LITERATURE & PUBLICATION BOARD
June ni 22 Ninga ni khan UPC North East India Literature & Publication Board chuan General Headquarters Committee Room, Mualpui Salem Veng, Aizawl ah thu khawmin Kum 2023 Beirual thupui zir tur ” Ramthim rawngbawlna” tih Rev. K. Satinvela a ziak chu Edit na an nei.
———-
GENERAL SUNDAY SCHOOL EDITTING BOARD
June ni 23 Zirtawp ni khan UPC North East India Sunday School Editting Board chu General Headquarters Committee Room, Mualpui Salem Veng, Aizawl ah thu khawm in Kum 2024 North East India UPC Puitling Sunday school zir tur ” Thuhriltu leh Hla thlankhawmte” tih Rev. K. Malsawmtluanga ziak chu Edit na an nei.
———-
———-
CHHIMTUIPUI DISTRICT
SOUTH LUNGPHER LOCAL TLAWH:
Ni 23.6.2023 (Zirtawpni) thlenkim ni a hmangin Bualpui Ng bial LAD ten South Lungpher Local an tlawh dawn a. Speaker atan Sist.B. Lalhmangaihzuali B/W, Evan. T. Lalhmingthanga leh Rev. MH.Robin Lalthanmawia te hman an ni ang.
———-
SEMINAR CUM TRAINING NEI:
Ni 17-18. 6. 2023 khan Niawhtlang Bial Sunday School rorel bawhzuiin Ainak Local ah Sunday School Seminar cum Training buatsaih a ni a. Resource Person atan Rbt. Hmingtinthanga hman niin, a fanu te pahnih, Cindy leh Lalvensangi leh Rbt. Zohminga leh Bialtu Pastor Larry Lalliandinga ten an tawiawm a ni.
Sunday chhunah Sunday School Seminar cum Training neih a ni a, kohhranten an hlawkpui hle. Pathian thuchah Rbt. Zohminga leh Rbt. Hmingtinthanga hnen atanga ngaihthlak a ni a, Cindy hnen atangin recitation leh Lalvensangi hnen atangin fakna hla ngaihthlak thin a ni a, an rawngbawlna Kohhran ten an hlut hle a ni
———-
MI THAR LAWM LUT:
Ni 18.6.2023 (Sunday) zan khan Tialdawnglung Local ah Evan.T.Lalhmingthangan mi 5 Kohhran ah a lawm lut. Lawm luh te :
1. Thansanga
2. Lalthaliana
3. Lalnunzira
4. Hminghlupuii
5. Gibeon Lalramhluna te an ni.
———-
HLAWHTLING TAKIN CRUSADE NEI MEK:
Evan.N.Thanghnuna District Evangelist chuan Meisatla Local ah Ni 3.6.2023 zan atangin rawngbawlna a nei tan a. A rawngbawlna atangin Thlarau baptisma dawng thar mi 18 awm tawhin mi tam takin siamtharna an chang bawk a. Ni 17.6.2023 (Inrinni) khan Kohhran in Chawimawina an buatsaih a, Kohhran ten malsawmna tam tak an dawng a ni. Crusade hi a tawp mai tura ngaih anih laiin Pathian hnathawh alang thar zel a, thlarau baptisma dawng thar an awm belh zel bawk a, rawngbawltute pawn malsawmna an dawng thar zel a. Hetianga malsawmna thar a thlen zel avang hian Crusade hi neih chhunzawm a ni a, mi thahnemngai ten sum thawhkhawmin Ni 24.6.2023 (Inrinni) hian tisa ruaite buatsaih a, Pathian chawimawina neih leh tura ruahmanna siam a ni.
———-
LOCAL HRANG HRANGAH RAWNGBAWLTU RETREAT NEI MEK:
District rorelna bawhzuiin Local hrang hrangah Rawngbawltu retreat neih mek zel a ni. Retreat paper hi Rev. MH Robin Lalthanmawia ‘Rawngbawltu Ethics’ leh Pastor V.Lalhlimpuia ‘Rawngbawltu Mawhphurhna’ tih an lo buatsaihte a ni a. Hei hi Local hrang hrangah ruat bik ten zirtirna an pe mek zel a, rah duhawm tak a chhuah chho mek zel a ni.
