GENERAL HRUAITUTE PROGRAMME
General Superintendent, Rev. R. Lalrinsanga leh General Treasurer Rev. Lalmalsawma Sailo te chuan August ni 23 Thawhlehni khan Kohhran thil pawimawh tiin Delhi ah an kal a, August ni 27 Inrinni AIzawl an let leh a ni.
———-
UPC NEI LOGO (Emblem) THAR:
UPC North East India Executive Board Rorel No. 1 of 20-21 July 2022 chuan UPC-NEI Official Logo (Emblem) a siam thar a, Kohhran Official Programme, lehkha thawn leh Logo hman tulna apiangah Logo pawm thar hi hman tawh tur a ni ang.
Logo design hi a hrang hman phal a ni lova, a len leh tet thuah te, a rawng hman thuah te, khuahkhirhna Executive Board-in a nei lo.
———-
———-
CHHIMTUIPUI DISTRICT NEWS
DISTRICT PYD EXECUTIVE BOARD:
August ni 18.2022 khan District PYD Executive board chu S.Lungpher Pastor Quarter’s ah neih a ni. He board hi Distict Official lam atangin Dist Secretary leh Dist Treasurer ten an telpui bawk a ni.
Thurel te:
1. 46th Dist PYD Conference thupui atan,” Pathian nena len dun” mika 6:8 chu thlan a ni.
2. District conference theme song neih nise, theme song lo phuah turin Bro LC Khaisang Siaha College Veng chu ruat niin,theme song hi Dist choir ten sa bawk se tul leh pawimawh chu Dist music & sound te hmalak tur a tih a ni.
3. Dist PYD Conference min hmanpui turin New Delhi UPC,Janakpuri Local sawm nise, General PYD hruaitute,Lawngtlai West PYD te,Mizoram chhung a, District hrang hrang PYD hruaitute sawm nise.
4. District PYD in Chhimtuipui District kohhran chanchin lehkha bu a buatsaih mekah Dist in dan lai a Pastor te chanchin ziak tel nise.
———-
PYD BOARD THUKHAWM:
August ni 21.2022 (Pathian Ni) khan Siaha West bial PYD board neih a ni a, an Thurel tlangpui te:
1.District PYD Conference rorel bawhzui nan September 24.2022 ah Dist Hqrs SS hall ah Blood donation camp neih nise.
2. September thla tawp emaw October thla hmalamah emaw District jail ah Bial huap in rawngbawlna neih nise.
3.September Ni 10 hian District Hqrs Local Sunday school hall ah Account management training neih nise, Resources person atan Rbt.H.Ramhluna ruat a ni.
4.November Ni 7 ah Council Vaih Local ah Bial huap Bible Quiz neih tur nise, Quiz master atan Pastor Larry Lalliandinga ruat a ni.
———-
MISSIONS CAMPAIGN NEI:
August ni 21.2022 (Pathian Ni) khan Siaha West bial Mission Department-te chu Riasikah Local ah Missions campaign in an feh chhuak a, Evan T. Vanlaltana Bial mission Treasurer leh Rbt.Siherliana Bial mission Secretary ten rawngbawlna neiin, Kohhran in tlawh kualin tawngtai rawngbawlna an nei bawk a ni.
———-
RAWNGBAWL IN FEHCHHUAK :
August ni 20.2022 (Innrinni) khan Rev.Kholy Hlychho leh Pastor J.Chawnthanga te chuan rammu turin Vartekkai lam an pan a. Vartekkai ah hian Pathian Ni an hmang a ni.Vartekkai hi fur lai anih vangin motor a lut thei lo a,ke a kal ngaih na a ni a, Kohhran te an lawmin an rawngbawlna pawh an hlimpui hle. Hetihlai hian Pastor L.Nghakliana pawn Lungtian Local tlawhin rawngbawlna a nei ve bawk a ni.
———-
MITHAR LAWM LUT:
August ni 21.2022 (Pathian Ni) khan Meisatla Local ah member pakhat Catholic kohhran chu lawm luh a ni. Meisatla Local ah hian tun thla kal mekah member panga an lawm lut tawh a. Kohhran hruaitute an tangin member thar dang pawh lak luh an la beisei zel a ni.
———-
BAPTISMA RAWNGBAWLNA NEI:
August ni 21.2022 (Pathian Ni) khan Evan.N.Thanghnuna District Evangelist leh a thian te chuan Sangau bial Sentetfiang Local ah rawngbawlna neiin, mi 15 in sual ngaihdamna Baptisma an chang a ni.
