023 (Nilaini) thlenkim ni a hmangin Bualpui “Ng” bial chuan Vawmbuk Local ah Revival Crusade hlawhtling takin an nei. Bial chhung Local hrang hrangte thleng khawmin thlarau malsawmna hnuai a hun hman a ni. Thlarau Baptisma changthar engemaw zat awmin kohhran chhungah harhna nasa takin a thleng mek a ni. Speaker atan Evan E. Khaching Home Missionary, Vahia chu hman a ni a, Speaker hi Evan. Lalthafamkima, Sis. R. Vannunmawii leh Upa L. Khema ten an tawiawm bawk a ni.
Tin, Revival crusade boruak kal zelah Ni 5. 6. 2023 (Thawhtanni) khan Upa Z. Lalmalsawma Vawmbuk Local Treasurer te chhungkua in Pathian hnenah chawimawina neiin, kohhran hote an hlimin malsawmna an dawng nasa hle a a ni.
———-
RAWNGBAWLTU RETREAT NEI :
District board rorelna bawhzuiin Ni 3-4.6.2023 khan Siata Local church ah Rawngbawltu Retreat neih a ni. Resources person atan Upa R. Laltanpuia siaha West bial Secretary hman niin, amah tawiawmin, Farnu T. T. Duhtinthluaii, Dist. LAD. Secretary. Evan. T. Vanlaltana leh Farnu Asiami te bakah Niawhtlang atangin bialtu Pastor in a tawiawm bawk.
Upa R. Laltanpuia leh Evan T. Vanlaltana hnen atangin Pathian thuchah ngaihthlak thin a ni a, Kohhran hoten an hlawkpui hle. Evan. T. Vanlaltana hian zai rawngbawlna a nei tel bawk.
Sunday tukah thutawi Farnu T. T. Duhtinthluaii, Dist. LAD secretary leh Bialtu Pastor Larry Lalliandinga hnen atangin ngaihthlak a ni a. Chawhnu dar 1:00Pm ah Rawngbawltu Retreat Upa R.Laltanpuia kaltlangin uluk tak a neih a ni a,zirna a tha a, kohhran ten an hlawkpui hle. Siata Local ah hian Rawngbawltu 17 an awm a, mi 16 an tel thei a Rawngbawltu lokalte tawiawmtu Farnu T. T. Duhtinthluaii, Dist. LAD secretary leh Farnu Asiami te hnenah Siata Local LAD ten thlangra thar tha tak an present a ni. Farnu TT Duhtinthluaii Dist LAD Secretary hian siata kohhran te hla bu pathum lai a present bawk ani.
———-
RAWNGBAWLTU RETREAT LEH REVIVAL CRUSADE NEI:
Ni 2-4.6.2023 khan Siahatla Local ah Siaha Bial Rawngbawltu Retreat leh Revival Crusade hlawhtling taka neih a ni. Resource person leh Speaker atan Rev.Lalmalsawma Sailo General Treasurer hman a ni a. Rawngbawltu Retreat ah hian mi 32 Siahatla Biak Inah riak lutin Bethel tawngtaina leh Pathian thu zirhonate neih a ni.
———-
DISTRICT HRUAITU TEN RAWNGBAWLNA NEI:
Sangau Bial ten an sawm angin Ni 2-4.6.2023 khan Rev.Joseph L.Thlauhthang District Superintendent leh Rev.Kholy Hlychho District Treasurer te chuan Sangau Bial Local hrang hrangah rawngbawlna an nei. Ni 4.6.2023 (Pathianni) @12:30pm khan Sangau Bethel Local ah Bial huap rawngbawltu Seminar hlawhtling taka neih a ni a, Kohhran Dan Constitution zirhona neih a ni. Rawngbawltu Ni pual seminar ah hian Rawngbawltu mi 64 an kal khawm a, tlai lamah ruai zanriah tuihnai tak hlim taka kilho nghal a ni.
