GENERAL HRUAITUTE PROGRAMME:
General Superintendent, Rev. R. Lalrinsanga chuan February ni 10 leh 12 hmang hian Rih Special Area District Conference, Tiau a neih chu hmanpuiin rawngbawlna a nei a, he mi rual hian Seminar a neihpui nghal ang.
General Treasurer Rev. Lalmalsawma Sailo chuan February ni 12 Pathianni hian Zemabawk Bial Conference, Airfield hmuna neih ah tel puiin Sacrament rawngbawlna a nei ang.
General Sunday School Director, Rev. Biaksangzuala chuan February ni 10 leh 12 chhung hian Barak District Missions Department & Sunday School Department Joint Conference ah General Superintendent represent niin hun a hman pui ang.
General Missions Secretary, Rev. R. Vanlalawia chuan February ni 10 leh 12 hmanga Barak District Missions Department Conference ah General Missions Director Represent-niin thusawi rawngbawlna a nei ang.
———-
KOHHRAN SUM AUDIT:
February ni 7 atanga ni 10, 2023 chhung khan General Hqrs. Office, Mualpui Salem veng, Aizawl ah Kohhran sum Audit a ni.
UPC North East India General Hqrs. Account hrang hrang bakah General Administration hnuaia Department leh Committee peng hrang hrang te sum Audit a ni a, Auditors te hi Rev. H. Lalropuia,Aizawl East District Rev. K. Lalduhsanga,North Mizoram District Rev. PC. Lalfakawma, Lunglei District leh Rev. WL. thanghre, Chhimtuipui District te an ni.
———-
GENERAL SUNDAY SCHOOL LEH NTCP TE THAWK HO DAWN :
February ni 7, Thawhlehni khan General Sunday School OB te chuan National Tobacco Control Programme(NTCP) hnuaia hotupa ber Dr. H. Lianthangpuia (State Nodal Officer) hmuin a office-ah an kawm.
Kum 2022, November thlaa General Sunday School Conference rorelna chuan kum puan thupui “Kan fate i chhanhim ang u” tih bawhzuina programme lian tham deuh National Tobacco Control Programme(NTCP) te nen thawk hova siam thin nise tiin a pass a. Hemi bawhzuinan hian General OB te hian NTCP lama hruaitute hi kawmin hma lak dan tur hrang hrang an sawi hova. MOU te sign-a Mizoram hmun hrang hranga Seminar/Training programme buatsaih a nih theih dan tur an thlir ho a ni.
———-
Theological Education Board:
January ni 31 Thawhlehni khan UPC North East India Theological Education Board (TEB) chu General Headquarters Committee room, Mualpui salemveng Aizawl ah neih a ni a, he meeting hi TEB Chairman Rev. R. Lalrinsanga chuan a kai hruai, an rorel thenkhat te:
1. 2023-2024 chhung atana CBC mawhphurtu hrang hrang:
Bursar :Pastor BD Kowarson
Dean :Rev C. Malsawmzela
Chaplain :Pastor LS Lalhruaisanga
OTJ Editor :Pastor C. Mangthangvunga
Library in charge:Rev L. John Gangte
Practical Work in charge:Rev C. Malsawmzela
Publicist: Pastor David R. Malsawmtluanga
2. District Bible School atanga Passed chhuak, CTh Certificate nei apiang ten CBC-ah BTh kum 4 zir an dil thei tawh ang.
3. CBC Faculty Quarters pakhat, room pakhata tihzauh tur atana GAC in rem a lo tih tawh, sum ruahhmanna chu Board chuan pawmin, GAC kutah thlen ni se tia rel a ni.
4. CBC Main building sak tur chu a hmunah TEB member ten an enfiah bawk.
———-
———-
LUNGLEI DISTRICT
BIAL PALI IN INKHAWMPUI HLIM TAKIN AN HMANG:
February ni 3-5 chhung khan Lunglei District chhunga bial pali, Bunghmun, Chawngte, Tlabung leh Lungsen bialte chuan inkhawmpui an hmang a, hetiang hi bial 4 te hun hman dan leh an rorel tlangpui a ni.
1. Bunghmun bial inkhawmpui vawi 43-na hi Tleu Local-ah neih a n a, District Superintendent Represent-in Rev. C. Lalhriatpuia, Director Missions Department chuan a hman pui. February ni 4 Inrinni ah kohhranpuiin rorelna neiin an thurel langsar zualte:
– Pastor Quarters-ah Gas Connection single dah nise.
