GENERAL HRUAITUTE PROGRAMME:
General Superintendent Rev. R. Lalrinsanga chuan January 26-28, 2024 chhunga Halflong Bial Kohhranpui Conference ah telpuiin Speaker ah a tng ang.
General Secretary Rev. Zohmingthanzama chuan January 26-28, 2024 chhunga Sialsuk Bial PYD Conference, Chamring a neih ah Speaker-ah a tang ang.
General Missions Director Rev. R. Laichhingpuia chuan Lunglei District Missions Conference vawi 49-na neih chu hmanpuiin January 28, 2024 Pathian ni zing inkhawmah thusawi rawngbawlna a nei.
———-
CCPC MEETING:
January ni 25, 2024 Ninga ni khan General Headquarters Office, Mualpui salem veng, Aizawl-ah Compassion Center Project Committee (CCPC) chu thukhawmin Chairman Rev. R. Lalrinsanga’n a kai hruai.
Compassion Center Project hnuai ah hian Audrene Scism Children Home leh Susanne Downs Boarding School-te awmin, Home leh School kalphung leh hmalak dan tur hrang hrang te bakah 2024 CCPC Budget te an rel a ni.
———-
———-
CHHIMTUIPUI DISTRICT
CONFERENCE INBUATSAIHNA NEI
Ni 1-3.3.2024 a District LAD Conference thleng tu tur Tuipang L kohhran te chuan hlim tak leh hlawhtling taka hman anih theih nan tisa leh thlarau ah theih tawp in an inbuatsaih mek zel a. Pandal sak hnatlang nitin thawkin kohhran te an tangrualin an phur em em a, thlarau lam malsawmna a thlen ngei theih nan nasa takin an tawngtai bawk a ni. Tlang hrang hrang a Lalpa kohhran te khawmpui chhim theuh turin min beisei a,min sawm tak meuh meuh a ni.
———-
———-
LUNGLEI DISTRICT
DISTRICT MISSIONS CONFERENCE NEI DAWN:
January ni 26-28 chhung hian Missions Department, Lunglei District Conference vawi 49-na chu Rahsiveng Local UPC Biak Inah neih a ni dawn a, inkhawmpui thupui ah hian ‘Krista hmangaihna chuan min tir lui a ni’ II Kor.5:14 chu hman a ni ang.
Inkhawmpui tan zan hian Rev.C.Lalhriatpuia, Director chuan inkhawm a kaihruai ang a, Conference hawnna Rev.C.Lalrintluanga, Dist.Secretary chuan neiin Palai lawmna Rev.B.Kamliana, Bialtu Pastor in a nei ang a, Rahsiveng bial PYD leh Luangmual bial PYD te bakah Sist. Lalthansangi, Rahsiveng chuan zaiin rawngbawlna an nei ang a, Evan.T.Biaklala, Thiltlang Home Missionary chuan thusawi rawngbawlna a nei ang.
January ni 27 Inrinni hian rorel inkhawm neih a ni ang.
Inkhawmpui chhung hian Evan.T.Biaklala, Thiltlang Home Missionary bakah Rev.R.Laichhingpuia, Gen.Director, Evan.H.Israela, Odhisa Field Director Incharge, Rev.C.Vanlalena, Dist.Superintendent ten thusawi rawngbawlna an nei ang a, zaithiam tak tak leh Zaipawl ten inkhawm apiangin fak hla sain rawngbawlna an nei ang.
———-
CONFERENCE CENTRE SAKNA TUR LUNGPHUM PHUM:
January ni 24 Nilaini zing dar 7 khan Lunglei District UPC ram Farm veng hmunah District Board rorel bawhzuia Conference Centre sak tur lungphum chu District Superintendent Rev.C.Vanlalena chuan a phum.
Farm veng rama kohhran ram hi Conference Centre tur atan laih hmasak a ni ang a, a sak hna hi chhunzawm a ni ang.
He hun ah hian Upa TH.Lalropuia, Chairman Building & Property Board chuan Conference Centre sak dan tur leh thil pawimawhte sawiin District Superintendent Rev.C.Vanlalena chuan Pathian thu chhiar leh tawngtaina neiin lungphum hi a phum a ni.
He hunah hian Building & Property Board members, District UPC Office Staff leh Farm veng Local hruaitu thenkhatte an tel a ni.
