HRUAITUTE PROGRAMME
General Superintendent, Rev. R. Lalrinsanga chuan August ni 20 Inrinni khan Agartala a Tripura District Board neih a tel pui.
General Treasurer Rev. Lalmalsawma Sailo chuan Aug ni 19 – 22 chhung hian Kolasib Venglai ah rawngbawlna neiin Church Board member chin Practical Ministry neih puiin resource person ah a tang.
———-
MISSIONS FIELD SUM AUDIT
August ni 17-19 chhung khan UPC North East India General Missions Field hrang hrangte kum chanve sum audit Guwahati ah neih a ni a, General Headquarters Aizawl a tangin Field sum audit tur hian General Missions Secretary Rev. VL. Tluanga Sinate leh General Missions Treasurer Evan. R. Lalbiakfela te an kal a ni.
———-
CHILDREN SONG BOOK
General Sunday School Department-in a buatsaih Children Song book chu August ni 16 Thawhlehni atang khan Kohhran mipui te lei theih tur a peih fel niin District hrang hrangah thawn chhuah a ni a, a duh leh mamawh tan UPC North East India hnuaia Kohhran Office hrang hrang bak ah Pentecostal Book Store, Millenium Centre Aizawl ah te lei theih a ni a, a man hi cheng 170 a ni ang.
———-
CHURACHANDPUR DISTRICT
Churachandpur District Superintendent REV. PAOSEI chuan August Ni-20 inrin zan hian CHIENGKAWN kohhran ah rawngbawlna a nei a, Ni- 21, Pathianni zing inkhawm ah, LAMKA kohhran ah S.S.Zirtirna neiin, Pathianni zan ah L.PHAINUOM Kohhran ah rawngbawlna a nei bawk ang.
Churachandpur District Secretary REV. LALZAWM chuan August Ni- 20, Inrin zan hian PHAIKHOTHANG Kohhran ah rawngbawlna a nei ang. Ni- 21 Pathianni zing inkhawm, S.BUOLKHO Kohhran ah rawngbawlna a nei ang a, Pathianni zan hian THINGKANGPHAI Kohhran ah rawngbawlna a nei ang.
Churachandpur District Treasurer REV. B. LALZAMLUAIA chuan Ni-20 inrin zan hian KANGVAI kohhran ah rawngbawlna a nei ang a, Pathianni zing hian NEW MATA Kohhran ah rawngbawlna a nei ang a, zan chu LAMKA kohhran ah rawngbawlna a nei ang.
———-
———-
NORTH MIZORAM DISTRICT
HRUAITUTE PROGRAMME:
North Mizoram District Supdt. REv. Chhiarpuia chuan Aug ni 9 Nilaini khan kumin kumtira Bial hawn thar Kol. Rengtekawn Bial Pastor Qtrs hmun lei turin a fehchhuak a, hei bakah hian Kol Venglai Bial Pastor Qrtrs tlawhin Qrtrs tihchangtlun dan tur ruahmanna an siam bakah Aug ni 16 Nilaini khan NMD Lit & Pub Board meeting, NMD Office Committee room-a neih chu a ho bawk.
North Mizoram District Treasurer Rev. C. Lalthantluanga chuan Aug ni 21 Pathianni zanah Maubawk Bial, Lawipu Kohhran tlawhin rawngbawlna a nei ang.
North Mizoram District Missions Director Rev. C.Lalramthanga chuan a theih chin chin Aizawl khawpui chhunga kohhrante tlawhin inkhawm a chhunzawm zel a, Aug ni 7 Pathianni zan khan District Headquarters kohhran tlawhin rawngbawlna a nei leh bawk.
Dist. Missions Direcrtor hian Aug ni 21 Pathianni zan hian Dinthar Bial Missions Dept intawhkhawmah thu sawiin hun a hmang ang. (Director)
———-
NORTH MIZORAM DISTRICT KUM CHANVE BOARD NEIH A NI:
UPC-NEI, North Mizoram District Kum kum chanve Board chu Aug ni 3 atanga ni 5 chhung- NMD Hqrs. Kohhran Biak In, Tuikhuahtlangah neiin. District Supdt. Rev. Chhiarpuia’n Board Meeting a kaihruai a, Gen. Supdt. Rev. R. Lalrinsanga’n District Board a ho thei bawk.
District Board-rorel pawimawh zualte:-
1. Kohhranin Inneih record Bu a neih te ennawna siam that.
2. UPC-NEI General Deptt. Hrang hrang leh Compassion-a hruaitu term chin nei lo awm. Term nei tura Gen. Executive-a thlen.
3. Home Mission Field-a kohhran Chairman te leh District Missions enkawlna hnuaia Casual workers kohhran chairman te chu an awmna Bialah Bial Board member an ni ang.
4. Financial report NMD chhungah kum khata vawi 4 pek thin chu vawi 2 chauh pek tawh ni se tih passed a ni.
5. NMD- in Bial Joint revival neiha tanpuina Rs. 5000 a pek thin chu Kum 2023 atangin Rs. 20000 pek tawh nise tih passed a ni.
6. Inneihna Biak in pawn lama neih thin chungchangah dan mumal zawka neih nise tih passed a ni.
7. Hunthar Bial Edenthar-a BSUP-a awm te pualin Biak in sak passed a ni a. A sak dan tur ruahmanna chu Hunthar Bial te nen thlir ho zel tur a ni.
8. Hunthar Bial Rangvamuala Biak in sak remtih a ni a, a theih anga ranga bawhzui tur a ni.
9. NMD Kohhran enkawl Pentecostal Gateway Higher Secondary School Building hlui leh extend ngai chu Sorkar atanga extent-na tura tanpuina dawn bak kohhran suma a theih ang anga chhawm dawl tha tih a ni.
