MISSIONS DEPARTMENT RISING DAY
February ni 25 hi UPC North East India Kohhran ni pawimawh General Missions Department Rising day a ni a, November ni 26, 2022-a General Missions Department Conference rorelnain a pass ang leh General Executive Board 2022-in a pawmpui angin, Kummin 2023 a tang hian hman tan a ni. He ni pual a Thuchah chu General Missions Director Rev. R. Laichhingpuia chuan UPC North East India Media cell Pennet kal tlangin puan chhuahna a nei a ni.
———-
GENERAL HRUAITUTE PROGRAMME:
General Superintendent, Rev. R. Lalrinsanga chuan February ni 24 atanga 26 chhung hian Barak District Conference, Khangbor a neih chu hmanpuiin rawngbawlna a nei a, Barak District Board atel pui bawk ang.
General Secretary Rev. Zohmingthanzama chuan February ni 24 atanga 26 chhung hian Chandel District Conference vawi 56-na, UPC Headquarters Rungchang a neih chu hman puiin, Thusawi rawngbawlna a nei ang.
General Treasurer Rev. Lalmalsawma Sailo chuan February ni 24 atanga 26 chhung hian Tripura District Conference vawi 13-na, Darchawi a neih Speaker-ah tangin rawngbawlna a nei ang.
General Sunday School Director, Rev. Biaksangzuala chuan February ni 23 khan Aizawl chhuah sanin N. Bengal & Sikkim Missions Field, Kumarpara hmun ah Sunday School Seminar a neih pui ang.
———-
AIZAWL EAST DISTRICT
District PYD Conference hlim taka hman zawh a ni:
Aizawl East District PYD hnuaia inkhawmpui lianber, District Conference vawi 29-na chu Zemabawk Vengpui Biakin February 17, Zirtawp zan atanga Pathianni zan thleng khan hlim taka hman a ni.
Inkhawmpui tan zan, Zirtawp zan kha Rev C.Lalmalsawma, District PYD President chuan inkhawm a kaihruai a, Rev. VL.Hnemtluanga, District Missions Director chuan inkhawmpui hlanna neiin palai lawmna thu, Rev. R.Malsawma, Zemabawk Bialtu Pastor hnen atangin ngaihthlak a ni bawk. Inkhawmpui tan zan hian District PYD in Kum 2023-a PYD Inkhawm thupui zirbu a siam chu Rev. H.Lalropuia, District Treasurer chuan tlangzarhna a nei a, Education Sub- Committee te buatsaih Education Compendium tih chu Rev C.Lalthantluanga, General PYD President chuan tlangzarhna a nei bawk a ni.
Inrinni nileng khan inkhawmpui rorel Zemabawk Sunday School Hall-ah neiin rorel velo tan Biakin-ah Worship service hun hman a ni bawk. Inkhawmpui rorel hian Kum 2027 District PYD Conference chu Kawlkulh Bial-ah a nghat a, ruatsa angin Kum 2025-ah N. Vanlaiphai Bial-ah inkhawmpui hi an hmang leh dawn a ni. Thalai enkawl ngaite enkawlna hmun tur din tura hmalak ni se tih niin Kumpuan thupui zirbu buatsaih leh tura tih a ni a, Skill Development Training Centre din tura hmalak ni se an tih bakah Kum 2023 chhung hian HIV/ AIDS leh drugs hman sual laka thalaite an him theih nan hmalak ni se an ti bawk a ni.
Report atanga alan danin tunah hian UPC- Aizawl East District-ah hian Pastor Bial 31 awm mekin PYD member sangsarih zariat chuang an awm a, Kum 2022 chhung khan zuk leh hmuam nghei thar mi 331 awmin PYD hi khaw 138-ah din a ni a, kum 2022 khan PYD rawngbawlna atangin mithar 50 chuang Kohhranah sengluh an ni bawk.
Biakin-a worship service neih hi Pastor Vanlalnghaka, Zohmun Bialtu Pastor chuan kaihruaiin Pastor Vanlalrosiama, Sakawrdai Bialtu Pastor leh Evan HK Lalhmangaiha, District Fulltime Evangelist te hnen atangin thusawi ngaihthlak a ni a, Bial hrang hrang atangin zai ngaihthlak a ni bawk.
