SUNDAY SCHOOL DAY
January ni 21 Pathianni hi UPC North East India ni pawimawh Sunday School Day a ni a, Kummin 2024 hi a vawi 44 na a ni.
He ni hian Tualchhung Kohhran tinah Sunday School pualin Programme te saima hun hman thin niin, Sunday School Day thuchahte chhiar chhuah thin a ni bawk. General Sunday School Department hian kumpuan thupui atan “Kan fate i chhanhim ang u.” tih chu a hmang mek a ni.
———-
GENERAL HRUAITUTE PROGRAMME:
General Superintendent Rev. R. Lalrinsanga leh General Sunday School Secretary Rev. JH Zahluna te chuan January 19-21 chhunga South East Nagaland District Conference vawii 43-na neih mek chu hmanpuiin rawngbawlna an nei.
———-
GENERAL PYD HRUAITUTE FEHCHHUAK:
January ni 19 Zirtawp ni khan UPC North East India General PYD Hruaitu 3 te leh a tawiawmtu te chuan Manipur rambuai avanga tuarte tanpuina pe turin Aizawl chhuahsan in Manipur an pan.
General PYD hruaitute hian Thuamhnaw thahnem tak leh Damdawi te bakah Sum fai te kengin Churachandpur an pan a, Churachandpur leh Imphal District PYD hruaitute’n lo dawng sawngin, heng an thilpek ken te hi Hospital leh hmundangah te sem a ni.
———-
CBC OFFICE RE-OPENING PROGRAMME:
UPC NEI te Pathian thu zirna hmunpui Calvary Bible College, Shillong chuan January 17 2024 (Nilai ni) khan Office Re-opening Programme, Principal Office, CBC ah neih a ni.
He hun hi Rev. C. Malsawmzela, Warden, CBC chuan kai hruaiin Rev. L. John Gangte, Librarian, CBC chuan Bible Reading & Prayer hun a hmang a Office Staff te hnen atangin Report te ngaih thlak a ni a, Pastor LS Lalhruaisanga, Chaplain, CBC chuan Closing Prayer a nei bawk
January 18 &19, 2024 chhung khan CBC zirlai ten winter vacation an hman dan report leh interview te neiin January ni 22. 2024 (Thawhtanni) atangin session chhunzawm leh a ni ang.
———-
———-
CHHIMTUIPUI DISTRICT
DISTRICT ANNUAL AUDIT NEI
January ni 17.2024 khan Chhimtuipui District Committee Room ah District annual account audit neih a ni.
Auditors Rev.Mh.Robin Lalthanmawia, Upa Ps Lalthanhlira leh Upa H.Ramhluna ten District Kohhran pui account hrang hrang leh department hrang hrang account te a auditin, Audit hi ni thum chhung January ni 17-19. chhung neih a ni.
———-
———-
AIZAWL EAST DISTRICT
District Board:
Aizawl East District hnuaia rorelna sang, District Board Budget Session chu karleh January 23 leh 24 hian neih tura ruahman a ni. District Committee room-a neih tur District Board hi Rev KVL.Hmangaihkima, District Superintendent chuan kaihruaiin Kum 2024 chhunga District Kohhranpui bakah Department hrang hrang budget pass-a approve a ni ang. Ruahmanna ang chuan District Board ni hmasaber January 23, chawhnu hian District chhunga Pensioner te nen inkawmhona neih tum a ni bawk.
———-
Bial PYD Inkhawmpui hmang dawn:
January 26 atanga 28 chhung hian Aizawl East District chhunga bial hrang hrangte chuan bial PYD Inkhawmpui an hmang dawn. Bial Inkhawmpui-ah hian Bial thenkhat chuan Inkhawmpui tan zan-ah Variety Programme an hmang anga, Bial thenkhat chuan Revival Inkhawm in hun an hmang thung dawn a ni. Khawmpui hman turah hian Speaker hranpa nei tur leh Thupui nei tur an awm laiin Bial thenkhat-ah chuan Speaker hranpa nei lovin Bial hruaituten thusawi rawngbawlna an nei thung anga Bialtu Pastor Speaker-a hmang an awm bawk ang.