10. NMD UPC Office luah lai chu a tet tawh avangin Assam Type-in a theih angin sak chhunzawm tha tih a ni. (District Board Video)
11.
———-
NORTH MIZORAM DISTRICT MISSIONS BOARD MEETING NEIH :
Aug ni 12 Zirtawpni chawhma dar 10:30 khan North Mizoram District Missions Board chu Hqrs. Kohhran Biak in Tuikhuahtlangah neih a ni. Board meeting Rev. C. Lalramthanga Dist. Missions Director in a kaihruai a, Board meeting hi NMD Puipa pathum Rev. Chhiarpuia Dist. Supdt., Rev. K. Lalduhsanga, Dist. Secretary leh Rev. C. Lalthantluanga, DIst. Treasurer bakah NEI Gen. Missions Director Rev. Biaksangzuala’n a ho bawk.
Rorel pawimawh te:
1. Missions Deptt hnuaia Full time workers ten GPF an puk ve theih dan tur ruahman ni se. District Kohhranpui GPF puk dan kalphung anga kal nise tih passed a ni.
2. District Missions Department hnuaia thawktute Pay kum 3 (thum) danah revise thin a nih angin, Pay revise hna thawka lo zir chiang turin Pay Commission hetiang hian din a ni.
Chairman : Evan Lalchhuanmawia Sailo
Secretary : Upa HT Lalduhawma
Treasurer : Evan MS Dawngliana
Ex-Officio : Rev C Lalramthanga.
Pay Commission-te hian ruahmanna an siam zawh hnuah December 2022 District Board-ah pharhin kum 2023-a hman hman turin tih a ni.
4. District Missions Department hian kum tin Missions Field a Quarters, Biak In leh SS Hall sakna tur Budget ah kum 2023 atangin dah nise tih passed a ni.
5. District Board member-te General Missions Field-ah feh chhuah dan kawng zawn nise, Kal hun tur leh ruahmanna, bawhzui ngai zawng zawng chu hruaitute kutah dah a ni.
6. General Missions Field atana luahchhuahna tur hengte hi ruahman a ni:-
i) Yeggo Local, Aalo Section, Arunachal Missions -ah an mamawh leisak ni se.
ii) Gossaigaon Pastor Quarter chung sak thatpui ni se. Director, Assam Missions Field hnen atanga tanpuina sum mamawh zat Rs 200,000/- chu pek tha tih a ni bawk.
7. Missionary te Office lama a tul huna lakchhuah theih dan kawng dap chu tha tih a ni a, Agenda angin passed a ni. Ruahmanna siam turin District Missions Executive kuta dah a ni. (NM. District Mission Board)
———-
NMD UPC LITERATURE & PUB. BOARD MEETING:
Aug ni 16 thawhlehni khan NMD UPC Lit & Pub Board chuan Kum 2023 Nilai THupui zir tur chungchangah meeting an nei; Board meeting hi NMD Secy. Rev. K. Lalduhsanga, chuan a kaihruai a, kum 2023 chhunga Nilai zan thupui bu chungchang thlir hovin, Thupui zan 42 zir tura ruahmanna siamin, Thupui hlawm 7 chu thupui 6 zela thenin, a ziaktu tur mi 7 a thlang chhuak bawk a ni. (L & Pb)
———-
LADIES AUXILLIARY TAILORING CENTRE REGISTRATION DAY HMANG:
Aug ni 1 thawhtanni NMD LAD ten eizawnna tlaka a thlawna puan thui zirna 2nd batch tanin; Dist. LAD hruaitute bakah District pui hruaitute’n an hmanpui.
Ladies Auxilliary Tailoring Centre-in Puanthui zirna 2nd batch an tan ni-ah hian Pathian hnena inhlanna inkhawm neiin; Dist. LAD President Sist. K. Lalhmachhuani B/W chuan kaihruai a; Dist. Supdt. Rev. Chhiarpuia’n hunserh hmangin puan thui zir tur 2nd Batch zirlaite duhsakna hlanin Zirlaite chu Pathian tela Puanthui zir turin a fuih a, Taimakna leh rinawmna nena hun hlu tak hmang turin a ti bawk.
District Treasurer Rev. C. Lalthantluanga’n thu sawi bawkin Pathian thu Mihring sum hlu chu taimak a ni tia Bible-in a sawi angin, mihring taima chu an dinchan zel thin thu a sawi a, Ladies Auxilliary Tailoring Centre-a Puanthui Batch 2-na zir tur te hlawhtling ngei turin duhsakna a hlan a ni.
LAT Centre thawh hnihna tan niah hian LAT Centre Board member thenkhat te pawh telin Zirlai puanthui zir tur pawh an kim vek a ni. (LAT CENTER)
———-
NMD KUM CHANVE AUDIT NEI ZO:
North Mizoram District enkawlna hnuaia Kohhranpui sum Sawma pakhat, Buhfaitham te, Camping Center, PG Higher Secondary School AC te bakah Missions Dept, LAD leh PYD te sum Kum chanve atan Audit hna Aug ni 9 – 11 chhung khan tluang taka thawh zawh niin; District board in a mi ruat Rev. C. Lalrammuana leh Upa JK Das ten Audit hna an thawk a ni. (NMD Audit)
———-
PASTOR QUARTERS HMUN LEINA ADVANCE PEK A NI:
NMD board-in Rengtekawn bial Pastor Quarters hmun lei nise tia rorelin a passed angin Aug ni 10 Nilaini khan Rev Chhiarpuia District Superintendent leh Rev P.C.Laltlankima te chuan Pu Lalkhawmliana Rengtekawn, Kolasib In hmun lei tura inbiakfel tawh sum engemaw zat an pe lawk.
