AIZAWL EAST DISTRICT
District PYD Board:
December 2, Zirtawpni khan Aizawl East District PYD Kumtawp Board chu tluang taka neih a ni. District Committee room-ah neih niin Rev C.Lalmalsawma, District PYD President chuan a kaihruai a ni. Aizawl East District PYD Board hi District Kohhranpui hruaitute bakah General PYD Secretary, Evan JH Malsawmdawngliana’n a telpui bawk a ni. Bial atang leh Official atanga agenda lut engemaw zat ngaihtuah niin Kum 2023 District PYD Conference Thingsulthliah Bial ten an thlen leh theih dawn loh avangin Zemabawk Bial-ah nghah mai ni se tih niin hunte a chawpchilh in sum tuakna neih hman anih loh avangin khawmpui thlengtu tanpuina pek thin bakah Rs-1,00,000/-(Nuai Khat) pek belh nise an ti a ni.
An thu passed dang langsar zualte:
1. Aizawl East District PYD hian Membership fee khawnna form in ang tlanga hman turin siam
nise tih niin District hruaitute kutah dah a ni.
2. Kum 2023 ah Bial tin in Pathian thu zirhona buatsaihin hmalak nise tih a ni.
3. Thalai te zingah Thlarau Thianghlim dawng tura beihpui thlak nise tih a ni a, Beihpui thlak dan tur erawh District PYD OB kutah dah a ni.
4. District PYD hnuaia Music School tih changtlung nan hmalak nise tih a ni.
5. Pentecostal Choir tihchangtlun nan District Kohhranpui ah Supportna dil ve tura tih a ni.
6. Superintendent Relief Fund ah kumtin sum dah ve thin nise tih niin Budget-ah Rs 10,000 dah thin tura tih a ni.
7. CBC Library tan tanpuina pek ve tura tih niin Kum 2023 ah Rs 20,000/- pek ve nise tih a ni.
8. Kum 2023 District PYD Budget atan Rs 15,23,400 chu Kohhranpui approve tura pawm a ni.
———-
No Tobacco Week hawnna hun hman a ni:
Aizawl East District Thianghlimna Committee buatsaihin December 5, Thawhtan zan khan No Tobacco Week hawnna neih a ni. Vanapa Hall-a hun hman hi Rev H.Lalropuia, District Treasurer chuan kaihruaiin Rev KVL.Hmangaihkima, District Superintendent chuan thuchah tawh a sawi a, No Tobacco Week hawnna hun a nei a, Pathian hnenah tawngtaiin inkhawm a hlan nghal a ni. Dr.H.Lianthangpuia, State Nodal Officer, National Tobacco Control chuan thutawi sawiin Rev.R.Laltlankima, District Secretary hnen atangin week hman a nih chhante leh thianghlimna kawnga Kohhranin hma a lak dan hrang hrang report ngaihthlak a ni. He hun hmannaa khuallian Dr.R.Lalthangliana, Health Minister chuan thusawina hun hmangin “Thianghlimna kawnga Kohhranin hma a lakna ropui tiin chhunzawm zel turin a chah nghal bawk a, Kohhran hrang hrang zinga Thianghlimna kawnga hmalaknaah hmahruaitu leh a taka hma la tu an ni chu ropui a tih thu a sawi a ni”.
No Tobacco Week hawnna inkhawmah hian Thianghlimna kawnga film in siamsak result puanna leh lawmman semna neih a ni a, hetah hian Khawhai Bial PYD chu pakhatna niin Serchhip Dinthar Bial PYD pahnihna an ni a, Upper Republic Bial- College Veng PYD te pathumna an ni. He hunah hian Pentecostal Choir leh General Choir bakah Sis.Lalhmangaihzuali leh Bro.Thangromawia ten fak hla sain Rev.VL Hnemtluanga’n malsawm tawngtaiin inkhawm a titawp a ni. He hunah hian Aizawl khawpui chhung Bial hrang hrang atangin mi thahnem tak an kalkhawm a ni.
Aizawl East District te hian Zuk leh hmuam thianghlimna kawngah hian chak taka hma la in Kohhran mite chu zuk leh hmuam laka inthiarfihlim turin a chah a, zuk leh hmuam nghei lo te chu Pulpit atanga thusawi lo tura tiin Kohhran hruaitute pawh zuk leh hmuam lakah inthiarfhlim turin a ti a ni. Kum 2023 hi Kohhran insiamthar kum a nih angin District Thianghlimna Committtee pawhin hmun hrang hrangah Thianghlimna Campaign neiin chak takin hma a la mek zel a ni. No Tobacco Week kharna hun hi December 11, Pathianni hian mahni tualchhung Kohhranah theuh neih leh a ni dawn a ni.
———-
Thilpek pe
Dec.1, Ningani khan Zemabawk North Bial, Zemabawk Kohhran Missions Department te chuan ASC Home tlawhin blanket bale khat an hlan. He hunah hian motor 3 hmangin member 13 an kal thei a, Bialtu Pastor, Rev.Rosanga Kawlni chuan a telpui bawk a ni. Home enkawl tuten lo dawngsawngin hlim takin hun an hmang a ni.
