GENERAL HRUAITUTE PROGRAMME:
General Superintendent Rev. R. Lalrinsanga leh General Secretary Rev. Zohmingthanzama te chuan February 9- 11, 2024 chhung hian UPC of Bangladesh in Apostolic Conference, Dacca hmun a an neih chu telpuiin hun an hmang ang. Apostolic Conference hmanpui tur hian General PYD OB 3 te bakah Rev. R. Lalrinmawia, Tripura District Superintendent te an kal tel bawk a ni..
General Treasurer Rev. Lalmalsawma Sailo chuan February ni 9-11 chhung a Bazar Bial AED Conference hman puiin, Speaker ah a tang ang.
General Missions Director Rev. R. Laichhingpuia leh General Missions Secretary Rev. R. Vanlalawia te chuan February ni 9-11 chhunga Andaman Missions Field Conference vawi 2-na Port Blair, Prothapur a neih chu an hmanpui.
———-
KOHHRAN SUM AUDIT:
February ni 6 atanga ni 8, 2024 chhung khan General Hqrs. Office, Mualpui Salem veng, Aizawl ah Kohhran sum Audit a ni.
General Hqrs. Account hrang hrang bakah General Administration hnuaia Department leh Committee peng hrang hrang te sum Audit a ni a, Auditors te hi Rev. H. Lalropuia, Rev. PC. Lalfakawma leh Rev. K. Lalduhsanga te an ni.
———-
———-
CHHIMTUIPUI DISTRICT
CRUSADE HMANG:
Chhimtuipui District PYD Executive meeting thurel bawhzuiin February ni 2-4.2024 chhung khan Thiahra Local ah crusade neih a ni. Evan. K. Rinthara Dist PYD President chu speaker ah hman a ni a, Dist PYD Secretary, Dist PYD Asst Secretary ten he crusade hi hovin, Evan. Lalṭhafamkima, Evan. T.Lalhmingthanga, Evan. Khaching Aineh ten he hun hi an hmanpui a, Siaha West Bial leh Siaha Bial aṭangin PYD member ṭhahnem tak an kal a ni.
———-
MEMBER THAR LAWM LUT:
February ni 4.2024(Sunday zan) khan Sentetfiang Local ah Chhungkaw khat(1) LIKBK atangin Member Pathum(3) te chu UPC (NEI) member ni turin Sangau Bialtu Pastor V Lalhlimpuia’n Lalpa Isua hmingin a lawm lut a ni.
———-
BIAL CONFERENCE NEI DAWN:
1. Siaha Bial : Siaha Bial Conference vawi 49 na chu Siahatla Local Church ah Ni 8-11.2.2024 hian neih a ni dawn a. Bial hruaitu ten Inkhawmpui hi an kaihruai anga, District atangin Rev.Joseph L.Thlauhthang District Superintendent in a telpui bawk ang. Inkhawmpui chhung hian Rbt.L.Khai U, Upa C.Liannghinga, Evan.G.Lalnunzira, Rev.Joseph L.Thlauhthang, Rev.K.Kawngkharmawia te rawngbawlna an nei bawk dawn a ni.
2. Sangau Bial : Ni 8-11.2.2024 hian Bethel Local Church ah Bial Conference an nei dawn a. Speaker atan Rev.R.Sangthanga hman a ni dawn a. District atangin Rev.Lalhnehchunga leh Sist.T.T Duhtinthluaii Secretary District LAD ten an hmanpui bawk dawn a ni.
3. Tuipang Bial : Ni 9-11.2.2024 hian Phura Local Church ah Tuipang Bial conference neih a ni dawn a. Speaker atan Evan.P.Lalrintluanga New Laty Home Missionary hman a ni anga, District lam atangin Rev.Kholy Hlychho District Treasurer leh Sist.Ngilneii BW President District LAD ten an hmanpui bawk dawn a ni.
4. South Lungpher Bial : Ni 9-11.2.2024 hian Cheural Local Church ah Bial Conference an hmang anga, Speaker atan Evan.H.Lalrinawma Aizawl an hmang dawn a ni. District atangin Rev.W.L Thanghre District Secretary leh Sist.L.Nitei Treasurer District LAD ten an hmanpui bawk dawn a ni.