Dist. Supdt. leh a kalpuite hian Kol Venglai Pastor Qtrs tlawh chho nghalin Quarters tihchangtlun dan tur leh thawm belh dan tur an en chho nghal bawk a ni. (Rengtekawn Bial Past. Qtrs hmun)
———-
HQRS. LOCAL PYD TE CAMPING CENTRE TAN AN FEHCHHUAK:
District Headquarters Local PYD te chuan thawhtanni kal ta Aug ni 8 khan NMD Camping Center Sakawrtuichhun-a hman atan Solar L.E.D. Street light pahnih an pe. Thilpek hi Hqrs. Local PYD President Bro. R. Lalzawmpuia leh PYD Secretary Bro. T. Lalzekima ten an pe a, District aiawhin NMD Supdt Rev. Chhiarpuia’n a dawng.
Rev. Chhiarpuia hian Thilpek petu Hqrs. Local PYD te chungah lawmthu sawiin; Hqrs. Local PYD te thiltih chu entawn tlak a tih thu a sawi.
Hqrs. PYD te hian an Solar light pek chu hman theih nghal tura ruahmanin a fit hna zawng zawng an thawk nghal vek a, nilenga hnatlang neiin; tlaiah zanriah camping centre-ah buatsaihin chawhlui an kil ho nghal a ni. (Hqrs. Local PYD)
———-
AIBAWK BIAL PYD THIANGHLIMNA SEMINAR TLUANG TAKA NEIH A NI:
Aug ni 7 Pathianni chawhnu leh zan hmang khan Aibawk Bial PYD buatsaihin Falkawn Kohhran-ah Thianghlimna Seminar neih a ni. He seminar hian Aibawk Bial PYD Confe rorel bawhzuina niin Thianhlimna Seminar cum Revival an hmang. seminar ah hian Resource Person atan Rev. H. Lalropuia, Gen PYD President hman a ni a, Gen. PYD Secretary Evan. JH Malsawmdawngliana’n a telpui bawk.
Thianghlimna seminar-ah hian thupui ‘Thianghlimna (Zuk leh hmuam, ruihtheihthil leh mipat hmeichhiatna) tih chu zir ho a ni a, Signature Campaign (Zuk leh hmuam, ruihtheih thil leh mipat hmeichhiatna laka fihlim tura intiamna) neiin kalkhawm atanga mi 24 ten intiamna an sign a ni. (Aibawk Bial PYD Seminar)
———-
HQRS. BIALTE’N KOHHRAN TINA RAWNGBAWLTU SEMINAR NEIA AN FEHCHHUAK CHU AN ZO:
Bial Confe rorel bawhzuiin Headquarters Bialin “Rawngbawlna kawnga puitlinna” tih thupui hmanga, Bial chhung Local tina rawngbawltu Seminar an neih thin chu Aug ni 7 (Pathianni) khan Headquarter Biak In ah zawh a ni.
Hqrs. Bialah hian Kohhran panga 1) Headquarters Kohhran 2) Mission Vengthlang 3) Nursery 4) Tuikual S leh 5) Khatla S te awmin Seminar hi July ni 3 Pathianni atang khan Khatla S Kohhranah tan a ni a, kohhran tinah tluang taka seminar neih zawh hnuah Aug ni 7 khan Hqrs Kohhranah seminar tawpna hman a ni.
Seminar-ah hian Bialtu Pastor Rev. Lalremtluanga chu Resourse Person-ah hman niin; Bial chhung rawngbawltute’n an hlawkpui hle a ni. (Hqs. Bial Semianr photo)
———-
KOLASIB VENGLAI BIAL THIANGHLMNA CAMPAIGN TAN A NI:
Kolasib Venglai Bial Thianghlimna Committee chuan Bial ruahman angin Aug ni 13 inrinni zan atang khan Bial chhungah Thianghlimna Campaign an nei tan. Campaign bul tan nan hian Project Local-ah hun an hmang a ni. Thianghlimna Campaign hi August thla chhunga Bial chhung Local zawng zawngah neih kim hman tum a ni. (Thianghlimna campaign)
———-
Reiek Local PYD te Ram muin fehchhuak:
Zirtawpni kal ta Aug ni 12 aṭang khan Reiek Local PYD te chuan an bialtu pastor Rev.Lalchuailova hovin Sihphir Bial Serkhan Local-ah rammut pahin work camp an nei. Member 20 thawk chhuakin, Serkhan biak in ceiling bakah baptisma khur, Sunday school hall Cum tirhkoh quarters thawm ṭhat hna te an thawk bawk. Reiek Local PYD te hi Aug 14 thleng chamin Revival Programme in hun an hmang chho a ni. (Reiek Local Rammu)
———-
MITHAR LEH RAWNGBAWLNA REPORT
RENGTEKAWN KOHHRAN ,KOLASIB RENGTEKAWN BIAL :
Aug ni 7 Pathianni khan, Rengtekawn Kohhran ah mi thar -1 Sengluh a ni a, Rev C.Lalthlengliana Bialtu Pastor in Lalpa Isua hmingin a lawm lut a ni.
Rengtekawn Kohhrante hian Biak In thar sak tumin hma an la mek a, Kumin hian Biak in ban phun hman an tum a, chak takin hma an la mek a ni (Rengtekawn Mithar)
———-
PENTECOSTAL APOLOGETICS REVIVAL CRUSADE:
Bilkhawthlir Bial SS Buatsaihin Bilkhawthlir Kanaan Kohhranah Camping leh Revival Crusade Bial huap a buatsaih a ni.