———-
Mithar leh baptisma chang thar:
December 4, Pathianni khan Champhai Bethel Bial, Tlangsam Kohhran ah mi 4 in Isua hmingin Baptisma an chang. Baptisma chang zingah mi 2 hi mithar an ni. Baptisma rawngbawlna hi Evan H Malsawmthanga’n a nei a ni.
December 4, Pathianni vek khan Chiahpui Kohhrana Healing Revival Ministry Speaker- Rev H.Vanlalchhana rawngbawlna ah mi 4 in Isua hmingin Baptisma an chang. Baptisma chang zingah mi Pakhat hi Kohhran dang a ni, Kohhranah sengluh a ni.
December 2, Pathianni vek khan Khawzawl bial Lungvarah mi thar 2 sengluh an ni. Lungvarah hian Evan H. Lalhlimpuia’n rawng a bawl mek a, a rawngbawlna kal tlangin mi thar 2 hi sengluh an ni.
December 2, Pathianni zan khan Khawruhlian bialah mithar 4 Kohhranah sengluh an ni. Lailak kohhranah pahnih (hmeichhia ve ve) sengluh niin Khawruhlian kohhranah mi 2 (mipa ve ve) sengluh an ni bawk.
———-
Camping hlawhtling takin hmang:
November 29 atanga December 3 chhung khan Serchhip Bial, Serchhip Biak inpui leh Serchhip Dinthar Kohhranah Camping hlawhlting taka neih a ni.
Serchhip Biak Inpuia Serchhip Bial Missions bultum a Chhanchhuahna Camping-ah hian Pastor J Lalhmingsanga, Keifang Bial Pastor chu Speaker ah hman a ni. He Camping ah hian Mipa 28 leh Hmeichhia 13 an vaiin 41 an lut a ni. Camping ah hian Aizawl atangin Mi 2 leh Falkawn atangin Mi 1 an lut bawk. Inrinni, Camp chhuah ni ah Pastor J Lalhmingsanga, Speaker kutah Mipa 5 leh Hmeichhia 4. an vaiin kohhran mi ni sa, mi 9 in Isua hmingin Baptisma an chang a, Thlarau boruak a tha hle. December 4, Pathianni zan inkhawm ban khan Kohhran dang atangin mi pakhatin Rev B. Lalengzauva, Bialtu Pastor kutah Isua hmingin Baptisma a chang leh a, Camping chhunga Baptisma chang hi mi 10 an ni ta a ni. Camping Follow up programme hun chhunga zaia rawngbawltute Sis Santei leh Bro Lawma te Lalpan a hmang hle a an zai atangin Hlapui te chhuakin Kohhran ten hlim takin hun an hmang a ni.
Serchhip Dintharah hian Speaker-ah Evan R.Vanchhunga hman niin Kohhran hoten hlim takin hun an hmang a, December 5, Thawhtanni khan Upa F Lalhmunsiama te chhungkua chuan Pathian chawimawina an nei a ni.
———-
District Relief Fund Pe:
December 5, Thawhtan zana vanduaina tawk Rev K Ropara te chhungkua chu District hmingin tawrhpuina hlan a ni. Rev K Ropara te chhungkua chu December 5, Thawhtan zan khan an chenna In chu bungrua engmah chuh hman lovin a kang ral vek a ni. Vanduaina thlen lai hian District Thianghlimna Committee buatsaih in No Tobacco Week hawnna; Vanapa Hall ah neih mek anih avangin District hruaitu te hi ahmunah an thleng mai thei lova. Program hman zawh rualin vanduaina tawk te chhungkua hi an tlawh nghal a ni
———-
———-
NORTH MIZORAM DISTRICT
DISTRICT OFFICE HRUAITUTE PROGRAMME:
DISTRICT SUPERINTENDENT, SECRETARY, TREASURER & MISSIONS DIRECTOR: Dec ni 6 atanga ni 8 thawhlehni atanga Ningani thleng North Mizoram District Kum tawp Board neiin; District Committee Room hawn tharah Board meeting an nei ang.
DISTRICT SUPERINTENDENT:
District Supdt. Rev Chhiarpuia chuan Dec ni 9 Zirtawpni atanga ni 11 chhungin Damparengpui Bial chhung kohhran hrang hrangte tlawhin kohhran dinhmun enfiahin a tul ang zelin rawngbawlna a nei ang.
DISTRICT TREASURER:
NMD Treasurer Rev. C. Lalthantluanga chuan Dec. ni 9-15 chhung hian Odhissa MF-ah kohhran thil tul tiin a kal ang a, Dec ni 16-20 hian Kolkatta Missions Field Confe a hmanpui ang. Krismass hi Tlangsang Kohhrante’n hmang tura an sawm angin Dec. ni 23-28 a hmanpui bawk dawn a ni.
———-
DISTRICT MISSIONS BOARD THUKHAWM (DATED AIZAWL THE 1ST DEC, 2022)
NMD Mission Deptarrtment Board chu Dec ni 1 Zirtawpni khan Dist. Missions Director Rev. C. Lalramthanga kaihhruaiin NMD Hqrs. Kohhran Biak in, Tuikhuahtlangah meeting neih a ni a. Kum 2023 atan Budget Rs. 187,93,000 an passed.