———-
BIBLE SCHOOL KAL MEK:
Apostolic Bible School zirlaite chuan class an kal mek zel a. Kumin 2023 hian bial hrang hrang atangin zirlai duhawm tak tak mi 22 lai an awm a. Subject 5 an zir mek a, chung subject te chu –
1. History of Pentecostal Movement
2. Book of Acts
3. Christian Leadership
4. Life and work of Christian Minister
5. Life of Christ
———-
———-
NORTH MIZORAM DISTRICT
District Superintendent: june ni 21 thawhlehni khan, NMD LAD hnuaia Puanthui zirna fawng vaunt Sub Committee Ladies Auxilliary Tailoring Centre Committee te, an thukhawmna a telpui District Secretary: 25th June hian, NMD PYD Kumpuan sub Committee tena ruahmanna an neih angin, Central Jail-ah rawngbawlna neiin; Speaker ah a tang ang..
———-
North Mizoram District News:
PGHSS TEN ZIRLAITE PUALIN SEMINAR NEI:
UPC-North Mizoram District enkawlna hnuaia awm PG Higher Secondary School naupangte pualin kar kalta June ni 19 thawhtanni chawhnu Dar 1 : 00Pm khan seminar neiin Thupuiah Career & Guidance tih hman a ni.
Seminar hi Conference Hall, Kohhran Office chungah neiin, Principal Evan JH Malsawmdawngliana’n kaihruaiin Pathian hnenah inhlanna a neih zawhah program hi tan a ni.
Resource Person-ah hian Pu JH Biakdiktluanga, Municipal Finance Officer, UD & PA hman niin; Resource Person hian Projector nen fiah takin Naupang zirtirna a pe a, hei bakah hian zawhna leh chhanna hunte hmangin Career Guidance Programme hi Naupangte’n hlawkthlak an ti hle. Seminar neih chhung hian Sist Lalfakzuali, Tlangnuam chuan thiam takin zirlai kalkhawmte zaiin a awi bawk. Seminar Programme hi zirlai naupangte bakah Zirtirtute’n an tawiawm vek bawk a ni.
———-
NAUPANG LANG CAMP NEIH A NI:
Mamit Bial Sunday School Department Buatsaihin June ni 17, 2023 (Inrinni) khan Mamit Bial Headquarters kohhran Sunday School Department te chuan Naupang Sunday School pualin Lang Camp buatsaihin Speaker atan Bialtu Pastor Vanlalruata leh Evan Vanlalhausaa (Phaizau missionary) te hman an ni.
Naupang Lang Camp-ah hian campers 43 zet lutin Headquarters local bakah Luangpawl local a tangin campers engemaw zat an lut bawk.
Lang camp followup Programme June ni 17, 2023 (Inrinni) zan atanga tanin campers atangin Bro. Lalhriatpuia leh Bro. Jesai Lalchhanchhuaha ten hun hmasa an hmang a, Phaizau missionary Evan Vanlalhausaan Pathian thuchah puanchhuahna a nei a ni.
Followup Programme hi June ni 18 Pathianniah pawh chhunzawmin Pathianni zingah Naupang Campers Bro. Johnson K. Lalpekmawia leh Bro. Martin Malsawmzela ten hun hmasa an hmang a, Pastor Vanlalruata hnen atangin Pathian thuchah ngaihthlak a ni. Pathhianni zanah Campers atangin Bro. Cech Lalremsanga leh Sist. Lalnunpuii hun hmasa hmangin Naupangte puala tawngtaisakna Rawngbawltu, zirtirtu leh nu leh paten an neih sak bakah Fakna hla Sist. Lalremmawii hnen atangin ngaihthlak a ni a, Evan Vanlalhausaa hnen atangin Pathian thuchah ngaihthlak leh a ni.
Camping leh Follow up programme ah hian fakna hlate thlarau lam hlate a Pathian faka chawimawi thin a ni a, kohhranhoten an hlawkpui hle a ni.
Tin, Camping neih a nih chhung hian Sunday School Department lam ten Refreshment tuihnai tak an buatsaih thin bawk a, tisa leh thalrauah an hlawkpui hle a ni.
———-
NORTH MIZORAM DISTRICT PYD KUMPUAN COMMITTEE TEN CENTRAL JAIL-AH RAWNGBAWLNA NEI DAWN:
North Mizoram District PYD Kumpuan Committee te chuan ruahmanna an neih angin Pathianni June ni 25 hian Aizawl Central Jail-ah Chanchintha puanga rawngbawlna nei turin ruahmanna an siam a, an ruahman danah hetiang hi an hun chhawp a ni:-
A hun : Dt 25/6/2023. Chawhnu Dar : 1:00 – 2:30
A hmun : Central Jail
Chairman : Bro.V.Lalneihkima (Chairman Dist Kumpuan)
Inkhawm hlanna : Evan Lalmuanawma (Treasurer General Kumpuan.)