– Thenhlum bial nen bial 2 joint revival neih tum nise.
– Bial leh Local in kan hman mek hruaitu term kum 2 term bak chelh theih loh tih chu titawp ni tawh se tha tih a ni.
– Bial inkhawmpui lehna tur atan Sesawm Vengchhak Local ruat a ni.
2. Chawngte bial inkhawmpui vawi 44-na hi Lalnutui Local-ah neih a ni a, District Superintendent Rev.C.Vanlalena chuan a hmanpui a, inkhawmpui Thupui ah ‘Pathian pakhat’ tih chu hman a ni. Hetiang hi Kohhranpui Department rorel pawimawh zualte a ni.
– Kum 2024 bial inkhawmpuina hmun atan Chawngte ruat a ni.
– Bial rawngbawltu seminar neih nise a hmun atan Chawngte ruat a ni.
– Dinthar Local-ah Revival Crusade buatsaih nise tha tih a ni.
– Pastor Quarters ah Sofa Set dah turin hmalak nise tha tih a ni.
– Bial budget atan Rs 50000/- pass a ni.
3. Tlabung bial inkhawmpui vawi 18-na Tlabung Local-ah neih a ni a, District Treasurer Rev. PC. Lalfakawma chuan a hmanpui a, General Superintendent Rev. R. Lalrinsanga chuan Speaker niin a hmanpui bawk. Kohhranpui rorel pawimawh zualte:
– Pastor Quarters chhunzawm chungchang
– Dinthar Local ah Missionary dah tur a district ah thlen ni se.
– Chawnpui Biak In sak kal mek ah bial huap a hnatlang neih chhun zawm leh nise.
– Zodin Biak In hmun ramri fencing tur a District a thlen.
4. Lungsen bial inkhawmpui vawi 53-na hi Lungsen S Local-ah neih a ni a, District Secretary Rev. C. Lalrintluanga chuan a hmanpui a, inkhawmpui thupuiah ‘A kohna phua awm turin’ Ephesi 4:3 chu hman a ni. Kohhranpui rorelte:
– Conference dawltu puih a tih pun a ni.
– Rawngawltu leh Church Board member chin tan Seminar neih nise
– Accountancy & Auditors Training Local tinah neih vek nise.
– 2023 ah Chhumkhum ah Evangelist rawn nise tih a ni. A pual hian Conference Sunday zing Inkhawm ah Appeal neih niin Rs. 1,34,100 hmuh a ni.
– Kum 2023 a hman turin Pastor Quarters Pual in Rs 30,000 leh Kohhranpui Budget atan Rs 50,710, Total Rs. 80,710 chu pawm a ni.
– Kum 2024 Bial Conference na hmun atan Lungsen N ruat a ni.
———-
BIAL 8 IN INKHAWMPUI AN HMANG DAWN:
Lunglei District chhunga bial 4 in February ni 5 Pathianni hmang khan inkhawmpui hlawhtling takin an hmang tawh a, February ni 12 Pathianni hmang hian bial 8 ten inkhawmpui hi an hmang leh ang.
Hetiang hi bial inkhawmpui hmang turte leh an hman dan tur a ni.
1. S.Vanlaiphai bial inkhawmpui vawi 8-na hi Darzo Local-ah hman a ni ang a, District Superintendent Represent-in Pukpui bialtu Rev.R.Rothuama chuan a hmanpui ang. February ni 11 Inrinniah Kohhranpui, Sunday School Department leh Missions Department ten ro an rel ang.
2. Lunglawn Zaia veng Local-ah Luangmual bial inkhawmpui vawi 24-na hi neih a ni ang a, Haulawng bialtu Pastor Rev.R.Lalsangzuala chuan inkhawmpui hi a hmanpui ang.
February ni 9, Ninganiah Sunday School Department chuan rorelna neiin, February ni 10 Zirtawpni ah Missions Department bakah PYD leh LAD ten ro an rel ang a, February ni 11 Inrinniah kohhranpuiin rorelna an nei ang.
3. Tawipui bial inkhawmpui vawi 65-na hi Mualcheng S Local-ah neih a ni ang a, District Superintendent Represent-in Rev.K.Lalchhuansanga Theiriat bialtu Pastor chu a kal ang. February ni 10 Zirtawpni ah Sunday School Department leh Missions Department ten rorelna neiin February ni 11 Inrinniah Kohhranpuiin ro an rel ang.