District hruaitu ten Sangau Bial a hun reilote rawngbawlna an neih chhungin thahnem an ngai hle a. Kohhran ten an rawngbawlna pawh an hlut hle a ni.
Rev. Joseph L.Thlauhthang District Superintendent rawngbawl dan tlangpui –
1) Inrinni tlaiah Sentetfiang Biak In sak lai a hmunah kalin a en a, tawngtaina nei nghalin Pathian hnenah a hlan a ni.
2) Inrinni zanah, Pangkhua Kohhran ah a Inkhawm a, Sermon rawngbawlna a nei.
3)Pathianni tukah Sangau I Local ah a Inkhawm a, Sermon rawngbawlna a nei.
4)Pathianni chhun Rawngbawltu Seminar ah Paper present neiin Kohhran Dan pawimawhna leh Kohhran Dan hmang a inrelbawl dan zirtirna a pe.
5)Pathianni tlaiah Rbt.R.Tuansanga(L) Sangau Bial Rawngbawltu ten an ralnaah thlamuanna thuchah a sawi.
6)Pathianni zanah Bethel Local ah Sermon rawngbawlna a nei.
Tin,Kohhran in zawng zawng tlawh chhuak hman lo mah se,a theih ang angin Kohhran in thenkhatah rawngbawlna a nei bawk.
Rev.Khohly District Treasurer rawngbawl dan tlang pui.
1)Sist.Tawkkili vuina hun a hmang a,rawngbawlna a nei.
2)Inrinni zanah Bethel Kohhran ah Sermon rawngbawlna a nei.
3)Pathianni tukah Sangau II Kohhran ah Sermon rawngbawlna nei.
4)Pathianni tlaiah Sangau Bial Rawngbawltute seminar naah Rawngbawltute Kohhran Dan bu atangin rawngbawltute conduct rules and regulation chungchang zirtirna a pe.
———-
APOSTOLIC BIBLE SCHOOL BOARD THU:
Ni 31.5.2023 (Dar 10:30 Am) khan Apostolic Bible School Board District Committee Room ah an thu a, an thu rel tlangpuite:
1. Bial hrang hrang atangin 2023 a ABS a kal tum mi 22 ten ABS board hma ah interview na an nei a. Interview zawng zawng te hi kal tura lak vek an ni.
2. Registration Day Ni 1.6.2023 ah District Committee Room ah hman nise.
3. Zirtirtu atan heng mite hi ruat an ni a, an subject lak tur pawh siam fel nghal a ni.
1. Rev.Joseph L.Thlauhthang – History of Pentecostal Movement
2. Rev.Kholy Hlychho – Book of Acts
3. Rev.Lalhnehchunga – Christian Leadership
4. Rev.K.Kawngkharmawia – Life and work of Christian Minister
5. Rev.Dr.C.Sihmo – Life of Christ
———-
———-
LUNGLEI DISTRICT
LUNGLEI DISTRICT UPC CHOIR MEMBER THAR LAKLUH INKHAWM NEIH A NI:
June ni 4, Pathianni khan Headquarters Local UPC Biak Inah Lunglei District UPC Choir (2023-2025) member thar te lakluhna inkhawm neih a ni.
He hun hi District Music Committee Chairman, Rev.C.Lalhriatpuia chuan a kaihruaia, Music Committee Treasurer, Rbt.H.Lalpianfela chuan zaipawl member thar te inhmelhriattirna hun a hman hnuin Rev.C.Vanlalena, District Superintendent chuan heng zaipawl member tharte hi lakluhna neiin thuchah a puang chhuak bawk.
Music Committee Secretary Rbt.Lalruatkima Hrahsel kaihhruainain Zaipawl memberte tana tawngtaisakna neih chhunzawm a ni a, Headquarters bial PYD Zaipawlten fak hla mawi takin an sa a, Rev.C.Lalrintluanga District Secretary chuan tawngtainain he hun hi a khar a ni.
