September 14, Nilaini khan General Headquarters Office, Mualpui Salem veng Aizawlah Media Cell (PenNet) chuan Meeting an nei.
Rev. Lalmalsawma Sailo, General Superintendent chuan meeting a kaihruai a, Media rawngbawlna kawng hrang hranga hmalak dan report Bro. R. Lalbiakfela, Secretary chuan pein, tunah hian Zonet Zawlbuk channel-ah kartin Inrinni zan dar 8:00-9:00 inkar leh Thawhtan zan dar 6:00-8:00/dar 8:00-10:00pm inkarah te kohhran programme tihchhuah thin a ni a, kohhran rawngbawlna chanchin hrang hrang leh Pathian thuchah te, Missions Department rawngbawlna chanchin leh Kohhran zai mite zai tihchhuah thin a ni. North East India huamchhunga Tualchhung kohhran tinte he programme atana items thawh tur leh a tul anga Programme a tel tura ngenna siam a nih dan leh local engemaw zatin an bawhzui tan thute ngaihthlak a ni a. Hmalak chhunzawm dan tur leh Programme chhuah kalmekte thlirin a hmasawnna tur kawng hrang hrang ngaihtuahin ruahmanna an siam.
General Headquarter Office, 2nd Floor-ah hian Media Room (Studio)tura ruahman chu kumin kumtir atang khan siam hna tan a ni a, hman theih tura peihfelin Aug. 29, Thawhtani khan Rev. Lalmalsawma Sailo chuan Pathian hnenah hlanin a hawng.
Hmachhawp awm mek LPS Vision-a Programme neih dan tur chungchang ngaihtuah a ni a, Committee hmasa in ruahmanna a siam angin Nitin darkar khat Programme neih tha tih a ni a, LPS Vision te nen Meeting neiin kumin 2016 November thla atangin kohhran programme hi chhuah tan a ni ang.
Media hmanraw mamawh lei belh dan tur chungchang bakah kohhran Programmee chhuahtur chungchang ngaihtuah tur Programme Committee din a ni a, heng mite hi committee member atana ruat an ni :
- Bro. C. Lalrammawia, General Media Cell worker
- Bro. Ms Dawngliana, Editor N. Mizoram Pennet
- Bro. K. Lalbiaknunga, Editor Aizawl East Pennet
- Rev. R. Vanlalawia, Editor Pentecostal Voice
- Rev. H. Lalngailiana, Gen. Missions Secretary
- Evan. Pc. Lalrokima, Gen. Missions Treasurer
- Evan. F. Lalsangliana, Gen. S. S. Treasurer
Facebook