GENERAL HRUAITUTE PROGRAMME:
UPC North East India General Superintendent Rev. R. Lalrinsanga chuan June ni 16 – 18 chhung hian Chin UPC in USA Annual Conference 2023 neih ah Speakerah tangin rawngbawlna a nei anga, Khawmpui zawh hian USA a Chin Kohhran hrang hrang tlawh kuakin hun a hmang chhun zawm ang. ruahman ang chuan General Superintendent hi July thla tir ah Aizawl let leh tur a beisei a ni.
———-
GENERAL SUNDAY SCHOOL EDITTING BOARD
June ni 16 Zirtawp ni khan UPC North East India Sunday School Editting Board chu General Headquarters Committee Room, Mualpui Salem Veng, Aizawl ah thut khawm a ni.
Board hi General Sunday School Director, Rev. Biaksangzuala chuan kaihruaiin Kum 2024 North East India UPC Puitling Sunday school zir tur ” Thuhriltu leh Hla thlankhawmte” tih Rev. K. Malsawmtluanga ziak chu Edit na an nei.
———-
———-
CHHIMTUIPUI DISTRICT
REVIVAL CRUSADE NEI MEK:
Chhimtuipui District Meisatla Local te chuan June ni 7-11, 2023 chhung khan Revival Crusade hlawhtling tak an nei.
Meisatla Local Revival Crusade ah hian Evan.N. Thanghnuna District Evangelist chu Speaker a hman a ni a, kohhran ten malsawmna nasa tak dawngin Crusade hi neih chhunzawm mek zel a ni. June ni 17 .2023 Inrinni ah Pathian chawimawina neih a ni bawk.
———-
NIAWHTLANG LOCAL TLAWH :
June ni 9 a tanga ni 11. 2023 chhung khan Siata Local LAD te chuan Niawhtlang Local tlawhin rawngbawlna an nei. Speaker atan Evan. Malsawma hman a ni a, Pathian Thlarau Thianghlim awmpuina hnuaiah hun hlimawm tak an hmang a ni.
———-
RAWNGBAWLTU RETREAT NEI:
June ni 11 Pathianni khan District rorel bawhzuiin S.Lungpher bial Cheural Local ah Rawngbawltu retreat neih a ni a, Resource person ah Sangau Bialtu Pastor V. Lalhlimpuia chu hman a ni.
———-
INTLAWHTAWN HLAWHTLING TAKIN HMANG:
June ni 9-12.2023 chhung khan Ainak Local chuan Laki local an tlawh a, mikhual 63 an thleng. He tlawhtawn ah hian Niawhtlang bial Sunday School department Director leh Secretary ten an tawiawm a. Tin, Tuipang bial atang Tuipang bialtu Pastor leh Bial Secretary mai bakah Tuipang bial Hqrs Local PYD member 8 te an tel bawk. Intlawhtawn programme hman chhungin thusawitute atang Pathian thuchah ropui tak tak ngaihthlak thin ani a,Pathian Thlarau Thianghlim awmpuina hnuaiah hun hman ani. Laki Local Church ten Mikhual te pualin 9.6.2023 Inrinni khan Vawk lian tak talh in ruai an buatsaih a,mikhualte an lawm hle. Iana Local ten Laki Local te hnenah intlawhtawn hriatrengna atan tiin Rs.10,000/- an hlan a,Upa K. Rothanga,Secretary Iana Local te nupa in Laki Local Biak In sak tanpuina atan Rs.2,000/- an hlan a Laki Kohhrante an lawm hle.
Ni 12.06.23 khan Upa Lv.Beichhuady, Chairman,Laki Local te chhungkua in Pathian hnenah Lawmthu sawi chawimawina an nei a,Kohhrante an hlimin an lawm hle.
I tlawhtawn programme chhung hian Thlarau Thianghlim Baptisma chang thar Pali an awm a,hun rei tak in hmang tawh lo Thlarau Thianghlim khawih tharna chang mi engemaw zat an awm bawk.
Pastor Robert B.Lalnunsiama T, Tuipang bialtu chuan “Iana Local ten Local hlung leh lian zawk te tlawhlo a,local member tlem zawk an tlawh hi lawmawm a tiin,Mara tawng ngei a service min hmanpui thei avangin lawmawm a tih thu a sawi a. Iana Local te inpekna leh thahnemngaihna chu entawntlak tiin bial leh Local dang tan malsawmna nizel turin duhsakna a hlan.