Lunglei District UPC Choir hruaitu leh Member atana ruat tharte:
– Convener : Lalruatkima Hrahsel
– Conductor : PC.Lalchhanchhuaha, Venghlun
– Asst.Conductor : CV.Lalrinchhana,Venglai
Members:
MIPA:
1. Lalrindika, Lunglawn Zaia veng
2. H.Lalfamkima, Electric Lunglei
3. C.Lalnunpuia, Lunglawn Zaia veng
4. Philip Malsawmtluanga, Headquarters
5. A.Lalmuanpuia, Headquarters
6. PC.Lalrintluanga, College veng
7. C.Ramdinthara, Farm veng
8. Lalpekhlua, Farm veng
9. PC. Lalrinfela, Rahsiveng
10. Lalhruaizela, Ramthar AOC
11. Joseph Lalmuanpuia, Pukpui
HMEICHHIA:
1. K.Lalrinkimi, Ramthar AOC
2. Hmingthanmawii, Venghlun
3. LP. Lalrempuii, Rahsiveng
4. Jenet Lalruatsangi, Rahsiveng
5. F.Lalrinhlui, Farm veng
6. Zohlupuii Ralte, Venglai
7. C.Ramengmawii, Rahsiveng
8. H.Lalremliani,Venglai
9. C.Lalchhanhimi, Electric Lunglei
10. Vanlalhmangaihkimi Sailo, Ramthar
11. K.Lalrinsangi, Bazar
———-
P.B.S. IN FRESHERS MEET AN HMANG :
June ni 1 Ningani chawhnu dar 2 khan Lunglei District UPC-in thla khat awh Pathian thu zirna a neih Pentecostal Bible School (PBS) chuan Freshers Meet an hmang.
He hun hi District UPC Conference Hall-ah hman a ni a, Principal Rev.C.Vanlalena chuan kaihruaiin, inhmelhriattirna leh thusawina PBS Dean Rev.PC.Lalfakawma chuan a nei a, zirtirtute a\angin thusawi ngaihthlak a nih hnu ah, zirlai hruaitu tur thlanna neih chhunzawm a ni a, zirlai hruaitu atana thlante:
1. President – Lalrengliana 3rd Year
2. Secretary – C. Lalhmangaihropuia 2nd year
3. Treasurer – Elizabeth Lalnunziri 3rd Year
He hun hi PBS Registrar Pastor K.Lalnunpuia chuan \awng\ainain a titawp a ni.
Kumin PBS ah hian 1st Year-ah mi 13, 2nd Year-ah mi 4 leh 3rd Year-ah mi 6 (an vaiin mi 23) an kal a, an zingah hian Lawngtlai West District a\angin mi 4 an kal bawk, kumin hian Subject 5 an zir a ni.
PBS ah hian Lunglei District bial 20 awm ah bial 9 a\angin zirlai an kal thei a, an zinga mi 14 hi mipa niin Hmeichhia 9 an awm bawk. An zingah hian Licence Holder 2 leh rawngbawltu 2 an awm bakah rawngbawltu puitu 1 a awm a ni.
PBS hian July ni 2 Pathianni hian Graduation day an hmang ang.
Lunglei District UPC-in Pathian thu zirna a neih PBS hi Calvary Bible College (CBC) Shillong hnuaia in affiliate a ni a, zirlaibu pawh CBC hian a buatsaih \hin bakah heta kum 3 chhunga zir chhuakte hi Certificate in Theology (C.Th) degree a pe \hin a ni.
———-
PUKPUI BIAL PYD ZAIPAWL MEMBER THAR LAKLUH INKHAWM NEIH A NI :
June ni 4, Pathianni khan Zotlang Local UPC Biak Inah Pukpui bial PYD zaipawl (2023-2025) member thar te lakluhna inkhawm neih a ni.