4. District Superintendent Rev.C.Vanlalena chuan Cherhlun bial inkhawmpui vawi 47-na Cherhlun Local-a neih tur chu a hmanpui ang a, inkhawmpui thupuiah hian ‘Tunlai thil awmzia’ Rom 13:11 chu hman a ni ang.
February ni 10 Zirtawpni ah Sunday School Department chuan rorelna an nei ang a, February ni 11 ah Kohhranpui leh Missions Department ten ro an rel ang.
5. Headquarters bial inkhawmpui vawi 43-na hi Electric veng-ah hman a ni dawn a, District Missions Director Rev.C.Lalhriatpuia chuan a hmanpui ang. February ni 10 Zirtawpni ah Sunday School Department, Missions Department bakah PYD leh LAD ten ro an rel ang a, February ni 11 Inrinniah kohhranpuiin rorelna an nei ang.
6. Mualthuam N Electric Local-ah Chhipphir bial inkhawmpui vawi 39-na hi neih a ni ang a, February ni 10 Zirtawpni ah PYD leh LAD ten ro an rel ang a, February ni 11 Inrinniah kohhranpui leh Missions Department ten rorelna an nei ang.
He inkhawmpuiah hian District Superintendent Represent-in District Secretary Rev.C.Lalrintluanga chuan a hmanpui ang.
7. Zawlpui bial inkhawmpui vawi 9-na hi Zawlpui Local-ah neih a ni dawn a, Pangzawl bialtu Pastor Rev.B.Kamliana chuan District Superintendent Represent-in a hmanpui ang. February ni 11 Inrinniah Kohhranpui leh Missions Department ten rorelna an nei ang.
8. Tuipui D Local-a neih tur Hnahthial bial inkhawmpui vawi 53-na hi District Treasurer Rev.PC. Lalfakawma chuan a hmanpui ang a, February ni 10 Zirtawpni ah Missions Department leh Sunday School Department ten ro an rel ang a, February ni 11 Inrinniah kohhranpuiin rorelna an nei ang.
———-
TLABUNG DINTHAR BIAK IN SAK TUR LUNGPHUM PHUM A NI, MI THAR 4 IN BAPTISMA AN CHANG :
February ni 6, Thawhtanni hian Tlabung bial chhunga awm Dinthar biak in sak tur lungphum chu General Superintendent Rev.R.Lalrinsanga chuan a phum.
Tlabung Dinthar biak in sak tur hi a dung 40ft. a vang 21ft. a sak tum niin tunah hian Member 30 an lawi mek a ni.
Lungphum phumna ah hian Tlabung bialtu Pastor R.Lalremsiama chuan hun a kaihruai a, District Treasurer Rev.PC Lalfakawma bakah Rev.R.Lalrosanga te an tel bakah, Tlabung atangin mi 18 in an tawiawm a ni.
Lung phum anih hnu hian Dinthar Local a lawi tur mi 4 January ni 27-a lawmluh tawh te chu District Treasurer Rev.PC.Lalfakawma chuan Baptisma a chan tir bawk.
———-
MI THAR :
February ni 5 Pathianni khan Electric Veng Local Lunglei-ah bialtu Pastor Rev.C.Hmingthanfala chuan mi 2 Baptisma a chantir a, mi 1 hi Baptist kohhran atanga mi thar a ni.
———-
———-
AIZAWL EAST DISTRICT
Bial Inkhawmpui hmang mek:
Aizawl East District chhunga Bial hrang hrangte chuan February 10, Zirtawp zan atang khan Bial inkhawmpui a rualin an hmang mek. Inkhawmpui tan zan khan Local hrang hrang te hnen atangin report ngaihthlak a ni a, bial thenkhat chuan Revival inkhawmin hun an hmang nghal a ni. Inrinni nileng khan Bial chhung inawpna leh District-a lut tur ngaihtuahin rorelna hun neih a ni. Bial inkhawmpui-ah hian Speaker hranpa leh Thupui nei an awm laiin Bial thenkhat-ah chuan Speaker hranpa nei lovin Bial hruaituten thusawi rawngbawlna an nei thung a, Bialtu Pastor Speaker-a hmang an awm bawk a ni. Pathianni Chawhnu Inkhawm-ah hian Lalpa Zanriah Sacrament kil hona neih a ni anga Bial chhunga kohhran member boral sunna hun inkhawmpuichhung hian bial hrang hrangte hian an hmang bawk ang.