Bial PYD Khawmpui hi District PYD hruaitute chuan hetiang hian an hmanpui dawn a ni:
President Rev C.Lalmalsawma chuan Kawlkulh Bial-ah a hmanpui anga, Evan. H. Lalhlimpuia, V. President in Chhingchhip Bial hmanpuiin Evan R.Vanlalpeka, Secretary chuan General PYD Secretary angin Hunthar Bial, NMD-ah hmangin Asst.Secretary Evan Lawmsangkima’n Zemabawk North Bial a hmanpui anga, Evan K.Lalbiaknunga, Treasurer-in Bawngkawn bial leh Fin.Secretary T. Upa C. Zamawia’n Upper republic Bial an hmanpui dawn a ni.
Aizawl East District chhungah hian Bial 31 awm mekin Kum 2023 District Conference report bu-a a lan danin PYD member hi 7881 awmin Mipa 4853 leh Hmeichhia 3028 an awm mek a ni.
———-
Ngoap Bial, Kawlbem Biakin hawng:
January 13, Inrinni khan Rev. KVL. Hmangaihkima, District Superintendent chuan Ngopa Bial, Kawlbem Biakin sak thar chu UPC- North East India, Aizawl East District Biakin pakhat ni turin a hawng. Biakin tuala hawnna hun tawi hman hi Bialtu Pastor C. Lalropuia chuan kaihruaiin Kohhran member engemaw zat an tel a ni.
Biakin chhungah a lawmna inkhawm hman chhunzawm niin Pastor C. Lalropuia chuan inkhawm a kaihruai a, Rev KVL. Hmangaihkima, District Superintendent hnen atang hian thuchah ngaihthlak a ni. Technical report, Bro. H. Sangthuama, Secretary, Building Committee chuan pe in LAD leh PYD Joint Group te hnen atangin Pathian fak hla ngaihthlak a ni a, Upa H. Khuangkunga, Bial Kohhranpui Treasurer in lawmpuina thilpek a hlan bawk a ni. Biakin thar hawnna ruai tlai lamah Kohhran ten hlim takin an theh a ni.
Inrinni zan atanga Pathianni zan thlengin Revival inkhawma hun hman chhunzawm niin Speaker-ah Rev.KVL. Hmangaihkima, District Superintendent hi hman chhunzawm a ni a, Ngopa Bialtu Pastor lo ni tawh: Rev. C. Lalzuiliana, Rev. T. Lalbiakliana, Rev. R. Malsawma leh Pastor K. Vanlalhlimpuia ten hun hmasa an hmang thin bawk a ni. Inkhawm apiangin zaithiam tak takte hnen atangin fak hla ngaihthlak thin a ni bawk.
Kawlbem Biakin sakna tur atang hian Kum 2014 April thla kha hnatlang hmasa ber neih niin Kum 2019 June 23, Pathianni khan khatih laia Bialtu Pastor K. Vanlalhlimpuia chuan Biakin sakna tur lungphum hi a phum a, tichuan Biakin sak hna hi bul tan a ni ta a ni. Biakin sak nan hian hnatlang tha sangsarih chuang sen niin Kohhran pawn lam atang pawhin hnatlang hi an pui bawk thin a ni. Biakin hi a dung ft 45 leh a vang ft 24-a liana sak niin a sak nan hian cheng nuaih sawmpanga singsarih chuang an seng a ni. District atanga tanpuina an hmanpui an hmuh bakah Bazar Bial Missions Department leh mi mal tlawmngai mi engemaw zat te hnen atangin Biakin sak tanpuina hi an dawng bawk a ni. Tunah hian Kawlbem-ah hian Kohhran member 72 vel an awm mek a ni.
———-
Boikhunthapur Biak In Hawn leh Baptisma chang:
January 14, Pathianni khan Upper Assam & East Arunachal Mission Field a Boikhunthapur Biak In chu Rev VL Hnemtluanga, District Missions Department Director chuan a hawng.
Boikhunthapur Biak In hi Aizawl East District Missions Department hmalaknaa sak a ni a, Biak In hawng tur hian Field chhunga Pastor te; Pastor Hrangliankhuma, Pastor Lalrokhawma, Pastor Kenneth Lalmalsawma, Pastor Horen Basumatari, Pastor Indrakumar Daimary leh Bhabesh Pegu leh Sonuram Sonual te leh member engemawzat an kal khawm a ni.
Biak In hawn hnuah mi paruk(6) in Lalpa Isua hmingin baptisma an chang nghal a, Baptisma rawngbawlna hi Rev VL Hnemtluanga’n a nei zui bawk a ni. Hunserh hman zawh hnuin Biak In thar lawmna ruai hlim taka kilho a ni.