Districrt Board-ah hian District Puipa 3 ten hovin; Dist. Supdt. Rev. Chhiarpuia’n thu tawi a sawi a, ‘Lalpa hna thawktute’n awmze nei zawk leh hlawk zawka hna thawk tur chuan, hruaitute’n ruahmanna tha an neih a ngai a ni’ a ti.
District Missions Board rorel pawimawh zualte:
1. Missionary Probation Period hmang mekte MR Bill theih dan kawng ngaihtuah a ni a, passed a ni.
2. District-in Home Missions Field enkawl dan kan neih tawh chu siam tha tih a ni a, Revised Committee hetiang hian din a ni:
Evan Lalchhuanmawia Sailo
Upa HT Lalduhawma
Evan C Hmingchungnunga
Dan ruahmantuten an siam zawhah Dist. Missions Board-ah endik leh tur a ni ang.
3. Home Missions Field a Sunday School zirtur an mahni tawng ngeia Zirlaibu siamsak tih remtih niin District hruaituten lo bawhzui se tih a ni.
4 Missionary Chawmna/Support neih thin chungchangah hetiang hian guidline ruahman a ni.
i) Missionary Chawmna leh Support zawng tura Campaign fehchhuah runpui hi kumtin January thla ral hma ngeiin neih thin nise
ii) Campaigner te hi Bial Missions Hruaituten lo dawngsawng zel thin se, a theih ang angin Bial chhungah hruaitute pawh hian lo pui bawm zel se.
iii) Bial Missions Department lam hian District Missions Department lamah Quarterly in thehlut ziah thin se
iv) District Missions Department lam pawh hian Quarterly in Report hi ti chhuak ziah thin se
v) Bial Missions Department tin hian Bial Missions Conference ah Bial chhunga Missionary Chawm leh Support list leh an pek zat report book ah tilang vek thin se. Tichuan, Missionary Chawmna leh Support chungchang kal zel dan tur chu tuna kan kal dan pangngai ang hian kal zel nise tiin lungrual takin passed bawk a ni.
5. Missionary te thlabi hlawh lak thin Pay revise committee-in a ruahman chu passed a ni a, Basic-ah Rs. 19000 lain; Missionary lak te kum 1 an thawh hnuah DA leh ADA an nei thei ang a, hlawh thar hi kum 2023 January thla atanga lak tur a ni ang.
6.Missionary Transfer and Posting khawih niin; hetiang hian ruahmanna siam a ni: Office-a awm mek Sist. Lalhriatkim chu Bukvanneiah awmin, Bajerung Missionary Evan. RS Lalnunmawia chu Office lamah Account Assistant in a awm ang a, Bukvanneia awm T.Upa C. Lalawmpuia Bajerung MF-ah a awm thung ang.
7.Tuipuibari Centre leh Hmar veng a hranga kohhran inkhawm thin chu kohhran khatah inchhunkawm tha tih a ni a, District hruaitute’n lo bawhzui se tih a ni.
PenNet NMD
———-
NORTH MIZORAM DISTRICT PYD CONFE VAWI 55 NA CONF ROREL NEI:
Dated Aizawl: The 2nd Dec. 2022: Dar 10:00 North Mizoram District PYD Confe rorel vawi 55-na chu Evan. Jeno Vanlalruata NMD PYD President kaihhruaiin Dec ni 2 Zirtawpni khan Hqrs. Biak In Tuikhuahtlangah neih a ni.
Chairman kaihhruaiin Dist. Hruaitute leh Bial hrang hrang atanga Palaite leh Dist. Dept hruaitute inhmelhriattirna neih a ni a, chumi hnuah Dist Supdt. Rev. Chhiarpuian thu sawiin “PYD te rawngbawlna kawngah an hma a en thu te, Pathian khawngaihna a zarah Thiamna leh finna kawngah pawh mite phak loh tamtak an awm tawh thute tarlangin PYD hruaitute chu hruaitu ni satliah mai lovin awmze nei hruaitu ni a, an hruaia te dinhmun hrechianga Pathian thuzirna kawnga mitui an ni emaw zirna kawnga mi bik an ni emaw, kohhran a zahawmna leh timasawn thei mi kan neih chuan sponsorship kawng thleng pawha rilru nei turin thalaite a fuih a ni.
Rev. C.Lalthantluanga. Dist Treasurer lo dingin Kum 2022 chhunga NMD chhunga PYD member chatuan ram pantate pual sunna hun hmangin, mi 21 lai kum 2022 chhungin sun an ni.
Hemi hnu hian District lawmman siam District PYD leh Sub Comt. Peng atang tein sem a ni a, i) Budget tlak hmasa te ii) Hruaitu Hlun chawimawina lawmman te iii) Kumpuan bawhzui tha lawmman te sem a ni bawk.
