Pennet News : January 20, 2023

GENERAL HRUAITUTE PROGRAMME:

General Superintendent, Rev. R. Lalrinsanga chuan January ni 21 leh 22 hmang hian Imphal District, Kangpokpi-ah Sectional Conference leh Silver Jubilee hmanpuiin rawngbawlna a nei ang.

General Treasurer Rev. Lalmalsawma Sailo chuan January ni 22 Pathianni hian Tualbung Kohhran tlawhin rawngbawlna a nei ang.

———-

FIFA WOLRD CUP QATAR  2022  FOOTBALL  HLAN

January ni 18 Nilai ni khan UPC North East India General Hqrs Office a dah tur in 2022 FIFA WOLRD CUP FOOTBALL (Al Rihla) chu Upa Roluahpuia, Shillong  chuan a hlan.

Office Devotion zawhah thilpek hlanna hun hi hman chhun zawm a ni a, a hmun ngei a World Cup en a harsat dan leh senso hautak dan te, World Cup khawvelin a ngaih hlut dan report hrang hrang te pein, Rev. Zohmingthanzama General Secretary hnen ah Thilpek hi a hlan a, Office in Thipek dangdai leh hlu tak a dawn a vanga lawmthu sawiin a lawm nan thingpui an in ho a ni.

———-

CBC OFFICE RE-OPENING PROGRAMME:

UPC NEI te Pathian thu zirna hmunpui Calvary Bible College, Shillong chuan January 18  2023 (Nilai ni) khan Office Re-opening Programme, Principal Office, CBC ah neih a ni.

He hun hi Rev. K. Malsawmtluanga,CBC Principal chuan kai hruaiin Lalhmingsanga, E.A. chuan Bible Reading & Prayer hun a hmang a Office Staff te hnen atangin Krismas leh Kumthar Report te ngaih thlak a ni bawk.

January 19 & 20, 2023 chhung khan CBC zirlai ten winter vacation an hman dan report leh interview te neiin January ni 23. 2023 (Thawhtanni) atangin session chhunzawm leh a ni ang.

———-
———-

LUNGLEI DISTRICT

CHARGE IN HLAN:

January ni 15 Pathianni khan District UPC Office-ah District Secretary Rev. C. Lalrintluanga kaihhruainain District Missions Director leh Rahsiveng bialtu Pastor-te charge inhlan a ni.

District Missions Department Director kal chhuak tur Rev.R. Vanlalenga chuan Director thar Rev.C.Lalhriatpuia kutah charge a hlan a, Rev.R.Vanlalenga hi |awipui bialtu Pastor in a awm ang.

Tin, Director thar Rev.C.Lalhriatpuia chuan a chhuahsan tak Rahsiveng bialtu Pastor charge chu District Board in Rahsiveng bial lo hmui tur atana a ruat District Treasurer Rev. PC. Lalfakawma kutah a hlan bawk.

———-

AUDIT :

January ni 17 Thawhlehni atang khan Lunglei District UPC kohhranpui, CEC School, Offset press, Department leh Sub. Committee peng hrang hrangte sum, kum tawp  (2022) Audit District Office-ah neih mek a ni a, Auditors ah hian Pastor K.Vanlalhruaia, Pastor Jerry Lalmuanawma, Evan.C.Lalremchhuanga, Evan.Laldinpuia Sailo leh Upa C.Lalhmangaiha te hman an ni.

———-

PSM TAILORING CENTRE IN EXAM AN TAN:

Pentecostal Social Ministry (PSM) Lunglei District hnuaia tailoring Centre chuan January ni 17 Thawhlehni atang khan Exam an tan.

PSM Tailoring Centre-ah hian mi 7 in puan thui hi an zir mek a, August ni 1, 2022 khan he puan thui zirna hi hawn a ni a, August ni 2 khan class an kal tan a ni.

———-
———-

NORTH MIZORAM DISTRICT

DISTRICT SUPERINTENDENT:  Jan ni 19 Ningani-ah Kum 2023 District Kohhranpui Budget ruahmannain District Board a kaihruai ang a,Jan ni 20 Zirtawpniah Kol. Rengtekawn Bial Pastor quarters sak ruahman mek a enpui ang. Jan ni 21 Inrinni-ah Kol Khuangpuilam Kohhran Biak in hawngin, a tuk Jan ni 22 Pathianniah a lawina kohhran District Hqrs. Kohhranah hun a hmang ang.