Solo : 1) Sis Lalhmingmawii Chawlhhmun bial
2) Sis.F.Lalhriatchhungi Bethlem bial.
Speaker : Rev.K.Lalduhsanga secretary N.mizoram Dist.
Kumpuan Committee te hmalaknaa Jail rawngbawlna neih tur hi Mipa ward lam niin; an ruahman danah Chanchintha inziahna Booklet sem an tum bawk. Jail rawngbawlnaa kal tur tan Dar 12:30 Pm-ah thlen kim tur niin rawngbawlna Programme chawhnu dar 1 ah țan tur a ni dawn a ni.
———-
MISSIONS TAN LUANG CHHUAK:
KHUANGPUI PE:
June ni 19 thawhtanni khan Bro. Lalrempuia S/o Rev R. Thangliana (L) chuan NMD, W. Phaileng Bial chhunga awm West Phulpui Missions Field kohhrante mamawh em em Pathian fakna tur Khuangpui cheng tam tak man hu chu District Missions Dept kaltlangin West Phulpui kohhran tan a pe.
Khuangpui hi khuang vuak leh hla lak thiam Rev. Sanghleia Sailo siam niin; Rev. Sanghleia Sailo hian Dist. Missions Director Rev. C. Lalramthanga kutah a hlan a ni. West Phulpui kohhrante leh Bial hruaitute’n lawmthu an sawi.
COMBO SOUND THA TAK PE:
June ni 11 Pathianni-a Tuipuibari Centre Biak in hawn tuma District hruaitute tawiawma kal Upa C. Zonunthara of Lungverh (Hunthar Bial Missions Dept Treasurer) chuan Tuipuibari kohhrante’na an mamawh em em mai kohhrantena an lo tuak ve mek lai, Sound system chu an mamawhna hriain chhungkua tanghovin Field member tena an hmasawnna tur a nih ringin Combo Sound tha tak a pe a, Tuipuibari Kohhrante leh Damparengpui Bial hruaitute’n lawmthu an sawi.
———-
BUALPUI ‘N’ HMARVENGAH MITHAR LAWMLUH A NI:
June ni 18, 2023 Pathianni chawhma leh zan hmang khan Bialtu Pastor Rev. PC Laltlankima Bial fang Programme hmang chuan Bualpui ‘N’ Hmarveng Local tlawhin a hun hman chhungin chhungkaw khat member pathum chu Pentecost kohhranah a lawmlut.
Mithar chhungkua te hi Salvation Army aṭanga rawn lut an ni a, lawmluh rual hian Nau Hlan rawngbawlna neih a ni bawk.
———-
SAILAM PREACHING POINT EVANGELIST QUARTER HAWN A NI TA:
Sailam khua hun engemaw chen atang tawha Pentecost kohhrante’n Lalram din tuma an lo beih tawh leh rawngbawltu engemaw zat an lo dah tawhna hmun Sailam Sialsuk bialah June ni 18, 2023 (Pathianni) kalta khan Tirhkoh Quarters tur hawn a ni.
Quarter hawnna hi Bialtu Pastor Rev.K.Vanlaldika’n neiin Quarters chhun inkhawm hunserh Upa Upa HV. Ramzirliana, Bial Secretary-in a kaihruai a, Financial Report Evan. Sr. Thansanga, Bial Treasurer in a pe bawk.
Hun Hmasa Evan. Lalramthara (Sailo) Sailam Tirhkoh in a hmang a, Pathianthu chah Report leh tuldangte Rev. K.Vanlaldika Bialtu Pastor in a nei a, Inkhawm banah Ruai kilho a ni.
Quarters hawn Programme hmang hian Bial chhung mipui an kal tha hle a, hetiang hi Local tin kal dan a ni:- Sialsuk 52, Chamring 52, Lungsei 48, Samlukhai 14, Sailam 8 niin; an vain mi 174 lai an fuankhawm.
Sailam Quarters hawnah hian Thenzawl Bial atangin pawhin mi thahnem ngai mi engemaw zat ten an tawiawm ve bawk a ni. Sailam Quarters sak puitlin nana Bial sum leh mimal thilpek suma chantir atanga senral zat 1,63,235 lai a tling bawk.
Hetia Sailam khuaa kohhran a din theihna tura mel lung pawimawh tak phuna Quarters neih a ni hi, Sialsuk Bialte chu an lawm hle a, hetiang dinhmun thleng thei tura Sailama lo awm tawh rawngbawltute chungah lawmthu an sawi bawk.
Tun dinhmunah Sailamah hian Sist Chhuanpari te chhungkua members awm mekin Evan Lalramthara (sailo) in Rawngbawlna anei mek a, Kohhran Duhawm tak a din theihnan kohhranhote tawngtaipui an ngen a ni.