Confe Report bu-in a tarlan dan atangin hetiang hi NM. Distrct PYD dinhmun a ni:-
1. PYD Members = 7232
2. Kum hmasa aia punna = 263
3. PYD Dinna = 148
4. Lehkha tara innei = Tuak 40
5. Zukhmuam ti lo = 2018
6. Zukhmuam nghei thar = 101
NMD PYD Confe-ah hian Agenda 7 awmin rorel pawimawh zual te:-
1. Confe thlenna tur hmun ruahmanna
a. 2023 – Bairabi Bial
b. 2024 – Headquarters Bial (Rorel inkhawm)
c. 2025 – Rengdil Bial
d. 2026 – Headquarers Bial (Rorel inkhawm)
e. 2027 – Thenzawl Bial.
2. District PYD Confe neih hun hi sawn chungchang sawiin Dist. Board-a rel tura dah a ni
3. Calvary Bible Collect tanpuina tur mumal zawka ngaihtuah tih chu sawiin, Dist. Board-a rel turah dah a ni.
4. Dist. PYD hian kum khatah vawi 1 emaw vawi 2 tal PYD member te competitive exam an hmachhawnna kawngah hmasawn zual theih nan leh coaching kalna tur nei lo te tan free coaching hi buatsaih thin ni se tih chu passed a ni.
———-
REVIVAL MEET HLIM TAKIN HMANG
North Mizoram District huam chhung Bial 31, Bial then hrang hrang ten Dec. ni 3 leh ni 4 hmang khan Revival Conference hlim leh tluang taka hmangin Pathian Thlarau Thianghlim hriakthih hnuaiah hriakthih hnuaiah hun an hmang a, PenNet report dawn tlangpui te:-
———-
HQRS BIAL, TLANGNUAM BIAL LEH HUNTHAR BIAL:
Hunthar kohhranah Bial 3 Revival meet hmangin inkhawm tan zan atangin Thlarau lam hla nen hlim takin hun an hmang a, Thlarau thianghlim baptisma chang thar leh Pathian hriakthihna chang pawh an awm. Zaipawl leh malzai te tangin hlapui remchhoh niin; Pathianni zanah inkhawm dar 11:00 rik dawnah te ban a ni.
Meet-ah hian Thupui Siamthar lehna Gal 6:15 hmangin, Thupui hrang hrang Thlarauah, Thuthlungah, Thianghlimnaah tiha te thenin, Upa Liankhuma Tlangnuam, Rev. Lalremtluanga Hqs. Bial Pastor, Evan. Challiana, Hqrs. Bial Secy leh Pastor Lalruatkima Fanai Tlangnuam Bialtu Pastor ten hun an hmang a ni. Kum 2023-ah Bial 3 Revival hi Headquarters Bial-ah nghah a ni dawn a ni.
———-
KANGHMUN, DINTHAR, MAUBAWK LEH REIEK Bialte chuan Bial 4 Jt Revival Kanghmun Bial Khawrihnimah hmangin, an hlim hle a, Kum 2023-ah Dinthar Bialah Revival an hmang leh dawn a ni.
———-
DAMPARENGPUI BIAL, WEST PHAILENG BIAL, LENGPUI BIAL, CHAWLHMUN BIAL LEH CHALTLANG BIAL: Rawpuichhip kohhranah Bial 5 Jt revival hmangin inkhawmte Damparengpui , Phaileng, Lengpui Chawlhhmun leh Chatlang Bialte chuan Lengpui Bial Rawpuichhip kohhranah Bial 5 Jt. Revival neiin thlarau thianghlim awmpuina an chang a. he khawmpuiah hian W.Pheileng Biala Pukgzing vengthar pualin thawhlawm khawn a nia, _Pathianni zingah Rs. 7400 khawn chhuak in Evand. C. Hmingchungnunga Rs 600 belhin Rs. 8000 a ni a, mipui thawhkhawm bak zawng Upa Buatsaiha te chhung Bawngkawn Kohhran (NMD) chuan Rs. 32000 an thawh bawk a ni. Pukzing Biak in hmun leina tur hi Rs. 40000 a ni.
———-
BAIRABI, MAMIT, TLANGSANG, RENGDIL LEH ZAWLNUAM BIAL te chuan Bairabi-ah Bial 5 Jt revival hmangin Pathian thlarauin pungkhawmte a awmpui hle a, thlarau lam hla leh van zai lunglenthlak tak takt e nen hun an hmang a ni. Kum 2023-ah Rengdil Bialte’n Jt revival hi an thleng dawn a ni.
———-
NORTH MIZORAM DISTRICT OFFICE BUILDING CHUNGA COMMITTEE ROOM SAK THAR HAWN A NI TA:
December ni 6 chhun Dar 12:00 khan North Mizoram District Office Building chunga Committee Room sak thar chu Rev. Chhiarpuia Dist. Supdt. chuan Lalpa Isua hmingin a hawng.