DISTRICT SECRETARY:  District Secretary Rev. K. Lalduhsanga chuan Jan ni 19 Pathianni hmang hian Tlangnuam Kohhranah Missions Campaign neiin rawngbawlna a nei ang a, zanah Hqrs. Kohhran a lawinaah rawngbawlna a nei ang.

DISTRICT TREASURER: District Treasure Rev. C. Lalthantluanga chuan Jan ni 21 Inrinni zan leh a tuk ni 22 Pathianni ah hmang hian Hqrs. Bial Tuikual South Kohhran-a Pathian chawimawina programme-ah speaker niin rawngbawlna a nei ang.

———-

Kum 2023 District Budget Session neih a ni:

Jan ni 19 Ningani  khan North Mizoram District Board chuan UPC-NMD kohhranpui leh Department hrang hrang te kum 2023 Budget ruahmanna neiin hetiang hian Department hrang leh PGHSS budget pharh te pawm a ni…

Missions Department = Rs.18793000.00
Sunday school = Rs.1243500.00
LAD = Rs.2726900.00
PYD = Rs.1845000.00
PGHSS = Rs.2647000.00
Kohhranpui Budget ruahman erawh Gen. Executive kaltlang tur a nih avangin ruahmanna te tarlan a ni lo a ni…

———-

CHAWLHHMUN BIAK IN HAWN A NI:

UPC- North East India, North Mizoram District Chawlhhmun Biak in chu Jan ni 14 Inrinni chhun dar 12:00 khan North Mizoram District Supt. Rev. Chiarpuia’n a hawng.

Biak in hawn Programme chhun dar 12:00 -ah tanin, rawngbawltu pawimawh leh kohhran mipuite Biak in kawtah pungkhawmin Rev. Chhiapuia’n Pathian thu a chhiar a, Biak in chu kohhran mipuite leh a duh apiangte’n Pathian Chibai an buka, zirtirna dik an dawnna hmun te, Thalrauva kohhrante  insiamtharna hmun atan Lalpa Isua hmingin a hawng a ni.

Chawlhhmun Biak in thar hawn a nih rual hian Sunday School Hall, Committee Room bakah Library and Computer room te hawn tel ni bawkin SS Hall Upa Lalhmuaka’n a hawng a, Committee Room Upa J. Dolianbuaia’n a hawng a, Library & Computer Room Tirhkoh R. Lalrema’n a hawng bawk a ni. Biak in hawn Programme hian naktuk  Pathian nileng leh zan thleng a awh dawn a ni.
Biak in hawn a nih hnu hian Biak in chhunga Programme hman chhunzawmin Bialtu Pastor Rev. Lalramthanga Kawlniin hun a kaihruai a, Church Board Secretary Upa RC Hriatpuia’n mipui lawmna thu sawiin; Building Secretary Evan. R. Lalthlamuan’an Biak in sak dan report ngaihnawm tak a pek bakah Upa Vanlalsiama’n Biak in sak chanchin inziahna bu Ephatha lehkhabu a tlangzarh a, inkhawm chhung hian Chawlhhmun kohhrana rawngbawltu kum upa ten thusawi tawi an nei bawk.

Rev. Chhiarpuia Dist. Supdt in Pathian thuchah sawiin; Biak in ropuina chu Sum sen tam lam te, a chhunga chen mi ropui an awm avang te ni lovin – Pathian Thlarau Thianghlim awmpui kohhran an nihna chauh hi Kohhran ropui nihna chu a ni’ tiin.. Kohhran mipuite tlawmna puan sin chunga Lalpa Thlarau dah lal a,.. theihtawp chhuaha rawngbawl zel turin kohhrante a fuih.

Biak in hawnnah hian Zaipawl i) General Choir ii) District PYD Choir iii) Dinthar Bial PYD Choir iv) Chawlhmun Bial PYD te leh v) Chawlhhmun Local PYD te fak hla mawi tak an sa bawk

Biak in hawn lawm nan hian vengchhung NGO hrang hrang YMA, MUP, MHIP, Local Council ten an telpui a, tlaiah Biak in lawmna ruai an kilho nghal bawk a ni.