Kumin Aizawl East District PYD inkhawmpui-ah hian thupui-ah “Chak takin awm rawh u” I Korinth 16:13 thu hman niin thupui thensawm hmang hian heng mite hian thusawina an nei thin a ni:
Zirtawp zanah “Chak takin awm rawh u”- Thianghlimnaah- Evan JH Lalhminghlua, Thingsulthliah Bial PYD President
Inrinni zanah “Chak takin awm rawh u”- Rinawmnaah – Rev. Paovum Singson, Imphal District PYD President
Pathianni chawmaah “Chak takin awm rawh u”- Thlarauah- Rev. C.Lalmalsawma, District PYD President
Pathianni chawhnuah “Chak takin awm rawh u”- Kohhranah- Pastor Laltlanhlua Hnamte
Pathianni zanah “Chak takin awm rawh u”- Thuthlungah – Rev KVL.Hmangaihkima, District Superintendent
Inrinni zan inkhawmah khan District LAD leh Sunday School Department ten chibai bukna neiin Education Sub- Committee leh Kumpuan Sub-Committee ten Bial leh Tualchhunga hma la thate hnenah lawmman semna hun an hmang bawk a ni.
Pathianni chawhma inkhawmah khan General PYD leh North Mizoram District PYD atangin palai chibai bukna nei bawkin Pathianni chawhnu inkhawmah District Missions Departrment ten chibai bukna an nei bawk a, North Bengal & Sikkim Missions Field Director, Pastor FK Lalchawiliana hnen atangin thusawi tawi ngaihthlak a ni bawk.
Pathianni zan inkhawmah District PYD in lawmman sem tur a neih hrang hrangte semna hun hman a ni bawk.
UPC- Aizawl East District PYD inkhawmpui hi General PYD hruaitute bakah North Mizoram District PYD hruaitute, Imphal District atang leh North Bengal & Sikkim Missions Field atangin an hmanpui bawk a, North Bengal & Sikkim Missions Field atanga kal PYD te hian Item hrang hrang inkhawmah hian an nei thin bawk a ni.
———-
Licence la tharte pualin hun hmang:
February 22, Nilaini khan District Committee room-ah Aizawl East District chhunga Licence la tharte pualin hun hman a ni. He hun hi Rev KVL.Hmangaihkima District Superintendent chuan a kaihruai a ni. He hun hmanah hian Licence la tharte hi an fellowship card leh Certificate hlan an niin District hruaitute hnen atang hian fuihna thu ngaihthlak a ni bawk. Kum 2022-ah khan Aizawl East District chhungah hian General Licence mi 3, Local Licence mi 2 leh Bible Women mi 2 bakah Ordination Licence mi 1 ten an la thar a ni.
———-
Puanthui zirtirtu interview neih a ni:
Aizawl East District LAD ten puanthui zirna an hawn tura Zirtirtu tur lakan, Interview chu February 22, Nilaini khan District Committee room-ah neih a ni. He hun hi Sis. Zionparmawii, District LAD President chuan kaihruaiin District Kohhranpui hruaitute pawhin an telpui a ni. District LAD Tailoring Board-ah hian Aizawl khawpui chhunga Bial hrang hrang atangin Board member ruat an ni a, heng tailoring board te hian interview hi neiin diltu mi 7 zingah Sis. Lalramnghahchhani, Bethlehem chu lak a ni. Puanthui zir dil pawh mi engemaw zat awmin March thla hian interview neih leh tur a ni dawn a ni.
Aizawl East District LAD Conference kum 2022-a neih chuan puan thui zirna, Tailoring Centre hawn ni se tiin alo passed tawh a, a bawhzui dan tur District Board kuta dah a nih angin District Board chuan Tailoring Centre board dinin, Tailoring Centre board hian chak takin hma a la a, District Building hlui top floor chu puan thui zirna atan District-ah dil niin phalsak an nih angin tunah hian class kal thei turin chak takin hma a la mek a ni. Class hi April 3 atanga kal tan tur a ni dawn a ni.
———-
Mithar leh baptisma chang thar:
February 12, 2023 (Pathianni) khan Khawlailung Bunghmun kohhrana lawi turin mithar pakhat sengluh a ni. He lawmluhna hun hi Evan C. Lalropuia, District Evangelist chuan a nei a. Tunah hian Bunghmun hmunah rawng a bawl mek a ni.