———-
DISTRICT LAD CONFERENCE PUALIN COMMITTEE NEI:
March ni 1-3, 2024 chhung a Chhimtuipui District LAD Conference neih tur, Tuipang ‘L’ Local a nghah chu a thlengtu Local lam inbuatsaihna pawh kal chho zelin, Ni 6.2.24 zan leh Ni 7.2.24 zan khan Joint meeting neih a ni a. He meeting ah hian Sectional pastor leh sectional secretary ten telpuiin meeting tluang takin an nei.
1. District LAD Conference hmanna tur hi Biak In sak mekah a ni dawn a,Conference pual inbuatsaihna atan Biak In chung cheng Nuai li seng in chih mek ani.
2. District LAD Conference hlawhtlinna atana pawimawhte zing ah Sound a tel avangin hawh man sang tak sen aiah tiin Sound System cheng nuai khat man vel lei nise tih a ni.
3. Conference ah ruai siam ngei nise tih a ni.
4. Mikhual mi 500 aia tlemlo dawng turin inbuatsaihna neih a ni.
5. Conference chhung hian Light lamah harsatna a awm loh nan leh eng tha zawk duhna vangin Generator 7 KVa vel a lian hman tur biak fel tawh niin bungrua dang zawng chu Rental hman nise tih a ni.
6. Banner leh Badge vel peih fel ni tawhin decoration lam pawn hmanrua an mamawh an in chah thleng mek bawk.
7. Ruahmanna dang neih ang ang te chu remchang hmasa berah rel leh mai tura ruahman a ni.
Tlang tina LAD member bak ah kohhran ho zawng zawng te a tam thei ang ber kal turin ngen leh sawm kan ni a.
———-
———-
LUNGLEI DISTRICT
BIAL PARIAT TEN INKHAWMPUI AN HMANG DAWN :
Lunglei District chhunga bial hrang hrangte chuan inkhawmpui an hmang mek a, February ni 2-4 chhung khan bial 4 te chuan inkhawmpui tluang takin an hmang zo tawh a, February ni 9-11 chhung hian bial pariat Headquarters bial, Luangmual bial, Hnahthial bial, Chhipphir bial, S.Vanlaiphai bial, Tawipui bial, Cherhlun bial leh Zawlpui bialten bial inkhawmpui hi an hmang ve leh ang.
Headquarters bial inkhawmpui vawi 44-na hi Farm veng Local-ah hman a ni dawn a, Pangzawl bialtu Pastor Rev.R.Lalsangzuala chuan a hmanpui ang.
Luangmual bial inkhawmpui vawi 25-na hi Luangmual Local ah neih a ni dawn a, bial Silver Jubilee lawmna neih nghal a ni ang a, District Treasurer Rev.PC.Lalfakawma chuan a hmanpui ang.
Hnahthial bial inkhawmpui vawi 54-na hi Hnahthial Chanmari Local-ah neih a ni dawn a, Rahsiveng bialtu Pastor Rev.B.Kamliana chuan a hmanpui ang.
S.Chawngtui Local-ah Cherhlun bial inkhawmpui vawi 48-na hi neih a ni ang a, Pukpui bialtu Pastor Rev.H.Rothuama chuan a hmanpui ang.
Tawipui bial inkhawmpui vawi 66-na hi Thualthu Local ah neih a ni dawn a, Sertlangpui bialtu Pastor Rev.R.Lalramhluna chuan a hmanpui ang.
Sekhum Local-ah Chhipphir bial inkhawmpui vawi 40-na hi neih a ni ang a, District PYD President Evan.C.Lalremchhunga chuan a hmanpui ang.
Zawlpui bial inkhawmpui vawi 10-na hi Putlungasih Local ten an dawl dawn a, District Sunday School Director Evan.PC.Zosangliana chuan a hmanpui ang.
Muallianpui Local-a neih tur S.Vanlaiphai bial inkhawmpui vawi 9-na hi Theiriat bialtu Pastor Rev.K.Lalchhuansanga chuan a hmanpui ang.