He hun hi Bial PYD Convener, Bro PC Vanlalruata chuan a kaihruaia, Zaipawl Secretary, Sist. C. Lalzuimawii chuan zaipawl member tharte inhmelhriattirna leh report tawi pekna hun a hman zawh hnuin Rev. H. Ro\huama bialtu Pastor chuan heng zaipawl member tharte hi lakluhna neiin thuchah a puang chhuak bawk.
Pukpui bial PYD Zaipawl hruaitu atana ruat tharte:
Convener : Bro. PC. Vanlalruata College veng Local
Asst. Convener: Bro. PC Vanlaltluanga Pukpui Local
Secretary: Sist C. Lalzuimawii College veng Local
Treasurer: Sist. Lalramfeli Kikawn Local
Conductor:
Bro. Lalnunmawia Fanai College veng Local
Asst. Conductor:
Bro. C. Lalbiakdika Zotlang Local
Heng bakah hian zaipawl member hi Mipa 8 leh Hmeichhia 12 an ni.
———-
E.P.C. COMMITTEE:
June ni 4 Pathianni chawhnu khan District UPC Conference Hall-ah District PYD hnuaia Environment Protection Committee (EPC) chuan Committee pawimawh tak an nei a, he hun hi Chairman Upa C.Malsawmkima chuan a kaihruai a, an rorel langsar zualte:
1. Khawpui chhung Local hrang hrangten Tlawng kama kan thingphun te June thla chhungin humhalh that/samfai leh thing \iak phun belh leh signboard tar \hat \heuh nise \ha tih a ni.
2. Khawpui pawn bial leh Local ten kan hma lak tawhna heng thingphun te, changel phun te leh tui khur humhalh te hi June 2023 chhungin hma lak chhunzawm leh \heuh nise.
Kan hmalakna report hi District EPC Secretary Mb no 9862515640-ah whatsapp-in pek tur a ni.
3. Tlawng hnar (Zobawk) ah Changel phun tura hmalak \ha tih a ni.
4. Pennet nen thawh hona nei tura hmalak \ha tih a ni.
———-
———-
NORTH MIZORAM DISTRICT
DISTRICT & DEPTT. HRUAITUTE PROGRAMME:
SUPERINTENDENT: District Supdt. Rev. Chhiarpuia chuan June ni 9-11 Zirtawp zan atanga Pathianni zan thleng awhin Vairengte Bial kohhranpui buatsaiha Revival Crusade neihah Speaker niin rawngbawlna a nei anga, Inrinniah rawngbawltute seminar a neihpui bawk ang.
DISTRICT SECRETARY Dist. Secy Rev. K. Lalduhsanga chuan Jun ni 9 Zirtawpni hian Kolasib venglai Pastor Qtrs. pass buaipuiin Kol.ah langin a kal ang a. A tuk inrinni June ni 10 ah Reiek Bial Ailawng ah Pathian Chawimawina Prog a hmanpui bawk ang.
DISTRICT TREASURER: District Treasurer Rev. C. Lalthantluanga chuan PSM zirna hmun Sakawrtuichhun camping centre-ah PSM naupang te zirtirin June ni 1-9 chhung hun a hmang.
MISSIONS DIRECTOR: NM. District Missions Director chuan June ni 7 Nilaini khan Rengdil Bial Mualthuam Field tlawhin Rengdil Local PMD ten Mualthuam Tirhkoh Quarters workcamp-a an sak turah a sak dan tur ruahmanna nei ho turin langin an zin.
SUNDAY SCHOOL DIRECTOR: NM. District Sunday School Director Pastor Lalruatkima Fanai chuan kar kalta Inrinni June ni 3 khan Lengpuiah Bial huap SS naupang leh Puilting zirtirtute pualin Seminar a nei a, June thla tawp hian Mamit Bialah seminar hi a nei leh ang.
MISSIONS TREASURER: NM. District Missions Treasurer Evan. MS Dawngliana chuan Damparengpui Bial chhunga awm Tuipuibari Centre Biak in chu District Missions OB meeting in hawng tura a ruat angin June Ni 11 Pathianni hian a hawng ang.
