LITERATURE AND PUBLICATION BOARD
February 15, 2023 Nilaini khan UPC North East India Literature & Publication Board chu General Headquarters Committee Room, Aizawl ah thutkhawm a ni.
He Meeting hi Literature & Publication Board Chairman Rev. Zohmingthanzama chuan kaihruaiin an thu rel thenkhat te:
1. Kum 2024 UPC North EastIndia Kohhran Beihrual Thupui zir tur Rev. K. Satinvela ziah chu thlir ho niin a hma thei ang ber Edit a chhut ni se tia pass a ni.
2. Minister’s hand book – Rawngbawltute tanpuitu Rev. P. Chunga lehlin chu chhut tur a hmalak ni se tih a ni
Heng bak ah hian Piantharna thu The new Birth chu Editna neih a ni bawk.
———-
GENERAL HEADQUARTERS BUILDING COMMITTEE
February 16, 2023 Nilaini khan UPC North East India General Headquarters Building Committee chu Chairman Rev. R. Lalrinsanga kaihhruaiin General Headquarters Committee Room, Aizawl ah neih a ni.
Meetingah hian General Headquarters Compound, Mualpui Salem venga Building sakna tur ruahmanna hrang hrang an thlir ho bakah, Calvary BIble College (CBC) hmun thar tur Mualpui, Aizawl a mi chu Thuneitute lam atanga tihfel ngaite tih fel a nih tawh angin a sak bul tan tur a rel a ni bawk.
———-
Association for Environmental Preservation (ASEP) in General Heaqduarters ah seminar an nei:
February 17, 2023 Zirtawp ni khan Association for Environmental Preservation ASEP bultum in Awareness Seminar & Installation of Artificial Nest Box Programme General Headquarters Office ah neih a ni.
Evan. K.Lalmuansanga ASEP President, hnen atangin Nungchate humhal pawimawhna leh tulna te ngaihthlak niin Artificial Nest Box (Sava bu siam chawp) Programme-an kalpui dan te ngaihthlak a ni a, Pu Hmunsiama ASEP member hnen atangin Special Item ropui tak, Sava hram dan hrang hrang mawi tak tak ngaih thlak a ni bawk. General Superentendent Rev. R. Lalrinsanga chuan ASEP ten Programme pawimawh tak UPC General Headquarter a an rawn neih a vangin lawmthu a sawi a ni.
General Headquarters Compound chhunga (Ngaw) Thing hmuna dah tur in ASEP Hruaitute hian Artificial Nest Box (Sava bu siam chawp) hi bu 5 an pe bawk a ni.
———-
———-
LUNGLEI DISTRICT
BIAL PARIATIN INKHAWMPUI HMANG MEK :
February ni 17 Zirtawp zan atang khan Sertlangpui bial, Pukpui bial, Thenhlum bial, Thingsai bial, Theiriat bial, Haulawng bial, Rahsiveng bial leh Pangzawl bialten bial inkhawmpui an hmang tan a, hetiang hi bial hrang hrangte hun hman dan a ni.
i) SERTLANGPUI BIAL : Sertlangpui bial inkhawmpui vawi 46-na hi S.Lungdai Local-ah hman a ni a, District Superintendent Represent-in Hnahthial bialtu Pastor Rev.VL Hmuaka chuan a hmanpui. February ni 17 Zirtawpni khan Missions Department leh Sunday School Department-ten rorelna an nei a, February ni 18 Inrinni khan Kohhranpuiin ro an rel bawk.
ii) PUKPUI BIAL : Pukpui bial inkhawmpui hi Bazar Local Biak inah hman mek a ni a, Tawipui bialtu Pastor Rev.R.Vanlalenga chuan a hmanpui. February ni 17 Zirtawpni khan bial Missions Department leh Sunday School Department ten ro an rel a, February ni 18 Inrinniah Kohhranpui leh LAD ten rorelna an nei bawk.
