Pawisa tih thih avanga Kohhran mipuite hriattirna leh ngenna

India Sawrkarin pawisa Rs 500/- leh Rs 1000/- note a tih thih chungchangah Kohhran mipui tana harsatna awm thei thilah hetiangin Rev. Zohmingthanzama General Treasurer chuan hriattirna a a chhuah :
Sawma Pakhat leh Thawhlawm chi hrang hrang thehluh turah Rs 500/- leh Rs 1000/-ah harsatna a awm lova, Tualchhung Kohhran hrang hrang leh Bial ten heng sum te hi harsatna awm lova lo dawng zel turin kan inngen thar leh a ni. Amaherawhchu kumin chhung chauh Bank lamah Deposit (thehluh) theih a nih dawn avangin sum leh pai thehluh te hi Bank lamah Deposit zung zung a nih theih nan District tin Office ah December 15, 2016 ral hmain sum leh paite hi thehluh tur a ni a. Kohhran mipuite chiai lo tur leh pawisa lem leng chungchangah fimkhur theuh turin kan inngen thar leh a ni.