Aizawl East District chhungah hian Bial 31 awm mek in Bial inkhawmpui hi District Hruaitute’n hmun hrang hrang-ah hetiang hian an hmanpui a ni.
District Secretary Rev R.Laltlankima chuan Thuampui Bialah hmanpuiin
District Treasurer Rev H.Lalropuia chuan Khawlian Bial-ah a hmanpuia
Rev VL.Hnemtluanga, Missions Director chuan Zohmun bial a hmanpui bawk a ni.
———-
District PYD Inkhawmpui hmang dawn:
February 17 atanga 19 chhunga Zemabawk Bial ten Zemabawk Vengpui Biakina Aizawl East District PYD Inkhawmpui Vawi 29-na an thlen tur atan inbuatsaihna peih fel thawkhat a ni ta. Inkhawmpui hi Zirtawp zanah tan tur niin hlanna Conference hlanna, Rev VL.Hnemtluanga, District Missions Director chuan a nei anga palai lawmna Bialtu Pastor, Rev R.Malsawman a nei bawk ang. Kumin District PYD Conference-ah hian “Chak takin awm rawh u” I Korinth 16:13 thu hman tur niin thupui hi hlawm hrang hrangah thensawmin mi hrang hrang ten thusawi rawngbawlna an nei dawn a ni.
February 17, Zirtawp zanah Evan JH Lalhminghlua, President, Thingsulthliah Bial PYD
February 18, Inrinni zanah Rev, Paovum Singson, President, Imphal District PYD
February 19, Pathianni chawhma-ah Rev C Lalmalsawma, District PYD President
February 19, Pathianni chawhnu-ah Pastor Laltlanhlua Hnamte, Suangpuilawn Bialtu Pastor
February 19, Pathianni zanah Rev KVL.Hmangaihkima, District Superintendent
February 18, Inrinni chawhma dar 10:30-ah Zemabawk Vengpui Sunday School Hall-ah rorelna neih a ni anga, hemi hunah vek hian Biak In-ah Worship Service neiin hetah hian Pastor Vanlalrosiama leh Evan HK Lalhmangaiha ten thusawi rawngbawlna an nei anga, Bial hrang hrang atangin zai ngaihthlak a ni dawn bawk a ni.
Inkhawmpui tan zan hian District PYD in Kumin 2023-a inkhawm thupui a zir tur tlangzarhna neih a ni anga, Education Sub-Committee pawhin an lehkhabu siam tlangzarhna an nei bawk ang. Inrinni zanah District PYD hnuaia Sub-Committee ten lawmman semna neiin Pathianni chawhma inkhawmah member boral sunna, Rev H.Lalropuia, District Treasurer kaihhruaiin neih a ni anga General PYD leh North Mizoram District PYD atangin thutawi ngaihthlak a ni bawk ang. Chawhnu-ah North Bengal & Sikkim Missions Field Director, Pastor FK Lalchawiliana hnen atangin thutawi sawi ngaihthlak a ni dawn bawk a ni.
———-
Bawlhhlawh bawm dah:
February 8, Nilaini khan District PYD hnuaia Environment Protection Sub-Committee te chuan Aizawl sa huana hman turin Bawlhhlawh bawm pahnih an hlan. Bawlhhlawh bawm hlanna hi Sa huanah hian kalchilh a ni a, District PYD President, Rev C Lalmalsawma chuan hlanin Sa huana thawktuten an lo dawngsawng a ni. He hunah hian Environment Protection Sub-Committee hruaitute bakah District PYD hruaitute telin Sa huana thawktute hian an mamawh tak a nih thu sawiin lawmthu an sawi a ni.
———-
Mithar leh baptisma chang thar:
February 1, Nilai zan khan Serchhip Bial, College Veng Kohhrana lawi turin mithar 4 Kohhranah sengluh an ni. Sengluhna hi Rev. B Lalengzauva, Bialtu Pastor chuan neiin an fate pahnih hlanna a nei nghal a, mi pakhatin sual ngaihdamna baptisma a chang nghal a ni.