———-
HOME MISSIONS FIELD TLAWH:
Ni 10.6.2023 (Inrinni) khan Rev.Lalhnehchunga District Missions Director chuan Vahia Missions Field tlawh turin a zin chhuak. District Missions Director zin hi Evan.L.Buikhang College Vaih leh Unaupa Nema ten Siaha atangin an zui a, Tuipang atangin Upa T.Zalawma Tuipang Bial Missions Director in a tawiawm bawk a ni. Vahia a an cham chhung hian Rev.Lalhnehchunga leh Evan.L.Buikhang ten rawngbawlna an nei a, Pathianni chawhnu lamah District Missions Director hian Rawngbawltute seminar a neihpui bawk a ni.
———-
———-
LUNGLEI DISTRICT
THIANGHLIMNA CAMPAIGN:
June ni 11 Pathianni hmang khan Thianghlimna Committee hmalaknain Thianghlimna Campaign neih chhunzawm a ni a, Rahsiveng bial Vanhne Local-ah Thianghlimna Committee Chairman Rev.H.Rothuama leh Rbt.T.Lalrinawma, College veng Local te chuan Campaign hi an nei a, Theiriat bial Zobawk Immanuel Local-ah Upa LH Lalrinmawia, Luangmual Local, Rbt.Lalhmangaihzuala, Luangmual Local leh Sist.Zaläwmi, Lunglawn Local te chuan Campaign hi an nei bawk.
———-
MI THAR:
June ni 11, Pathianni khan Rahsiveng Local-ah mi thar 6, chhungkaw 2, puitling 4 leh naupang 6 lawm luh a ni a, puitling 2 hian Baptisma an chang a, Baptisma rawngbawlna hi bialtu Pastor Rev.B.Kamliana chuan a nei a ni.
June ni 9 (Zirtawpni) khan Haulawng Lalveng Local-ah mi 3 in sual ngaihdamna Baptisma an chang a, mi 2 hi mi thar an ni a, Bialtu Pastor Lallawmsanga’n rawngbawlna hi a nei a ni.
———-
———-
NORTH MIZORAM DISTRICT
DISTRICT & DEPTT. HRUAITUTE PROGRAMME:
*Superintendent, Secretary & Treasurer:
NMD Hruaitu pathum Rev. Chhiarpuia Dist. Supdt. Rev. K. Lalduhsanga, Dist. Secretary, Rev. C. Lalthantluanga, Dist. Treasrer te chuan June ni 13 thawhlehni khan District Board ruahman anga “Inkhawm kaihhruaina dan” Dist. Board in siam tura a tih Literature Board kuta a dah chu hotu pathum te hian Editing Board hovin, Editing hna an thawk.
SUPERINTENDENT: District Supdt. Rev. Chhiarpuia chuan tunkar chhung hian PSM Class chawhnu lam lakpuiin June – 12 atanga 17 thleng zirtirna a pe.
DISTRICT TREASURER: District Treasurer Rev. C. Lalthantluanga chuan June ni 14 khan NMD PenNet Committee hovin Meeting a kaihruai.
MISSIONS DIRECTOR: Dist. Missions Director Rev. C. Lalramthanga chuan June ni 14 Nilaini khan District Missions in Const. A kalpui mekna Mualthuam West leh Bawngva Field te tlawhin const kal lai a enpui anga, a tul angin hna a thawhpui bawk ang.
———-
NMD PENNET COMMITTEE NEI:
June ni 14 (Nilaini) khan NMD PenNet Committee chuan Meting neiin, Rev. C. Lalthantluanga Dist. Treasurer in meeting a kaihruai.