Camping Crusade hi July ni 27 atanga ni 31 chhung neiin Evan. H. Zoramsanga Pentecostal Apologetics Revival team Speaker leh a team te chuan he camping-ah hian rawngbawlna an nei a ni. He Camping hi Bilkhawthlir Bial Sunday School bul tum niin; Intermediate, Senior leh Doctrine Dept tana buatsaih a ni a. Camp-ah hian mipa 31 leh hmeichhia 39 lutin an vaiin Campers 71 an ni.
He Crusade-a rawngbawlna neih chhung hian Pathian chawimawina te awmin Mi 28 in Isua hming Baptisma an chang a, Mi 55 in Thlarau thianghlim Baptisma an chang bawk.
———-
LENGPUI BIAL PYD TE RAM MU:
Lengpui Bial PYD kumpuan sub-committee te hmalaknain Evan. ZD.Lalhmangaihzuala leh Bro.Peter Laltanpuia te chuan Zawlnuam Bial Vitor Kalagange-ah rawngbawlna neiin rammut hna an thawk a, an rawngbawlna kaltlangin mithar 4 Pentecost kohhranah sengluh an ni.
———-
BAWNGVA KHUA AH KOHHRAN DIN THAR LEH A NI:
Mamit bial chhung Bawngva khuaah United Pentecostal Church din thar leh a ni. Bawngva khuaah hian kum 2006- ah Kohhran din tawh niin, chhan hrang hrang avangin Kohhran angin hun engemaw chen chu an ding zui thei ta lo a ni.
Kum 2022 Mamit Bial lnkhawmpui rorelin Bawngvaa Kohhran din thar leh tura hmalak a rel bawhzuiin Aug ni 2 aṭangin Home Missions Revival Team, Evan Lalthianghlima leh a rawngbawlpuitute chuan Bawngvaah rawngbawlna an ṭan a. Mike Service te neia ṭhahnemngai taka rawng an bawlna zarah Aug. ni 13 lnrinni zan khan bialtu Pastor Vanlalruata’n mi thar, chhungkaw 6 aṭangin member 34 a lawm lut a ni.
Aug ni 15 khan chhungkaw khat aṭangin member 7 lawm luh leh a ni. Team Speaker Evan Lalthianghlima hian Nau 11 hlanin , mi 12 in sual ngaihdamna baptisma an chang bawk a ni. Aug ni 16 zan thleng Revival Team te hian rawng an bawl a, an rawngbawlna hmabak hi Mamit bialin a chhunzawm dawn a ni.
Bawngvaah hian Mamit bialte hian ₹ 2500 chawiin ln an luah a, an ln luah hi inkhawmna atan an hmang nghal a ni. (Bawngva khua)
———-
VAIRENGTE BIAL-AH MITHAR NEI:
Vairengte Bial chhung kohhran pahnihah Aug ni 14 Pathian ni khan Mithar 6 neih a ni.
Vairengte State Veng Preaching point ah members thar 3 te hi Evan Lalfal’n chawhma Inkhawmah UPC-ah a lawm lut a, nau hlan rawngbawlna a nei bawk. Chawhma Inkhawm banah Chhimveng kohhranah Evan Lalfala vekin Mi 4 sual ngaihdamna Baptisma chan tirin mi 2 hi pawl dang v eve an ni. Evan Lalfala’n Zan Inkhawmah mithar te hi Lalpa Isua hmingin a lawmlut nghal bawk.
———-
Lungdai:
August ni 1 zirtawpni chawhnu khan Sihphir Bialtu Pastor Rev. B. Vanlalruata chuan a bial chhung Lungdai Kohhranah mithar chhungkaw 1 member 3 awmna chu Lalpa Isua hmingin United Pentecostal Church of North East India-ah a lawmlut. Heng mithar te hi Lungdai kohhrante chuan an lo lawm hle a ni.
———-
ISUA HMING BAPTISMA CHANG:
Sis. Zothanpari Serkhan chuan Aug ni 3 khan Isua Hmingin sual ngaihdamna Baptisma a chang. Sis. Zothanpari Serkhan a phâk tawka Pathian Thu dik zawngin; Amahah Pathian a inpuang a, Aug ni 3 zan khan sual ngaihdamna Baptisma Rev. B. Vanlalruata kutah Lalpa Isua hmingin a chang a ni. (Serkhan)
———-
MISSIONS FIELD REPORT:
July ni 31 khan NMD Missions Field report atangin mithar a hnuaia tarlan ang hian neih a ni:-
1. Mualthuam West- ah mithar 4 he field-ah hian Bro. Lalsawmliana a awm
2. New Edenah-ah mithar 2 neih a ni; He Field-ah hian Evan. John Gabriel-a a awm
3. Vitor kalagangah-ah mithar 1 neih a ni bawk
———-
SAIRANG KOHHRANAH MEMBER THAR LAWM LUT:
Aug ni 7 Pathianni khan UPC NEI, Sairang kohhranah Evan. Lalramhluna Rammut rawngbawlna kaltlangin Lalpa’n mithar 1 pein, a ni hian sual ngaihdamna baptisma changing lawmluh a ni
———-
THILPEK PE:
Kawnpui Kanan Preaching Point kohhran tan thilpek hlan: July ni 26 Thawhlehni khan Upa Lalruatkima Bualpui Hmarveng te chhungkua chuan Kawnpui Kanan Preaching Point kohhran ten an Biak in Pulpit hnung cheina atan Rs ₹10,000/- an hlan. Thilpek hi Evan. T. Vanlalruata’n a hlan a, Kawnpui Kanan Preaching Point ten an lawm hle. (Kawnpui Kanan Preaching Point)
———-
RENGTEKAWN KOHHRANIN BUKVANNEI P.P.TLAWH:
Kolasib Rengtekawn Bial Conference in intlawh tawn Programme a lo ruahman tawh angin, July ni 31 (Pathianni) hmangin Rengtekawn Kohhran chuan Bukvannei P.P. an tlawh a , Mi -35 kalin , Hlim taka hun hman a ni.