———-
THIANGHLIMNA COMMITTEE AN THUKHAWM :
January ni 23 Thawhlehni zan khan Thianghlimna Committee, Lunglei District OB te chu Upa Malsawmkima In, Chanmari-ah an chairman Rev.H.Rothuma kaihhruainain an thukhawm a, he thutkhawmna ah hian 2023 kum chanve hnu lam ah Bial/Local 6 ah campaign a chhuah a ni a, hmalak na leh report hrang hrangte ngaihthlak a ni a, 2024 a tan executive hmasa ber chu March ni 10 Pathianni chawhnu ah neih ni se tih a ni.
———-
MEMBER THAR LAWM LUT
January ni 21 Pathianni khan Zawlpui Local-a lawi turin mi thar puitling pathum (3) te chu, Upa Andrew Lalremsanga Chairman Zawlpui Loca-lin a lawm lut a, ṭawngṭaisakna a nei bawk.
———-
———-
AIZAWL EAST DISTRICT
Bial PYD Inkhawmpui hmang mek:
January 26, Zirtawp zan atang khan Aizawl East District chhunga bial hrang hrangte chuan bial PYD Inkhawmpui an hmang mek a, Pathianni zan hian a tiak ang. Bial PYD Inkhawmpui-ah hian Bial thenkhat chuan Inkhawmpui tan zan-ah Variety Programme an hmanga, Bial thenkhat chuan Revival Inkhawm in hun an hmang thung a ni. January 27, Inrinni nileng khan Bial chhung inawpna leh District-a lut turte ngaihtuahin rorel inkhawm an nei hlawm a ni.
———-
Bial PYD inkhawmpui hi District PYD hruaitute chuan hetiang hian an hmanpui a ni:
President Rev C.Lalmalsawma chuan Kawlkulh Bial-ah a hmanpui a, Evan. H. Lalhlimpuia, V. President in Chhingchhip Bial hmanpuiin Evan R.Vanlalpeka, Secretary chuan General PYD Secretary angin Hunthar Bial, NMD-ah hmangin Asst.Secretary Evan Lawmsangkima’n Zemabawk North Bial a hmanpui a, Evan K.Lalbiaknunga, Treasurer-in Bawngkawn bial leh Fin.Secretary T. Upa C. Zamawia’n Upper republic Bial an hmanpui bawk a ni.
Aizawl East District chhungah hian Bial 31 awm mekin Kum 2023 District Conference report bu-a a lan danin PYD member hi 7881 awmin Mipa 4853 leh Hmeichhia 3028 an awm mek a ni.
———-
Pensioner te nen inkawm khawmna nei:
Jan.23, Thawhlehni chawhnu khan District Hqrs.Biakin-ah AED chhunga Pastor Pension tawhte leh District Board member te inkawm khawmna hun hlawhtling taka neih a ni. Rev.R.Laltlankima, District Secretary chuan kaihruaiin Thusawina Rev.KVL.Hmangaihkima, District Superintendent chuan neiin hemi hnu hian Kohhran kal zelna tur atana thu pawimawh tak tak point hrang hrang hmangin sawihona neih a ni a, hlim takin hun an hmang a ni. He hunah hian District hnuaia Pastor pension tawhte leh General hnuaia Pastor pension tawh mi 16 telin District Board member te an telkim bawk a ni.
———-
District Board:
Ni thum awh, Aizawl East District hnuaia rorelna sang, District Board Budget Session chu tluang takin January 25, Ningani khan zawh fel a ni. District Board hi January 23, Thawhlehni khan Rev. KVL.Hmangaihkima, Superintendent kaihhruaiin neih a ni a, Board member an telkim thei a ni. Aizawl East District Board-ah hian Kumin 2024-a District Kohhranpui leh Department hrang hrang Budget ruahman te chu pawm niin Biak In sak tanpuina te, Pastor Quarters sak tanpuina leh Budget in a kaihhnawih tur hrang hrang an rel a ni.
———-
Zirlai titha te chawimawina hun hmang:
January 18, Ninga zan khan Salem Veng Biakinah AED- PYD Education Committee te chuan kum tina an lo tih thin angin District chhunga zirlai titha te Chawimawina hun hlawhtling takin an hmang. He hunah hian Kum 2023 chhunga Zirna lama mi hmingtha, State level a Top 10 a lang pha chin mi 13 chawimawina an nei a ni. Chawimawina hunah hian District PYD President Rev.C.Lalmalsawma chuan Thusawi tawi neiin Upa Lalnunfela Chawngthu, MCS chuan Fuihna thu sawina a nei bawk a ni. He hunah hian Salem Veng Tualchhung Kohhran bakah PYD Member engemaw zat telin North Mizoram District PYD Education Committee hruaituten an tel pui bawk a ni.