Meetingah hian PenNet in Bungrua a mamawh zual lei belh ngai relin Video Camera leibelh relin bungraw dang chu a chawpa ngaihtuah zel an rel. NMD PYD Education committee in NMD huapa Quiz Competition an buatsaih turah PenNet te Video coverage titur a a ngenna chu ngaihtuah a ni a, tihhlawhtlin sak ni se an ti. Meetingah hian PenNet buatsaihin Short Film intihsiak rel a ni a, thupui atan “Media in a nghawng” tih a ni ang a, Lawmman atan 1st – Rs. 30000, 2nd – Rs. 20000 leh 3rd – Rs. 10000 a ni ang. Short Film siam leh competition a tel tur hi NMD huam chhunga Bial, Local, Thianzaho Pentecost member ni tawh phawt chu a tel theih dawn a ni. Shorh Film thehluh leh lawman sem chungchang hi Implementing committee kuta dah a ni.
———-
NMD DISTRICT CHANCHIN THAR TLANGPUI:
Mithar nei:
Dt. 2nd June, 2023 aṭang khan Reiek Bial, Ailawng Kohhranah Tirhkoh Ramtlan Evan C Lalruatsanga leh a team ten rawngbawlna neiin June ni 5, 2023 zan khan Chhungkaw khat Member 4 chu Pentecost Kohhran a lawi turin Reiek Bialtu Pastor Rev Lalchuailova’n a lawmlut a, Nau pahnih hlan nghal a ni. He rawngbawlna Kal zelah Sis Atei (Sciatica vanga na) chuan Pathian tihdamna a chan avangin Pathian hnena lawmthu sawi nan Inrinni Dt. 10th June khan neih a ni bawk.
Ailawng Rawngbawlna kalzelah June ni 11, 2023 Pathianni khan Ailawng Kohhrana lawi turin Tirhkoh Ramtlan Evan C Lalruatsanga chuan member thar Chhungkaw khat member 3 Pentecost Kohhranah a lawmlutin, Nau hlan rawngbawlna a nei nghal bawk a ni.
———-
Rengdil Local PMD te Missions Deptt. Tan fehchhuak:*
Rengdil Local Pentecostal Mens Department te chuan June ni 7 Nilaini atang khan an bial chhunga Missions Field Mualthuam West-ah Tirhkoh quarters sa in workcamp in an fehchhuak.
PMD te hian June ni 7 atang hian hna bul tannin Bialtu Pastor Rev. C. Laltlanchhuaha hovin an thawk chhuak a, an hnathawhah thahnem an ngaiin hna pawh an thawk chak hle a ni. Rengdil Local PMD te hi Missions Field tan an luangchhuak nasa tawhin an Bial chhung leh pawnah pawh N.Mizoram District Missions Dept tan hian nasa takin an luangchhuak tawh a ni.
———-
PENTECOSTAL SCHOOL OF MINISTRY ZIRNA KALPUI MEK:
UPC-NEI., North Mizoram District hnuaia Pathian thu zirna PSM chu June ni 1 atang khan tluang taka kalpui chhoh mek niin; Camping centre Sakawrtuichhunah zirna hi neih a ni. PSM-ah hian subject 5 neiin; Rev. Chhiarpuia, Rev. K. Lalduhsanga, Rev. C. Lalthantluanga, Rev. C. Lalmuanpuia leh Rev. C. Lalrammuana ten zirtirna hi an pe ang. PSM zirna hi June thla chhung neiin July thlatirah Graduation Day hman a ni dawn a ni.
———-
KOLASIB RENGTEKAWN BIAL: PANGBALKAWN BETHLEHEM MISSIONARY INDUCTION SERVICE NEIH A NI:
North Mizoram District Missions Department in Pangbalkawn Bethlehem Missionary atan a Bro. Jonathan Zaihmingthanga, Bualpui Venglai a lo lak tawh chu, June ni 4, 2023 (Pathianni Zing inkhawm) ah Lakluhna inkhawm neih a ni a , District Missions hruaitute ruahmanna siam angin, Bialtu Pastor Rev C.Lalthlenglianan Lalpa Isua hmingin Lakluhna a nei a ni.
He Missionary induction service-ah hian, Pangbalkawn Bethlehem bakah Bial Missions Department hruaitute, Pangbalkawn Kohhran upa te, Bualpui Venglai kohhran aṭang tein mi engemawzat an kal a, Hlim taka hun hman niin, inkhawmbanah Thingpui inhona neih nghal a ni bawk.