Rev. VL. Hnemtluanga, District Missions Director hi January 21, Pathianni hmanga North Bengal & Sikkim Missions Field Conference hmanah Speaker-ah tangin rawngbawlna a nei nghal bawk a ni.
———-
Mithar:
Jan.14, Pathianni khan E.Lungdar bial, Sailulak-ah chhungkaw 2, member 7 chu Chawhma Inkhawmah Sailulak Kohhrana lawi turin, Bialtu Pastor V.Kamneihthanga’n a lawmlut a, hriakthih rawngbawlna a neihsak nghal bawk. Bialtu Pastor hian nau pahnih a hlan nghal bawk a ni.
Jan.14, Pathianni vek khan Champhai Bethel Bial, Zote hmunah mithar 2 Kohhranah sengluh an ni bawk.
———-
Hruaitute Programme:
District Kohhranpui hruaitute, Rev. KVL. Hmangaihkima, District Superintendent, Rev R. Laltlankima, District Secretary leh Rev. H. Lalropuia, District Treasurer te chuan hun danga an lo tih tawh thin angin Pathianni hmang hian Thuampui Bial tlawhna neiin Bial chhungah rawngbawlna an nei ang.
District LAD Hruaitute chuan South East Nagaland District Conference Sutsu hmuna hman mekah telpuiin rawngbawlna an nei ang.
———-
———-
NORTH MIZORAM DISTRICT
District Hruaitute Programme:
North Mizoram District hruaitu Pathum Rev. Chhiarpuia, Dist. Supdt. Rev. K. Lalduhsanga, Dist. Secy leh Rev. C. Lalthantluanga, Dist. Treasurer te chuan Jan ni 11 Ningani khan Sumsuih BIal-a Pastor Quarters luah lai a hmun lei belh chungchangah a hmunah kalin an enfiah a, a hmun zauhna tur hi Rs. 50000/- in an lei nghal a ni.
Superintendent Programme: Januaryni 20 leh 21 Inrinni leh Pathianni hmang hian Kawnpui Bial tlawhin kohhran hrang hrang te a tlawhin a rul angin rawngbawlna a nei ang.
District Treasurer Programme: January ni 19 atanga 23 hmang hian UPC –NEI, Churachandpur District PYD Conference chu General PYD President a nih angin hun a hmanpui ang a, hetih rual hian Manipura Kohhrante leh zohnahthlak unau tanpui ngaite tanpuina a theih angin an nei bawk ang.
District Missions Programme: NM District Missions Director Rev. C. Lalramthanga chuan Tun Pathianni atanga thawhtanni (Dt. 13-15) chhung hian Home Missions Field hrang hrang a tlawh ang a, Inrinni zing Jan ni 20-ah Sailut tlawhin zan hun Zomuantlang MF-ah a hmang anga, Pathianni-ah Marparaah riakin Marpara khawper Bekabeki khuaa kohhran ding thar member te lawmluhna a nei bawk ang.
District Sunday school Programme: NMD SS Director Pastor Lalruatkima Fanai chuan Jan ni 20 Inrinni hian Sumsuih Bial Sumsuihah kalin seminar a neihpui anga, Kar thar Jan Ni 24 thawhlehniah hian Vairengte Bial huap seminar nei lehin zanah Bial huapa inhmuhkhawmnaah rawngbawlna a neih chhunzawm ang.
District PYD Programme:
NMD huam chhunga Bial 31 te chuan Jan ni 26-28 hmang hian a rualin Bial PYD Conference an nei leh ang a, District hruaitute’n hetiang hian hun an hmanpui dawn a ni:
1. Evan.Jeno Vanlalruata, Distict PYD President Kol Venglai Bial
2. Evan. C. Lalruatsanga, Distict PYD Secretary Thenzawl Bial
3. Evan. K. Rotluanga, Distict PYD Treasurer, Kol Rengtekawn Bial
———-
Building Committee nei:
Jan. 12, 2024 chawhma dar 11:00 khan NMD Building Committee chu Dist. Committee Room-ah committee neiin; kum 2024 chhunga hmalak dan tur hrang hrang an thlir ho. Meeting hi Rev. Chhiarpuia’n a kaihruai a ni.