———-
NMD DISTRICT CHANCHIN THAR TLANGPUI:
Mithar nei:
Dt. 2nd June, 2023 aṭang khan Reiek Bial, Ailawng Kohhranah Tirhkoh Ramtlan Evan C Lalruatsanga leh a team ten rawngbawlna neiin June ni 5, 2023 zan khan Chhungkaw khat Member 4 chu Pentecost Kohhran a lawi turin Reiek Bialtu Pastor Rev Lalchuailova’n a lawmlut a, Nau pahnih hlan nghal a ni. He rawngbawlna Kal zelah Sis Atei (Sciatica vanga na) chuan Pathian tihdamna a chan avangin Pathian hnena lawmthu sawi nan Inrinni Dt. 10th June 2023 hian Pathian chawimawina neih a ni ang.
———-
District LAD ten Missions Dept. Tanpui:
June ni 7 Nilaini khan NMD LAD te chuan kumtina an tih thin dan angin Missionary chawm nan Rs. 40000/- zet District Misions Dept te an hlan. Thilpek hi Dist. LAD Treasurer Sist. Lalchhuankungi B/W chuan District Missions Office-ah Dist. Missions Treasurer Evan. MS Dawngliana kutah a hlan a ni.
———-
Rengdil Local PMD te Missions Deptt. Tan fehchhuak:
Rengdil Local Pentecostal Mens Department te chuan June ni 7 Nilaini atang khan an bial chhunga Missions Field Mualthuam West-ah Tirhkoh quarters sa in workcamp in an fehchhuak.
PMD te hian June ni 7 atang hian hna bul tannin Bialtu Pastor Rev. C. Laltlanchhuaha hovin an thawk chhuak a, an hnathawhah thahnem an ngaiin hna pawh an thawk chak hle a ni. Rengdil Local PMD te hi Missions Field tan an luangchhuak nasa tawhin an Bial chhung leh pawnah pawh N.Mizoram District Missions Dept tan hian nasa takin an luangchhuak tawh a ni.
———-
PENTECOSTAL SCHOOL OF MINISTRY ZIRNA KALPUI MEK:
UPC-NEI., North Mizoram District hnuaia Pathian thu zirna PSM chu June ni 1 atang khan tluang taka kalpui chhoh mek niin; Camping centre Sakawrtuichhunah zirna hi neih a ni. PSM-ah hian subject 5 neiin; Rev. Chhiarpuia, Rev. K. Lalduhsanga, Rev. C. Lalthantluanga, Rev. C. Lalmuanpuia leh Rev. C. Lalrammuana ten zirtirna hi an pe ang. PSM zirna hi June thla chhung neiin July thlatirah Graduation Day hman a ni dawn a ni.
———-
KOLASIB RENGTEKAWN BIAL: PANGBALKAWN BETHLEHEM MISSIONARY INDUCTION SERVICE NEIH A NI:
North Mizoram District Missions Department in Pangbalkawn Bethlehem Missionary atan a Bro. Jonathan Zaihmingthanga, Bualpui Venglai a lo lak tawh chu, June ni 4, 2023 (Pathianni Zing inkhawm) ah Lakluhna inkhawm neih a ni a , District Missions hruaitute ruahmanna siam angin, Bialtu Pastor Rev C.Lalthlenglianan Lalpa Isua hmingin Lakluhna a nei a ni.
He Missionary induction service-ah hian, Pangbalkawn Bethlehem bakah Bial Missions Department hruaitute, Pangbalkawn Kohhran upa te, Bualpui Venglai kohhran aṭang tein mi engemawzat an kal a, Hlim taka hun hman niin, inkhawmbanah Thingpui inhona neih nghal a ni bawk.
Pangbalkawn Bethlehem hi Kohhran ding thar a ni a , Kohhran In -11 awm mekin , Tun dinhmunah Member -43 an awm mek bawk a ni.