February 16, Ningani khan Thingsulthliah Bial CTI ah Thuthlung rawngbawlna neih a ni a. Bialtu Pastor V.Lalnienga kutah mithar 1 in sual ngaihdamna baptisma a chang a ni.
February 19, Pathianni khan Upper Republic Kohhrana lawi turin Member 4 sengluh an ni.
February 19, Pathianni vek khan Keifang Chehrep Preaching Point-ah Evan Philip VL. Hmuchhuaka rawngbawlna kaltlangin member 6 Kohhranah Bialtu Pastor J Lalhmingsanga chuan a senglut a ni.
Saitual Bial Tualbung Kohhrana District Evangelist Sawmtea te rawngbawlna kaltlangin Mithar 1 leh Member nisa 4 ten sual ngaihdamna Baptisma an chang bawk a ni.
February 22, Nilai zan khan Keifang Kohhranah Mithar 1 sengluh a ni a, sengluhna hi Bialtu Pastor J.Lalhmingsanga chuan a nei a ni.
———-
Hruaitute Programme:
Rev KVL.Hmangaihkima, District Superintendent chuan February 23, Ninga zan atang khan Saitual Bial, Tualbung Kohhrana Revival Crusade hman mekah Speaker-ah tangin rawngbawlna a nei a, ruahmanna ang chuan Thawhtanni-ah Aizawl a let leh ang.
Rev R.Laltlankima, District Secretary chuan February 17 atanga 19 chhunga Saiha West Bial ten Bial inkhawmpui an hmanah Speaker-ah tangin rawngbawlna a nei a ni.
Rev H.Lalropuia, District Treasurer chuan February 26, Pathianni hmang hian N. Vanlaiphai Bial-ah District Missions Support zawngin rawngbawlna a nei a, District Conference Leilet Kohhrana neih tura inbuatsaihna a enpui nghal dawn a ni.
Rev VL.Hnemtluanga, District Missions Director chuan Lawngtlai West District PYD Conference Diltlang South-a hman mekah Speaker-ah tangin rawngbawlna a nei a ni.
———-
———-
LUNGLEI DISTRICT
BIAL PARIATIN INKHAWMPUI AN HMANG ZO :
February ni 17-19 chhung khan Sertlangpui bial, Pukpui bial, Thenhlum bial, Thingsai bial, Theiriat bial, Haulawng bial, Rahsiveng bial leh Pangzawl bialten bial inkhawmpui an hmang a, Lunglei District chhunga bial 20 te chuan inkhawmpui hi an hmang zo ta a ni. Hetiang hi bial 8 te hun hman dan leh an rorelte a ni.
i) SERTLANGPUI BIAL : Sertlangpui bial inkhawmpui vawi 46-na hi S.Lungdai Local-ah hman a ni a, District Superintendent Represent-in Hnahthial bialtu Pastor Rev.VL Hmuaka chuan a hmanpui. Bial Kohhranpui rorelna chuan Financial Campaign neih nise tha a tih bakah District-a lut tur engemawzat an ngaihtuah bawk.
ii) PUKPUI BIAL : Pukpui bial inkhawmpui hi Bazar Local Biak inah hman a ni a, Tawipui bialtu Pastor Rev.R.Vanlalenga chuan a hmanpui. Bial kohhranpui chuan Pastor Quarters-ah tui Connection thar pakhat lak belh nise an tih bakah Tui dahna tur 5000 ltr. dah nise an ti a, Mattress 7 lei nise an ti bawk.
iii) THENHLUM BIAL : Thenhlum Local-a neih Thenhlum bial inkhawmpui vawi 33-na hi District Superintendent Represent-in Headquarters bialtu Pastor Rev.C.Hmingthanfala chuan a hmanpui a, inkhawmpui thupui ah ‘Chanchintha hi hril rawh u’ Marka 16:15 chu hman a ni. Bial kohhranpui chuan Pastor Quarters Committee Room-ah inthiarna siam leh thutthleng lei nise an tih bakah kum 2024 Section Conference-na hmun atan Lungchem Local an ruat bawk.