———-
LEADERSHIP TRAINING CUM QUIZ PROGRAMME NEI:
August Ni 20. 2022 Khan Sangau bial PYD te chuan conference rorel bawhzui in Leadership training nei a, Resources person atan Evan. Jona Lalrintluanga hman a ni. Chawhnu lamah Awareness campaign ( Ngaihhlut tur Dik) nei lehin, Resources person atan Pastor V. Lalhlimpuia hman a ni bawk.
Ni 21.8.2022 ah Quiz (Church History) neih ani bawk a, heng programme an hman hi Sangau bial PYD ten an hlawpui hle.
———-
———-
LAWNGTLAI WEST DISTRICT
RAM MUT BEIHPUI NEI
Lawngtlai South bial chuan August ni 25 atang a ni 28 chhung khan an bial chhunga khaw thum ah ram mut beihpui thlak in hetiang hian hun an hmang:
1. Dt 25th August, 2022 (Ninga Zan) Home Vist at Sihtlangpui
2. Dt 26th August, 2022 (Zirtawp ni chhun leh zan) Home Vist at Kawlchaw ‘W’
3. Dt 27th August, 2022 (Inrinni chhun leh zan) Home Vist at Chawntlangpui
4. Dt.28th August, 2022 (Pathian ni zing Inkhawm Dar :11:00)
Chairman : Upa. F. VL. Chhawna,Bial Treasurer
Inkhawm hlanna Tawngtai :Upa.H.Lalhmachhuana,Director, Bial S.S. Deptt.
Speaker : Rev. F. Lalbiakthuama, Superintendent, LTI ‘W’ Dist
5. Dt 28th August, 2022 (Pathian ni, chawhnu Mual Inkhawm)
Chairman : Rev. F. Lalbiakthuama,
Superintendent, LTI ‘W’ Dist
Speaker : Rev. Lalsawmliana Sailo, Section Pastor, LTI ‘S’ Bial
Dt 28th August, 2022 ( Pathian ni zan Inkhawm)
Chairman Rbt. S. Lalmalsawmsanga,Bial Secretary
Inkhawm hlanna Tawngtai :Upa.C.Lalhmangaihzuala,
Treasurer Bial Mission Dept.
Lawmthu sawina : Bial Treasurer. leh Sihtlangpui Local Church
Speaker : Rev. Lalsawmliana Sailo,Section Pastor, LTI ‘S’ Bial
———-
REVIVAL CRUSADE NEI
Lawngtlai North bial te chuan August ni 25 atang a ni 28 chhung khan Lawngtlai AOC Local Church ah Revival Crusade an nei a, Speaker atan Rev.R.Sangthanga chu hman a ni.
———-
BIAKIN THAWM THATNA WORK CAMP NEI
Date.22.Augst.2022
August ni 22 Thawhtan khan Vathuampui Bial chuan Chamdur Project Biak In thawm tha in work camp an nei a, local hrang hrang atangin mi 30 vel an kal thei a ni.
———-
THILPEK DAWNG
August ni 24 Nilaini khan Vathuampui bial chhunga Chamdur P biakin sak mekah mitha hnem ngai ten thilpek hlu tak tak an pe a, thilpek pe tu te chungah bialtu Pastor B.Lalbiakchhunga chuan lawmthu a sawi tak meuh meuh a ni.
Upa R. Lalhmuakliana Damdep II local chairman chuan Chamdur Project Biak In sak that hnatlang thawk mekte thingpui lum nan Rs 500 a pe a, Upa C Zobuailiana Vathuampui local chairman chuan Chamdur Project kohhranhote tan thingpui no, dozen 2 pein, Upa K Zoramthara Vaseikai local secretary chuan Sanapui pakhat a pe bawk. thilpek pe tu te chungah kohhranhote an lawm tak zet a ni.
———-
———-
LUNGLEI DISTRICT
CHANGEL PHUN HNATLANG NEI :
August ni 20 Inrinni khan P.Y.D. Lunglei District hnuaia Environment Protection Committee (EPC) hmalaknain KTB Farm, Pukpui ah Changel phun hnatlang neih a ni.