Pangbalkawn Bethlehem hi Kohhran ding thar a ni a , Kohhran In -11 awm mekin , Tun dinhmunah Member -43 an awm mek bawk a ni.
———-
TUIPUIBARI CENTRE BIAK IN HAWN A NI TA:
N.Mizoram District, Dampangrengpui Bial chhunga Tuipuibari Centre Biak in NMD Missions Dept. a enkawl chu June ni 11 Pathianni Dar 10:00 Am khan, NMD Missions Dept. Treasurer Evan. MS Dawngliana chuan Lal Isua hmingin a hawng.
Biak in hawn Programme hmang hian Aizawl atangin NMD Missions Trea Evan. MS Dawngliana, Upa C. Zonunthara, Hunthar Bial Missions Treasurer, Upa Ngurnghakliana Hunthar Local Missions Director, Upa Vanlalsiama Hunthar leh Soloist Bro. Lalruatdika, Sist. Noel Lalduhawmi ten an zui bawk.
Biak in hawn Programme hi June ni 10 Inrinni zan atanga tannin Upa. C. Zonunthara, Hunthar Local Missions Treasure chuan Pathian thuchah ropui tak a sawi a ni.
June ni 11 Pathianni Biak in hawn inkhawm páwn Programme Evan. MS Dawngliana kutah dah a nih angina Pathian thu Exe 25:8 thu a chhiar a, ‘Kohhran hote hian Lalpa ram kan panna kawngah chakna leh thiltihtheihna leh Pathian Thlarau Thianghlim pawlna kan mamawh a, chumi nei tur chuan Lalpa kan pawl a pawimawh a, chu hmun thianghlim chu Biak buk hi a ni’ tiin Tuipuibari Center Biak in chu Lal Isua hmingin ribbon chepchatin a hawng a, Hallelui pea Pathian fak leh chawimawi chungin Biak in chhungah hian kohhran mipuite an lut a, Biak in chhung programme Bialtu Pastor F. lalchhanhima’n kaihruai.
Biak in hawn inkhawmah kohhran mipuite’n hlim taka Pathian an fakho bakah mal Zai Sist Noel Lalduhawmi, Sist. Ruthi leh Bro. Lalruatdika ten mawi takin fak hla an sa a, Sidon PYD ten Biak in thar lawmnan fak lam mawi tak an entir bawk. Tuipuibari Centre kohhran enkawltu Upa Vanlalruata’n Biak in sak dan report kimchang ngaihnawm takin a pe bawk a ni.
Pathian thuchah sawiin Evan. MS Dawngliana, NMD Missions Treasurer chuan Kohhran hote thuk zawka ke pena rawngbawlna kawng zawh tura fuihin, thusawitu bakah Upa C. Zonunthara, Upa Ngurnghakliana, Upa Vanlalsiama, Evan. Lalthianghlima ten thu an sawi bawk.
Biak in thar lawmna thilpek Hunthar Bialte’n Biak ina tar tur sana tha tak an pe a, Upa. Zonunthara te chhungin Tuipuibari Centre kohhran ten an mamawh Biak ina hman tur sound system an pek bakah, Dist. Missions Trea. Evan. MS Dawngliana te chhungin Damparengpui Bial hmalaknaa Thlarau Thianghllim dawnna tura Programme an buatsaih tura tula hman atan Rs. 5000/- leh Tuipuibari Centre Biak in light eng tha zawk lei nan Rs. 2000 an thawh bakah Upa Ngurnghakliana, Hunthar Local Director leh District Missions Driver T.upa H. Thantluanga ten Damparengpui Bial tena thlarau thianghlim an dawnna tura programme an siamah a tula hman atan Rs. 1000 ve ve an pe bawk a ni.
Biak in hawn Programme hi Pathianni zanah chhunzawmin Sidon Local leh Tuipuibari Centre lam atangin PYD Nula ten fak lam mawi tak an entir bakah Soloist te hnen atangin zai mawi tak ngaihthlak a ni a, Evan. MS Dawngliana hnen atangin Pathian thuchah kohhrantena kan beisei Ram tha lehzual chungchang ngaihthlak a ni.
Biak in hawn Programme hman chhung hian Damparengpui Bial chhunga Sidon kohhran leh Centre Hmar veng kohhran te chuan Biak in kharin Biak in hawn programme an rawn hmanpui a, Bial chhung kohhran hrang hrangte an tel kim bawk.