iv) THINGSAI BIAL : Thingsai bial inkhawmpui vawi 33-na hi Thingsai Local Biak inah hman a ni a, District Superintendent Rev.C.Vanlalena chuan a hmanpui a, kohhranpui chuan thu pawimawh tak tak an rel zingah kumin chhungin bial huap rawngbawltu Seminar neih nise tha tih a ni a, Pastor Quarters Property lei belh nise an tih bakah nakum inkhawmpuina hmun atan Thingsai Local nise an ti a, District-a thlen tur an rel bawk.
v) THEIRIAT BIAL : Thaizawl Local-ah Theiriat bial inkhawmpui vawi 33-na hi hman a ni a, District Missions Director Rev.C.Lalhriatpuia chuan a hmanpui. Inkhawmpui thupuiah hian Isua lo kal lehna tih chu hman a ni a, February ni 18 Inrinnia Kohhranpui rorelna chuan Bial hruaitute leh Department hruaitute tan Account Training buatsaih ni se, Section Conference Programme-a Pathianni chawhnu Sacrament inkhawm buatsaih ni thin hi tihtawp ni se an tih bakah Kum 2023 chhungin bial chhung Local hrang hrangten, Pathianni inchhawkin Sethlun Local inkhawmpuina neih ni se an ti bawk. Tin, District-a thlen tur thu pawimawh tak tak an ngaihtuah bawk.
vi) HAULAWNG BIAL : Haulawng bial inkhawmpui hi Haulawng Lalveng biak inah hman a ni a, District Superintendent Represent-in Luangmual bialtu Pastor Rev.Lalbiakdika Chawhte chuan a hmanpui a ni. February ni 18 Inrinni khan Kohhranpui chuan thu pawimawh tak tak an rel.
vii) RAHSIVENG BIAL : Sazaikawn Local-ah Rahsiveng bial inkhawmpui vawi 38-na hi neih a ni a, Chhipphir bialtu Pastor Rev.LH.Lalchhandama chuan District Superintendent Represent-in a hmanpui. Bial kohhranpui chuan bial chhung rawngbawltu boralte inralna tihpun nise an ti a, nakum bial inkhawmpuina hmun atan Rahsiveng Local an ruat bakah District-a thlen tur thu pawimawh tak tak an ngaihtuah bawk.
viii) PANGZAWL BIAL : Pangzawl bial inkhawmpui vawi 38-na hi Lungmawi Local-ah neih a ni a, District Secretary Rev.C.Lalrintluanga chuan a hmanpui. February ni 18 Inrinni ah Kohhranpuiin rorelna an nei a ni.
———-
———-
NORTH MIZORAM DISTRICT
HRUAITUTE PROGRAMME:
DISTRICT SUPERINTENDENT: Dist. Supd. Rev. Chhiarpuia chuan Feb ni 23 Ninganni khan Zawlnuam Bialtu Pastor, Pastor Lalduhsaka Saza leh Sist. Lalsiamliana te Isua hminga kut insuihtirin Rengdil Kohhran Biak inah hun a hmang a. Hei bakah hian Feb ni 24th – 26th chhunga hman tur Tripura District Confe a hmanpui bawk a ni.
DISTRICT TREASURER: NMD DIST. Treasurer Rev. C. Lalthantluanga chuan Feb ni 24th – 26th Zirtawp zan atanga Pathianni zan thleng awh tur UPC-N.E.I Chandel District Conference neih tur a hmanpui ang.
DISTRICT MISSIONS DIRECTOR: Dist. Missions Director Rev. C. Lalramthanga chuan Feb ni 24th Zirtawpni atanga feb ni 27th chhung hian Home Missions Field-a Const hmalakna hrang hrang te tlawhin a fehchhuak ang a, Feb. 28th thawhlehniah Office-ah dawr theihin a lokir leh ang.
DEPARTMENT HRUAITUTE PROGRAMME: North Mizoram District LAD Hruaitu pathum Sist. K. Lalhmachhuani B/w, President, Sist. Krosschhuanawmi B/w Secretary leh Sist. Chhuankungi B/w Treasurer te chuan Feb ni 23th – 26th Zirtawp zan atanga Pathianni zan thleng awh tur UPC-N.E.I Barak District Conference neih tur hmanpuiin, Feb ni 24 Zirtawp zan hian NMD LAD hruaitute hian Chiabai bukna te, tanna hunt e bakah thuhrilhna hun te an hman dawn a ni.