Dapchhuah kohhranah Mithar: June ni 4, 2023 khan Dapchhuah kohhranah mithar neih a ni. Heng mithar te hi Nufa niin; Kohhran thianghlim atangin Pentecost kohhrana lut an ni a, Dapchhuaha rawngbawltu Evan. R. Lalchhanchhhuaha chuan mithar nufate hi a lawmlut a, lawmluh inkhawmah hian thlarau lam malsawmna te nen hun hmang a ni.
Inkhawm ban hian Tut luiah Sual ngaihdamna Baptisma Evan.R.Lalchhanchhuaha kut ah Mi 6 in an chang bawk. Damchhuah kohhranah hian Pentecost Ni khan Baptist kohhran atangin Nupa lawmluhna neih a ni tawh bawk e.
———-
Lawipu kohhranah rawngbawlna nei:
Maubawk Bial Lawipu kohhranah Evan. Benjamin Lalnunzira tlau Maubawk chuan April – June ni 4.2023 thleng rawngbawlna neiin June ni 3, 2023 khan Sist Lalkamlovi techhungin Pathian hnena lawmthu sawi chawimawina an nei a, Speaker atan Evan Benjamin Lalnunzira Tlau hman a ni bawk. Lawipu kohhrante’n rawngbawltu rawngbawlna an hlawkpui hle a ni.
———-
———-
AIZAWL EAST DISTRICT:
District LAD Executive Board neih a ni:
June 6, Thawhlehni khan District Superintendent room-ah District LAD Executive meeting neih a ni. Sis. Zionparmawii B/W, President chuan kaihruaiin Executive Board memberte an telkim thei a ni. He hunah hian thu pawimawh tak tak ngaihtuah niin an Kumin 2023 General LAD Conference Serchhip Bial ten an thlen turah tanpuina Rs 200,000 pek ni se an ti a, hemi bakah hian Manipur lam atanga raltlante puihna tur bial tin ten lo khawn se, District Board-ah ken khawm nise an ti bawk a ni.
———-
Sialhawk Biak in hawnna neih a ni:
June 3, Inrinni khan Khawhai Bial, Sialhawk Biakin sak thar chu hawnna neih a ni. Biak In hawnna Programme hi Biakin pawnah neih hmasak niin Pastor K. Lalmuanpuia, Bialtu Pastor chuan a kaihruai a, Rev. H.Lalropuia, District Treasurer in UPC- North East India Biakin pakhat ni turin a hawng a ni. Biakin chhungah a lawmna inkhawm neih chhunzawm a ni a, Bialtu Pastor chuan inkhawm kaihruaiin Rev. H.Lalropuia, District Treasurer hnen atang hian thuchah ngaihthlak a ni. Report Sis. Lalkailiani chuan pe in, Thusawi tawi Sis. Lalchangliani Sailo B/W leh mi hrang hrangte hnen atangin ngaihthlak a ni bawk. Tlai-ah Biakin lawmna ruai hlim takin an kilho a ni.
Sialhawk Kohhranah hian tunah hian Member 40 vel an awm mek a, District Mission Department chuan Evan H Lalrinfela rawngbawl turin a dah mek a ni. Sialhawk Biak In hmun hi Sis.Lalchangliani Sailo B/W, Former Gen.LAD President chuan a pasal Lalrampanmawia (L) hriatreng nan Rs 300,000 (Nuaih thum) in a leisak a ni a, Biak In sak nan hian Rs 13,50,000 (Nuaih sawmpathum leh singnga) vel sen a ni. Biakin sak a nih theih nan hian District atangin Biakin sak tanpuina an dawn bakah mi thahnemngai tak tak ten an thawh bawk a ni.