iii) THENHLUM BIAL : Thenhlum Local-a neih Thenhlum bial inkhawmpui vawi 33-na hi District Superintendent Represent-in Headquarters bialtu Pastor Rev.C.Hmingthanfala chuan a hmanpui a, inkhawmpui thupui ah ‘Chanchintha hi hril rawh u’ Marka 16:15 chu hman a ni. . February ni 17 Zirtawpni khan Missions Department, PYD leh LAD ten rorelna an nei a, February ni 18 Inrinni khan Kohhranpuiin leh Sunday School Department-ten ro an rel bawk.
iv) THINGSAI BIAL : Thingsai bial inkhawmpui vawi 33-na hi Thingsai Local Biak inah hman mek a ni a, District Superintendent Rev.C.Vanlalena chuan a hmanpui a, February ni 18 Inrinni khan bial kohhranpui leh Department hrang hrangten ro an rel a ni.
v) THEIRIAT BIAL : Thaizawl Local-ah Theiriat bial inkhawmpui vawi 33-na hi hman mek a ni a, District Missions Director Rev.C.Lalhriatpuia chuan a hmanpui. Inkhawmpui thupuiah hian Isua lo kal lehna tih chu hman a ni a, February ni 17 Zirtawpni khan bial Sunday School Department leh PYD ten ro an rel a, February ni 18 Inrinniah Kohhranpui leh LAD ten rorelna an nei bawk.
vi) HAULAWNG BIAL : Haulawng bial inkhawmpui vawi hi Haulawng Lalveng biak inah hman mek a ni a, District Superintendent Represent-in Luangmual bialtu Pastor Rev.Lalbiakdika Chawhte chuan a hmanpui a ni. February ni 17 Zirtawpni khan bial LAD leh PYD ten ro an rel a, February ni 18 Inrinniah Kohhranpui leh Sunday School Department ten rorelna an nei bawk.
vii) RAHSIVENG BIAL : Sazaikawn Local-ah Rahsiveng bial inkhawmpui vawi na hi neih mek a ni a, Chhipphir bialtu Pastor Rev.LH.Lalchhandama chuan District Superintendent Represent-in a hmanpui. February ni 17 Zirtawpni khan Department ten rorelin February ni 18 Inrinniah kohhranpuiin ro an rel a ni.
viii) PANGZAWL BIAL : Pangzawl bial inkhawmpui vawi 38-na hi Lungmawi Local-ah neih mek a ni a, District Secretary Rev.C.Lalrintluanga chuan a hmanpui. February ni 17 Zirtawpni khan Sunday School Department-te chuan rorelna an nei a, February ni 18 Inrinni ah Kohhranpuiin rorelna an nei ang.
———-
MI THAR:
February ni 12 Pathianni zan khan Tlabung bial Dinthar Local-a lawi turin chhungkaw pakhat Member 6 awmna chu Evan. H. Ramfanzauan a lawm lut.
February ni 19 Pathianni ah Baptisma an chang ang.
———-
BIAL PARIAT IN INKHAWMPUI HLIM TAKIN AN HMANG:
February ni 10-12 chhung khan bial 8 Luangmual bial, Headquarters bial, S.Vanlaiphai bial, Tawipui bial, Cherhlun bial, Chhipphir bial, Hnahthial bial leh Zawlpui bialten inkhawmpui an hmang. Hetiang hi bial inkhawmpui hmangte hun hman dan leh an rorel tlangpui a ni.
i) S.VANLAIPHAI BIAL : S.Vanlaiphai bial inkhawmpui vawi 8-na hi Darzo Local-ah hman a ni a, District Superintendent Represent-in Pukpui bialtu Rev.R.Rothuama chuan a hmanpui, bial kohhranpui rorelte:
– Buhfai tham tha lawmman tihpun leh Conference dawltu puihna tihpun nise.
– Pastor Quarters Target-ah Rs 20000 dah leh nise.
– PYD leh LAD te hi a hranga join conf nei tawh loin Bial kohhranpui Conference-ah Kohhranpui nen a rualin neih tawh nise.