———-
NORTH MIZORAM DISTRICT, HEADQUARTERS BIAL SUNDAY SCHOOL BUATSAIH INTERMEDIATE, SENIOR LEH DOCTRINAL (I.S.D.) MEET CHU TLUANG TAKA NEIH A NI:
North Mizoram District Hqrs. Bial Sunday School buatsaiha I.S.D. Meet Cum Revival vawi 7na, Mission Vengthlang local-a neih chu Pathian Thlarau Thianghlim awmpuina hnuaiah tluang taka hmangin Naupang zingah Pathian Thlarau Thianghlim dawng thar I.S.D. members mi 11 awmin Thlarau khawihnawnna engemaw zatin an chang bawk. Meet-ah hian District Ramtlan Speaker Evan. C. Lalruatsanga Speaker niin, a rawngbawlpuiten thahnemngai takin rawngbawl hna an thawhpui bawk.
Meet hi June ni 17 Inrinni dar 11:00Am ah tanin, Bialtu Pastor Rev. Lalremtluanga’n hunserh a hmang a, Thlarau dawng tura inpek a pawimawh thu sawiin taimak a pawimawh thu a sawi. Inrinni inkhawmah hian Local hrang hrang naupangte atanga Lalpa fakna talent hrang hrang Short Play Drama, Fak lam leh malzai hmuhnawm leh ngaihnawm tak tak nen hun hman a nih bakah Evan. Lalchhuanmawia Sailo hnen atangin Ruthi leh Timothea chanchinte zir ho a ni a, Hqrs. Bial Education Chairman Bro Andy Lalramnghaka hnen atangin Education Campaign hlawkthlak tak ngaihthlak a ni bawk a. chawhnu lamah Bial Thianghlimna Committee huaihawtin Health Dept. lam atangin Zuk leh hmuam that lohna inzirtirna neih a ni bawk.
Inrinni zan atangin Revival Programme hman niin Rawngbawltu Evan C.Lalruatsanga hnen atangin Pathian thuchah Bible-a Tleirawl leh Rawlthar Pathian mi hman tak takte behchhana thusawiin Lalpa hian hmelma setana tihbuai leh sual kawng lo zawh hrep tawhte pawh an sualte sima Lalpa an auh chuan Lalpan a rawngbawl turin a hmang duh em em a. Chu ai mah chuan sualin a la luhchilh lo tleirawl rilru thianghlimte hi Lalpa hian a rawngbawl turin a duh lehzual a ni a ti. Inrinni zan inkhawmah tleirawl rual kalkhawm te lamtualah speaker ngen anga chhuakkhawmin an zirtirtute leh rawngbawltute’n Thlarau thianghlim dilin an tawngtaipui.
June ni 18 Pathianni chawhnu inkhawm leh Pathianni zanah Revival inkhawm chhunzawm a ni a, inkhawm chhung hian Speaker in thupuia a neih Naupangtena Thlarau Thianghlim an dawn theih dan tur chu programme lian berah dahin; Speaker leh a rawngbawlpuite leh rawngbawltu dangte’n thahnem ngai takin naupangte Pathian thlarau thianghlim an dilpui a, Pathianni zanah ngawt pawh tleirawlte zingah Pathian thlarau thianghlim la dawng ngai lo mi 11 laiin Pathian Thlarau thianghlim an dawng thar.
Hqrs. Bial SS buatsaih Intermediat Senior leh Doctrinal (I.S D) Meet vawi 7-na chu Pathian Thlarau awmpuina duhawm tak hnuaiah kham lo takin zan dar 10:50Pm bawrah inkhawm bangin an tin ta a ni.
Meet neih chhung hian Mission Vengthlang Kohhrana lawi thar tur Bro. Lalbiakmuana te Nupa chu Speaker Evan. C. Lalruatsanga hian Lal Isua hmingin a lawmlut a, nau hlan rawngbawlna a nei bawk. Lawmluh zinga Pa ber Bro. Lalbiakmuana hi Pentecost kohhrana lut thar a ni bawk a ni.
———-
TLANGNUAM BIAK IN SAK TUR LUNGPHUM PHUM:
Tlangnuam biak in lungphum chu June ni 18, 2023 khan Bialtu Pastor tanglai Pastor Lalruatkima Fanai chuan Lal Isua hminga phumin; June ni 20, 2023 thawhlehni aṭangin engineer te nen a ban phunna tur tih fel a ni a, hemi kar ve chho hian Biak in sak bul hi tan an tum. Tlangnuam Biak in tur hi A dung 80ft leh a vang 50 ft a sak tura ruahman a ni.