———-
BUKPUI BIAL QUARTERS SAK DAN TUR EN:
Feb ni 20th thawhtanni khan NMD Building committee in ruahmanna a lo siam tawh angina. NMD Tresurer Rev. C. Lalthantluanga leh Rev. PC Laltlankima te chuan
Bukpui quarter sakdan tur enin Distric Treasurer Rev.C.Lalthantluanga leh Rev.PC.Tlankima Kawnpui pastor te kalin Bukpui bial pastor leh bial hruaituten anlo dawng sawng.
———-
NORTH MIZORAM DISTRICT CONFERENCE VAWI 73-NA HMANG DAWN:
UPC, N.E.I North Mizoram District chuan Thla thar March ni 2nd – 5th Ningani zan atanga pathianni zan thleng awhin District Conference vawi 73-na, Thenzawl-ah an hmang dawn.
Thenzawl Bialte hian Dist. Conference thlen nan hian Thenzawl Field Veng ruahmanin Conference thleng tur hian Thenzawl Bialte pawh an inpeih thawkhat hle.
NMD Conference hi Palai lawm inkhawm march ni 2nd Pathianni zanah Rev. H. Zakiamlova, Pensioner in a hawng ang a, Confe chhung hian Inkhawmpui thupui “Kohhran” tih hmangin thupui then hrang hrang te heng 1) Upa C. Lalnunmawia, Hqrs Bial 2) Rev. C. Lalthlengliana, Kol. Rengtekawn Bial 3) Rev. K. Lalduhsanga, Dist. Secretary, North Mizoram District 4) Rev. R. Lalrinsanga, Gen. Supdt. (UPC-NEI) bakah 5) Rev. Chhiarpuia, Dist. Supdt. NMD te an sawi ang.
Confe-ah hian Zaipawl hrang hrang 1) Thenzawl Bial PYD 2) Thenzawl Field Veng PYD Zaipawl 3) General PYD Choir leh NMD PYD Zaipawl te an zai ang a, Mal zaiah heng i) Rebek Remsangpuii ii) Lalnuntluangi iii) Lalruatdika iv) Lalneihpuii leh v) Lalfakzuali te an zai bawk dawn a ni.
March ni 3rd Zirtawpni ah Conference report kohhranpui leh Department hrang hrang atanga report ngaihthlak a nih bakah Dist. In Lawmman hrang hrang a buatsaih te sem a ni bawk dawn a ni.
March ni 4th Inrinni nilengin Conference rorel neih ni bawkin, Inrinni zan atangin revival inkhawmin confe tiak zan thleng hman a ni bawk dawn a ni.
———-
NMD MISSIONS DEPT. DISTRICT BOARD MEETING NEI:
Feb ni 21 (Thawhlehni) Dar 11:00Am khan Dist. Missions Director Rev. C. Lalramthanga kaihhruaiin, NMD Office, Committee Room-ah District Board Meeting Missions Deptt chuan a nei. Missions Dept Board hi District hruaitu pathum Rev. Chhiarpuia Dist. Supdt. Rev. K. Lalduhsanga, Dist. Secretary, Rev. C. Lalthantluanga, Dist. Treasurer ten an ho bakah General Missions Director Rev. Laichhingpuia’n Board meeting hi a ho bawk.
Board Meeting-ah Dist. Supdt Rev. Chhiarpuia’n thusawiin; Board member te leh hruaitute thawhhonaah fakawm a tih thu a sawi a, Dist. Missions Deptt. Hmasawnnaah lawmthu a sawi a, Kohhranin harsatna alo tawh tawh atanga khaw eng leh leirem a rah chhoh mek chungchangah sawi tur tul te a sawi bawk.
Rev. Laichhingpuia Gen. Missions Director in thusawi bawkin NMD te harsatna MZ UPC te nena thubuai an neih chinfel a nih tak chungchangah lawmpuina thu a sawi a, NMD Missions Dept te General chhawmdawl hna thawh kawngah District tangkai leh thlamuanpuiawm a nih thu a sawi bawk a ni.
