UPC-NEI, North Mizoram District PYD Conference Vawi- 50-na Golden Jubilee Conference Kanghmun Bialte’n an thlen turah inbuatsaihna a kal mek.
Conference hi Kumin December Ni 1st – 3rd chhunga neih tur niin; Kanhmun Field-a Conference Pandal sakah neih a ni ang. District PYD Conference thleng tur hian Kanghmun Bial leh Kohhran bakah Kanghmun Khawtlang te nasa takin an inbuatsaih mek bawk.
Tarlan tawh angin Conference Pandal hi Kanghmun Field-ah Pandal a dung fts 90 leh avang Fts 70 a lianin sak tum a ni a, Field chanve hmalama thingbuk hnuaiah thutna mau hmanga nuam taka siam a, Mizo nun pholang thei tura Pandal leh a chhehvel chei an tum bawk.
Conference thleng tur hian Khawtlang hruaitu VC leh YMA ten nasa takin hma an la a, Confe. Organising committee te nen vawi engemaw zat Joint Meeting an nei tawh bawk.
Mikhual hmuah leh a sem hi YMA ten an kut ken anga, heng bakah hian Sanitation, Refreshment leh tuldang awm ang ang Khawtlangin an buaipui bawk ang.
Conference Pandal Mizo taka sak tumin ruahmanna siam a ni a, tunah hian a ruang am din fel tawhin Mau hmang veka Pandal hi sak a ni dawn a ni. Pandal sak hna hi October ni 2 khan an tan a ni.
Facebook