———-
QUIZ COMPETITION NEI DAWN:
North Mizoram District PYD Education Committee buatsaihin North Mizoram District huam chhunga Pentecost mi a duh apiangte tel theih turin quiz Competition buatsaih a ni dawn.
———-
KRISTA CHHANCHHUAH TEAM RAWNGBAWLNA REPORT:
Krista Chhanchhuah Team te chuan Sihphir Bial Zanlawnah June ni 12-17 chhung khan rawngbâwlna an nei. He rawngbawlnaah hian Kohhran buatsaihin Pavalai te pualin Lang Camp an buatsaih a, Proggramme hman Pathianin mal a sawm hle. Lang camp programme hman kaltlang hian Kum engemaw zat Biak in thleng thei tawh lo ten Biak in thlengin hlim takin Pathian an fak a, kohhranhote pawh an lawm hle.
He rawng bâwlna hi Pathianin a thawhpui a, naupang, ṭhalai leh nu leh pa, pitar putar thlengin Pathian thlarau awmpuina nen hun an hmang a, he rawng bâwlna kal tlang hian inkhawmnaa damna changte an awm bawk. Pathian awmpuina nasa tak an chan chungah kohhran hote an lâwm hle a ni.
———-
SHORT FILM COMPETION-A TEL TURA SAWMNA:
United Pentecostal Church of North East India, North Mizoram District PenNet Committee chuan Media hmanga rawngbawlna pawimawh tak- SHORTH FILM COMPETITION a buatsaih a, he intihsiaknaah hian tel vek turin kan insawm a, a tel turte hriat tur a hnuaiah tarlan a ni:-
i. THUPUI – Media in a nghawng (A Film hming hi thupuiin a tum hawi zawng duh ang hman theih a ni ang eg. Media vangin, MEDIA..)
ii. Lawmman chungchang
1st Price – Rs. 30000.00
2nd Price – Rs. 20000.00
3rd Price – Rs. 10000.00
Consolation Price Rs. 2000.00 a thehlut zinga mi vannei panga (5) tan.
iii. Short film hi minute 15 atanga 20 inkar.
iv. Video te en theiha fiaha siam tur a ni a, video khur nasa lutuk leh che nasa lutuk a ni tur a nilo.
v. Short film a Audio te hriat theiha siam tur a ni, zawi lutuk leh an thu lam hriat har a ni tur a nilo.
vi. Short film siam tur hian UPC, North Mizoram District member, Department, Bial, Local, Group leh thianho hming pawhin a siam theih a ni.
vii. Short film video hi October ni 31, 2023 (Thawhlehni) ral hma in thehluh tur a ni a, Short Film video hi PenNet North Mizoram District Youtube channel-ah Nov. ni 6 ah upload a ni ang. Video te hi Like in 10% judge point a keng tel ang.
viii. Kan Video te NMD Office PenNet Secretary Evan. M.S.Dawngliana hnenah thehluh tur.
ix. Result puan hun hi Short Film Implementing Committee in a ngaihtuah leh ang. (Nov thla tawp emaw December thla tir emaw ruahman deuh a ni)
x. Short Film kan siam te hi Kohhran dan sawisel zawng leh dem zawng a siam loh nise.
xi. Short Film chungchangah hian sawmna lehkha a hrana chhuah a ni dawn lova, he whatsapp circular hi Official-a ngaih tur a ni.
Hriat belh duh dang a awm anih chuan Short Film Implementing committee hnenah zawhfiah theih a ni ang.
(Whatsapp kaltlanga kan zawt fiah duh a nih chuan Private msg in (Group ah hian nilo in), Phone Call pawh in zawh fiah theih reng e)
Chairman – Evan. M.S Dawngliana – 9862660318
Secretary – Bro. Johny Lallawmkima – 9856935586
Committee Members
1. T.Upa. Albert Lalfakawma – 98566 25266
2. Bro. PC. Lalrindika – 89746 15514
3. Bro. M.S Dawngzela – 97743 99588
4. Bro. Lalhmudika Varte – 97744 41840
Bro. Johny Lallawmkima
Secretary
Shorth film Implementing Committee
———-
THLAKHAT CHHUNGIN, W MUALTHUAM MISSIONS FIELD QUARTERS LUAH THEIH A, SAK ZAWH FEL THLAP A NI TA:
Rengdil bial W. Mualthuam missionary quarters chu, District missions lamin sum leh pai tum vekin, quarters sa tur hian Rengdil P.M.D te an ngenna tihlawh tlingin sak zawh fel a ni ta.
