Lunglei District PCD hmalaknain Oct.7 inrinni hian Saikuti Hall-ah PCD Meet buatsaih a ni dawn.
He meet hi District PCD President Bro.R.Ramdingliana chuan a kaihruai ang a, Treasurer Bro.Jacob Ramengmawia chuan hunserh hmangin, Senior Adviser Rev.C.Lalrintluanga leh District PYD Education Committee atang ten thusawi ngaihthlak a ni ang. Solo Competition leh Special Item hrang hrang Sis.B.Lalrinsangi kaihhruainain neih chhun zawm a ni ang, He meet-ah hian tel turin local 18 an in report a ni.
—–
October 3 thawhlehni zan khan Education Committee, Lunglei Dist.PYD buatsaihin Education and Politics tih thupui hmangin Talk show District UPC Conference Hall-ah buatsaih a ni.
He hun hi Bro.C.Lalrosanga Education Committee Secretary chuan a kaihruaia, Evan.K.Lalnunpuia District PYD Secretary chuan hunserh hmangin, Lunglei District PYD Choir te chuan zaiin rawngbawlna an nei bawk. Talk Show hi
Bro.Jonunsanga Tlau chuan a kaihruai a. Panel-ah hian District Superintendent Rev.R.Lalrosanga, District Secretary Rev.C.Lalrintluanga, District Treasurer Rev.C.Vanlalena, District PYD President Evan.V.Lalduhawma leh District PYD
Asst.Secretary Bro.Biaksiamtluanga te thu in, an ni hnen atang hian kohhran kaihhruaina zawnah leh kawng hrang hranga kohhran mite kanin zir belhna tur leh hma kan sawnna tur bakah Politics thianghlim taka khelh a tulzia leh ram kaihhruai hna kohhran miten kan thawhna zawnah vision neia kan kal a pawimawh thu leh kohhranin Politics a hmuh dan hrang hrangte te sawiho a ni a, kal khawmte atangin thu tha tak tak ngaihthlak a ni bawk. He hun hi Sis.Lalengmawii Chawngthu Education Committee Treasurer chuan lawmthu sawina a neih hnuin Bro.Lalramhluana Chhangte chuan he hun hi tawngtainain a titawp a ni.
——
September 27 nilaini khan Christian Education Centre (CEC) School Board chu Dist.UPC Conference Hall-ah neih a ni a, He Board hi CEC Board Chairman Rev.R.Lalrosanga chuan a kaihruai.
He board hian CEC School naupang Class X leh XII Exam hmachhawn tur te chu nasa zawka an inbuatsaih theih nan October atanga December thla chhung hian naupang pakhat Rs.500 zela Sponsore nise an ti a ni. (Pic.CEC Board)
——-
October 3 thawhlehni khan RMSA Lunglei District-in Cheraw Competition Saikuti Hall-a an buatsaih ah CEC School-te chu telin pahnihna an ni a, lawmman ah Certificate mawi tak leh pawisa an dawng a ni. (Pic.CEC Cheraw kan)
—–
October 7 Inrinni hian Thenhlum local PCD te chuan Lang Camp an buatsaih dawn a, Speaker atan bialtu Pastor PC.Zion Rammawia chu an hmang ang. Thenhlum local PCD te hian October 14 leh 15 hmang hian Tleu local an tlawh dawn bawk a, Speaker ah hian bialtu Pastor PC.Zion Rammawia an hmang chhunzawm dawn a ni.
—–
September 28 – 1 Oct. chhung khan Tawipui bial PYD leh LAD Joint Conference chu Tawipui N-II local-ah neih a ni a, bial PYD Golden Jubilee lawmna neih pah nghal a ni.
Bial PYD te hian September 28 zirtawpni nilengin Tawipui N-II Field-ah intihhlimna an nei a, September 29 Inrinni chawhma lamah bialtu Pastor Rev.PC.Nghakliana chuan lungphun hawnna a nei a, Jubilee dar vuak chhunzawm a ni a, Jubilee dar hi Tawipui bial PYD President hmasa ber Evan.K..Lalzarliana chuan a vua a, tlai lamah Jubilee lawmna ruai kilho a ni bawk. Tawipui bial te hian Golden Jubilee Souvenir an buatsaih chu Upa TH.Lalropuian September 29 Inrinni zan inkhawmah a tlangzarh bawk.
Tawipui bial PYD leh LAD Joint Conference leh bial PYD Golden Jubilee lawmna hun ah hian District PYD President Evan.V.Lalduhawma chu Speaker ah hman a ni a, District PYD V.President Upa C.Lalhmangaiha chuan a tawiawm bawkah Lunglei District PYD Choir te chuan inkhawm a piangin zaia rawngbawlna an nei bawk.
He Golden Jubilee hi Tawipui bial PYD President hmasa ber Evan.K.Lalzarliana leh hun rei tak hruaitu hna lo chelh tawh Rev.Saidawla te pawhin an hmanpui a ni.
Facebook