Hawnna inkhawmah hian District Board member te an kal kim a, Rev Chharpuia’n Bible I Lalte 9:1 ‘Tin, heti hi a ni a, Solomonan LALPA in leh lal in a saka Solomonan chak taka a tum zawng zawng a tihzawh vek hnuah chuan,9:2 Gibeon khuaa a hnêna a inlâr ang khan LALPA chu Solomona hnênah a rawn inlâr leh a. 9:3 Tin, LALPA chuan a hnênah, “I tawngtaina leh i dilna ka hmaa i rawn thlente kha ka lo ngaithla a: he mi in i sak hi kumkhuaa ka hming awmtir nan ka tithianghlim tawh e; ka mit leh ka thinlung chu chutah chuan a awm kumkhua tawh ang. Tih chhiarin Rev. Laltluanga Outgoing Dist. Supdt.-in tawngtaina a nei a, chumi hnuah District Committee Room chu Lal Isua hmingin a hawng ta a ni.
Room chhung inkhawm Rev. K. Lalduhsanga, NMD Secretary chuan kaihruaiin District Committee room sak chhoh dan report tlangpui a pein; Committee room dawhkan siam hnatlanga thawk tura tlawmngai te Rev. C. Lalmuanpuia, Rev. PC Laltlankima, Rev. C. Laltlanchhuaha, Pastor Lalduhsaka Saza, Evan. Lalnunhlua, Evan R. Lalchhanchhuaha, Evan. Ramnunsanga, Bro. Arama etc te hming a tar chhuak a, an ni hian ni 4 chhung lekin dawhkan mawi tak an siam peih dan report ngaihnawm tak a pe bawk.
Hemi hnu hian District Committee Room chhungah District Board member ten Room hlanna uluk taka neiin; Kum 2023 Nilai THupui bu DIst. Supdt. Rev. Chhiarpuia’an a tlangzarh bawk a ni.
———-
ZAWLPUIAH MI THAR 2 LAWMLUT:
December ni 7, 2022 (wed) zan khan Zawlpuia rawngbawla awm mek Evan. C. Lalthlamuana rawngbawlna kaltlangin mithar Sis. Lalnunsiami leh a fanu Lucy Lalruatpuii te chuan Pathian thuthlung hmuin UPC-NEI-ah an rawn lut. Evan. C. Lalthlamuana hian mithar 2 te hi a lawmlut a ni.
Kumin hian Zawlpui kohhran hoten Pathian malsawmna an dawng nasa em em a, mi thar pali (4) lawmlut tawhin nau piang thar 2 an awm tawh bawk. Lalpa Isua ropui ber rawh se.
———-
RELIEF FUND ATANGIN TANPUINA HLAN :
Dec ni 7 Nilaini zing kar khan Chaltlang Bial ten rawngbawlpui Rev K Ropara in kang tuar tanpuina Relief Fund atangin ₹ 10000 (Singkhat) an hlan a, thilpek hi Chaltlang Bial aiawhin Bial Treasurer Evan R Lalthangchhuana’n a hlan a ni.
Hemi rual hian Chanmari Local, Chaltlang bial ten tanpuina ₹ 5000 (Sangnga) kangmei tuar chhungkua te an hlan bawk a ni.
———-
WORK CAMP IN CEILING SIAM SAK:
K.Sarali Missions Field, Rengdil Bial a awm chu Rengdil Bial Mission Dept te chuan workcamp in Quarter Ceiling mawi tak an siam saka, ramthiam tana mi inpe tak Bial Rengdil Bialte chungah Dist. Missions Dept chu a lawm hle a ni.
———-
LUNGLEI DISTRICT
SEMINAR :
December ni 6, Thawhlehni khan District UPC Conference Hall-ah Lunglei District UPC hnuaia Pastor-te tan Seminar buatsaih a ni.
He Seminar ah hian Resource Person atan Calvary Bible College (CBC)-a Lecturer Rev.C.Malsawmzela leh Pastor C. Mangthangvunga te hman an ni.
Chawhma lamah Rev.C.Malsawmzela chuan ‘Tui leh Thlarauva pianna chungchang’ tih thupui hmangin zirtirna a pe a, chawhnu hunah Pastor C. Mangthangvunga chuan ‘Pathian pakhat chungchang’ tih thupui hmangin zirtirna a pe bawk.
He hunah hian Lunglei District hnuaia Pastor thawk laite an kal kim thei a, a hlawkthlak an ti hle. Naktuk December ni 7 atang hian Lunglei District Board vawi 207-na an neih chhunzawm ang.
———-
PYD LUNGLEI DISTRICT BOARD VAWI 99-NA NEIH A NI:
December ni 2, Zirtawpni khan PYD, Lunglei District Board vawi 99-na chu District UPC Conference Hall-ah Vice President Upa C.Malsawmkima kaihhruainain neih a ni a, District Treasurer Rev.PC.Lalfakawma chuan a telpui a, bial 14 atangin rorel member an kal thei a ni.
An rorel langsar zualte:
1. 2023 District PYD Conference, April ni 28-30 chhunga Farm Veng a neih tur chu thlirlawk a ni a, Programme nei tur hi District hruaitute leh bial/Local hruaitute in be rawnin ruahman nise tha tih a ni.
2. Music Committee, Lunglei District nen tangkawpin Music Festival buatsaih nise tha tih a ni a, Music Committee hnenah sawmna siam nise.
3. Calvary Bible College (CBC) tanpuina pek tha tih a ni a, CBC pual sumtuak fehchhuah atanga sum hmuh hmangin Library-a hman tur lehkhabu lei sak nise tha tih a ni.