🎯 June ni 1 ah ban leh beam (foundation) lehlangin siam zawh a ni a,
🎯 June ni 7-10 chhungin riak lutin work camp a ni a, sak pum vek a ni a..
🎯 Vawiin june ni 22 hian lehlangin, engkim peih fel niin, kan missionary Evan Lalsawmlianan a luahlut nghal ta.
🎯 Quarters sak zawh nan hian tha 99 sen a ni e.
Nikum lam a, Kohhran ding thar an nih avangin, engmah property an nei lo tih hria in Rengdil bial L.A.D ten thutthlengsei tha tak, pathum an dah sak nghal bawk e.
Rengdil P.M.D. leh bial L.A.D. te chungah kan lawm hle.
———-
LADIES AUXILIARY DEPARTMENT: NORTH MIZORAM DISTRICT TAILORING COMMITTEE VAWI – 9NA NEI:
June ni 21, 2023 chawhnu dar 2:00Pm khan, NMD LAD hmalaknaa Puanthui zirna Committee chu Sist. Lalzuiliani B/w In, Zonuamah neih a ni.
Meeting hi Sist. K. Lalhmachhuani B/w, Dist. LAD President-in kaihruaiin, District LAD hruaitute an kima, District kohhranpui Puipa pahnih Rev. Chhiarpuia, Dist. Supdt. leh Rev. C. Lalthantluanga, Dist. Treasurer ten an ho bawk.
Committee rorel pawimawh zual te:
1. Ladies Auxilliary Tailoring Centre-a Zirtirtu lawmman pek thin chu ennawn a tul tawha hriaiin 50%-a tihpun tha tih a ni.
2. Puanthui zirna tur Puanthan zirlaiten hnianghnar zawka an neih theih dan tur sawiin, Batch kal lai mek pualin Puanthan leinan Rs. 20000/- dah tha tih a ni a, hei bakah hian mamawh huna hman theih mai turin Zirtirtu hnenah Rs. 5,000/- kawltir ni se.
3. Overlock khawl pakhat(1) lei belh nise sum neihsa atanga hman ni se.
4. 3rd Batch Exam hun tur leh thlahna hun tur ngaihtuahin, hetiang hian ruahmanna siam a ni.
a)Theory Exam October ni 27 2023 (Fri.)
b)Practical Exam October ni 30 2023 ( Mon )
c)Certificate hlan leh Farewell Programme Oct ni 31, 2023 (Tue)
5. Zirlai 4th Batch lak hun tur leh an tan hun tur hetiang hian ruahmanna siam a ni:
a) 4th Batch atan December 2023 Chawlhkar hnihna atangin Advertisement tih chhuah nise, 20th Jan 2024 thleng dilna thehluh hun hawn nise. 23rd Jan.2024 ah Interview neih nise. 1st Feb. 2024 ah Class tan nise. Course hun chhung hi Thla kua (9 months) nise.
Zir hun chhung leh a hun (Course duration & Period) hi a nghet a neih nise. 4th Batch zul zuia neih thin nise, hetiangin:-
a)Course Duration :- Thla kua (9 Months)
b)Period :- February to October
c)Advertisement chhuah hun :- Kumtin December Chawlhkar hnihna
———-
NORTH MIZORAM DISTRICT PYD KUMPUAN COMMITTEE TEN CENTRAL JAIL-AH RAWNGBAWLNA NEI DAWN:
North Mizoram District PYD Kumpuan Committee te chuan ruahmanna an neih angin kar kalta Pathianni June ni 18 khan Central Jail-ah Chanchintha puanga rawngbawlna neih an tum a, Central Jail lamah harsatna tlem a awm avanga a hun an sawn chu tunkar Pathianni lo awm tur June ni 25 hian nei turin ruahmanna an siam. Kumpuan secretary hnen atanga Programme kan dawn hetiang hi a ni:-
Central Jail inkhawm programme
A hun : Dt 25/6/2023. Chawhnu Dar : 1:00 – 2:30
A hmun : Central Jail
Chairman : Bro.V.Lalneihkima ( Chairman Dist Kumpuan)
Inkhawm hlanna : Evan Lalmuanawma (Treasurer General Kumpuan.)
Solo : 1) Sis Lalhmingmawii Chawlhhmun bial
2) Sis.F.Lalhriatchhungi Bethlem bial.
Speaker : Rev.K.Lalduhsanga secretary N.mizoram Dist.