– 2024 bial inkhawmpuina hmun atan Muallianpui nise tha tih a ni.
ii) LUANGMUAL BIAL : Lunglawn Zaia veng Local-ah Luangmual bial inkhawmpui vawi 24-na hi neih a ni a, Haulawng bialtu Pastor Rev.R. Lalsangzuala chuan inkhawmpui hi a hmanpui. Luangmual bial kohhranpui rorelte:
– Nakum 2023 hi bial Silver Jubilee a ni a, Luangmual Local-ah lawm nise tha tih a ni a, District-a thlen tur Agenda 2 an passed bawk.
iii) TAWIPUI BIAL : Tawipui bial inkhawmpui vawi 65-na hi Mualcheng S Local-ah neih a ni a, District Superintendent Represent-in Rev.K.Lalchhuansanga Theiriat bialtu Pastor chuan a hmanpui. Bial Kohhranpui rorelte:
-Bial huap Revival inkhawmpui neih nise tha tih a ni.
– Senior upa te lawmpuina thuziak hlan nise tha tih a ni.
– Inkhawmpui neih lehna hmun atan Thualthu Local ruat a ni.
iv) CHERHLUN BIAL : District Superintendent Rev.C.Vanlalena chuan Cherhlun bial inkhawmpui vawi 47-na Cherhlun Local-a neih tur chu a hmanpui a, inkhawmpui thupuiah hian ‘Tunlai thil awmzia’ Rom 13:11 chu hman a ni. Bial Kohhranpui rorelte:
– Kum 2026 hi Golden Jubilee Conference hun tur a ni a, ropui taka hman tum nise, chumi pual chuan kumin atangin Budget dah a ni.
– Thlarau Thianghlim Baptisma la chang lo ten an chan theih nan beihpui thlak nise.
– Pastor Quarters thar sakna tur atan kum tin Budget dah nise.
– Thianghlimna Awareness Campaign bial kohhranpui hmalakna-in neih nise.
v) HEADQUARTERS BIAL : Headquarters bial inkhawmpui vawi 43-na hi Electric veng Loca-ah hman a ni a, District Missions Director Rev.C.Lalhriatpuia chuan a hmanpui. Bial kohhranpuiin rorelte:
– Bial huap rawngbawltu Ni hman nise.
-Bial hruaitute hi term 2 bak an post ngai chelh tawh lo se tha tih a ni.
– District-a thlen tur thu pawimawh tak tak an rel bawk.
vi) CHHIPPHIR BIAL : Mualthuam N Electric Local-ah Chhipphir bial inkhawmpui vawi 39-na hi neih a ni a, he inkhawmpui hi District Secretary Rev.C.Lalrintluanga chuan a hmanpui a, an rorel langsar zualte:
– Zote S-a Evangelist lawmman (May-June) chu bialin Target siamin tuakin nise, a bakh chu kum chanve board-a ngaithuah nise.
– Bial inkhawmpui thlenkim ni (Zirtawp zan) inkhawm banah bial PCD te Board neihna hun siam nise.
– Nakum bial inkhawmpuina hmun atan Sekhum Local ruat a ni.
vii) ZAWLPUI BIAL : Zawlpui bial inkhawmpui vawi 9-na hi Zawlpui Local-ah neih a ni a, Pangzawl bialtu Pastor Rev.B.Kamliana chuan District Superintendent Represent-in a hmanpui. An rorel langsar zualte:
– Buhfaitham leh thianghlimna campaign neih.
– Running Project – Pastor quarters chhuat Floortile phah. (Budget Rs. 10,000/- dah bakah Sunday zing inkhawmah appeal neih nghal a ni a, ? 14,000/- chuang hmuh a ni)
– Farmers training bial huapa neih. (PSM Lunglei Dist ten rem min ruatpui tura beisei a ni)
– Pastor Quarters Fencing ban karhnih tal chhunzawm.
– Bial inkhawmpui Rotation-a dawl.
– Bial inkhawmpui dawltu puihna tihsan.