Changel phun anih hma hian hunserh tawi hman a ni a, he hun hi Rbt.K.Lalrintluanga, Chairman EPC chuan a kaihruai a, District PYD President Evan.C.Lalremchhunga chuan hunserh hmangin, Pu Vanlalzarzoliana forest R.O. Lunglei chuan thu sawiin, EPC Lunglei District P.Y.D. hmalakna a lawm thu leh Environment humhalh zel turin kal khawmte a sawm a, Rbt. C. Lalrosanga, Secretary EPC chuan report pe in, Rbt. A. Lalchhuanawma, EPC, Committee Member chuan Changel phun dan tur leh hriattur pawimawhte a sawi bawk.
He Changel phun hnatlangah hian Town Area P.Y.D. members 200 vel an kalkhawm a, he hun hi Save Tlawng, Lunglei hruaitute pawhin an telpui bawk. Changel hi bul 430 chuang an phun a ni.
Environment Protection Committee (EPC) hian Environment humhalh kawngah nasa takin hma lak an tum a ni. P.Y.D. Lunglei District Conference vawi 53-na kum 2021-a neih chuan tuihna humhalh nise tiin an lo rel tawh a ni.
———-
THIANGHLIMNA CAMPAIGN:
August ni 20-21 chhung khan Lunglei District Thianghlimna Committee-te chuan Hnahthial bial ah Campaign an nei a, District Superintendent Rev.C.Vanlalena, Evan.V. Lalduhawma leh Sist. Lalramkungi Pachuau te chu Campaign hian an kal a ni.
August ni 20 Inrinni zan khan Tuipui D Local-ah Campaign neiin, August ni 21 Pathianni khan Hnahthial khawpui chhunga Local pathum Venglai, Chanmari leh Electric Local-te tan Venglai Local-ah Campaign hi neih a ni a, August ni 21 Pathianni khan Leite Local-ah Campaign hi an nei chhunzawm bawk.
August ni 28 Pathianni hian Thianghlimna Campaign hi Zawlpui bialah neih a ni leh dawn a, District Secretary Rev.C.Lalrintluanga chuan Campaign hi a nei ang.
———-
SEMINAR:
August ni 27 Inrinni khan Pukpui bial Sunday School Department buatsaihin Zotlang Local-ah Seminar neih a ni a, hetah hian bial chhunga Sunday School zirtirtute an kal \ha hle.
He Seminar-ah hian Resource Person atan District Sunday School Department Director Evan.F. Lalhmangaiha leh Secretary Evan.PC. Zosangliana te hman an ni.
———-
REVIVAL CRUSADE :
August ni 22 zan a\ang khan L.A.D. |awipui N-II Local-te chuan Revival Crusade an buatsaih a, Speaker atan bialtu Pastor K.Vanlalhruaia chu an hmang a, August ni 28 Pathianni zan thleng hun an hmang ang.
———-
SEMINAR & CAMPAIGN :
August ni 28 Pathianni chawhnuah hian Luangmual bial hmalaknain Luangmual Local-a rawngbawltute tan Seminar neih a ni dawn a, Resource Person-ah bialtu Pastor Rev.Lalbiakdika Chawhte chu hman a ni ang.
Tin, Thianghlimna leh Financial Campaign pawh August ni 28 Pathianni chawhma inkhawm leh zan inkhawmah te Luangmual Local-ah hian neih a ni nghal bawk ang.
———-
———-
NORTH MIZORAM DISTRICT
DISTRICT HRUAITUTE THINGDAWL TLANGNUAM-AH FEHCHHUAK
August 25. 2022 khan North Mizoram DIstrict Hruaitu pathum Rev. Chhiarpuia, Rev. K. Lalduhsanga leh Rev. C. Lalthantluanga te chuan Kolasib Diakkawn Bial, Thingdawl Tlangnuam kohhran tlawhin Biak in hmun tur an en a, hemi rual hian kohhran tul pawimawh hrang hrang an ti nghal bawk a ni..
———-
CHHANDAMNA CAMPING:
North Mizoram District PYD hmalaknain September thla chhung hian Pentecostal Camping Center Sakawrtuichhunah “Chhandamna Camping” buatsaih a ni dawn a. A duh apiang lo tel turin kan sawm a che u.
Camping hi Dt. 5th September 2022 aṭangin luh ṭan tur a ni ang.