———-
———-
AIZAWL EAST DISTRICT
Bial Inkhawmpui hmang mek:
Aizawl East District chhunga Bial hrang hrangte chuan February 9, Zirtawp zan atang khan Bial inkhawmpui a rualin an hmang mek. Inkhawmpui tan zan khan Local hrang hrang te hnen atangin report ngaihthlak a ni a, bial thenkhat chuan Revival inkhawmin hun an hmang nghal a ni. Inrinni nileng khan Bial chhung inawpna leh District-a lut tur ngaihtuahin rorelna hun neih a ni. Bial inkhawmpui-ah hian Speaker hranpa leh Thupui nei an awm laiin Bial thenkhat-ah chuan Speaker hranpa nei lovin Bial hruaituten thusawi rawngbawlna an nei thung a, Bialtu Pastor Speaker-a hmang an awm bawk a ni. Pathianni Chawhnu Inkhawm-ah hian Lalpa Zanriah Sacrament kil hona neih a ni anga Bial chhunga kohhran member boral sunna hun inkhawmpui chhung hian bial hrang hrangte hian an hmang bawk ang.
Aizawl East District chhungah hian Bial 31 awm mek in Bial inkhawmpui hi District Hruaitute’n hmun hrang hrang-ah hetiang hian an hmanpui a ni.
District Superintendent Rev KVL Hmangaihkima chuan Chhingchhip Bial-ah a hmang a,
District Secretary Rev R.Laltlankima chuan Khawlian Bialah hmanpuiin
District Treasurer Rev H.Lalropuia chuan Darlawn Bial-ah a hmanpui bawk a ni.
———-
Audit:
Aizawl East District hnuaia Kohhranpui leh Department hrang hrangte sum chu February 5, Thawhtan atang khan endikna, Audit neih a ni a, February 8, Ningani khan audit hi zawh fel a ni. Heng sum te hi District Board in alo ruat tawh angin Rev Rosanga Kawlni, Rev C.Lalmalsawma bakah Rev E.Vanlalpeka Zote leh Upa Jimmy L.Renthlei te chuan endikna, Audit hna an thawk a, audit atanga a lan danin Kohhranpui leh Department te hian kum hmasa lam aiin sum leh paiah hmasawnna a hmu a ni.
———-
Kahrawt Bial, Dinthar Biakin hawn a ni:
February 3, Inrinni khan Dinthar Biak In, Kahrawt Bial a mi chu hawn a ni. He Biak In hi United Pentecostal Church of North East India, Aizawl East District Biak In pakhat ni turin Rev VL Hnemtluanga, Director Missions Department chuan a hawng a ni. A hawn ni hian he kohhrana rawng lo bâwl tawh thin Evangelist te, Rev R Lalhawia leh Rev HL Thakunga te an kal thei a, Bialtu Pastor, Pastor F. Malsawmtluanga kaihhruaina hnuaiah hlim taka hun hmangin, tlai lamah Biak in thar lawmna ruai hlimtakin Kohhran ten an kîlho a ni.
Dinthar Biak In hmun nei tur hian hun harsa tak Kohhran ten tawkin tuna Biak In thar hawn a ni thei ta hi an lawm hle a, khatih hun laia Bialtu Pastor Rev VL. Hnemtluanga thahnemngaina a zarah leh Pathian malsawmna dawngin Biakin hawn a ni ta hi Kohhran te an hlim hle a ni.
———-
Kohhran puitlingah hlang kai:
February 4, Pathianni khan Keifang Police Veng Preaching Point chu Rev K VL Hmangaihkima, District Superintendent chuan Kohhran Puitling ni turin a hlangkai. He hun hi Upa Lalbiakzama (Assembly Speaker) chuan a hmanpui a, Bial chhung mi engemawzat in an tel pui bawk. Bial chhung Kohhran leh Department atang te in Rs. 28,000 lai thilpek an dawng a ni. Police Veng Kohhran ah hian Member 74 an lawi mek a, Chhungkua 14 an ni mek a ni
———-
Mithar:
February 4, Pathianni khan District chhung hmun hrang hrangah hetiang hian mithar neih a ni:
Ngopa Bial, Teikhang kohhrana lawi turin Pastor C. Lalropuia’n mi pathum, puitling pahnih leh naupang pakhat Lalpa Isua hmingin a lawm lut a. Naupang hi Lalpa Isua hminga hlan nghal a ni.
Evan H Malsawmthanga, District Full time Evangelist rawngbawlna atangin Zemabawk Bethel Kohhranah Mithar 1 chu lawmluh a ni. Mithar hi Evan H Malsawmthanga hian Baptisma a chan tir nghal bawk.
