GENERAL HRUAITUTE PROGRAMME:
General Missions Director Rev. R. Laichhingpuia leh Missions treasurer Evan. F. Lalsangliana te chuan Dec. 3, 2023 hian Assam Missions Field, Rongklirdap, Karbi-anglong hmun a Pastor Quarters hawnna ah hun hmangin rawngbawlna a nei ang.
———-
UPC NORTH EAST INDIA GENERAL CONFERENCE 2023:
UPC North East India General Conference vawi 55-na chu November ni 23-26 chhung khan Pukpui Kohhran Biak In, Lunglei District ah neih a ni.
November ni 23 Ninga zan khan khawmpui tan niin Rev. Chalchhunga, Former Dist. Superintendent, Lunglei chuan Conference hawnna a nei a, Conference thupuiah ‘I puanin hmun chu zauh rawh’ Isaia 54:2 tih hmanniin Rev. KVL. Hmangaihkima, Dist. Superintendent, Aizawl East District chuan thusawi rawngbawlna a nei bawk.
November ni 24, Zirtawpni ah Department pathum Missions Department, Sunday School Department leh PYD ten rorelna an nei. an rorel tlangpuite:
MISSIONS DEPARTMENT:
Missions Department hian Pukpui Local Biak Inah Director Rev.R.Laichhingpuia kaihhruainain ro an rel a, an rorel pawimawh zingah Sikkim Mission Field hawn thar te, China/Tibet a lut tura hmalak nan Tawang, Arunachal-ah Missionary dah te, General Mission-a Missionary chart siam te, Member lak luh tur Field tin tan Target siam te bakah Missionary Training Centre din tura hmalakna kal mek chu chhunzawm nise tih te, Andaman-ah ram lei nise tih te a tel a ni.
SUNDAY SCHOOL DEPARTMENT:
Sunday School Department rorelna hi Pukpui Local Sunday School Hall-ah General Superintendent Rev.R Lalrinsanga kaihhruainain neih a ni a, an thurel langsar zingah Sunday School hminga Bagde, pins,cups, pen leh book mark siam te, Kumpuan bawhzui tha ber hnenah lawmman siam te, Naupang Sunday School zirlaibu series thar siam te, Doctrinal Department zirlaibu a thar siam te bakah Thu inchhang bu hmanlai mek chu siam thar nise tih te a tel bawk.
Sunday School Department hnuaiah hi member 65333 in hming an ziak a ni.
PENTECOSTAL YOUTH DEPARTMENT:
PYD hian President Rev.C.Lalthantluanga kaihhruainain Pukpui Local Hall-ah rorel inkhawm an nei a, General leh District Conference rorel palai designation-a inruat hi Section leh Local aiawhtu turte a zat bithliah awma inruat tawh nise tih te, General PYD Day-ah Local tinin Biak Inah PYD Flag tar thin te bakah Conference fund tih pun te an rorel zingah hian a tel a, hetiang hian General PYD inkhawmpui neih na tur hmun an ruahman bawk
– Kum 2026, Chhimtuipui District
– Kum 2028 N.Mizoram District.
PYD Member hi 27768 awm mekin, PYD dinna hi Section 124 hnuaiah Local 576 a ding bawk.
November ni 24 Zirtawp zan inkhawmah Rev. Lalmalsawma Sailo, General Treasurer, UPC NEI chuan Thusawi rawngbawlna a nei a ni.
November ni 25 Inrinni khan kohhranpui chuan General Superintendent Rev.R.Lalrinsanga kaihhruainain rorel inkhawm Pukpui Local Biak In ah an nei.
Kohhranpui rorelna hian thalai ruihhlo ngaite chhanchhuahna leh la ti velo te venghim turin hmalak tha an ti a, CBC Building sakna tura sum thawh khawm dan tur chungchang bakah
Manipur ram buaina chungchanga Relief Fund khawn leh Relief Committee din te a rel a, kum 2024 chhungin UPC (NEI) Kohhran mipui a tam thei ang berin Thlarau Baptisma an channa tura beihpui thlak te an rel bawk. Hetiang hian inkhawmpui neih leh na tur hmun an ruahman bawk
2024 – North Mizoram District
2025 – Chhimtuipui District
2026 – Aizawl East District
Tun dinhmunah UPC(NEI) hnuaiah hian District 12 leh Missions Field 9 a awm mek a, tualchhung kohhran hi 922 awmin, kohhran member hi 116026 an awm mek a ni.