Tuipuibari Centre kohhran hi kum 2018 Sept 21 (Fri)-ah Rev. Laltluanga’n khatihlaia Dist. Supdt. Chuan kohhranah a lawmlut a, member 52 niin tunah hian kohhran member 96 bawr an ni mek a, an biakin hi 15×30 a lian a ni bawk a ni. Biak in sakna tur atan NMD Kohhranpuiin Rs. 250000 pe in a daihloh bak Dist. Missions in Rs. 30000 sanction in, Hunthar Bial ten Biak in sak hna hi an thawk a ni.
———-
PSM TAN THILPEK PE:
Sihphir bial pyd te chuan June thla chhunga Pathian thu zir mek PSM zirlaite ei turin Sakawrtuichhun camping centre-ah chawhmeh tam tham tak an pe pe a, an chungah PSM zirlai te leh zirtirtute an lawm tak zet a ni.
Thilpek hlan tute
Rev B. Vanlalruata Sihphir bialtu
Bro Lalchhuanawma President bial pyd
Bro Sanghmingmawia Secy bial pyd
Sist R.Lalruatfeli Tre bial pyd te an ni.
———-
SEMINAR CUM REVIVAL HLAWTLING TAKA HMAN A NI:
June ni 10 & 11 chhung khan NMD Sunday school hruaitute leh General Sunday school hruaitute ruahmanna angin W.Phaileng bial Head Quarters Kohhranah Sunday school Zirtirtute pualin Seminar cum Revival neih a ni.
He programme-ah hian Inrinni zan leh Pathianni zingah Speaker-ah Rev.JH Zahluna hman niin Pathianni chhunah Seminar neih a ni a, Resource person-ah Rev. Biaksangzuala Gen. S.S Director hman a ni, Gen. SS Director hi Pathianni zanah Speaker niin rawngbawlna a nei.
———-
MAUBAWK BIAL TE’N MISSIONS FIELD TLAWH:
June ni 10 & 11 hmangin Maubawk Bial Ms Dept te chuan NMD Missions Field Tumpanglui tlawhin; Maubawk Bialte hian kohhran mamawh em em Dekchi lian tha tak an pe a ni. Heng thilpek bakah hian Upa David Zodinpuian a tul atana hman turin Rs 5000 kohhranhote pein Upa H.Vanlalthlanan Kohhran hlabu leh khuang vuakna 2 leh Upa Riado hlychho in Silpoulin 3 lai a pe bawk. Hetianga Maubawk Bial Ms Dept te ramthim hmangaihna neia Field-ah an fehchhuah chungchangah NMD Missions hruaitute chuan lawmthu an sawi a ni.
———-
REVIVAL CRUSADE VAIRENGTE BIAL-AH:
Ni 9 – 11. June 2023 UPC- North Mizoram District, Vairengte bial chuan bial Conference-a an lo rel angin ni June ni 9-11 hmang khan Vairengte bial Headquarters biak In-ah bial huap Revival Crusade an hmangin Speaker-ah District Superintendent Rev.Chhiarpuia hman a ni
Revival Crusade hi zirtawp zan aṭanga ṭanin, Inrinni nilengin bial chhunga rawngbawltute tan Seminar neih a ni bawk. Speaker atan Rev. Chhiarpuia Superintendent North Mizoram District chu hman a ni
Vairengte bial hi Local 7 an ni.
District Superintendent chuan Inrinni zing khan Field veng Biak In tlawhin Local hruaitu ten lo dawngsawngin Biak In sak an tum dan te an lo enpui pah bawk.
———-
NAUPANG LANG CAMP NEIH A NI:
June ni 10 Inrinni khan Mamit High School Veng Sunday School Department te chuan Naupang lâng Camp a buatsaih a, Campers mi 30 neiin; He Naupang lang camp ah hian Speaker atan Pastor Vanlalruata, Bialtu Pastor hman a ni. Lang camp-ah hian Pathian thu tha tak tak ngaihthlak niin; Counselling neih pui bakah Thlarau dilpuina tawngtai te neih a ni bawk. Naupang pual lang camp follow up hi June ni 11 Pathianni zan thleng neih a ni.