Camping lut turte tan Bus tlandan tur hetiangin ruahman a ni. Tlai Dar 3 ah a hnuaia kan tarlan aṭang hian a chhuak ang
1. Bus No 1 hi District Office kawt aṭangin a chhuak ang.
2. Bus no 2 hi Bawngkawn kohhran , (Bawngkawn Brigate) Biak in Kawt aṭangin a chhuak ang.
Camping lut turte tana ken tur:
1. Mutbu
2. Bible leh Note Bu
3. Mahni thuamhnaw leh mimal mamawh angte
Camping chungchanga zawhna nei chuan a hnuaia tarlan ah hian biak theih a ni e..
Evan C Lalruatsanga
Chairman Org Committee
Contact: 8787461972
Bro Lalmuanawma
Secretary Org.committee
Contact: 7005816328
Bro Samuel Pachuau
Treasurer Org.Committee
Contact : 8415855207
———-
KOLASIB VENGLAI BIAL PRACTICAL TRAINING LEH REVIVAL
August ni 20 Inrinni khan Bial Hqrs. Kolasib Venglai Biak Inah Bial chhunga Churchboard member zawng zawngte pualin Practical Training neih a ni a, Rev. Lalmalsawma Sailo, Gen. Trea. chu Zirtirtu atan hman a ni. Zan lam aṭangin Revival-a chhunzawm niin General Treasurer hi rawngbawltu atan hman chhunzawm a ni a, Revival bul ṭan zanah hian I nunna turin tlanchhuak rawh tih thu hmangin thusawi ropui tak ngaihthlak a ni. Revival hi August ni 21 Pathianni zan thleng hman a ni.
———-
NMD Literature & Publication Committee:
August ni 23 & 24 khan North Mizoram District Literature & Publication Committee-chu Chairman Rev. K. Lalduhsanga kaihhruaiin an thu khawm a, kum 2023-a North Mizoram District Nilai Thupui zirtura ruahman chu Editing hna an thawk a ni.
———-
CBC TAN PRINTER LEI SAK:
August ni 24 (Nilaini) khan Bro. Jacob Ngursangkhuma, Durtlang, (NMZ District) chuan CBC Library-a hman tur Printer leina Cheng ₹25,000 pein printer thar lei a ni a, Thilpek petu chuangah CBC chuan lawmthu a sawk tak zet a ni.
———-
MITHAR LEH BAPTISMA CHANG THAR:
August ni 15-21.8.2022 hmang khan, Rengtekawn Kohhran ah Revival programme hman a ni a, Speaker ah Evan Lalramhluna Hmar chu hman a ni,Speaker hi Bro Lalventluanga leh Bro Vanlalduatan an ṭawiawm a ni. He Revival prog.chhung hian , Mi thar -1 sengluh a ni a, Rev C.Lalthlengliana,Bialtu Pastor in Lalpa Isua hmingin a lawmlut bawk a ni.
August ni 20 .2022 𝙄𝙣𝙧𝙞𝙣ni 𝙯𝙖𝙣 𝙠𝙝𝙖𝙣 𝙐𝙋𝘾 𝙉𝙤𝙧𝙩𝙝 𝙈𝙞𝙯𝙤𝙧𝙖𝙢 District Treasurer Rev.C.Lalthantluanga 𝙘𝙝𝙪𝙖𝙣 𝙎𝙖𝙢𝙩𝙡𝙖𝙣𝙜 𝙠𝙤𝙝𝙝𝙧𝙖𝙣 𝙩𝙡𝙖𝙬𝙝𝙞𝙣, 𝘽𝙧𝙤. 𝙇𝙖𝙡𝙣𝙪𝙣𝙥𝙪𝙞𝙖 𝙧𝙖𝙬𝙣𝙜𝙗𝙖𝙬𝙡𝙣𝙖 𝙖𝙩𝙖𝙣𝙜𝙞𝙣 Member thar 𝘽𝙧𝙤. 𝘼𝙢𝙗𝙚𝙧 𝙇𝙖𝙡𝙝𝙧𝙞𝙖𝙩𝙖 𝙖 𝙡𝙖𝙬𝙢𝙡𝙪𝙩 𝙖.
August ni 21 Pathianni khan Nisapui Kohhran a lawi turin Evan. Vanrammawia’n Nupa tuak khat (member pahnih) chu Lalpa Isua hmingin a lawmlut.