Inkhawmpui naktuk November ni 26 Pathianni ah hman chhunzawm a ni ang a, Pathianni zing inkhawmah hian Gerenal Superintendent Rev.R.Lalrinsanga chuan Ordination Service a nei ang.
November ni 25 Inrinni zan inkhawmah hian General PYD Chanchinbu “THLAMUANTU” chuan kum danga a tih angin Kum 2023 Jan – Oct. chhunga Bial/Local Chanchinbu tha bakah Article (Mizo & English) tha a thlan chhuah te hnen ah lawmpuina a hlan a ni.,lawmman dawngtute:
Chanchinbu tha
1-na JUNIPER Bethlehem PYD-AED
2-na OLIVE Bazar Bial PYD-AED
3-na PYD ENTU Dinthar PYD-NMD
Article of the year (Mizo)-Thalaite leh Kohhran lawmman dawngtu:
Pastor K.Vanlalhlimpuia, Khawzawl, AED
Article of the Year (English) – Back to Jerusalem lawmman dawngtu:
Upa Vanlalrawna, Thingsulthliah
November ni 25 Inrinni zan inkhawmah hian Rev. James Corbin, General Superintendent of Bangladesh chuan Thusawi rawngbawlna a nei a ni.
November ni 26 Pathianni chawhma khan Ordination Service neih a ni a, Rev. R. Lalrinsanga, General Superintendent chuan kaihruaiin thusawi rawngbawlna a nei a, mi sawmpali (14) ordain an ni. Zan inkhawmah hian Rev. James Corbin, General Superintendent of Bangladesh chuan Thusawi rawngbawlna a nei leh bawk.
———-
———-
———-
CHHIMTUIPUI DISTRICT NEWS
DISTRICT MISSIONS CONFERENCE HMANG DAWN :
Chhimtuipui District Missions Conference vawi 46 na chu Ni 17-19.11.2023 hian Council Vaih Local Siaha ah hman a ni dawn ta. A thlengtu tur Council Vaih Kohhran te chhun leh zan awl nei miah lovin an hnatlang a, an in buatsaihna pawn a vawr tawp thlengin khawmpui thleng turin an in paih fel ta a ni. Tlang hrang hrang a unaute, District Missions Conference hmang a, Lalpa fak leh chawimawina hun hmang turin an sawm tak meuh a ni.
———-
SEMINAR TLUANG TAK LEH HLAWHTLING TAKA NEIH A NI:
Ni 11,12.11.2023 khan Tuipang L Local ah District LAD Seminar programme tluang taka hman a ni. Sunday chawhnu lamah District LAD hruaitute kaihruaina hnuaiah hun hman a ni a. Fa neih tam chungchang te, Church Adminstration te, Account vawn dante, leh Taihmakna thute zirhona neih a ni a, hlim takin sawihona hun hman a ni bawk. Inrinni zan atangin Biak In inkhawmna lamah Rev.Joseph L.Thlauhthang District Superintendent, Rev.Kholy Hlychho District Treasurer leh Rev.Dr.C.Sihmo ten rawngbawlna an in neih chhawk thin a, kohhran ten an rawngbawlna an hlut thiam hle a ni. Tin, nakum 2024 District LAD Conference Organising Board hruaitute leh District LAD hruaitu ten inkawmhona hun tha tak an nei bawk a, District hruaitute pual hian inrinni tlai khan Tuipang L Local LAD ten chawhlui tuihnai tak an buatsaih a ni.
———-
BIAL PYD TEN WORK CAMP NEI :
Ni 11,12.11.2023 khan Siaha bial PYD ten Home Mission Field Tialdawngilung ah Work Camp neiin, Biakin electrict wiring an neih sak a. Zan lamah Open air service an nei chhunzawm nghal a, he hun hi Siaha Bialtu Pastor Rev. K. Kawngkharmawia, Bualpui NG Bialtu Pastor Rev. Robin MH. Lalthanmawia leh Dist PYD Asst. Secy Rbt. J. Lalhriatchhunga, Rbt. Dr.Aichhunga leh Siaha Bial PYD hruaitute uapna hnuai ah member 30 ten hun hlimawm tak an hmang a ni.