February 5, Pathianni khan Champhai Bethel Bial, Zion Kohhrana lawi turin Evan Zelthanga te chhungkua, member 9 chu Bialtu Pastor, Rev E. Vanlalpeka Zote chuan Kohhranah sengluhna a ni.
February 5, Pathianni vek khan Keifang Bial, Chehrep hmunah Baptisma khur hawn a ni a, District Missions Evangelist Evan Philip VL Hmuchhuaka kutah mi 6 in sual ngaihdamna baptisma an chang.
February 5, Pathianni khan Kahrawt Bial, Champhai Dinthar Kohhranah mi 2 Kohhranah sengluh an ni bawk. Dinthar Kohhranah hian Evan Chhawrzela, District Missions Evangelist chuan rawngbawlna a nei mek a ni.
Darlawn Kohhranah pawh February 5, Pathianni khan chhungkaw khat member 6 chu Evan Ngurzikpuia chuan sengluhna a nei a, mi pahnih in sual ngaihdamna baptisma an chang bawk. Darlawn Bial tho, N. Serzawl Kohhranah Bialtu Pastor Robert Lalrinsanga chuan member 2 Kohhranah sengluhna a nei bawk a, an naute hlanna a nei nghal bawk a ni. N. Serzawl-ah hian Bro. Ramdintluanga chuan rawngbawlna a nei a ni. February 7, Thawhleh zan khan N. Serzawl hmunah hian mithar 2 sengluh leh an ni bawk. Member tharte hi Evan Kanaanthara kutah sual ngaihdamna baptisma an chang a ni.
Khawbung Bial Khuanglengah pawh February 5, Pathianni khan mithar 4 Kohhranah sengluh an ni bawk. Member thar sengluhna hi Evan Lalzidinga chuan a nei a ni.
February 5, Pathianni vek khan Khanpui Kohhranah member thar 2 Evan R. Lallawmzuala chuan sengluhna a nei bawk. Khanpui hmunah hian Thawhtan zan khan mithar 1 sengluh leh a ni bawk.
———-
———-
NORTH MIZORAM DISTRICT
Bial PYD Conference hman a ni
Ni 27-29 January 2023 chhung khan NMD huam chhunga bial tin ten Bial PYD Conference an hmang a. Bial thenkhat ten Main Speker te nei in thenkhat ten Main Speaker nei lem lo in hun an hmang a ni. Inrinni ah rorel na hi nei niin Pathianni zan ah Conference hi a tiak hlawm a ni.
District PYD in Kawrthah hmuna Missionary an rawih mek pual in Pathianni zingah Bial tin ten Appeal an nei a. Heng sum tling khawm zawng zawng hi Kawrthah Missions Field pual a hman tum niin, Biak In hmunhma leh a chhehvel te chei that nan te hman tum a ni. Tin. Bial tin ten Missionary Support/Chawm an rel hlawm a. Then khat erawh chuan Conference a rel lemlo in Bial Board lamah te an sawi hlawm a ni. Hriatthei chin ah Missionary hi Bial hmingin 30 vel chawm mek a ni.
———-
Dist. PYD Choir Member thar Induction neih a ni:
Choir Convener leh Music Committee Treasurer nilai T.Upa Albert Lalfakawma kaihhruaina hnuaiah hun hman a ni a, Kum 2022-2023 NMD PYD Dist.Choir member atan heng kan unaute pathum hi lak an ni a, Dist.PYD President Evan Jeno Vanlalruata chuan Zanin Dt. 31/01/2023 hian lawmluhna a nei a ni.
1. Sis. Lalfakmawii, Hunthar Bial
2. Bro Lalliankima, Sihphir Bial
3. Bro Lalthansanga, Chawlhhmun Bial
Hemi rual hian NMD PYD Choir aṭanga General Choir a kai chho tur Choir Secretary nilai Bro Lalramchuana chu Thlahna hun hman niin Ngaihhruina thilpek hlan a ni a, Choir Secretary tura music committee in a ruat Bro Lalruatkima hnenah charge a hlan bawk a ni.
Choir member te aṭangin thusawi te ngaihthlak a ni a, zaipawl member ten thlahna thilpek hlanna an nei bawk a ni.
Pastor H Lalrinpuia, Bukpui Bial chuan NMD PYD Choir te tan sum ṭhahnemtak music committee ah a chhunglut a, Music Committee ten lawmthu an sawi.