– 2024 Bial inkhawmpui lehna hmun atan Putlungasih.
viii) HNAHTHIAL BIAL : Tuipui D Local-a neih Hnahthial bial inkhawmpui vawi 53-na hi District Treasurer Rev.PC. Lalfakawma chuan a hmanpui a, February ni 11 Inrinniah kohhranpuiin rorelna an nei a, an rorel langsar zualte:
-Kohhranpuiin bial huapin Missionary 1 chawm nise.
– Bial in hmun Target atan Rs.7000 dah a ni.
– Bial inkhawmpui Rotation-a neih tawh nise tha tih a ni a, nakum ah Chanmari Local-ah nghah a ni.
———-
———-
NORTH MIZORAM DISTRICT
HRUAITUTE PROGRAMME:
DISTRICT SUPERINTENDENT: Dist. Supd. Rev. Chhiarpuia chuan Feb ni 18 zan hian Hqrs. Kohhran, Tuikhuahtlangah thusawiin rawngbawlna a nei ang a, a tuk Feb ni 19 Pathianniah Muanna veng kohhranah kohhrante a tlawh bakah thusawi rawngbawlna a nei bawk ang.
DISTRICT SECRETARY: NMD Secy. Rev. K. Lalduhsanga chuan Feb 17-19 Zirtawp zan atanga Pathianni zan thleng awh tur Lawngtlai West District LAD Conference-ah Speaker niin Conference a hmanpui ang.
DISTRICT TREASURER: NMD DIST. Treasurer Rev. C. Lalthantluanga chuan Feb ni 18 Inrinni chhun leh zan hmang hian Hqrs. Bial Khatla South Kohhranah Kohhran dinni Seminar Cum Revival a hmanpui ang a, Feb ni 17 Zirtawp zan leh Feb ni 19 Pathianni chhun leh zanah Aizawl East District PYD Conference Zemabawk-a neih turah Gen. PYD President a nih angin conference-a hmanpui bawk ang.
———-
NMD HUAM CHHUNG BIAL 31 TEN CONFERENCE AN HMANG:
North Mizoram District Pastor Bial 31 te chuan kar kal ta Feb ni 10-12 hmang khan Bial conference an hmang. Bial Confe hi District hruaitu 3 te chuan hetiang hian an hmanpui bawk.
Rev. Chhiarpuia Dist. Supdt. Bairabi Bial
Rev. K. Lalduhsanga Dist. Secy Thenzawl Bial
Rev. C. Lalthantluanga, Treasusrer Serchhip Bial, AED
Rev. C. Lalramthanga, Dist. Missions Director Kanghmun Bial.
Bial Confe hmang Bial 31 te hian Pathian Thlarau Thianghlim awmpuinain hlim takin hun an hmang a, Zirtawp zan atanga Programme tanin, Bial thenkhatte chuan zirtawp zan hian Pathian thu hriatna kawnga hmasawnna tur inelna Bible Quiz, Lengkhawm zai tihte a hman niin; Bial tam zawkte erawh chuan Conference Speaker ruatte hnen atangin thuhrilh rawngbawlna ngaihthlak a ni bawk.
Feb ni 11 Inrinniah Bial 31 te hian Conf rorel neiin; Local, Bial, Dist leh General thlenga hmansawnna tur hrang hrang te ngaihtuahin Bial chhung hmasawnna leh rawngbawlna hmachhawp tur an ruahman bakah Dist. Level hmasawnna tur thilte ngaihtuahin Dist. Confe Agenda atana lut chho tur te an ngaihtuahte bawk.
———-
EXECUTION ORDER CHHUAK CHUNGCHANGAH NMD DIST. COMMITTEE ROOM-AH FUNCTION HMANG:
Feb ni 16 Ningani 2023 khan UPC-North East India leh Mizoram UPC te inkara thubuai neih chinfel a nihna tura India ram rorelna sang Supreme Court-in thutlukna a siam chungchangah thubuai chinfel a niha thiam chang lo zawk Mizoram UPC te chu- NEI UPC bungraw hrang hrang an hman leh an luah mek Biak in, Quarters, Building te chhuahsan turin Sr. Civil Judge II Pu T.Lalhmachhuana rorelna chuan thutlukna siamin Execution order a chhuah.