He kan rawngbawlna tur hi Mipa ward lam ah ani a. Committee in alo rel tawh ang in Booklet sem. Nghal tur ani a. Hemi ni a kal turte chhun dar 12:30 ah ahmun (jail) thlen tawh tur a ni a,dar 1 ah țan tur a ni. Jail chhung ah Refreshment tui hnai tak sem tur ani.
———-
———-
AIZAWL EAST DISTRICT:
District PYD OB ten Serchhip Bial leh Serchhip Dinthar Bial-ah rawngbawlna an nei:
June 17 leh 18 hmang khan Aizawl East District PYD OB te chuan Serchhip Dinthar Bial leh Serchhip Bial PYD-ah fehchhuah Programme hmangin rawngbawlna hlawhtling takin an hmang. Serchhip Bial te hian Electrict Local-ah Bial huapa lo thlengin Serchhip Dinthar Bial PYD te hian Serchhip Town chhung Tualchhung hrang hrangah inkhawm kualin hun an hmanpui bawk.
June 17, Inrinni zan atang khan Bial pahnih-ah hian rawngbawlna District PYD OB ten hian an nei nghal a, Serchhip Bial-ah T. Upa C. Zamawia, Fin. Secretary chuan thusawina neiin Evan R. Vanlalpeka, District PYD Secretary in report a pe bawk a ni. Serchhip Dinthar Bial te chuan Ramthar Kohhranah hun hmangin Evan K. Lalbiaknunga, Treasurer in thusawi rawngbawlna a nei a, Rev. C. Lalmalsawma, President in report a pe thung a ni. Pathianni chawhma-ah Serchhip Bial-ah Evan R. Vanlalpeka hian thusawi rawngbawlna neiin Serchhip Dinthar Bial lamah Sailiam Kohhranah Evan H.Lalhlimpuia, Vice President in thusawina a nei a, Pathianni chawhnu-ah Bial Hqrs. Dinthar Kohhranah thusawina Evan H. Lalhlimpuia hian a nei leh bawk a ni. Pathianni zanah Serchhip Bial leh Serchhip Dinthar Bial PYD te hian inkhawm finin Serchhip Bial Electrict Kohhranah hun hman a ni a, hetah hian Serchhip Bial PYD Secretary, T. Upa C. Malsawmzuala chuan report pe in Bial PYD in hma alakna hrang hrang hrang leh hmachhawp a neihte ngaihthlak a ni a, District PYD atangin Secretary Evan R. Vanlalpeka hnen atangin report ngaihthlak a ni bawk.
District PYD OB ten Serchhip Bial leh Serchhip Dinthar Biala hun an hman chhung hian Bial pahnihah Pentecostal Choir ten zaia rawngbawlna a nei a, Sis. C. Zothanmawii leh Sis Lalruatpuii ten Pathian fak hla an sa bawk thin a ni.
Aizawl East District PYD ob te hian kumin chhung hian a remchan angin Bial hrang hrangah rawngbawlna nei turin ruahmanna an siam a, May 20 leh 21 khan N. Vanlaiphai Bial tlawh tawhin Kahrawt Bial, Champhai leh Champhai Bethel Bial te tlawh turin ruahmanna an siam leh mek a ni.
———-
Seminar hlawhtling takin nei:
June 18, Pathianni chawhnu khan Thuampui Bial Sunday School Department buatsaihin Thuampui Biakin-ah S.S Seminar hlawhtling taka neih a ni. He hun hi Evan Vanlaltluanga, Bial S.S Director chuan kaihruaiin resource person-ah Sis. Prof. Lalhmasai B/W chu hman niin resource person hnen atang hian Teaching Skills chungchang ngaihthlak a ni. Thuampui Bial Sunday School Department ten Bial huap seminar an hmanah hian Bial chhung atangin Sunday School Zirtirtu an kal tha in hlawk takin hun an hmang a ni.
———-
Awarness Campaogn nei:
Serchhip Bial P.Y.D Education Sub-Committee te buatsaihin June 19, Thawhtan zan khan Biakinpui Kohhran PYD Inkhawm ah Theological Awareness Campaign leh Career Guidance Campaign neiin hun hman a ni. Resource Person te:- Theological Awareness Campaign:- Bro.K.Vanlalremruatfela niin Career Guidance Awareness Campaign :- Bro. Benjamin C. Lalrinmawia te an ni. He hunah hian member thahnem tak Inkhawm in, hun hlimawm tak hman a ni a, Resource Person te hian Projector hmanga presentation pe in, an thusawi atangin Inkhawm ten hlawkna tam tak an chhar a ni.
