North Mizoram District Board neih a ni

July 19 – July 20 Thawhlehni leh nilai ni khan UPC-NEI, North Mizoram District chuan  kum chanve Board meeting Headquarters Biak In, Tuikhuahtlangah an nei.
Rev. C. Lalrammuana District Supdt. in kaihruaiin District Board Meeting hi neih a ni a.  NEI UPC, General Superintendent Rev. Lalmalsawma Sailo chuan Ex-Offcio member a nihna in Board ah hian a tel a. Gen. Superintendent chuan “North Mizoram District chhunga Pastor te khawvel hun tawn boruak hrisel lo takah Pathian kohhran hote Lal Isua ke bul thlenpui tura mawhphurhna an neihah rim tak leh taima taka hna thawk a, Kohhran hote Thlarau lam chaw pe thei zel tura thlarau lama intuaithar fo tur kan ni”  a ti. UPC-NEI chhunga District 11 te thawhhona that zarah NEI kohhran pawhin tisa leh thlarau lamah hmasawnna nasa tak a neih dan te leh Missions lam rawngbawlna thlenga hma an sawn dan te report a pe tel bawk.
Board Meeting-ah hian Board member an kal kim thei a, rorel pawimawh zingah : August thla chhung hi kum dang ang bawkiin Rammut thla a nih anga  Pastor te rammut dan tur te, Sakawrtui chhun hmuna District Camping Center Biak In hawn chungchang te, Pastor lak thar chungchang te bakah Kum 2017 District Conference Vawi 49-na neih turah Asian Regional Director lo ni tawh Rev. Harry Scism sawm chungchang te ngaihtuah a ni.