———-
———-
AIZAWL EAST DISTRICT:
District PYD Ob ten rawngbawlna nei mek:
June 18, Pathianni hmang hian Aizawl East District PYD OB te chuan Serchhip Bial leh Serchhip Dinthar Bial PYD te tlawhin rawngbawlna an nei mek. June 17, Inrinni zan atang khan Bial pahnih-ah hian hun hman tan niin Pathianni zan thleng rawngbawlna hi an nei dawn a ni. District PYD OB te hi group hnih-ah in semin rawngbawlna hi an nei a, Pentecostal Choir te pawhin tawiawmin zaia rawngbawlna an nei bawk thin a ni. Serchhip Bial te hian Electrict Kohhranah lo thlengin Serchhip Dinthar Bial te hian khawpui chhung Tualchhung hrang hrangah inkhawmpuina an nei thung a, Pathianni zan hian Serchhip Bial Electrict Kohhranah Bial pahnih te hi inkhawm finin rawngbawlna an nei leh dawn a ni.
Aizawl East District PYD ob te hian kumin chhung hian a remchan angin Bial hrang hrangah rawngbawlna nei turin ruahmanna an siam a, May 20 leh 21 khan N. Vanlaiphai Bial tlawh tawhin Kahrawt Bial, Champhai leh Champhai Bethel Bial te tlawh turin ruahmanna an siam leh mek a ni.
———-
Revival Crusade:
N.Vanlaiphai bial, Lungkawlh kohhranah Bial LAD hmalaknaa Revival crusade May 27 atanga neih chu Speaker-ah Bro. H.Vanlalhruaia (Mahruaia) ruai chhunzawmin rawngbawlna neih zui a ni a. He rawngbawlnaah hian June 13 thleng khan mi 14 in Isua hminga baptisma chang tawhin mi 1 hi kohhran dang atanga baptisma chang a ni. Chawimawina vawi 2 a awm tawh a, chawimawina pe tur 2 an awm mek bawk a ni. Speaker rawngbawlna atangin kohhran member, hun rei tak Biak in thleng tawh lo te leh harsatna hrang hrang avanga kohhran pawh hleithei lo ten Lalpa ah lawmna thar neiin hlim takin lâmin Lalpa an fak leh thei a ni. Crusade hi bial chhung local hrang hrang ten tawiawm thinin N.Vanlaiphai Bialah Pathian hnathawh ropui a thleng mek a ni.
———-
Chawimawina hun hmang:
Kum 2023 Kawlkulh Bial PYD inkhawmpui rorelna chuan Kawlkulh Bial atanga Puithiam hna thawk tur, Pastor a lakte chawimawina hlan ni se a tih angin June 11, Pathianni chawhma khan chawimawina Citation hlan an ni. Chawimawina hlan te hi 1. Rev. R. Lalhawia, Former Gen Missions Director 2. Rev. Lalmalsawma Sailo, General Treasurer 3. Rev. VL Hnemtluanga, District Missions Director te an ni.
Kawlkulh Vengthar kohhran chuan he mi denchhan hian rawngbawltu, chanvo nei zawng zawngte retreat neih ni se ti a, kumtir annual meeting in a lo rel tawh chu June 10, Inrinni khan neih a ni bawk. Mi 51 kal in, mawhphurhna hlen tih thupui hmangin Rev. Lalmalsawma Sailo in paper a present a, Thlarau lamah tih thupui hmangin Rev. VL Hnemtluanga chuan paper a present bawk. Kohhranhoten hlawkthlak an ti hle a ni. Chawimawite hian hetiang hian hun an hmang a ni. Inrinni zan – Rev. R. Lalhawia, Pathianni chawhma leh chawhnu- Rev. Lalmalsawma Sailo, Pathianni zan : Rev. VL Hnemtluanga.