———-
Mithar:
January 21, Pathianni khan hetiang hian District chhungah mithar Kohhranah sengluh an ni:
Bethlehem Bial, Bethlehem Kohhranah mithar 8, Bialtu Pastor Rev. T. Lalbiakliana’n a senglut.
Zemabawk Bial, Zemabawk Lungbial Kohhranah Member 5
Khawruhlian bial, Khanpui Kohhran a lawi turin bialtu Pastor Hmingchungnunga’n mi thar pakhat sengluhna neiin hemi rual hian nau pathum hlan bawkin, kohhran member nisa mi 2 in lsua hmingin baptisma an chang bawk.
Serchhip Ramthar kohhrana lawi turin member thar 2, nupa sengluh an ni bawk.
———-
Hruaitute Programme:
Rev. KVL. Hmangaihkima, District Superintendent chuan Bial PYD Inkhawmpui hman mekah Zemabawk Bial-ah hmangin Speaker-ah tangin rawngbawlna a nei.
Rev. H. Lalropuia, District Treasurer chuan Bial PYD Inkhawmpui hman mekah Upper Republic Bial-ah hmangin Speaker-ah tangin rawngbawlna a nei.
———-
———-
NORTH MIZORAM DISTRICT
District Missions Programme:
NM District Missions Director Rev. C. Lalramthanga chuan Tun Pathianni Jan ni 28 hian Marpara khaw per pakhat Bekabeki khuaa kohhran dintharna hmunah member lawmluhna leh rawngbawlna a nei ang. Hemi rual hian remchang angin Field dang te a tlawh bawk ang.
District PYD Programme: NMD huam chhunga Bial 31 te chuan Jan ni 26-28 hmang hian a rualin Bial PYD Conference an nei leh ang a, District hruaitute’n hetiang hian hun an hmanpui dawn a ni:
1. Evan.Jeno Vanlalruata, Distict PYD President Kol Venglai Bial
2. Evan. C. Lalruatsanga, Distict PYD Secretary Thenzawl Bial
3. Evan. K. Rotluanga, Distict PYD Treasurer, Kol Rengtekawn Bial
———-
BIAK IN LUNG PHUM:
22 January, 2024 (Thawhṭan ni) dar 10:00AM khann Rev. Chhiarpuia, Superintendent North Mizoram District chuan Vairengte State Veng Preaching Point Biak in sakna tur lungphum a phum.
He hunah hian Rev. PC Laltlankima Kawnpui Bialtu Pastor chuan ṭawngṭaina in hun a hawng a, Rev. Chhiarpuia’n Mathaia 16:18 chhiarin lungphum phumna hi a nei a ni. Tin, Rev Lalpianthanga chuan malsawm ṭawngṭainain hun a khar bawk a ni.
Vairengte State veng Biak in sak lungphum phum hun hmanah hian Vairengte Bial chhunga Department hrang hrang hruiatute bakah North Chhimluang Preachin Point Kohhrana District in an rawih mek Evan. C. Lalnunhlua ten an ṭawiawm bawk a ni. State Veng Preaching Point Kohhran hi May 2022 khan bialtu Pastor, Rev. Lalpianthanga ho a din niin, tunah hian member 49 vel awmin Evan. Vanrammawia chu District rawihin rawngbawlna neiin a awm mek bawk a ni.
———-
BIAK IN SAKNA TUR ATAN TANPUINA PE:
Pathianni kal ta Jan ni 21 khan Kolasib Venglai PMD te chuan Rengtekawn Bial chhunga Saihapui ‘K’ Biak In sa mek te tanpui nan sum fait hahnem tak an pe.
———-
KAWNPUI BIAL-AH SUPERINTENDENT FEHCHHUAK:
20,21. 01.2024 hian North Mizoram District Superintendent, Rev. Chhiarpuia chuan Kawnpui bial tlawhin Inrinni zan Kawnpui bial Hqrs.ah hun a hmang a Kohhran ten an hlut hle a, rawngbawlna ṭha tak a nei a ni.