Sialhawk Biakin sak thar hawnna programme hi June 2, Zirtawp zan atangin khan hman tan niin Evan H. Lalrinfela’n inkhawm a kaihruai a, Pastor H. Lalbiakzauva, Khawbung Bialtu Pastor hnen atangin thuchah an ngaithla a ni. June 3, Inrinni zan Evan Rohmingliana Hnamte, Bial Secretary chuan inkhawm kaihruaiin Pastor HP Ramfangzauva, Chhingchhip Bialtu Pastor hnen atangin thuchah ngaihthlak a ni. Pathianni chawhm inkhawm Bialtu Pastor K. Lalmuanpuia chuan kaihruaiin Rev. VL. Hnemtluanga, District Missions Director chuan thuchah a sawi a, chawhnu inkhawmah Evan HK. Lalhmangaiha hnen atangin thusawi ngaihthlak leh a ni bawk. Pathianni zan inkhawm Bialtu Pastor K. Lalmuanpuia chuan kaihruaiin Rev H. Lalropuia, District Treasurer hnen atangin thusawi ngaihthlak leh a ni bawk.
Sialhawk Biakin thar hawnna-ah hian Khawhai Bialtu Pastor lo ni tawhte bakah Sialhawk hmuna rawngbawla lo awm tawhte sawm niin Kohhran mi engemaw zatin Bial chhung leh pawn atangin an telpui a, hlim takin hun an hmang a ni. Biakin thar hawnnah inkhawmah hian inkhawm apiangin Sis C. Zothanmawii, Sis F. Lalropari leh Sis. Angeli Lalruatpuii ten zaia rawngbawlna an nei thin a ni.
———-
June 3, Inrinni hmang khan Mualpui Bial leh Rabung Bial PYD ten Pathian thu zir hona hlawhtling takin an nei:
Rabung Bial te hian Hliappui hmunah Pathian thu zir hona hi neiin Resource person-ah Rev. KVL. Hmangaihkima, District Superintendent chu hman a ni a, Bial chhung atangin PYD member mi 50 chuang an kalthei a, hlawkthlak an ti hle a ni. Rev KVL. Hmangaihkima, District Superintendent hi Pathianni zan thleng khan rawngbawlna a nei chhunzawm a ni.
Mualpui Bial PYD buatsaihin Mualpui hmunah Rev R. Laltlankima, District Secretary resource person-a hmangin Chhandamna thuthlung leh Isua lokal lehna tih thupuia hmangin Pathian thu zirhona an nei bawk. Bial chhung atangin PYD member engemaw zat kalin hlim takin hun an hmang a ni. Mualpui Bial PYD te hian May 31 atanga June 4 thleng khan Evan K. Vanlaldika, Speaker-a hmangin Reviuval Crusade Mualpui Biakinah hian an hmang bawk a ni.
———-
Camping hlawhtling takin hmang:
Hnahlan Bial Kohhranpui buatsaihin Evan HK. Lalhmangaiha, Speaker-a hmangin May 16 atanga 20 chhung khan Hnahlan hmunah Chhandamna camping hlawhtling taka neih a ni a, May 23 atanga 27 chhung khan chhawng hnihna neih chhunzawm leh a ni bawk.
Chhandamna Camping chhawng khatnaah hian Campers mi 83 awmin mi 29 in sual ngaihdamna baptisma an chang a, an zinga 4 hi Kohhran dang atangin a ni. Camping chhawng hnihnaah hian Campers mi 105 lutin mi 20 ten sual ngaihdamna baptisma an chang a, an zinga 2 hi Kohhran dang atangin a ni. Camping neih chhung hian mithar 3 Kohhranah sengluh an ni. Camping boruakah hian mi 20 in Thlarau Thianghlim an dawng thar bawk. Camping chhuakte puala inkhâwm hi Vênglai Biak Inah neih a ni a, Hnahlan khawpui chhûng a Tualchhûng Kohhran 4 te inkhâwm fin a ni a, an hlimin, Thlarau Thianghlim malsâwmna an dawng nasa hle a, Thlarau lam hlapui nên hlim takin hun an hmang a ni.
———-
Dulte hmunah Mual inkhawm neih a ni.