NEI-UPC te hian Supreme court in kohhran pahnihte thubuai neih chungchanga High Court rorel anga Thutlukna a lo siam tawh dungzuia UPC- North East India te chu neitu diktak an nih a nemngheh avangin; North Mizoram District UPC Hruaitute’n boruak sang leh tha lo a awm loh nana zai zap takin an Unau Mz UPC te chu an awmhmun chhuahsan turin lehkhain ngenna an lo pe tawh a, Mizoram UPC lam hian an lo bengkhawn lem loh avangin UPC-NEI kohhran te hian Courth of Senior Civil Judge II, Aizawl District – ah Execution case No. 36 of 2015, A/o Title suit No. 2(A) of 1996/RFA No. 52 of 2012 file-in, NEI UPC tena Execution case an file hi Sr. Civil Judge II chuan ngaihtuahin, Feb ni 16 khan Sr. Civil Judge II chuan Execution order hi a chhuah ta a ni.
Execution order hian MZ UPC ten an hmun hma chhuahsan nan hian Thla 3 chhung hun pein May ni 16 hmaa inchingfel turin thupek a chhuah a ni.
Execution Order chhuah ni hian District Office atangin Rev. Chhiarpuia, NMD Supdt, Rev. K. Lalduhsanga, Dist. Secy, Rev. C. Lalthantluanga, Dist. Treasurer , Rev. C. Lalramthanga, Dist. Missions Director leh Rev. Lalremtluanga, Hqrs. Bialtu Pastor te chuan Sr. Civil Judge II Pu T. Lalhmachhuana Office-ah lengin Execution order hi an va la chhuak a, hemi hnu hian NMD UPC tena Ukil atana an hman Pu Francis -a leh Pi Manuni te hovin NMD Dist. Committee Room-ah hunserh tawi hman a ni. Hunserh Rev. Chhiarpuia, NMD Supdt. In kaihruaiin, Rev. C. Lalthantluanga Dist. Treasurer chuan ukilte leh kalkhawmte inhmelhriattirna a neih bakah Rev. K. Lalduhsanga Dist. Secy. In execution order chhuah a nih chungchanga sawi tul a tih te sawiin Kohhran pahnihte inkara thubuai chinfel a nih theihna tura tha leh zung ngaihtuahna tam tak lo senga lo bei tawhtu Hruaitu hmasa te fakin, kohhran buai chinfel a nih theih nana a tir atanga a tawp thlenga theihtawp chhuahsak tu Gen. Supdt. Ni mek Rev. R. Lalrinsanga fakawm a tih thu te, rorelna dik leh fel a awm theih nana kohhranhote tawngtainaah lawmthu a sawi bakah, hruaitu ni mek Rev. Chhiarpuia hun laia malsawmna kohhranhote’n an dawn dan te a tarlang bawk a ni. Rev. K. Lalduhsanga hian Pathian hnenah lawmthu sawiin tawngtaina a nei a, Hemi hnu hian chairman sawm angin NEI-UPC tana theihtawp chhuaha kohhran thubuai chinfel a nih thlenga a hmawr bawkpuitu Ukil Francis-a thusawi turin a sawmin Pu Francis-a hian kohhranin harsatna a tawh tantirh atanga khaw eng an hmuh thlenga sawi tur tul te sawiin; UPC-NEI te Pathian remruat anga thiamchanga hlawhtlinna duhawm tak an chanah a lawmpui thu a sawi bawk a ni.
———-
NMD MISSIONS DEPT EXECUTIVE MEETING THUKHAWM:
Feb ni 16 chawhnu dar 2:00Pm khan North Mizoram District Missions Dept Executive thukhawmin; Meeting Rev. C. Lalramthanga, Dist. Missions Director in a kaihruai, an rorel pawimawh zualte:
1.Tlangsang Biala awm Sailut Tirhkoh Quarters leh Mamit Bial chhunga awm Bawngva Tirhkoh Quarters leh Biak in sak ni se.
2.Sailut Biak in thar hawn ni se, Deptt. OB ten hma lo la si.