4. 2024 General PYD Conference chu Lunglei District-ah nghah a ni a, General Conference neihna tur hmun atan hian Hnahthial biak phawt nise tha tih a ni.
5. 2023 District PYD Budget atan Rs.12,60,500 pawm a ni.
Lunglei District PYD ah hian Member 5596 (Mipa – 3573, Hmeichhia – 2023) an awm mek a, PYD dinna hi Local 94 a awm a ni. Tin, Lunglei District PYD hian kumin chhungin Civil Hospital, Lunglei tan thisen Unit 447 an pe tawh a ni.
———-
DISTRICT MISSIONS BOARD TLUANG TAKA NEIH A NI:
December ni 1 Ningani khan Missions Department, Lunglei District Board vawi 132-na chu District UPC Conference Hall-ah neih a ni a, District Missions Director Rev.R.Vanlalenga chuan a kaihruai a, General Missions Director Rev. Biaksangzuala chuan a telpui bawk.
An rorel langsar zualte:
1. Home Missionary-te leh Missions Dept.Driver-te term chu January 2023 thleng pawh sei a ni.
2. 2022 hi Lunglei Dist.Missions Dept.Golden jubilee a ni a, hripui avangin a puala ruahmanna neih hleih theih a ni lova, chuvangin Office a dah tur Monument lian țha deuh siam nise tih a ni.
3.Putlungasih Quarters Bathroom leh tuikhawihna siam chu kan sum pekin a daih loh avangin Rs.10000 pek leh nise.
4. Gelling (N.Bengal & Sikkim field) ah Pukpui LAD ten biak in sak nan Rs. 240000 an pe a, chu chuan a daih loh avangin Rs.80000 an rawn dil ang hian pek tha tih a ni.
5. Pastlogy (Assam field) a biak in sak chu Evan. MC. Vanlalhuman bul a lo tum tawh a, MLA fund ațangin 2lakh an dawng bawk a, I.R ațangin Rs.50000 hmuin hmalak leh a ni a, mahse chu chuan a la daih lo a, Rs.50000 pek nise tha tih a ni.
6. District Conf. Dt.27-29.Jan. 2023 a neih turah Pastor C.Thandawla Bihar field Director chah/sawm nise, Zehtet field a mi item nei thei tur te pawh an kalna senso tum sak tha tih a ni. Conf.lai sunday tukah 2023 Gen.ațanga project tur min tuk chu appeal a tuak tha tih a ni.
7. 2023 Budget atan Rs.9100000 (Nuai sawmkua pakhat) pawm a ni. Bial ah Rs.3870000 (Nuai sawmthum pariat singsarih) sem chhuah a ni bawk.
He Board ah hian bial 20 ațangin bial 18 an kal thei a, District officials ten an telpui thei bawk.
———-
QUIZ COMPETITION NEIH TAN A NI:
December ni 6 (Tue) zan khan Education Committee, PYD Lunglei District buatsaih Quiz Competition, First Round zan khatna chu Headquarters Local Sunday School Hall-ah neih tan a ni.
He Quiz Competition hi Rbt.C.Lalramluahpuia chuan a kaihruai a, District Superintendent Rev.C.Vanlalena chuan hunserh a hmang a, Sist.CV.Lalrammuani kaihhruainain Quiz Competition hi neih chhunzawm a ni.
First Round zan khatna a Local 5 in lan zingah Venghlun leh Luangmual Local ten Final Round an lut a, zan hnihna hi December ni 8 (Thu) zanah neih chhunzawm a ni ang a, heta Local ti tha 2 te hian final round an lut ve leh ang. Tin, first round zan khatna leh zan hnihna a 3-na a point hmu sang zawk zawkin Final round hi an lut bawk ang.
He quiz Competition ah hian Bible (Matthaia, Marka, Luka, Johana) General Knowledge, Church History, Audio and Visual Round hmangin intihsiakna hi buatsaih a ni.
———-
MI THAR
November ni 30 atang khan Rangte S’ hmunah Vaisam Home Missionary Evan.R.Lalthlamuana Speaker ah hmangin Revival Crusade neih a ni a, Sist. C. Lalduhawmi Zion Local leh Rbt. R. Lalhmudika Ṭhangte ten Speaker rawngbawlna hi an tawiawm a ni.
He Crusade hi Lalpan a awmpui a, thlarau lam hla nen an hlim hle. Mi 15 aia tam mahin Thlarau an dawng thar a ni.
Nimin December ni 4 khan Baptisma khur hawn niin mi 5 in Isua hmingin an chang a, 1 hi Baptist Kohhran a ni a, zan lamah baptisma chang chu kohhranah seng luhna neih nghal a ni. Baptisma leh mi thar seng luh rawngbawlna hi Evan R.Lalthlamuana hian a nei a ni.
———-
DIAMOND JUBILEE LAWMNA HUN HMANG :
South Vanlaiphai Local-te chuan December ni 3 Inrinni khan an kum 60-na (Diamond Jubilee) lawmna hun an hmang.