———-
Seminar leh Retreat hlawhtling takin nei:
June 10, Inrinni nileng khan Khawzawl Bial Kawnzar biakin ah Bial huapin rawngbawltu retreat hlawhtling taka neih a ni. Resource Person-ah District Treasurer leh Bialtu Pastor ni bawk, Rev.H.Lalropuia chu hman niin he huna kalte hian hlawkthlak an ti hle a ni. Seminar-ah hian Bial chhung atangin mi 40 vel an kal thei a ni. June 9, Zirtawp zan atang khan Revival Crusade neih nghal a ni a, Speaker-ah Evan.Lalremhlua, District Evangelist chu hman a ni a, hlim takin hun an hmang a ni. Inkhawm apiangin Sis. C. Zothanmawii, Sis. Vanlalhmangaihtharzeli leh Bro Laltlanmawia ten Pathian fak hla an sa thin a ni.
———-
Awarness Campaign nei:
Serchhip Bial P.Y.D Education Sub-Committee te chuan June 11, Pathianni khan Serchhip Biakinpui Kohhran, Naupang Sunday School ah, Sex Education leh Mental Health Awareness Campaign an nei. Resource Person:- Sis.Lalenkawli Sailo (BA-Psychology), Serchhip Bial PYD Education Sub-Committee, Secretary hman a ni. Naupang ten thusawi an hlut in an ngaithla tha hle a, hlawk takin hun an hmang a ni. Serchhip Bial PYD Education Sub-Committee te hi Tualchhung Kohhran hrang hrangah rawngbawlna hi an lo kalpui tawh a ni.
———-
Lawmman Pahnihna Dawng:
District Level Committee on Fire Prevention, Aizawl District ten ram kang ven inzirtirna lam video clip insiamsiak, Kohhran hrang hrang thalai te tan inelna a buatsaihah Aizawl East District PYD aiawha tel Khawhai Bial PYD te chuan lawmman pahnihna an dawng.
Lawmman hlanna hun hi June 9, Zirtawpni khan Rohrenga Hall, Sihphir-ah neih niin Khawhai Bial PYD hruaituten lawmman hi an dawng a ni. Lawmman hian thuziak bakah pawisa fai a kengtel a ni.
———-
Thingphun hnatlang nei:
June 9, Zirtawpni zingkar khan Environment Protection Sub-Committee Serchhip Bial PYD te chuan Chanmari Vengthar road kawngpui kam ah thingphun hnatlang an nei a, mi 16 hnatlangin thing tiak 26 lai an phun a ni. Bialtu Pastor C. Lalchhuanga chuan hunserh hmangin hawnna te a nei bawk a ni. Thing tiak phun tur pe tu Forest Department chungah hruaituten lawmthu an sawi a ni.
———-
Mithar leh baptisma chang thar:
June 11, Pathianni khan Zemabawk North Bial, Bethel Kohhranah ah mi pahnih in Isua hmingin Baptisma an chang. Baptisma chang zinga Pakhat hi mi thar niin Kohhranah sengluh a ni a, Nau Pakhat hlan a ni bawk.
Thuampui Bial, Thuampui Kohhranah pawh June 11, Patthianni khan Mithar Pahnih (Nupa tuak) Bialtu Pastor, Rev. C Laldintluanga chuan sengluhna a nei bawk.
Bethlehem Bial, Bethlehem Kohhranah June 11, Pathianni khan mi 4 in sual ngaihdamna Baptisma ang chang a, mi 3 te hi Dt. 28.5.2023 Pentecost Day a mithar sengluhte khan niin 1 hi member nisa a ni. Venghlui Hermon Kohhranah Nau 1 hlan a ni bawk.
Mualpui Bial, Salem Kohhranah pawh Pentecost Day-a Kohhrana sengluh tawh mi pahnih ten Evan Roliana kutah sual ngaihdamna Baptisma an chang a ni. Mualpui Bial vêk, ITI Kohhran ah Kohhran dang atangin member Pakhat chu senguh a ni bawk.
Sakawrdai Bial, New Vervek Kohhranah pawh June 11, Pathianni khan chhungkaw khat member panga te chu Kohranah sengluhna, District Superintendent, Rev KVL. Hmangaihkima chuan a nei bawk. District Superintendent hian June 9, Zirtawp tlai khan Sakawrdai Bial, Hqrs. Kohhran ten Kumin District Missions Department Conference am thlen tur enpuiin hun a hmang a, New Vervek Kohhranah hian Pathianni zan thleng khan rawngbawlna a nei chhunzawm nghal a ni.
Facebook