———-
MISSIONARY THAR LAWMLUHNA NEIH A NI:-
Dt.8.2.23(Nilaini) zan khan Evan Lalmankima, bial S.S. Secretary chuan Kawnmawi a missionary hna thawk tur, Bro. Pentecost Thangrimawia, Kanghmun khua chu lawmluhna a nei. Missionary thar hi bial mipuiten thinlung takin an lo lawm a. A rawn chawmtu Bro Lalruatkima Lunglei, T.Upa Vanlalruala(L) Tlangsang fapa a ni a. Kumin chhung a chawm sak dawn a ni.
———-
SEMINAR LEH REVIVAL
February ni 4 (Inrinni) khan Kolasib Project Veng Local-ten Dept. hruaitute pualin Seminar an buatsaih a. Rev. K. Lalduhsanga, Secretary Norh Mizoram District chu Resource Person-ah hman a ni.
Inrinni zan atanga Chawlhni zan thleng Revival Programme hlawhtling tak hman chhunzawm a ni bawk.
———-
TLANGSANG BIAL SEMINAR
February ni 4 (Inrinni) khan Tlangsang bial ah rawngbawltu pualin Seminar neih a ni.
Seminar hi Tlangsang bialtu Pastor C. Zoramthara chuan kaihruaiin, resource parson atan Rev.Chhiarpuia Suptt. NMD chu hman a ni a, Thupui atan “Administration” tih chu zir ho a ni.
———-
CHALTLANG KOHHRAN TEN SUNDAY SCHOOL ZIRTIRTUTE TAN SEMINER NEI
February ni 5, 2023 Pathianni chawhnu khan Chaltlang Local Sunday School Department chuan Puitling leh Naupang Sunday School zirtirtute pualin Seminer a buatsaih.
Resource person ah Upa C. Lalnunmawia, Head Quarters Bial niin Sunday School hmasawnna tur leh zirtirtu leh zirlaite hriat tur pawimawh tak tak zir ho a ni.
———-
Mission Vengthlang Biak in Lungphum a ni:
February ni 10,2023 (Ningani) zing dar 7:30 khan Mission Vengthlang Biak in thar sak tur lungphum a ni
Mission Vengthlang Biak in thar tur lungphum na hi North Mizoram District, Superintendent, Rev. Chhiarpuia chuan a nei a, Bialtu Pastor Rev. Lalremtluanga chuan ṭawngṭaina hun a hmang bawk a ni.
———-
Mithar:
February ni 5 Pathianni khan North Mizoram District Home Missions field a thawktute rawngbawlna atangin mi thar, Tuirum ah mi 3, W,Mualthuam ah mi 6 te chu Kohhran ah seng luh an ni.
February ni 5 Pathianni khan Maubawk Bial, Lawipu kohhran a lawi turin member thar mi 9 lawm luh an ni.
February ni 8, 2023 Nilai zan khan Rev. Lalhmuakliana Hnamte chuan, chhungkaw khat member 3 chu United Pentecostal Churh Of North East India Kanghmun kohhrana lawi turin a lawm lut a ni.
———-
———-
CHHIMTUIPUI DISTRICT
LICENCE HLANNA NEI:
February ni 8.2023 khan Chhimtuipui District Committee Room ah UPC NEI Executive Board in Chhimtuipui District atanga Licence a pek tharte Licence hlanna neih a ni :
1. Evan.C.Lalhmudika S/O Upa C.Raltawna (General Licence)
2. Sist.T.Lalbiaknungi D/O T.Zahreka (Bible Women)
3. Sist.C.Hmangaihsangi D/O C.Lalvunga (L) (Bible Women)
Licence hlanna inkhawm hi Rev.Joseph L.Thaluhthang District Superintendent in kaihruaiin lawmpuina thu leh fuihna thu a sawi hnuin Licence hmu tharte hnenah Licence hlanna a nei nghal a. Rev.Kholy Hlychho District Treasurer, Rev.Dr.C.Sihmo District Missions Director leh Rev.K.Kawngkharmawia Siaha Bialtu Pastor ten fuihna thu tha tak tak an sawi a, Licence hmu tharte tan hian tawngtai sakna neih a ni bawk. Programme hman zawh anih hnuin an pual a buatsaih refreshment tuihnai tak Office staff te nen eihona neih nghal a ni.
Facebook