Rengtekawn Kohhrante hian Bukvannei Kohhrante hi chhun leh zan awmpuiin Bialtu Pastor Rev C.Lalthlengliana’n rawngbawlna a nei a, an cham chhung hian Kohhran In te tlawhin Ṭawngṭai rawngbawlna te neih a ni a, Kohhran hote an hlim tlang hle.
Rengtekawn Kohhran te hian Bukvannei Tirhkoh Quarters a dah turin, Dining Table -1 leh Chair -4 an pe a, Rengtekawn Kohhran chungah Bukvannei P.P te an lawm hle a ni.
Bukvannei kohhranah hian member -120 vel an awm mek a, Bro.Lallawmpuian rawngbawlna a nei mek bawk. (Bukvannei PP)
———-
MISSION DEPT TAN RAM PE:
Kolalian missions field tan Upa F Vanlalpeka of Dinthar ram tha tak a pe. Kolalian Missionary quarters hmasa chu Biak in nen a in hlat avangin kawnpui an biak in bulah Upa F Vanlalpeka hian quarters hmun tur a lo lei tawh a. Hetihrual hian quarters hlui zawk chu Upa F.Vanlakpeka vek hian tlawmngai a lei lehin, chu mi hmun chu Mission Field tan hian a pe let leh nghal a ni. Mi thilphal te a zarah kohhran hi a mawi thin hle a, Dist. Hruaitute chuan Upa F. Vanlalpeka chungah hian lawmthu a sawi a ni .
———-
CEILING FAN 3 PE:
Aug ni 6 Inrinni khan Hunthar Kohhrana lawi Bro T.Ramzauva te chhungkua chuan Home Missions field-a hman a tan Ceiling Fan thar 3 Rev.C.Lalramthanga Dist. Missions Director kutah a hlan. District Missions Hruaitute an lawm hle (Ceiling fan pe)
———-
———-
AIZAWL EAST DISTRICT
District Thianghlimna Committee neih a ni:
August 12, Zirtawpni khan District Superintendent room-ah Rev.Rosanga Kawlni, Chairman kaihhruaiin District Thianghlimna Committee neih a ni. He hunah hian Member an kal tha in thu pawimawh tak tak an ngaihtuah a, an thu passed langsar zualte:
1. Kum 2022 chhungin District chhunga bial hrang hrangah Thianghlimna Campaign nei kim hman tura hma lak nise, bial 9 ah campaign hi neih tawh niin a bak zawngah hetiang hian campaign November thla ralhma in neih nise tih a ni:
1. Mualpui Bial OB te – N. Vanlaiphai Bial ah
2. Bazar Bial OB te – Rabung Bialah
3. Thuampui Bial OB te – E. Lungdar Bial ah
4. Bethlehem Bial OB te – Khawhai Bial ah
5. Zemabawk North Bial OB te – Chhingchhip Bial ah
6. Bawngkawn Bial OB te – Suangpuilawn Bial ah
7. Upper Republic Bial OB te – Kawlkulh Bialah
8. Zemabawk Bial OB te – Hnahlan Bial ah
9. District PYD OB te – Thingsulthliah Bialah
10. District LAD OB te – Serchhip Bialah
11. District SS OB te – Champhai Kahrawt leh Bethel Bialah
12. District Thianghlimna OB te – Khawlian leh Zohmunah
Aizawl khawpui chhung Bial 8 chu OB ten a tul angin ruahmanna an siam ang. Campaign report hi campaign neihna bial Thianghlimna Committee ten District ah an thehlut ang a, bial ah Committee din a nih loh chuan Bialtu Pastor in hma la se tih a ni.
2. Kumin 2022 No Tobacco Week Dt.5-11 December 2022 a lo thleng turah hetiang hian hman dan ruahman a ni.
1) Dt.5.12.2022 Zanah week hawnna hi District huapin Aizawl khawpui chhunga hall remchangah hman ni se.
2) Health Department lam hotute he week hmanpui turin sawm nise.
3) General PYD Choir leh Pentecostal Choir te zai tura sawm nise, solo leh programme kimchang chu OB te kutah dah a ni.
4) Zuk leh hmuam dona short film competition result hemi zan hian puan ni se.
5) Week hawn zan hian Aizawl khawpui chhunga Church Board member zawng zawng te tel tura sawm nise, hei bakah hian Aizawl khawpui chhung Bial 8 atang an bial member mi 50 aia tlem lo kal theuh tura ngen nise.
3. Short Film Competition a lawmman 1 to 3 na bakah film siamtu zawng zawng hnenah Consolation Prize Rs 1000/- theuh pek nise tih a ni bawk.
———-
Lang camp:
August 13 leh 14 Bethlehem Bial SS huaihawtin Naupang pual Lang camp Bethlehem Kohhranah neih a ni. Speaker-ah Bro.H.Lalrinfela hman niin Campers mi 150 an awm a ni. He hunah hian Thlarau Baptisma chang thar engemaw zat awmin Tui Baptisma chang thar mi 8 an awm bawk a ni. August 14, Pathianni nilengin followup Programme hman chhunzawm a ni.