Kolasib Rengtekawn Bial chhung Gosen veng a Sist J.Lalmuankimi (Nute-i)leh a ṭhian ten rawngbawlna kal tlangin mithar 9 Kohhranah seng luh an ni a, August ni 21 Pathianni khan Rev. C. Lalthlengliana Bialtu Pastorin Lalpa Isua hmingin a lawm lut a ni.
August ni 21 Pathianni khan Evan. T. Vanlalruata Appostoli Revival team ten ram mut Crusade an neih mekna Edenthar Aizawl ah mithar pahnih Kohhranah lawmluh an ni.
August ni 24.2022 (Nilaini) khan Rev C.Lalthlengliana, Bialtu Pastor chuan New Builum Local ah bial fan programme hmangin, Mi thar -7 chu Lalpa Isua hmingin UPC NEI Kohhran ah a lawm lut a, Nau-4 hlan na a nei nghal a ni.
———-
Muallungthu khua (Aibawk Bial) ah Chaltlang Kohhran Ram mu:
August ni 20 & 21, 2022 hmang khan Chaltlang Kohhran te chu Aibawk Bial, Muallungthu khua ah ram mu in an thawk chhuak a, Chaltlang Bialtu Pastor Rev. P. Vanlalfela leh District LAD President Sist. K. Lalhmachhuani B/w ten Pathian thu rawngbawlna nei thin in, Kohhran in tlawh chhuahna te an nei bawk. Muallungthu Kohhran-ten thutak leh thlarau ah malsawmna an dawng nasa hle a ni.
———-
———-
AIZAWL EAST DISTRICT
Hruaitute Programme:
Rev KVL.Hmangaihkima, District Superintendent chuan August 26, Zirtawpni khan Saitual Bial, N.Lungpher Biak In hawnna a nei a, August 28, Pathianni thleng hian N.Lungpher-ah hian rawngbawlna a nei ang.
Rev R.Laltlankima, District Secretary chuan Khawzawl hmunah August 23 leh 24 khan Kohhran thil tul pawimawh tiin hun a hmang a, August 25, Ningani khan Aizawl a rawn let leh a ni.
Rev H.Lalropuia, District Treasurer leh District PYD hruaitute chuan North Bengal & Sikkim Missions Field hnuaia Darjelling hmuna District PYD in Biak In a sak dan tur ena an kal chu dam takin August 26, Zirtawp khan Aizawl an let leh a, Inrinni hian Mualpui Bial LAD Seminar neihah resource person-ah tangin rawngbawlna a nei ang.
Rev VL.Hnemtluanga, District Missions Director chuan rammut programme bakah District Missions Evangelist tlawhin Chhingchhip Bial, Hmuntha hmunah rawngbawlna a nei a, ruahmanna ang chuan Thawhtanni-ah Aizawl a let leh ang.
———-
Biak In hawng:
August 26, Zirtawpni chawhma Dar 11 khan Saitual Bial, N.Lungpher Biak In sak thar chu Rev.KVL.Hmangaihkima, District Superintendent chuan UPC- North East India Biak In pakhat ni turin a hawng. Hemi ni zingkarah khan N.Lungpher Sunday School Hall sak thar pawh Rev.Rohmingliana, District Sunday School Director chuan hawnna a nei bawk a ni.
N.Lungpher Biak In hi Kum 2009 atanga sak kha niin a sak nan hian cheng nuai sawmthum paruk chuang an hmang a ni.
He hun hmang tur hian Saitual Bialtu Pastor lo ni tawh zawng zawng leh N.Lungpher UPC Member Pastor a chhuak tawh zawng zawngte, N.Lungpher UPC Member lo ni tawh zawng zawngte leh Bial chhung Member zawng zawng te sawm niin hlim takin Kohhran ten hun an hmang a ni.
Biak In hawn programme hi Ninga zan atang khan hman niin Zirtawpni leh Inrinni- ah Biak In thar lawmna tisa ruai theh a ni a, Pathianni zan thleng hun an hmang dawn a ni.
District Superintendent, Rev.KVL.Hmangaihkima hian August 21, Pathianni khan Khawzawl Bial, Ngaizawl Biak In sak thar chu hawnna a nei bawk a ni. He hun hi Bialtu Pastor, Rev.Lalhmangaihawma Parte chuan kaihruaiin Bial chhung Local hrang hrang atangin engemaw zatin Ngaizawl Biak In hawnna hi an tawiawm a, hlim takin Kohhran ten hun an hmang a ni.