South Vanlaiphai hi Mizoram khaw chhak lam, Lunglei atanga KM 98 vela awm niin, Hnahthial District a awm a ni. (Kohhranah erawh Lunglei District ah a awm) Kum 1962 khan Pu F. Rualzakhuma, Sailulak atanga pemin a din a ni a. Hun hmasa lamah Bial angin Muallianpui nen awm ve mahse, a hnuah erawh Hnahthial bialah a bet leh a. Kum 30 bawr vel Evangelist (Home Missionary) enge maw zat ten lo thutchilh tawhin kohhran an lo enkawl tawh a. Kum 2015 ah Bial thar hawn niin, bial centre atan ruat a ni a. Tuna biak in luah lai hi kum 2018 a sak tan a ni a, kum 2019 khan hawn a lo ni tawh bawk.
South Vanlaiphai Local-ah hian tun dinhmunah member 34 an awm mek a. Member tam lo tak ni chungin kum 60 chhung an lo kal tawh a ni.
Diamond Jubilee hmannaah hian District Superintendent Rev C. Vanlalena, Rev C. hmingthanfala, Headquarters Section Pastor (Evangelist a awm tawh), Pastor Jerry Lalmuanawma, Chawngte Section pastor (S.Vanlaiphai bialtu Pastor hmasa), Rev VL Hmuaka, Hnahthial Section pastor (Evangelista awm tawh) ten an telpui bakah bial chhung Local, Muallianpui leh Darzo atangin Church Board member engemaw zatin an telpui bawk. An ni bakah hian Jubilee hmanpui hmun dang atangin an kal bawk a ni.
Jubilee inkhawm hi chawhma dar 10 ah tan niin, Jubilee dar vuak a nih hnuah inkhawmna neih a ni. South Vanlaiphai Bialtu, Pastor Rochungnunga Renthlei’in inkhawm kaihruaiin, Rev. C. Vanlalena’n Jubilee Souvenir tlangzarhna nei a, Thuchah sawina hun a hmang nghal bawk. Chawhnu lamah zaikhawmin hun hman a ni a. Tlai lamah Jubilee ruai theh a ni.
Jubilee lawmna programme hi Dt 2nd December 2022 (Zirtawp zan) atanga tanin Dt 4th. December, Pathianni zan thlengin hun an hmang a ni.
———-
———-
LAWNGTLAI WEST DISTRICT
Rev.F.Lalbiakthuama, District Superintendent chuan Dt 10-12.Dec.2022 hian Lunghauka hmunah Rammut hna thawkin a fehchhuak ang.
Rev.Lalsawmliana Sailo, District secretary chuan Date 10.Dec.2022 ah Bethel Local churchah sacrament rawngbawlna a nei a nga Pathianni zanah college veng Local Church ah Sacrament rawngbawlna a nei leh ang.
———-
MEET HMANG.
Date 02-04.Dec.2022 hmang khan Pentecostal Youth Department Bungtlang South Section chuan Bial meet vawi khat(1)na chu Darnamtlang Local ah an hmang.
Inrinni chhunah out door games hmanga in fiamna an neia zan lamah Indoor games a in tihsiak leh a ni bawk.
Meet ah hian Speaker neiin Pastor K.Lalzawmsanga bialtu Pastor a ni a thupui ah “In eng chu mi mit hmuh ah eng rawhse”(Mathaia 5:16) tih an hmang bawk a ni.
Meet hi Rev.F.Lalbiakthuama Dist.Supdt leh Evan George GB.Lalawmpui Dist.PYD Secretary in an hmanpui bawk.
———-
RAWNGBAWLTU NI HMANG
Date 03.Dec.2022
Lawngtlai West District chhungah rawngbawltu ni hman niin bial leh Local te a hman a ni.
Saizawh East Local chuan rawngbawltu ni hmangin Rev.Lalsawmliana Sailo bialtu Pastor chu resource person ah hmangin topic ah Leadership leh practical tih hmangin zirtirna an neia tlailamah chawhlui kihona an nei bawk a ni.
Diltlang south bial erawh rawngbawltu ni hmang tura inbuatsaihna kalpui ni tawh mahse Diltlang Local LAD Member boral avangin rawngbawltu ni hi an hmang thei talo a ni.
Khawmawi Local erawh chuan Pathianni ah hmangin sermon inkhawm neiin rawngbawltu te infuih tharna pawimawhna sermon ngaihthlak a ni.
Chandmary Local te pawn rawngbawltu ni hi hmangin tlai lamah chawnghei tawngtaina hun an hmanga upa leh rawngbawltute an kal tha hle a ni.
Mampui Local church pawn rawngbawltu ni hmangin Leadership trainning neiin resource person ah Upa Jerry Lalbulpuia chu hman a ni a ni.Church board rorelna an nei nghal bawk a ni.
Lawngtlai north bial chuan rawngbawltu ni bial huapin anhmang a,rawngbawltu mi sawmruk pahnih( 62)ah mi sawmli pali(44) an kal ani, bial treasurer Upa.L .Lalnunziran “Rawngbawltu hna leh mawhphurh nate” tih leh bialtu pastor S.Vanlallunghneman practical te hmangin zirtirna te an pe a ni.