Mualpui Bial ITI Kohhran te pawhin August 13, Inrinni khan Naupang pual Lang Camp an buatsaih a, Speaker-ah Evan. F Malsawmdawngliana, Ramhlun Vengthar chu hman a ni. He hunah hian thlarau thianghlim dawng thar engemaw zat awmin Pathianni zan thleng khan Revival Crusade in an chhunzawm a, Kohhran ho te an hlim hle a ni.
———-
District PYD Street Ministry Committee neih a ni:
August 11, Ningani khan District Committee room-ah District PYD hnuaia Street Ministry Committee pawimahw tak, Rev C.Lalmalsawma, Chairman kaihhruaiin neih a ni. He hunah hian Street Ministry kalpui dan tur leh tul dangte ngaihtuah niin an thu passed langsar zualte:
1. Heng mite hi Street Ministry member atan ruat belh an ni
a) Sis. Lalhunsangi, Serchhip Bial
b) Sis. F. Lalrinpuii, Bazar Bial
c) Sis. Vanlalhlimpuii, Thuampui Bial
d) Sis. Lalneihpuii, Thuampui Bial
e) Sis. Rody Malsawmsangi, Zemabawk North Bial
f) Sis. Lalvenhimi, Upper Republic Bial
g) Sis. Vanlalthlamuanpuii, Mualpui Bial
h) Sis. Merolyn Lalrinkimi, Mualpui Bial
i) Dr. Lalhmachhuani, Bethlehem bial
j) Bro. Obeda Lalawmawia, Bethlehem Bial
k) Bro. Lalhlimpuia, Upper Republic Bial
2. Hetiang hian hmalakna hmasa kalpui nise tih a ni.
a) Bial tin ah inkhawmna hun neih:
Aizawl khawpui chhung Kohhran tin Inkhawm ah Inkhawmna hun neih kual nise, September thla ah fehchhuah nise, a kalna hmun leh hun tur chu OB ten lo ngaihtuahin Campaign guideline pawh lo siam nghal mai se tih a ni.
b) Bial tinah PYD members Biakin thleng pha tawh lo te, an dinhmun hriatchian anih a, tanpui an nih theih nan hmalak nise, Bial PYD President theuh ten an Bial dinhmun lo hria in hmalo la se tih a ni a, Statistics form lo siama lo buaipui turin Bro. Johny Lalthafamkima chu ruat nghal a ni.
c) Aizawl khawpui chhung khawlai ah midang tanpui tura fehchhuah leh pamphlets sem tha tih niin Fehchhuah hun tur erawh committee leh hunah ngaihtuah leh mai nise tih a ni.
———-
District Building Committee neih a ni:
August 11, Ningani khan District Superintendent room-ah Rev.KVL.Hmangaihkima, Chairman kaihhruaiin District Building Committee neih a ni. He hunah hian thu pawimawh tak tak ngaihtuah niin an thu passed langsar zualte:
1. Kohhran Building hlui Quarters chu alo ruah tak avangin Kawng an Quarters hi Archive Cell Room atan hman ni se tih niin Kawng an hnuai hi Family Guidance & Counselling Center atan hman ni se tha tih a ni. Heng room siam tharte hi a ranglama luah theih tura a tul ang anga thuam that thuai ni se tih a ni.
2. District Board in Pennet Studio tur ruahman tura District Building Committee kuta a dah angin Guest room tura lo ruahmanah studio tur hi ruahman ni se tih a ni.
3. District Board in Building thar sak ni se alo tih tawh angin Kum 2023-ah bul tan ni se, Building thar sakna tura thil tul buaipui ngai awm apiang chu District hruaituten chak takin lo bawhzui se tih a ni.
———-
Mithar leh Baptisma chang thar:
August thla hi Rammut thla a nih angin Seling Kohhrante chuan Home crusade nei kualin hun an hmang mek a, August 11, Ninga zan khan mi paruk (6) in Isua hmingin Baptisma an chang. Baptisma changte hi kohhran member sa vek an ni a, an zinga Pakhat hi hmanni lawka an sengluh kha a ni.
August 6, Inrinni atang khan Bazar kohhran ah Evan R.Vanchhunga, District Full Time Evangelist in rawngbawlna a nei a,Tharau thianghlim dawng lo tam takin an dawng thar. August 11, Ninga zan khan mi 16 in sual ngaihdam nan Isua hmingin Baptisma an chang.
Khualen Kohhranah August 14, Pathianni khan mi 11 in Isua hmingin Baptisma an chang. Baptisma chang zinga mi 4 te hi mithar an ni. Rev H Vanlalchhana team Healing Ministry rawngbawlna Lalpan mal a sawm hle a, mi tam takin taksa leh Thlarau damna an chang a ni.
Serchhip Dinthar Bial, Keitum Kohhrana Evan V.Kamneihthanga rawngbawlna kaltlangin Kohhran dang atangin mi pakhat Sengluh a ni.
August 14, Pathianni N. Khawlek Kohhranah mi pahnihin Evan MH.Laldingngheta kutah Baptisma an chang.
Bazar Bial, Ramthar kohhran-ah August 12 atanga 14 chhung khan Bial PYD buatsaih in Revival crusade neih a ni a, Speaker ah Pastor HMS.Dawngkima of Rabung hman a ni. Kohhran hoten Thlarau lam malsawmna tam tak an dawng a, mi 1 in Isua hmingin Baptisma a chang a ni.
District hqrs kohhran ah August 14, Pathianni vek khan mi 2 in bialtu Pastor, Rev C.Lalmalsawma kut ah Isua hmingin Baptisma an chang a, member thar mi 5 kohhran member ni tura sengluh an ni bawk.