Kawlkulh bial Dulte a District Missions Evangelists Bro. Lalzuisanga rawngbawlna tawiawm tur leh Bial LAD Conference in a lo rel bawhzuiin Kawlkulh Vengthar LAD leh PYD te chuan June 4, Pathianni khan Dulte kohhran an tlawh a. Dulte Community hall ah inkhawm in Kawlkulh Vengthar atangin mi 95 vel leh Vankal atangin mi 10 an kal bawk. Chawhma lamah PYD pualin hun hman a ni a, Bro. R. Lalfakzualan hun hmasa hmangin Evan Zonunsanga’n thusawina a nei a. Chawhnu lamah LAD pualin hun hman a ni a, Sis. Lalhruaikimi’n hun hmasa hmangin, Sis. Chawngmawii’n thusawina a nei. Chawhnu inkhawm banah Dulte kawn zau laiah Mual inkhawm neih a ni a. Bialtu Pastor R. Lalfamkima chu Chairman in, Speaker ah District Missions Evangelists Bro. Lalzuisanga hman a ni. Lalpa thuthlung ropui taka puanchhuah a ni.
———-
N. Vanlaiphai Bial ten District Office an tlawh:
May 31, Nilaini khan N. Vanlaiphai Bial chhunga Church Board member ten District Office tlawhin hun hlimawm tak hman a ni. An pual hian District Office-ah hun tawi hman a ni a, Sis. Laldinpuii, incharge Head Assistant chuan kaihruaiin Office staff te inhmelhriattirna a nei nghal bawk a ni. N. Vanlaiphai Bialtu Pastor B. Lalhmingliana chuan District Office an tlawh chhante leh tul dangte sawiin inhmelhriattirna a nei bawk a ni. N. Vanlaiphai Bial atang hian mi 11 kalin District Office-a dah tur Pedestal Fan pahnih an pek chu Rev KVL. Hmangaihkima, District Superintendent chuan a dawng a ni. Office-a hun tawi hman zawh hian District building fan puina neih nghal a ni.
———-
Mithar leh baptisma chang thar:
May 31, Nilai zan khan New Champhai kohhrana lawi tur member 1 Kohhranah sengluhna Bialtu Pastor, Rev. E. Vanlalpeka Zote chuan a nei.
June 3, Inrinni zan khan Thingsulthliah Bial, Sesawng Kohhrana lawi turin mithar pakhat, Bialtu Pastor, Rev. C. Lalengliana chuan sengluhna a nei bawk.
June 4, Pathianni khan Zemabawk Bial, Bungbangla Kohhranah chhungkaw khat, member pahnih sengluh an ni. Bungbangla Kohhranah hian Evan Thangneihsanga, District Missions Evangelist chuan rawngbawlna a nei mek a ni.
June 7, Nilai zan inkhawmah khan Khawzawl Bial, Vengpui Kohhrana lawi turin chhungkaw khat, member 3 chu Bial Secretary, Evan F. Laldanmawia’n Kohhranah sengluhna a nei.
———-
Hruaitute Programme:
Rev. KVL. Hmangaihkima, District Superintendent chuan Pathianni hmang hian Sakawrdai Bial ten District Missions Department inkhawmpui kumina an dawn tur inbuatsaihna enpui leh New Vervek Jubilee hmanpuiin hun a hmang mek a, ruahmanna ang chuan Thawhtanni-ah Aizawl a let leh ang.
Rev. H. Lalropuia, District Treasurer chuan Pathianni hmanga Khawzawl Bial ten Revival leh Seminar an neih-ah Speaker-ah tangin rawngbawlna a nei a, ruahmanna ang chuan Thawhtanni-ah Aizawl a let leh ang.
Rev VL. Hnemtluanga, District Missions Director chuan Kawlkulh Bial PYD ten an Bial atanga Pastor-a chhuak te chawimawina Pathianni hmanga an neih tura telin rawngbawlna a nei ang.
Facebook