Chawlhhmun kohhran hi UPC North Mizoram District Pastor Bial thuthmun niin Pastor 10 in an lo awp tawh bawk.

———-

Missionary chawmna leh support campaign thawhhnihna neih a ni:

North Mizoram Missions Department in Kohhran mipuite hnena Missionary Chawmna leh Support Campaign a neih thawhhnihna chu Jan ni 15 khan neih zawh a ni. Campagner te fehchhuak hian  Kohhran mipuite inpekna kaltlangin Missionary Chawm leh Support mi thahnem tak an hmu. Campaign thawhhnihna neiha la tlawh chhuah lo leh remchanna avanga sawn kohhran engemaw zat ah Jan ni 22 hian Campaigner te an chhuak leh ang.

PGHSS ah Cyber Crime Awareness in Observance neih a ni:  Jan ni 16 (2023) (Monday) khan PG Higher Secondary School Naupangte leh Zirtirtute pualin Cyber Crime Police Department te chuan Cyber Crime Awareness Campaign PGHSS te an neih pui. Awareness campaign hi District Office Building chung Auditoriam-ah neih a ni.

Awareness Programme hi PG Principal Evan JH Malsawmdawngliana chuan tawngtaiin bul a tan a, hemi hnu hian Pu Samuel Lalsangzuala, Jr Cyber Forensic Consultant in Awareness hi a nei zui nghal a ni. Projector hmangin tunlai Social Media hman fimkhur a ngaihzia te, Case awm thei hrang hrangte laka fimkhur a pawimawhzia a sawi a. Mobile phone hmanga inbumna awm thei hrang hrang a picture nen tarlangin fimkhur a ngaihzia leh sum leh Pai thlenga inbumna laka fimkhur dan tur kawng hrang hrang zirtirna a pe a ni. He Programme hi PGHSS-a thawktu Staff-te leh Naupangten an hlawkpui hle a ni.

———-

MITHAR NEI:

Jan ni 15 (2023) Pathianni khan Bro. Lalrinmawia leh a nupui Sis.Malsawmzuali chu Nisapui kohhrana lawi turin Evan.Vanrammawia’n Lalpa Isua hmingin UPC of NEI-ah a lawmlut. Sis.Malsawmzuali hian sual ngaihdamna baptisma chang nghalin; Anni hi Seventh Day kohhran aṭanga lo lut an ni.

Home Missions Revival Team te rawngbawlna atanga mithar neih:

Evan. Lalthianghlima leh a team te chuan K.Sarali Field-ah January ni 6 atanga Jan ni 15 thleng rawngbawlin hun an hmang a, revival team te hi members 5 niin, an rawngbawl chhung hian Lalpan rawngbawltute kaltlangin mithar 11 chhungkua 2 neih a nih bakah thlarau siamtharna chang member engemaw zat an awm bawk. K. Sarali Missions Field-ah hian Evan John Gabriel-a rawngbawlin a awm mek a ni.

THIL PEK PE:

W. Phaileng Bial chhunga Pukzing vengthar District Missions Dept leh W. Phaileng Bial tangkawpa rawngbawlna neih mekna hmun leh kohhran member engemaw zat an awm tawhna hmuna kohhranhote hman turin Jan ni 19 Ningani khan Ailawng kohhrana lawi Upa R. Kapdailova chuan Dar ṭha tak mai Rs.4500-a leiin Pukzing kohhran tan a pe. Thilpek hi Pukzing kohhran aiawhin Pastor K. Ainawna chuan a dawng a ni.

RELIEF FUND PE:

Jan ni  17 Thawhleh zan khan W.Phaileng Bial Secy. Upa Pachhunga chuan Dist relief fund Rs.3000 chu Bro Lalthafamkima, W. Phaileng chu  a hlan. Bro Lalthafamkima fanu Emy Vanhlimpuii 4yrs hi pick up in a chil hliam avangin spinal cord a thalo a ni. Bro. Lalthafamkima te chhung hian NMD hruaitute chungah lawmthu an sawi a ni

———-

MOTOR AUCTION HRLAH A NI:

District Missions Department, UPC NEI, North Mizoram District chuan Motor hlui a Auction chu jan Ni 16 thawhtanni tlai darr 1Pm  khan Rs. 551000-in a tiral, auction chhantu zawng zawng te chungah District Missions Dept. chuan lawmthu a sawi a ni.