Ni 21 Jan.2024 (Pathianni) zing inkhawm hi Bualpui ‘N’ Hmarvengah hun a hmang a Pathian thuchah ropui tak a sawi. Pathianni hi Sunday school Day a nih angin, Bualpui ‘N’ Hmarveng kohhran chuan Sunday school lawmman semin hun an hmanga, inkhawm ban ah thingpui ruai kil ho a ni.
Pathianni chhun hi Bualpui ‘N’ Venglai-ah inkhawm leh a ni a, Rev.PC.Laltlankima bialtu pastor chuan inkhawm a kaihruaia, Sis.Lalnunthari PT. zirtirtu chuan (ṭulnain) Sunday School Day a nih avangin, Sunday School pawimawhna leh kai kim tur a in fuihna thu ngaihnawm taka sawiin hun a hmang bawk.
Rev. Chhiarpuia Dist. Suptt. chuan Amosa 7:7 thu chhiarin “En remna” tih thupuia hmangin Pathian thu chah ṭha tak a sawia, UPC NEI huapa hmalakna hrang hrang leh District chhung hmalakna tlangpuite sawiin, rawngbawlna ṭha tak a nei a ni. Zanah pawh Venglaiah hian a inkhawm leh ang.
District Superintendent hian Thawhṭanni ah Vairengte State veng Biak In sakna tur Lungphum a phum ang a, prog. zawh ve leh Aizawl pan in a haw leh ang.
———-
MANIPUR CHARITY TOUR:
Lawmthu sawina PYD NEI Manipur Charity Tour te Pathian hruainain vawiin ni 19.1.2024 tlai dar 5 khan Ngopa tluang takin kan thleng a. Bialtu Pastor C. LALROPUIAN ei leh in tur tuihnai tak mai team member 12 lai tan a lo buatsaih a. Tin. Kan zavaia mutna tur nuam tak mai a quarters ah min lo siam bawk a. Bialtu Pastor leh Ngopa bialte chuangah General PYD chuan lawmthu kan sawi tak meuh a ni.. Hetianga kan feh chhuak tih hria hian Evan. C. Hmingchungnungan tanpuina Chanmary atangin Rs. 2000 Gpay kaltlangin a rawn thawn vang vang a, thinlung takin lawmthu group kaltlangin ka rawn sawi nghal bawk e.
———-
LADIES AUXILIARY TAILORING CENTRE 4th BATCH ZIRLAI LEH ZIRTIRTU LAK A NI:
UPC, NEI-North Mizoram District LAD hnuaia din, Ladies Auxilliarty Tailoring Center (LATC) chuan Jan ni 23 thawhlehni chawhma dar 11:00 khan LATC Managing Board thuin kumin 2024 atan Puanthui zirtirtu tur leh zirlai tur Board kaltlangin an la thar.
Kum 2024 Batch atana Puanthui zir dil hi an vaiin mi 19 niin, chung zinga Seat awm zat mi 11 heng te hi puanthui zir tura lak an ni:-
1. Lalruatkimi,D/o Lalruatsaka Maubawk
2. Lalremtluangpuii,D/o Lallianpuia,Reiek
3. Damsuotling,D/oUpa Darlalthang, Boro-Arkap
4.Lalramdinpuii,D/oThangzuala(L),Aibok
5.Lalthakimi,D/o Lalawmpuia (L)Aibok
6.Zodinsangi,D/oTlangkhuma Zote, Bilkhawthlir
7.Lalmuanawmi,D/o Lalramnuama,Chaltlang
8.Lalmuansangi,D/oVanhlunpuia,Hmuncheng
9.Lalramsiammawii,D/o Lalhmachhuana, Hmuncheng
10.Vanlalruati,D/o C.Lalthantluanga, Tlangnuam
11.Lalrinnungi,D/o Hmingthanzuala,Tuikhuahtlang
Ladies Auxilliarty Tailoring Centre-ah hian zirtirtu hna hawn thar ni bawkin mi 3 in an dil a, chung zingah chan Sist. Lalrinzuali D/o Lalbiakzuala, Zonuam chuan zirtirtu hna hi a thawk dawn bawk.
Interview Board hi Dist. Supt Rev. Chhiarpuia leh Rev. K. Lalduhsanga ten hovin thu tha tak tak sawiin hun an hmanpui bawk.
Kum 2024 a zirlaite hi Batch li-na ni tawhin, Feb ni 1 Ningani atangin bul an tan dawn a ni.
Facebook