College Local Church erawh chhunlamah hnatlang thawkin zanlamah hun an hmang thunga rawngbawltu te tana tangkai tur lam hawi zawnga sermon ngaihthlak a ni bawk.
Bethel Local Church te pawn chhunlamah hnatlangin zan lamah rawngbawltu ni hmangin rawngbawltu te hriattur leh tih tur te in zirtirna hun an hmang a ni.
Vathuampui bial pawh mahni local church ah theuh hmangin in fuihtharna leh rawngbawltu te hlutna leh chawimawina lam hawia sermon ngaihthlak a ni bawk a ni.
———-
BAPTISTMA LEH NAUHLANNA NEI
December ni 4 khan Saizawh East home mission field ah Rev.Lalsawmliana Sailo bialtu Pastor chuan Lalpa Isua hmingin baptistma mi panga(5) a changtir tin,he mi ni vek hian naute pakhat(1)hlanna a nei nghal bawk a ni.
Baptistma a chang tir te hi kan hnungkara Pathianni a kohhrana lawmluh te an ni.
———-
MITHAR LAWMLUHNA NEI
December ni 4 (Sunday) khan Rev.F.Lalbiakthuama Dist.Superintendent chuan Darnamtlang hmunah mithar chhungkaw hnih(2) member pakua(9) lawmluhna a nei a ni. D/S hi Evan.GB.Lalawmpuia Dist.Missions Secretary in a tawiawm bawk.
Pathianni zan hian Rev.Lalsawmliana Sailo Bialtu Pastor chuan Saizawh East field ah Mithar pakhat(1) chu Lalpa Isua hmingin lawm luhna a nei a ni.
Lawmluh thar hi Pathianni chhunah Lalpa Isua hmingin Baptistma a chang nghal bawk a ni.
———-
NGENGPUIKAI HOME MISSION FIELD TLAWH
December ni 4 Pathianni khan Mampui Local PYD te chuan Ngengpui kai home mission field(Local) tlawh in hun hlimawm tak an hmang a ni. Pathianni chhunah fellowship neiin,in tihhlimna an nei a ni.
———-
———-
CHHIMTUIPUI DISTRICT NEWS
December ni 3 inrinni khan District Superintendent, Rev. Joseph L Thlauhthang chuan Tuipui V’ (Vartekkai)) Kohhran a tawh a ni.
———-
SUNDAY SCHOOL KHAWMPUI NEI:
December ni 4 Pathianni khan Siaha West bial sunday school khawmpui vawikhatna chu council Vaih Local church ah hlawhtling taka hman ani .Local hrang hrang atang naupang an kal tha hle a mi 200 chuangin khawmpui hi an hmang ani.lntihsiakna kawng hrang hrang a neih niin,
1.Meisatla local
2.Dist hqrs local
3.Council vaih local
Khawmpui thlengtu council Vaih Local ten tlailam chawhlui an buaisaih chu hlim takin kil ani.
———-
IN FUIH THARNA HUN HMANG
December ni 6 (Thawhlehni) ni Khan Chhimtuipui District choir te leh District official ten district committee room ah in fuih tharna hun an hmang.
He hun hi Rbt.J.Lalhriatchhunga music & sound committee chairman in kaihruaiin, Dist Superintendent hnen atang leh dist secretary,dist PYD president hnen atang ten fuihna thu chah tha tak tak ngaihthlak a ni. Dist choir te hi 13.12.2022 ah kolkata conference hmanpui turin an chhuah dawn avangin tawngtaisakna te an nei a ni.
———-
S.LUNGPHER BIAL SUNDAY SCHOOL BOARD NEI
December ni 3 khan Pastor quarsters S.Lungpher hmunah Bial sunday school kum tawp board neih a ni.Board hi Upa LH.Kapchhunga Director Bial sunday school dept kaihruai na hnuaiah neih a ni.
Rorel tlangpui te:-
1.Bial chhung home Missionary Evan H.Lalhruaitluanga chu krismas chibai buk nan ₹1000 pek nise tih ani.
2. Kal (kidney) thalo avanga hunrei tak damdawiin a awm tawh kan sunday school naupang sis Teresa-i D/o Upa Vantluangpuia Cheural local chu ₹1000 a tanpui leh nise tih ani. A hma in ₹1000 in tanpuina pek alo ni tawh bawk ani.
3. Nakum 2023 a Bial sunday school conference huna intihsiakna tur chihrang hrang – Thu inchhang, changvawn, recitation,solo, worship dance etc.. te ngaihtuah a ni bawk.
4. Bial sunday school budget leh target siamfelna hun hman ani bawk. Bial sunday school hmalakna hian conference hlawhtling tak neih alo ni tawh thin a ni.
———-
MITHAR LAWMLUT
Amobyu Vaihthie (Zero) Preaching Point ah December ni 4 khan member thar mi 8 Evan. L.S Lalhmingmuana’n UPC NEI Member ni turin a lawm lut.
Mithar te hi Kohhran Thianghlim atangin chhungkaw 1 member 6, Presbyterian atangin mi 1 leh Pemlut 1 an ni.
Facebook