———-
Darjeeling-ah Biak in sa dawn:
Aizawl East District PYD te chuan North Bengal & Sikkim Missions Field hnuaia Darjeeling hmunah Biak In sa turin ruahmanna an siam mek. Biak In sakna hmun tur en leh tul hrang hrang tiin August 22 khan District PYD President, Rev C.Lalmalsawma leh Evan Lawmsangkima, Asst. Secretary bakah Rev H.Lalropuia, District Kohhranpui Treasurer leh Rev Biaksangzuala, General Missions Director te chuan Darjeeling hi an pan a, dam takin August 26 khan Aizawl an rawn let leh a ni.
Aizawl East District PYD Conference vawi 27-na Kum 2021-a neih chuan Missions Field-ah Quarters emaw Biak In sak ni se, District Board in a tul angin hma lo la se, hemi atan hian Budget-ah pawh dah ni se a ti a. District Board leh District OB te chuan chak taka bawhzuiin hemi pual hian Kumin 2022-ah pawh Budget dah niin tunah hian Darjeeling hmunah Biak In sa tur hian ruahmanna chak taka kalpui chhoh mek zel a ni ta a ni.
———-
Crusade:
Thuampui Bial ten Thuampui Biak In-a August 17, Nilai zan atanga Chhamdamna Crusade an hman chu tluang takin August 21, Pathianni zan khan a tiak. He Crusade-ah hian Speaker-ah Rev.R.Laltlankima, District Secretary chu hman niin Kohhran ten hlim takin hun an hmang a ni.
Bawngkawn Bial Missions Department buatsaihin Peniel Biak In-ah Revival Crusade hman mek a ni a, Pathianni zan thleng a awh ang. Crusade hi Inrinni zan atang khan hman tan niin Evan.F.Malsawmdawngliana chu Speaker-ah an hmang a ni.
———-
Mithar leh Baptisma chang thar:
August 21, Pathianni khan Zembawk Bial Lungbial Kohhran ah mithar 9 sengluh an ni. Member thar te hi Bialtu Pastor, Rev R Malsawma’n sengluhna neiin mi 4 te Baptisma a chantir nghal a ni
Keifang Bial, Keifang Kohhranah August 16 atanga 21 khan Chhandamna Camping neih a ni a, Speaker ah Bro H. Vanlalhruaia leh a Team te hman an ni. Campers hi mi 46 awmin , nasa takin Thlarau Siamtharna a thleng a ni. August 21, Pathianni-ah mi 20 in Isua hmingin Baptisma an chang a, heng zinga mi 5 te hi Kohhran dang niin Kohhranah sengluhna neih nghal a ni. August 21, Pathianni zan khan mi 4 Kohhranah sengluh leh an ni a, heti hian August 21, Pathianni khan Keifang Kohhranah hian mithar 9 Kohhranah sengluh an ni ta a ni.
Evan HK Lalhmangaiha leh a team te chuan Serchhip Bial Serchhip Biak Inpui ah rawngbawlna an nei mek a, an rawngbawlna kaltlangin ruihhlo ngai te leh Biak In thleng ngailo ten Siamtharna an chang mek a ni. August 21, Pathianni Chawhnu inkhawm ah mi pahnih ten Isua hmingin Baptisma an chang a, Baptisma chang te hi mithar an ni. Member thar sengluhna hi Bialtu Pastor, Rev B Lalengzauva’n a nei a, Evan HK Lalhmangaiha’n Baptisma rawngbawlna a nei thung a ni.
E.Lungdar Bialtu Pastor, Pastor K Lalhmingmawia te nupa chuan rammut Bial fan programme an kalpui mek a, August 21, Pathianni khan Sailulak ah rawngbawlna an nei a ni. Thalai mi 8 in Baptisma an chang, Sunday zan inkhawmah Thlarau hlapui nen hun hmangin malsawmna an dawng hle a ni. Bro Danmawia te chhungkua in, August 27, Inrinni hian Chawimawina an nei a ni.