Board rorel tlangpui te:
1) Damdiai MF leh Sihthiang MF Biak in sak that a tul tawh avangin sak that ni se Rs. 4,00,000 ve ve sanction nise tha tih tlan a ni.
2) District Missions inkaihhruaina Dan Bu, Revice committee kuta dah leh Committee ina a zirchiana a ennawn te, Dist. Board-ah Revice committee Chairman Evan. Lalchhuanmawia Sailovi’n a pharh chu sawi zauvin, Board member ten ngun zawka lo zir a, ngaihtuah nawn nise tha tih a ni.
3)NMD Home Missions Field te, Bial missions hruaitu ten a tlawh ni se tha tih a ni a, District Missions OB ten kal chhuah dan tur ruahmanna lo siam se tih a ni.(Gen. Missions Field tlawh hunah Bial Director te an theih lohin an aiawh intirh nise tih pawm tlan a ni.)
4) Bairabi Bial chhunga awm Kananthar MF Missionary quarters sak that ni se tha tih a ni.
5) Missionary te leh Casual/Native worker te hian Bru tawng an thiam theihnan hma lak ni se tha tih a ni 6) Home Mission Field te tana Visual sermon neih dan ruahmanna siam chu passed a ni bawk.
———-
PG HIGHER SECONDARY SCHOOL FAREWELL FUNCTION HMANG:
UPC-North Mizoram District enkawl Pentecostal Gateway Higher Secondary School 2022 – 2023 Session kharna farewell function hlim takin Feb ni 22 khan PG School, Tuikhuahtlangah an hmang.
Function hmanah hian Principal Evan. JH Malsawmdawngliana chuan School naupangte fuihna thu sawiin; Zirlai naupangte atangin talent hrang hrang hlimawm tak tak te phochhuakin hun hlimawm tak an hmang a ni.
PG Higher Secondary School hian Feb ni 23 Ningani atangin Online Admission neiin, Online admition ti duh tan Mobile number 8794026208/7005315585 ah tih theih a ni dawn a ni. March ni 16 atangin PG Higher Secondary School-ah Admission hawn tan tur a ni ang.
———-
North Mizoram District Mission Department tan thilpek pe:
Feb ni 21st thawhlehni khan Sist. Lalrotluangi Bungkawn Pentecost kohhrana lawi chuan a thinlunga Pathian hnathawh ropui tak lo thleng avangin Ramthiam puala a tulna apianga hman turin District Missions Dept-ah Rs. 120000 a hlan.
Thilpek hi North Mizoram District Missions Dept aiawhin, Dist Missions Treasurer Evan. MS Dawngliana chuan lawm taka dawngin District Missions Dept aiawhin lawmthu alo hrilh a ni.
———-
MISSION VENGTHLANG LAD TEN DARLUNG KOHHRAN TLAWH:
Feb ni 18th -19th Inrinni leh Pathianni hmang khan Mission Vengthlang Local LAD te chuan kanghmun bial Darlung kohhran tlawhin, member 17 lai an fehchhuak a, kohhran pahnih ten hun an hmang chhung hian Msvt Local LAD Adviser Rev. HL.Dawnga chu speaker-a hman niin; Pathianni chawhnu inkhawma Kanghmun Bialtu Rev Lalhmuakliana Hnamte chuan thuchah a sawi bawk.
Mission Vengthlang LAD te hian Darlung kohhran ten an mamawh em em mai Steel thleng mawi tak 4 Dozens leh Mic Stand tha tak Darlung kohhran te hi an present bawk a ni.
———-
BAIRABI NORTH KOHHRAN LAD-TE RASDALI HOME MISSION FIELDAN TLAWH:
February 19th Pathianni khan Bairabi North Kohhran LAD te chuan Rasdali Home Mission Field-ah rawngbawla fehchhuakin Rasdali kohhrante hi Pathianni chawhma leh zan an hmanpui a, hun tha tak an hmang.
Bairabi North Kohhran LAD te hian Missionary quarters tan Carpet an hlan bakah quarters leh Biak In tualzawl plaster-na turin member kalte’n sum fai an thawh khawm bawk.