Chaltlang Bial Kohhranpui ten marpara MF tan thuthleng pe: North Mizoram District Chaltlang Bial Kohhranpui chuan Marapara Missions Field Biak ina dah turin thutthleng siamnan sum thahnem tak pein; an thilpek hmangin hian Jan ni 16 khan Marpara Mission Field te chuan Thutthleng nghenchhan nei tha tak 11 lai siamin kohhranhote an lawm hle.

———-
———-

AIZAWL EAST DISTRICT

District Board:

Aizawl East District hnuaia rorelna sang, District Board Budget Session chu karleh January 24 leh 25 hian neih tura ruahman a ni. District Committee room-a neih tur District Board hi Rev KVL.Hmangaihkima, District Superintendent chuan kaihruaiin Kum 2023 chhunga District Kohhranpui bakah Department hrang hrang budget pass-a approve a ni ang.

———-

Bial PYD Inkhawmpui hmang dawn:

January 27 atanga 29 chhung hian Aizawl East District chhunga bial hrang hrangte chuan bial PYD Inkhawmpui an hmang dawn. Bial Inkhawmpui-ah hian Bial thenkhat chuan Inkhawmpui tan zan-ah Variety Programme an hmang anga, Bial thenkhat chuan Revival Inkhawm in hun an hmang thung dawn a ni. Khawmpui hman turah hian Speaker hranpa nei tur leh Thupui nei tur an awm laiin Bial thenkhat-ah chuan Speaker hranpa nei lovin Bial hruaituten thusawi rawngbawlna an nei thung anga Bialtu Pastor Speaker-a hmang an awm bawk ang.

Bial PYD Khawmpui hi District PYD hruaitute chuan hetiang hian an hmanpui dawn a ni:

President Rev C.Lalmalsawma chuan Bazar Bial-ah a hmanpui anga, Evan R.Vanlalpeka, Secretary chuan Zemabawk North Bial-ah hmangin Asst.Secretary Evan Lawmsangkima’n Khawlian Bial a hmanpui anga, Evan K.Lalbiaknunga, Treasure-in Khawhai bial  leh Fin.Secretary Evan C.Lalropuia’n N.Vanlaiphai Bial an hmanpui dawn a ni.

Aizawl East District chhungah hian Bial 31 awm mekin Kum 2022 District Conference report bu-a a lan danin PYD member hi 7361 awmin Mipa 4578 leh Hmeichhia 2783 an awm mek a ni.

———-

District PYD Executive meeting:

January 9, Thawhtanni khan District Superintendent room-ah Rev C Lalmalsawma, President kaihhruaiin District PYD Executive meeting neih a ni. He hunah hian District Kohhranpui hruaitute pawhin telpuiin an thurel langsar zualte:

1. January 27 atanga 29 chhunga Bial PYD Conference lo awm turah District PYD OB ten
hetiang hian Bial PYD Conference hmanpui nise tih a ni.
1) Bazar Bial – Rev C Lalmalsawma, President AED PYD
2) Zemabawk North Bial – Evan R Vanlalpeka, Secretary AED PYD
3) Khawlian Bial – Evan Lawmsangkima, Asst. Secretary AED PYD
4) Khawhai Bial – Evan K Lalbiaknunga, Treasurer AED PYD
5) N. Vanlaiphai Bial – Evan C Lalropuia, Fin,. Secretary AED PYD

2. Kumin February 17 atanga 19 chhunga Zemabawk Bial, Zemabawk Vengpui Biakin-a District PYD Conference hman turah Imphal District PYD, General PYD leh North Mizoram District PYD hruaitute sawm ni se tih a ni a, District PYD ten Darjeeling hmunah Biakin a sak mek avangin North Bengal & Sikkim Missions Field a rawngbawltute Conference min hmanpui tur hian sawm nise tih a ni bawk.

3. Conference thupui-ah “Chak takin awm rawh u” I Korinth 16:13 thu hman tur niin thupui thensawm hmang hian mi hrang hrang ten thusawi rawngbawlna an nei dawn a ni.