August 14, Pathianni khan Sakawrdai Bialah Kohhran nisa mi 3 ten sual ngaihdam nan Evan.K.Vanlaldika kutah Isua hmingin Baptisma an chang. Evan.K.Vanlaldika hian Sakawrdai Chhimvengah rawngbawlna a nei mek a, a rawngbawlna pawh Kohhran hoten an hlut hle a ni.
———-
Crusade:
Khawruhlian bial Missions Department buatsaihin Khawruhlian hmunah August 10-14 chhung khan chhandamna crusade hlawhtling taka neih a ni. Crusade-ah hian Rev VL Hnemtluanga, Director, District Missions Department chu Speaker niin, Evan H.Lalrinawma (Upper Republic) te, Evan R.Lalfakzuala (CTI) leh Bro. C. Lalpianthanga (Driver) ten an tawiawm a ni. Crusade chhung hian Kohhran dang atangin chhimtu an awm reng a, bial mipui pawhin malsawmna tam tak an dawng a, Biak In thleng phak tawh lote pawh inkhawm in, Thlarau baptisma dawng thar pawh an awm a ni.
Ramhlun Vengthar Missions Department buatsaiha August 11, Ninga zan atanga Revival Crusade hman pawh tluang takin August 16, Thawhleh zan khan a tiak. He Crusade-ah hian Speaker-ah Rev.R.Laltlankima, District Secretary chu hman niin Kohhran ten hlim takin hun an hmang a ni. Rev.R.Laltlankima Speaker-a hmang hian Thuampui Kohhranah Revival Crusade hman mek a ni bawk a, Kohhran ten hlim takin hun an hmang a ni.
Zemabawk North bial chhung Falkland Kohhrana Evan.Lalbiakmuana rawngbawlna Lalpan mal a sawm nasa hle, lam ngailo lam te, thlarau baptisma la dawng ngailo ten dawngtharin hlim takin Kohhran ten hun an hmang a ni. August 20, Inrinni hian a vawi 5 na turin kohhran member te thawh khawm in Pathian chawimawina neih a ni leh dawn a ni.
———-
Hruaitute Programme:
Rev KVL.Hmangaihkima, District Superintendent chuan August 21, Pathianni hian Khawzawl Bial, Ngaizawl Biak In sak thar hawnna neiin rawngbawlna a nei ang. Ruahmanna ang chuan Thawhtanni-ah Aizawl a let leh ang.
Rev R.Laltlankima, District Secretary chuan Thuampui Kohhrana Revival Crusade hmanah Speaker-ah tangin rawngbawlna a nei mek a ni.
Rev H.Lalropuia, District Treasurer leh District PYD hruaitute chuan North Bengal & Sikkim Missions Field hnuaia Darjelling hmuna District PYD in Biak In a sak dan tur en turin an kal a, ruahmanna ang chuan August 26, Zirtawpni-ah Aizawl an let leh ang.
Rev VL.Hnemtluanga, District Missions Director chuan Pathianni hian Seling hmuna District Home Evangelist rawngbawlna enpuiin hun a hmang anga, rawngbawlna a nei ang.
———-
———-
LUNGLEI DISTRICT
EDUCATION COMMITTEE AN THUKHAWM:
August ni 14 Pathianni khan District UPC Conference Hall-ah Education Committee, PYD Lunglei District chu an thukhawm a, an rorel langsar zualte:
1) Quiz Competition buatsaih nise tha tih a ni a, Organising Committee din a ni a, hruaitu atan heng mite hi ruat an ni.
-Convener : Rbt.C.Lalramluahpuia
– Secretary : Bro. Lalruatkima Sailo
– Treasurer : Sist. Elizabeth Zothansangi
– Member atan Bro. K.Vanlalsiama, Evan.H.Laltlingzova leh Rbt.H.Lalfamkima te ruat an ni. Quiz Topic atan hian General Knowledge, Church History leh Bible nise tha tih a ni.
2) District PCD ten Rally an neih turah Quiz Competition lawmman atana an ruahman Rs.6000 chu Sponsor nise tha tih a ni.
3) Pennet nen tangkawpin inkawmna hun hman nise tha tih a ni a, Upa C.Malsawmkima, Rbt.C.Lalramluahpuia leh Dr.Lalruatfela Renthlei te kawm nise tha tih a ni.
———-
KUMPUAN COMMITTEE AN THUKHAWM :
August ni 15 Thawhtanni khan District UPC Conference Hall-ah Kumpuan Committee PYD Lunglei District chu an thukhawm a, an rorel langsar zualte:
1)Crusade neih dan tur hetiang hian ruahmanna siam a ni.
– Khawpui pawn, UPC din lohna hmun ah Crusade nei tur a hmalak nise tha tih a ni.
– Khawpui chhung bial tin ah Thuthlung pual Campaign neih nise tha tih a ni.
– Bial huap a inkokhawm lovin Local mal ah kal nise tha tih a ni a, hmalakna hmasa atan khawpui chhung bial tin a Local pakhat theuh tlawh phawt nise.
– Resource Person leh an thupui chanpual hetiang hian siam nghal a ni.
Evan.R.Lalnunthara – Pathian pakhat thu
Evan.F.Lalsanglura – Baptisma
Evan.Lalringzuala Pachuau – Thuthlung History
2) Bible Track ‘Isua Pathianna’ leh ‘Baptisma’ tih thupui hmangin siam nise, a zau thei ang ber a thawn chhuah nise tha tih a ni.
———-
ṬAWIPUI BIAL P.Y.D. TEN THISEN AN PE:
August ni 12 Zirtawpni khan Pentecostal Youth Department Ṭawipui bial te chuan Civil Hospital Lunglei Blood bank tan thisen Unit 36 an pe. Thisen pe tu te hi Mipa-31 Hmeichhia-5 an ni.