———-
KUMTIR INHLAN THARNA NEIH LEH MITHAR NEIH REPORT:
UPC-NEI, North Mizoram District Office chu Kohhran leh Mipuite dawr theihin Jan ni 8 Thawhtanni khan hawn a ni.
Office hawn ni hian District Office Staff ten Dist. Superintendent Rev. Chhiarpuia kaihhruaina hnuaiah Pathian hnena inhlan thar neih a ni a, District Office staff te atangin Kum 2023 Krismas leh 2024 Kumthar hman dan report ngaihnawm tak tak ngaithlak a ni.
Office hawn leh Pathian hnena inhlan thar ni hian District Secretary Rev. K. Lalduhsanga’n kum thar fuihna neiin report pawimawh a pek zingah Kumin 2024 kum bul tantir ah NMD huam chhunga District Missions Field leh KOhhranpui Field te atangin thawktute kaltlangin mithar 45 chuang neih a nih thu a report bawk.
North Mizoram District Office thawktute hi Pathian hnenah inhlan tharin Pathian hruaina an ngen a ni.
———-
NORTH MIZORAM DISTRICT BUDGET SESSION 2024 NEIH A NI:
Jan ni 18 Ningani khan UPC North Mizoram District chuan District inenkawlna hnuaia Kohhranpui sum ki hrang hrang leh Deparment leh Committee peng pawimawh te kum 2024 chhunga sum mamawh leh hman dan tur ruahmanin Budget session an nei a, Budget session ni Jan ni 18 hian an zo fel nghal a ni.
———-
Building sum Audit neiin fehchhuak:
North Mizoram District Building Committee ten ruahmanna an siam angin, District Building Committee ten Bial Pastor Quarters leh Biak in sak hmalaknaah 2023 Ber thla atang khan suam hman dan Audit neih tawh a ni a, Rengtekawn Bial Audit hmasak niin; Jan 10, khan Bukpui leh Durtlang Bialte audit leh a ni a, Jan 11 khan Reiek Bial Audit a ni bawk a ni. Auditor atan hian Rev. C. Lalramthanga hman a ni.
———-
UPC-NORTH MIZORAM DISTRICT IN HOME MISSIONS FIELD-A BIAK IN 2 SAKNA TUR A PE
Jan ni 16 (thawhlehni) khan UPC-North Mizoram District Treasurer Rev. C. Lalthantluanga chuan District Missions enkawl kohhran ding thar 2 West Phaileng Bial Pukzing Vengthar leh Rengtekawn Biala Pangbalkawn-Bethlehem Biak in sak nan Rs. 250000 ve ve pein, avaiin Rs. 500000 NMD Home Missions Dept an pe.
Thilpek hi District Treasurer Rev. C. Lalthantluanga chuan District Missions Treasurer Evan. MS Dawngliana kutah hlanin District Missions Treasurer hian District Missions aiawhin District Kohhranpui hnenah lawmthu a sawi bawk.
———-
Missions Campaign thawhkhatna atan fehchhuak:
North Mizoram District Missions Dept chuan kum tina an lo tih thin angin Jan 14, 2024 Pathianni khan Missions Campaign neiin Campaigner te an a thawhkhat nan an fehchhuak a. Bial 20 chuang tuamin mithahnem ngaite hnen atangin Missions rawngbawlna tur atan Nuai 70 chhuang an hmuchhuak a ni.
———-
Lehkhabu Release:
UPC-North Mizoram District Literature buatsaiha ziah Inkhawm Kaihhruaina Bu chu Jan ni 12, chawhnu dar 1:30Pm khan UPC-NEI, North Mizoram District Superintendent Rev. Chhiarpuia’n a tlangzarh..
Lehkhabu tlangzarh inkhawm hi District Office, Tuikhuahtlangah neih niin; Rev. K Lalduhsanga, Dist, Secretary leh Literature Chairman ni bawk chuan a kaihruai a, Rev. K. Darsailova, Former gen. Supdt. Chuan lehkhabu thlirletna a nei a, Rev. Chhiarpuia, Dist. Supdt. Chuan Lehkhabu chu a tlangzarh a ni.. he inkhawm kaihhruaina bu North Mizoram District Literature Board buatsaih niin a bu 1 Rs. 60-a zawrh niin; North Mizoram District UPC Bookstal-ah lei theih nghal a ni.
Facebook