Serchhip Bial, Ngentiang Kohhranah Mithar 5 chu Evan Lalhmingmawia’n a lawmlut bawk. Inkhawm banah Baptisma rawngbawlna neih nghal a ni a, Mithar te bakah midang 3 in Baptisma an chang nghal a ni. Ngentiang ah hian District Evangelist Evan Lalhmingmawia hian rawngbawlna a nei a ni.
Bawngkawn bialtu Pastor Rev Vanlalfela Ramtiam chuan members pathum chu Bawngkawn kohhrana lawi turin Lalpa Isua hmingin a lawmlut bawk.
Zokhawthar Kohhran ah mithar 6 chu, Bro H Laltlanzela, Missions Evangelist in a lawmlut bawk.
Darlawn Bial, Sunhluchhip Kohhran ah Ni3.2.2024(Inrinni) zan inkhawmah Evan HK Lalhunthara rawngbawlna atangin Mithar 5 chu lawmluh an ni bawk.
———-
Hruaitute Programme:
District Missions hruaitute: Rev VL. Hnemtluanga, Director, Evan C. Lalremruata, Secretary leh Evan Lalramzauva, Treasurer te chuan Andaman Missions Field Conference hmanpui tur leh hmalakna enpui turin Andaman hmunah rawngbawlna an nei mek a, ruahmanna ang chuan February 14-ah Aizawl an let leh ang.
———-
———-
NORTH MIZORAM DISTRICT
MIC SERVICE:
February ni 4, 2024 khan Kolasib Venglai Bial PYD Kumpuan Sub-Committee chuan Hebron PP-ah Mic Service an nei a, member thahnem tak an kal.
Mic Service-ah hian Evan. Vanlalhruaitluanga, Hebron PP Tirhkohin thu a sawi a. Hebron Biak In sak mek kawtah hun an hmang a ni.
———-
MAUBAWK KOHHRANAH DISTRICT MISSION DIRECTOR-IN CAMPAIGN/APPEAL NEI:
February ni 4, 2024 (Pathianni) Chawhma inkhawmah Rev. Lalramthanga, Dist. Mission Director chuan Missionary Support campaign a nei a, Appeal neih zui nghal niin Maubawk Kohhrana Missionary Support dan chu hetiang hi a ni :
Châwmtu (Dept. telin) : 38
Missionary châwm zât : 52 (₹312,000)
Support : Mi 67 (₹55,050)
———-
HRIATTIRNA:
North Mizoram District hnuaia Licence dilna, PSM zirtur, Conference agenda leh District board agenda District a thehlut tur ten ni 20 February 2024 ral hma in District Secretary hnenah thehluh tur a ni e.
Evangelist hna dilte leh PSM diltu ten kohhran recomment na thil tel tur a ni e. Evangelist hna dil te hian an hna dil,speaker emaw awmhmun nghet emaw an dil ziahlan tel tur a ni e.
Rev.K.Lalduhsanga
Secretary
———-
KOLASIB RENGTEKAWN BIAL PASTOR QUARTERS HAWNG:
Dt. 7th February, 2024 (Nilaini) Dar 11:00 AM hian Kolasib Rengtekawn Bial, Pastor Quarters chu Rev. Chhiarpuia, District Superintendent, NMD chuan Lalpa Isua hmingin a hawng.
Pastor Quarters hawnna inkhawm hi Rev. C. Lalthlengliana, Bialtu Pastor-chuan kaihruaiin, Pastor quarters hlanna, mal zai, technical report ngaihthlakna, thusawi, District Building Committee atanga thusawi, thilpek hlanna, lawmthu sawina leh zai hona te neih a ni.
Kolasib Rengtekawn Bial, Pastor Quarters sakna hmun hi Rs. 20,00,000/- in District in a leia, asakna atana hmanral zawng zawng hi Rs. 18,61,319/- niin, a dung 60 ft leh a vâng 36 ft a sak a nia, May 2023 atanga sak tan niin February, 2024 sak zawh a ni. Tin, hnatlang tha 117 lai sen a ni bawk a ni.
———-
Mithar:
February ni 4, 2024 khan Nisapui kohhranah mithar pahnih (nu fa) lawm luh a ni a, nau hlan anih bakah baptisma chantir nghal a ni bawk. Nisapui hmunah hian Evan. Vanlalhluta rawngbawlin a awm mek a ni.
Facebook