———-
PASTOR QUARTERS SAK HNATHAWH TAN A NI:
Ni 14.11.2023 (Thawhlehni) khan Tuipang Bial Pastor Quarters sak hna tan a ni. Tuipang Bial in Kum 10 chhung Pastor Quarters sakna tur atan Budget an lo siam tawh hmangin a sak hna thawh tan a ni a. Bial chhung member engemaw zat an thawk chhuak. Pastor Quarters hi 26 feet x 36feet a lian in ruahman a ni a,a sakna hmun hi Upa B. Thansiama,Tuipang ‘V’ in a pek a ni. Hnatlang thawh ni hian Phura Local Church ten hnatlannaa bawlhlo leina atan Rs.1,000/- an pe a, LAD,bial Hqrs Local in hnatlang thawkte tan Ar sawhchhiar an siam sak bawk. Hnatlan ni hian Upa H. Lalrotlinga,Local Chairman Tuipang ‘L’ leh Upa C. Khawngaihsanga,bial Treasurer in motor an thawh bawk a, Kohhran te an phurin an hlim hle a ni.
———-
———-
AIZAWL EAST DISTRICT
District S S Board:
Nov.17, Zirtawpni khan AED S.S. hnuaia rorelna sang, District Board chu District Committee room-ah neih a ni. Rev.R.Malsawma, Director chuan kaihruaiin thu pawimawh tak tak ngaihtuah a ni. District S.S Board hi District Kohhranpui hruaitute pawhin telpuiin Board member an kal tha hle a ni.
An thu passed langsar zualte:
(1) Kum 2024 budget atan Rs. 16,15,500 /- pawm a ni.
(2) Kum 2024 ah Sunday School Meet hman leh tur a ni.
(3) Kum khat chhungin SS hall sak ṭanpuina sanction pariat pek tawh tur a ni.
Heng bakah hian General Sunday School lama kal tur ṭhenkhat passed a ni bawk.
———-
District PYD Board:
December 1, Zirtawpni khan District PYD hnuaia rorelna sang, District Board chu tluang takin District Committee room-ah neih a ni. He hun hi Rev. C.Lalmalsawma, President chuan kaihruaiin Secretary report leh Financial report ngaihthlak a ni bawk. District Board hi Kohhranpui hruaitute pawhin telpuiin Bial atangin board member an kal tha hle a ni. District PYD Board-ah hian thu pawimawh tak tak ngaihtuah niin Kum 2024 Budget chungchangte, ramlak beihpui thlak chungchangte, Thlamuantu chungchang bakah thalai tanpui ngaite tanpuina tur chungchangte chu an thu ngaihtuah langsar zualte a ni.
———-
Thuthlung zirhona nei:
Dt 25/11/2023 (inrinni) khan Thuampui Bial Sunday School te chuan senior-Doctrinal Department te tan Zuangtui Biakin ah thuthlung zirhona neih a ni a. Speaker atan Bro Lalrinnunga, Riangtlei khua, tuna Zuangtui Vengthar a tirhkoh rawngbawltu a awm mek chu hman a ni. Bial chhung a Naupang SS te leh zirtirtu te kal kan tha in hlawkthlak an ti hle a ni.
———-
Seminar:
District Sunday School Conference in a lo rel angin kumin chhungah Sunday School zirtirtute mawhphurhna tih Seminar mahni bial theuh ah neih tum ni se a tih chu Kawlkulh bial in November 18, Inrinni khan an hmang.
Bial SS Asst. Director Upa Lalkrosthanga’n kaihhruaiin Sis. JH Malsawmtluangi Bial SS Treasurer in tanna a nei a. Bialtu Pastor R. Lalfamkima hnen atangin ‘Zirtirtute mawhphurhna’ tih paper zirho a ni.
Seminar ah hian Bial chhung a Sunday School mawhphurna nei mi 66 an kal khawm a hlawktakin hun an hmang a ni.
———-
Mithar:
Dt.19.11.2023 Pathianni chawhma inkhawm ah khan Khawbung Local-a lawi turin chhungkaw khat, member 3 chu Bialtu Pastor H.Lalbiakzauva sengluhna a nei.
Inkhawm banah Baptisma rawngbawlna neih nghal ani a, mithar 2 leh Member nisa 4 ten Pastor H.Lalbiakzauva kut ah Lalpa Isua hmingin Sual ngaih damna Baptisma an chang nghal a ni.