August 20, Inrinni khan Evan C.Lalkhumtira te chhungkua, Rabung Bial, Rabung Hqtrs Kohhran te chuan Pathian hnenah lawmthu sawi Chawimawina an nei a, Speaker ah Upa Lalvenhima, Addl. DC Khawzawl District chu hman niin Evan H.Lalrinawma leh Sis Laldinthari ten zaia rawngbawlna an nei bawk. An rawngbawlna Lalpan a hmangin Thlarau malsawmna ropui tak a thlenga, August 21, Pathianni khan Baptisma khur hawn niin mi 8 ten Bialtu Pastor HMS Dawngkima kutah Sual ngaihdamna Baptisma an chang a ni. Baptisma khurah hian thlarau lo thlengin Hlapui nen Baptisma rawngbawlna pawh hi hman a ni. August 22, Thawhtanni hian Upa F.Vanlalhmuaka te chhungkua in chawimawina hi an nei ve lehin August 27, Inrinni hian Upa Ramenga te chhungkua kaltlangin Pathian chawimawina hi an nei leh a ni.
———-
Lang Camp:
August 20, Inrinni khan Sunday School Kumpuan bawhzuina atan Serchhip Dinthar Bial, Keitum Kohhran-ah Naupang pual lang camp hlawhtling taka neih a ni. He hunah hian Bial S.S hruaitute hnen atangin thusawi an ngaithlaa, hlim takin hun an hmang a ni.
Upper Republic Kohhranah pawh August 20, Inrinni vek khan Naupang pual lang camp hlawhtling taka neih a ni bawk. Speaker-ah Bro.H.Lalrinfela hman niin Pathianni zan thleng khan Followup programme an hmang a ni. He lang camp-ah hian Thlarau dawng thar eng emaw zat an awm a, mi 6 in Isua hmingin baptisma an chang bawk a ni.
———-
District PYD Music & Sound Committee neih a ni:
August 20, Inrinni chawhnu khan District Superintendent Quarters-ah District PYD hnuaia Music & Sound Committee, Rev C.Lalmalsawma, Chairman kaihhruaiin neih a ni. He hunah hian thu pawimawh tak tak ngaihtuah niin an thu passed langsar zualte:
1. Pentecostal Choir-te tan retreat neih tura tih chu tluang takin August 23, 25 leh 26 khan District Hqrs Biakin leh SS Hall-ah te neih a ni. Inkhawm hi Upa F Lalthlangliana, Vice Chairman Music & Sound Committee chuan kaihruaiin Speaker-ah Evan Dr. R Vanlalpeka, District PYD Secretary chu hman a ni.
2. Music School hawn leh tura tih niin a hun atan kumin October leh November ruat a ni. He Music School-ah hian Tonic Solfa bakah Guiter leh Keyboard te zir theih tura tih niin Tonic Solfa hi Bro.Nelson KVL.Chhandama’n zirtirna a pe anga, Guiter leh Keyboard hi Bro. Laltanpuia Khiangte, Zemabawk in zirtirna a pe bawk. Class hi District Hqrs. S.S Hall-ah zingkarah kal thin tur a ni dawn a ni. Music School Opening Function hi October 4, Thawhlehni zing dar 6:30ah hman nise, hetiang in Programme ruahman a ni.
Chairman : Rev C Lalmalsawma, Chairman M&SC
Hunserh/Fuihna : Rev H Lalropuia, Treasurer, AED/President General PYD
Tawngtaina : Upa F Lalthlangliana, Vice Chairman M&SC
Report : Secretary.
———-
District PYD Kumpuan ten Kumpuan Campaign nei:
District PYD Kumpuan Committee ten ruahmanna an lo siam angin August 22, Thawhtan zan khan Bazar Bial tlawhin Kumpuan campaign hlawhtling takin an nei. Bazar Bial te hian Bial Hqrs. Bazar Kohhranah an lo thleng a ni. He hunah hian District PYD Kumpuan Secretary leh Bial Secretary ten report pe in Bial PYD President leh District Kumpuan Treasurer ten thutawi an sawi bawk a ni. District PYD Kumpuan Committee ten Bazar Bial an tlawhnaah hian Evan H.Lalhlimpuia, District Kumpuan Chairman chuan thusawi rawngbawlna a nei a ni.
Aizawl East District PYD Kumpuan Committee te hian ruahmanna an siam ang chuan Aizawl khawpui chhung bial hrang hrangte tlawhchhuah ni se an ti a, chumi chu tunah hian chak taka bawhzuiin Bial engemaw zatah an kal tawh a ni. District PYD Kumpuan Committee te hian i) Short Film Competition buatsaihte ii) Pathian thu sawihona buatsaih bakah iii) Kumpuan lamhawi Publication buatsaih turin tunah hian hma an la mek a ni.
Facebook