4. Rev K Ropara te chhungkua, Zemabawk ten vanduaina rapthlak tak kangmei an tawh-ah District PYD hminga tanpuina pek ve nise tih a ni bawk.

———-

Mithar leh baptisma chang thar:

January 11, Nilaini khan Zohmun Bial, Zohmun Localah chhungkaw khat Members pathum chu Evan. Jeho Lalthantluanga. Church Board Secretary chuan sengluhna a nei.

January 14, Inrinni zan khan Serchhip Dinthar Kohhrana lawi turin chhungkaw khat member 7 sengluh an ni.

January 15, Pathianni khan Kahrawt bial N. Khawbungah mi thar chhungkaw khat mi pathum chu Bialtu Pastor F. Malsawmtluanga’n Kohhranah a senglut.

January 15, Pathianni khan Bethel Bial  Zotlang Preaching Point-ah Member thar 3, chhungkaw khat leh Member nisa 4 sengluhna Bialtu, Rev. E.Vanlalpeka Zote chuan a nei. Tin Melbuk Kohhranah member thar 1  seng luh a ni bawk

January 15, Pathianni khan Thingsulthliah Bial,  Thingsulthliah Local ah member pakhat Bialtu Pastor V Lalnienga chuan sengluhna a nei.

———-

Crusade nei:

January 12, Ninga zan atang khan Champhai Bethel Bial, Bethel Hqrs. Kohhranah Healing Ministry Revival Team, Speaker Rev H.Vanlalchhana leh Team member te chuan rawngbawlna an nei mek. Kohhran hoten hlawkpuiin tihdam rawngbawlna pantu an thahnem thin hle a ni. January 15, Pathianni zan inkhawmah Thlarau Thianghlim Baptisma chang thar leh siamtharna chang engemaw zat awmin,  Thlarau lam hla te nasa takin a thleng a ni. An rawngbawlna Kohhran ten an hlawkpui hle a ni. January 18, Nilaini khan Upa V Doliana te chhungkua chuan Pathian chawimawina neiin Kohhran ten hlim takin hun an hmang a ni.

———-

Hruaitute Programme:

District Kohhranpui hruaitute, Rev KVL Hmangaihkima, Superintendent, Rev R.Laltlankima, Secretary leh Rev H.Lalropuia, Treasurer te chuan Aizawl khawpui chhung Bial hrang hrangah rawngbawlna an nei chho mek a, January 15, Pathianni khan Mualpui Bial-ah rawngbawlna bul hi tanin Tualchhung hrang hrangah inkhawm kualna an nei a ni. January 22, Pathianni hmang hian Upper Republic Bial-ah rawngbawlna neiin hun an hmang leh dawn a ni. District hruaitute hian Aizawl khawpui chhung Bial te hi tlawhchhuah tumin ruahmanna an siam mek a ni.

Rev VL.Hnemtluanga, Missions Director chuan Pathianni hian Bazar Bial-ah Missionary support zawngin rawngbawlna a nei ang. January 15, Pathianni khan Thingsulthliah Bial-ah Missionary support zawngin hun an lo hmang tawh bawk a ni.

———-
———-

CHHIMTUIPUI DISTRICT NEWS

DISTRICT ANNUAL AUDIT NEI:

January ni 18 Nilai ni khan Chhimtuipui District Committee Room ah annual audit neih a ni. Audit neih tan hmain inkhawm tawi neih hmasak a ni a, Rev.Joseph L.Thlauhthang District Superintendent chuan kaihruaiin, 2022 kumah Chhimtuipui District Lalpa Kohhran ten rawngbawlna ki hrang hrang a malsawmna kan dawn dante leh a bikin sum leh paiah malsawmna tam tak kan dawn thute sawiin, heng avang hian Pathian hnenah lawmthu kan sawi a, sum leh pai kawltute pawn fimkhur tak leh tha taka Lalpa duh dan anga kawl a tul thute a sawi a. Auditors te hnenah lawmthu sawina a nei bawk. Rev.Dr.C.Sihmoan tawngtaina a neih hnuin auditor te Rev.MH Robin Lalthanmawia, Upa PS Lalthanhlira leh Rbt.H.Ramhluna ten Kohhranpui account leh Department hrang hrang account te an audit nghal a ni.