———-
———-
NORTH MIZORAM DISTRICT
56th North Mizoram District PYD Conference 2023:
UPC North East India, North Mizoram District PYD Conference vawi 56-na chu December ni 1-3, 2023 chhung hian Bairabi Playground ah neih a ni dawn a, Thupuiah “I dinthar leh ang u” tih chu hman a ni ang. North Mizoram District PYD Conference ah hian rawngbawltu tha tak tak, Rev. Chhiarpuia, Superintendent NMD, Rev. C. Lalthantluanga, Gen. PYD President, Evan. Jeno Vanlalruata, Dist. PYD President NMD, leh Evan. K. Rotluanga, Dist. PYD Treasurer NMD ten rawngbawlna an nei thin ang.
———-
Dapchhuah kohhran ah Mithar
Tahrikni 19.11.2023 (Pathianni zan) khan Dapchhuah kohhran a lawi turin Evan.R.Lalchhanchhuaha’n chhungkaw khat member 3, ICI kohhran atangin lawmluhnaa nei a,lawmluhna ah hian chhungkaw Pa ber erawh taksa lam chak lohna vangin a rawn tel thei lo ni
———-
PATHIAN CHAWIMAWINA
Kawnpui bial headquarters local Kawnpui Venglai chuan Ni 17 – 19 November 2023 khan Pathian Chawimawina neiin hun an hmang a. Chawimawina programme-ah hian Evan. Isak Lalhmingliana, Maranatha Revival Team chu Speaker niin, team member 4 ten an tawiawm bawk. Ni 17.11.2023 Zirtawpni zan atanga tan Pathian Chawimawina programme hi Kawnpui khawchhung local hrang hrangten hmanpuiin, member kalkhawm an tha thin hle.
Chawimawina sa ruai hi Ni 18.11.2023 Inrinnia theh tura ruahman lawk nimahse, khaw (khawchin) awmdanin azir loh avangin Pathianni-ah theh a ni thung a, ruai kiltu mipui hi hriat theih chinah mi 182 nia chhiar a ni.
Programme hi Pathianni zana tiak tura ruahman a ni a. Amaherawhchu, thlarau lam tulna avangin, rawngbawltute haw thei lovin, nizan (Thawhtanni) khan kohhran inkhawm neih chhunzawm leh a ni.
Speaker sermon nung tak te; team member inpekna nasa tak avang te; kohhran hote thahnemngaihna leh lungrualna chuan rah duhawm chhuahin, thlarau boruak tha leh nuam tak nen hun hman a ni a, thlarau dawng thar leh siamtharna chang mi engemaw zat an awm a ni.
———-
BIAK IN HMUN TUR LEI FEL
KOLASIB VENGLAI BIAL
Dt. 26.11.2023 khan Tuiṭhaveng Hebron PP Biak In hmun tur chu lei fel a ni.
Biak In hmun tur hi hun engemaw chen ngaihtuah a ni a, LSC Original lamah fel lo deuh a awm avangin buaipui char char a ni a, tihfel a nih hnuah vawiin khan sumfai inhlanin ram hi N. Mizoram District UPC chuan a lei fel ta a. District aiawhin Bial hruaituten ram leina sum hi an hlan a ni.
Hebron-a Kohhran ram tur hi Rs. 1,65,000/- man niin 407.47sq. m a zau a ni a. Biak In leh SS Hall a leng tura ngaih a ni.
Hebron PP-a Kohhran ram tur lei fel a ni ta hi Kolasib Venglai Bial hruaitute leh Kohhran hote an lawm hle.
———-
Dt.26.11.2023 Sunday zan hian Tuipuibari hmar veng pp kohhranah lawi Turin hindu atangin members thar Pali Lalpan min koh sak leh a members pahnih lawm luh ani a, pahnih chu an zin haw lamah lawm luh tura ruahman ani
———-
MAUBAWK BIAL LAD IN DAPCHHUAH TLAWH
November 26.11.2023 (Sun) hmang khan Maubawk Bial LAD ten Dapchhuah kohhran an tlawh a, mi 40 chuang an thawk chhuak a ni. Maubawk Bial LAD ten Dapchhuah kohhran tan Thlipek hlu tak mai THLENG kohhran ho te an pe a, kohhran hoten lawmthu an sawi tak meuh a ni.
Facebook