General Missions Field tlawh dawn:
Kum 2016 kum tawp north Mizoram District Board in a rel tawh, District Board member ten General Missions Field tlawh ni se tih chu a kalna tur hmun leh kal tur te ruahmanna siam a ni a, kal turte hi group -2 siamin, 1st trip-a chhuak tur te hi mi 16 an ni a; April ni 14, 2017 (Zirtawpni) -ah an chhuak anga, North Bengol & Sikkim Missions Field an tlawh dawn a ni.
District Level Thianghlimna Committee thukhawm:
North Mizoram District Thianghlimna Committee chuan January 12 Ningani chawhma Dar 11:00 khan District Office Supdt. Chamber-ah Committee an nei. Chairman Rev. C. Lalrammuana’n kaihruaiin Kum kal taa hmalak tawhna te thlirletna neiin; kumin 2017 chhunga hmalakna tur hrang hrang an sawiho.
District Building Committee:
January 13, 2017 Zirtawpni hian North Mizoram District Building Committee chuan District office Supdt. Chamber-ah Committee an nei a, Chairman Rev. C. Lalrammuana’n meeting a kaihruai a, Kum thar hmalakna tur hrang hrang sawi hovin District Budget session-a put luh atan Building Estimate an siam bawk.
Kohhran dinthar in malsawmna dawng nasa:
Kum 2016 January ni 6-a kohhran din North Mizoram District Area, Chaltlang Bial Bawngkawn kohhrante’n malsawmna an dawng nasa hle a, kum hmasa lamah baihvai taka bul tanin member tlemte niin inkhawmna atan mi inhnuai an luah a, an chhelna leh tih hram hramna Pathianin mal a sawm a, Tunah hian District in Biak In hmun tur a lei sakah Biak In sak hna an thawk mek a ni.
Kum 2016 chhung khan member thar chhungkaw 3 Bawngkawn Kohhranah hian lawmluh an ni a, kumin January ni 1 khan member thar chhungkaw 2 Bialtu Pastor Rev. C. Lalbiakzuala’n lawmluhna a nei bawk. Tunah hian Bawngkawn kohhranah hian member 170 bawr awmin, Zirlai he kohhrana lawite nen chuan member 200 bawr an ni tawh a ni.
Facebook