3.Pukzing Vengthara rawngbawla awm mek Evan. C. Sangliana chuan a rawngbawlna chhunzawm zel se.
4.Arunachal Mission Field –a Remang local Biak in sakna tura Gen. Missions in NMD Missions te Rs. 200000 an rawn beisei chu pek tha tih a ni a, a hmunhma zir chian hmasak ni se.
———-
———-
CHHIMTUIPUI DISTRICT
CONFERENCE HMANG TAN DAWN
Ni 16-19. February 2023 hmang hian Siaha West bial te chuan an in dan atanga an Conference vawikhatna chu District Headquarters Local ah an hmang ang. Speaker atan Rev R Laltlangkima chu hman ani ang.
———-
SIAHA BIAL IN CONFERENCE HMANG
48th Siaha bial Conference Ni 9-12. February 2023 hmanga College vaih Local aneih chu khamlo tak in atiak ta. Speaker Pastor C Lalchhuanthanga hnen atang “Kohhran nun” tih thupui hmangin thu tha tak tak ngaihthlak thin ani a,kohhranten an hlawkpui hle ani.Soloist Sis R Vannunmawii leh Sis H Lalhlunsangi hnen atang zai nung tak ngaihthlak thin ani bawk.
CONFERENCE ROREL TLANGPUI -:
1. 2024 Bial Conference hi Siahatla Local in an thleng ang.February chawlh Ni vawihnihna ah conference hi neih ani ang.
2. Kum 2023 chung hian Rawngbawltu retreat riak lut ngeia neih nise, Tin he mi rual hian Bial LAD agenda Rawngbawltu tawngtai camp neih nise tih chu kawp ngal tura tih ani.Ahun erawh Bial board in arel ang.
3. Bialtu Pastor Quarters project siam nise tha tih ani a project kalpui dan tur erawh bial board kut ah dah ani.
4. Bial chhunga Rawngbawltu boral an awmin he tiang hian ralna sum thawh nise.Siahatla Local Rs.2500 College vaih Local Rs.2500 College vaih ll Rs.1500 Ephatha Rs.500. Total Rs. 7000.
5. Bial hruaitu (OB) kohhranpui leh Department a nihna ngai term hnih a zawna chelh tawh te chu an nihna ngaiah thlan nawn tawh loh nise tih chu tha tih tlan ani.Tun term kal mek a tanga hman nghal tur atih ani.
6. District kohhranpuiin school din ngei turin hma lak nise tih chu District lama thehluh tur atan tha tih tlan ani.
7. District in Bio-data a siam mek chu kumin chhungah peihfel ngei ni rawh se tih chu District ah thlen ngei nise tha tih ani.
8. Missionary month (September) 2nd Sunday tukah hian Bial huapin General leh Home Missionary te tan chawnghei tawngtaina neih nise tha tih ani a.Thawhlawm lut hi Local mission department in chang se tha tih ani.
9. Kum 2023 chhung hian Local tinah naupangte tan Vocational Camp buatsaih nise tha tih ani.
10. Kum 2023 chhung hian Crusade buatsaih nise Thupui atan “Thuthlung lam” nise tha tih ani.Ahun erawh Board kut ah dah ani.
———-
PASTOR QUARTERS TAN THIL PE
Bualpui Ng Bial LAD te chuan Pastor Quaters a hman atan Parda （Curtain）leh Wall fan 2 an pe a,Bialtu pastor te chhungkua chuan Bualpui Ng bial LAD chungah lawmthu an sawi a ni.
———-
MI THAR LAWM LUT
February ni 12.2023 Pathianni khan Pangkhua Local ah Evan Jona Lalrintluanga chuan mithar chhunkaw khat member pahnih chu kohhran ah alawmlut.
Ni.15 February 2023 (Nilai zan) khan Tuipui ‘V’ Kohhranah Chhungkaw khat member paruk (6)chu Evan H.Lalhruaitluanga’n Kohhranah a lawm lut. An ni chhungkua hi Kawnpui Presbyterian kohhran atanga rawn awm anni.
Facebook