———-
Mithar leh Baptisma chang thar:
June 18, Pathianni chawhnu khan Serchhip Electrict Veng Biakin-ah Sis.Angeli Lalruatpuii chuan Evan HK.Lalhmangaiha kutah sual ngaihdamna baptisma a chang thar.
Sis.Angeli hi May 28.2023-a Chhingchhip PYD ten Maite an tlawh tumin Pastor HP.Ramfangzauva chuan Kohhranah lo seng lut tawhin June 18, Pathianni hian baptisma a chang ta a ni.
Sis.Angeli hi Zofa Lelte 2022 1st Runner Up lo ni tawh kha niin tunah hian Evan HK.Lalhmangaiha leh a Team te rawngbawlna Serchhip Electrict hmunah hian rawngbawlin a awm mek a ni.
June 18, Pathianni vek khan Falkland vengthar ah Evan H Malsawmthanga, District Full Time Evangelist rawngbawlna atangin member 5 Kohhranah sengluhna neih a ni.
Zemabawk Bial, Lungbial Kohhrana lawi turin member 11 June 18, Pathianni hian Kohhranah sengluh an ni bawk. Mithar te hi Puitling 9 leh naupang 2 an ni.
Thuampui Bial Muanna Vengah pawh mithar 3 Bialtu Pastor, Rev C. Laldintluanga chuan Kohhranah sengluhna June 18, Pathianni khan a nei bawk a ni.
Khawruhlian Bial, Khanpui kohhranah pawh June 18, Pathianni khan mi thar pakhat Kohhranah sengluh a ni bawk. Khanpuiah hian Bro Malsawmdawnga, District Evangelist chuan rawng a bawl mek a ni.
June 17, Inrinni khan N Vanlaiphai Bial, Lungkawlh Kohhranah Baptisma khur hawn a ni a, mi 12 in sual ngaihdamna Baptisma an chang a, an zinga pakhat hi mithar niin Kohhranah sengluh a ni. Lungkawlh ah hian Bro H. Vanlalhruaia leh a team ten rawngbawlna an nei mek a ni.
———-
General LAD Conference atan inbuatsaihna chak taka kalpui mek a ni:
Kumin October ni 6 atanga 8 chhunga General LAD Conference neih turah a thlengtu tur Serchhip Bial, Aizawl East District chuan a theih ang anga hma la tanin chak takin inbuatsaihna kalpui mek a ni a, Organizing Committee thut khawm tum hnih neih a ni tawh. Thut khawm vawi khatna hi General LAD hruaitute, Aizawl East District LAD hruaitute bakah District Treasurer Rev. H Lalropuia hoin neih a ni a, inbuatsaih dan tur leh hma lak dan tur ruahmanna siam niin, Conference hi Serchhip Electric Veng Kohhran biak inah nghah a ni a. Pandal a dung feet 100 leh a vang feet 80 tura ruahmanna siam a ni bawk. General LAD Conference Serchhip Bial ten an thlen turah hian Conference kaihhnawih Sub- Committee peng hrang hrang pawh din fel tawh niin an hma zawn theuhah chak takin hma an la mek a ni.
Kumin 2023 General LAD Conference hi Churachandpur District-ah hman tura ruahman ni mahse Manipur ram buai avangin Conference hi Churachandpur District-ah thlen leh theih a ni lova, Aizawl East District Serchhip Bial ten an thleng leh zawk dawn ta a ni.
———-
Biakin sa dawn:
Rev R.Pahlira (L) Electric Veng te chhungkua chuan an pa Rev R.Pahlira hriatreng nan Biak In sak ni se tiin an rel a, Keifang Biala kohhran ding thar Chehrep Biak In hi hriatrengna pual atan thlansak an ni a, hemi tan hian Rs 3,00,000/- (Nuaihthum) an hlan a ni. He Biak In hi Rev R.Pahlira hriatrengna Biak In atan hman a ni ang.
———-
Hruaitute Programme:
Rev. R. Laltlankima, District Secretary chuan Kohhran thil tul hrang hrang tiin khawchhak tlangdungah hun a hmang mek a, ruahmanna ang chuan karleh-ah Aizawl a let leh ang.
Rev H. Lalropuia, District Treasurer chuan Hliappui hmuna Pathian chawimawina neiah Speaker-ah tangin rawngbawlna a nei a, Thawhtanni-ah Aizawl let leh tura beisei a ni.
Rev VL. Hnemtluanga, District Missions Director chuan Keifang Bial-a rawngbawlna kalpui zel dan tur leh Chehrep hmuna rawngbawlna kal mek bakah tul dangte tiin Keifang Bial-ah hun a hmang mek a, Thawhtanni-ah Aizawl let leh tura beisei a ni.
Facebook