Thisen pek hma hian hunserh bialtu Pastor K.Vanlalhruaia’n a hmanga, Blood bank lam aṭangin thusawi ngaihthlak a ni bawk.
Thisen hi Civil Hospital Blood bank a thawktu te’n Ṭhualṭhu Primary School ah an lak chilh a ni. (Pic. Tawipui bial thisen pek)
———-
DOCTRINAL SEMINAR :
August ni 20 Inrinni hian Ramthar Local te chuan Doctrinal Seminar an buatsaih dawn a, Resource Person-ah District Secretary Rev.C.Lalrintluanga chu hman a ni ang.
He Doctrinal Seminar ah hian Upa leh Rawngbawltute bakah Department hruaitute an tel ang a, Pathian pakhat leh Baptisma chungchang an zirho ang. (Pic.Rev.C.Lalrintluanga)
———-
———-
LAWNGTLAI WEST DISTRICT
District Superintendent, Rev.F.Lalbiakthuama chuan August thla chhung hian Lunghauka leh Darnamtlangah Rammut beihpui neiin hun a hmang ang.
———-
PENIEL COMPREHENSIVE ENGLISH SCHOOL RESULT TICHHUAK
August ni 11 khan Lawngtlai West District Peniel Comprehensive English School (PCES) Sabualtlang chuan 1st term examination result ti chhuak in Zirlai naupang 55 ten exam an appear thei a ni.
1. Student Exam appear= 55 students
2. Distinction= 5
3. First Division= 5
4. Second Division= 5
5. Third Division= 9
———-
MITHAR LAWMLUHNA NEIH TE
August ni 14 2022 Pathianni a Lawngtlai West District chhuang a Mithar Kohhran a lawm luh te:
Lawngtlai AOC Local Church Chairman Upa. L. Lalnunzira Chuan mithar Sawm pali (14) Kohhran ah Lawmluhna neiin, Lawmluh zingah atang hian kohran dang member sawm an awm bawk a ni.
Evan.HC.Lalrindika Darnamtlang Home misionary chuan Damnamtlang Local church ah mithar Chhungkaw khat(1) member pasarih(7) awmna chu kohhran ah lawmluhna neiin,Sual ngaihdamna Baptisma a chantir nghal bawk.
Ngengpuikai Home mision fielda ram mu mek Rev.F.Lalbiakthuama District Supdt. chuan mithar duhawm tak mai chhungkaw khat(1) member sawm(10) awmna chu UPC North East India Kohhran ah Lal Isua hmingin a lawm lut.
———-
HOME MISION FIELD BIAKIN SAK MEK TAN HMAN RAW PE.
Ngengpuikai Home Mision field Biakin chu sak mek niin, Mi in phal ten biakin sak mekah kut thlak zelin Evan George Lalawmpuia District Mision Secretary,District PYD Secretary ni bawk chuan hmanraw tha hnem tak a hlan a ni.
Thilpek te.
1.Thingzai phek 9.
2.Thingzai 4×4 2.
3.Bawngtu thlawh 1.
4.Suahdur 1.
———-
RAM MUT BEIHPUI KALPUI
Vathuampui bial chuan ram mut beihpui thlakin Chamdur “P” ah Rammut programme an hmang meka, Speaker ah Pastor B.Lalbiakchhunga Vathuampui bialtu chu hman a ni a, chhun lamah Biak in Repair leh Biak In Thutna siamin an hnatlang thin bawk.
———-
———-
CHHIMTUIPUI DISTRICT
CHAWIMAWINA CHHUNZAWM
Tuipang ‘L’ Local a revival crusade neih mek chu malsawmna nasa tak dawngin an chhunzawm leh dawn.Speaker atan Evan.Khaching Aineh,Vahia Field Tirhkoh hman a ni a,a rawngbawlna hi Evan.P.Lalrintluanga,New Laty Tirhkoh, Chairman, Vahia Local, Sist.Mavani ,Sist.Zion Pari leh Sist. Saron ten an tawiawm bawk ani.
An rawngbawlna kaltlangin Kohhran ten malsawmna an dawng nasa hle a,thlarau baptisma dawng thar mi engemaw zat an awm tawh bawk. Chawimawina pawh tum 2 neih tawh a ni a. Dt. 13.8.22 (Inrinni)khan a tum 3 na atan chawimawina an nei leh a,he chawimawina hi Rbt.K.Lalbiakzuala te bultum a ni.
———-
THILPEK HLAN
Tuipang bial mission department chuan Vahia Tirhkoh Quarter’s a dah tur Belbawm leh chair pa 6 an hlan.Farnu Chawimawii’n Bride pakhat hlan bawkin Tuipang LAD ten Longchair pa 2 an pe a,unaupa Muantea te chhungkua in Cushion an pe bawk.
———-
BAPTISMA RAWNGBAWLNA NEI
Evan N Thanghnuna District Evangelist chuan Sangau l Local ah Rawngbawlna neiin,Baptisma chang mi 11 lai an awm ani.
———-
MI THAR LAWMLUT
14.8.2022 Khan S.Lungpher Local ah member thar Chhungkaw khat member pali chu LIKBK kohhran chu Evan K.Rinthara Local chairman in Lalisua hmingin a lawmlut.
14.8.2022 ( chawlhni zan) Khan Meisatla Local church ah member thar Chhungkaw khat member pali te chu mahni a rawn in pe in Upa Lalrothuama Local Secretary in alo lawmlut ani.Kan unau mithar te hi ECM kohhran atanga lo lut an ni.
Facebook