———-
MITHAR
N. Chhimluang mithar: Feb ni 22 Nilai zan khan he hmuna rawngbawla awm Evan. C. lalnunhlua rawngbawlna kaltlangin mithar 1 neih niin, rawngbawltu hian he mithar hi Lal Isua hmingin a lawmlut bawk a ni.
Serkhan Mithar: Feb ni 19 Pathianni khan Serkhan United Pentecostal Church (NEI)-a lawi turin Sis.Vanlalruati chu Evan.VLMS Dawngkima chuan Kohhranah lawmlutin, rawngbawltu hian Sual ngaihdamna Baptisma a chanter nghal a ni.
KAWNPUI KANAN MITHAR: Feb ni 19 Pathianni khan Kawnpui Kanan Preaching Point-ah, bialtu pastor Rev. PC Laltlankima chuan mithar 6 a lawmlut. mi thar lawmluhte mi tha tak tak an ni a, kohhranhote an lawm hle.
Kawnpui Kanan PP hi Member 10 pawh tling lova kum 2018 a bulṭan niin; tunah hian member 51 ni mekin Evan. F Lalnunhlua’n awpin he hmunah hian rawngbawlna a nei mek a ni.
———-
DIAKKAWN BIAL LAD IN VENGLAI BIAL LAD TLAWH:
Feb. ni 19 Pathianni chawhnu hmangin Kolasib Diakkawn Bial LAD te chuan Kolasib Venglai Bial LAD te tlawhin hun hlimawm tak an hmang. Inkhawm Sist. Kapthangpuii, Kolasib Venglai Bial LAD President-in a kaihruai a, Sist. P. Lalmuanpuii, Diakkawn Bial LAD Secy- in tanna hun a hmang a, Sist. Zoramthangi, President, Thingdawl Tlangnuam LAD chuan Pathian thuchah a sawi bawk. Bial 2 intawkkhawmte’n programme hi an hlawkpui hle a ni
———-
Feb ni 18leh ni19 Inrinni leh Pathianni hmang khan Tlangsang Local PYD te chuan Tuidam PP te tlawhin Member 13 lai an thawk chhuak. Inrinni zan atangin Pathian thlarau thianghlim hnathawh thlengin Pathian thlaraua siamtharna chang engemaw zat an awm a ni.
Tlangsang PYD te hian Tuidam kohhranin sum tuakna atana thing an lak te an ehpui a, kohhrante hi nasa takin an tanpui a ni.
———-
———-
LAWNGTLAI WEST DISTRICT
Mi thar lawmlut
February ni 19 Pathianni zan khan Darnamtlang Local Church ah Evan. Lalrindika, Darnamtlang Home Missionary chuan chhungkaw 1 member paruk awmna chu UPC North east India Kohhran a lawi turin Lalpa Isua hmingin a lawm lut a ni.
———-
DISTRICT LAD CONFERENCE HMANG
Date 17-19.feb.2023 chhung khan Lawngtlai West Dist.LAD chuan Lawngtlai bazar biakin ah conference vawi nga(5)na an hmanga rorel pawimawh tak² an neia rorel tlangpui te.
1.kum 2024 LAD conference na hmun tur chu dilna hun hawn nise,dilna hun hawn chhung a diltu an awmlo anih chuan ahmun tur chu district board kohhranpui in min ruatsak mai se tha tih tlan ani
2.conference tanpuina Cheng singthum (Rs.30000/-) ni thin kha singruk(Rs.60000/-) pek tawh nise
3.home missionary pualin kum 1 ah vawi 2 fehchhuah na neih nise
4. District LAd hming district hospital ah bench 4..Lairam hospital bench 3 christian hospital ah bench pathum(3)dah nise an ti bawk.
5.District LAD hming in state level leh achunglam sport leh zirna lam a ti tha te hnenah chawimawi na pek ve ni se.
———-
KUT ZIAK VEKA BIBLE ZIAK CHHUAK CHAWIMAWIMAWINA HLAN
Lawngtlai West District LAD chuan an member zinga kut ziak veka Holly bible ziak chhuaktu Sist.F.Tlangpari Lawngtlai Chandmary Locala lawi chu chawimawina thu ziak an an hlan a ni.
Chawimawina hi date.17-19.feb.2023 Dist.Conference ah an hlan a ni.
Facebook