Lunglei District chhung hmun hrang hrangah Bial PYD Conference hmang

Bial PYD Conference hmang:

Lunglei District chhunga bial PYD Conference a hrana neite chuan, a rualin bial Conference February 23-25 khan  an hmang a, February 24 inrinni khan rorelna an nei:

Theiriat bialten Theiriat biak inah Conference vawi 25-na an hmanga, Speaker atan bialtu Rev. R. Vanlalenga chu rawih niin, conference rorel tlangpui te chu :

Bial huapin Crusade neih, Sport meet cum Revival neih, Pastor Quarter tih changtlun, Laptop leh Printer lei bakah Hoarding- Pukpui dai leh Hminlokawn ami chei that te an rel.

 Haulawng bial PYD leh LAD Joint Conference vawi 35-na S.Phaileng biak inah an hmang a, Speaker atan District Superintendent Rev.R.Lalrosanga hmangin ‘Kei heta hi ka awm’ Isaia 6:9 tih chu thupuiah an hmang a, Bial PYD rorel ten- March 24 a Blood Donation Camp neih, Kum 2019 Dist.PYD Conference dawltu  tanpuina pek leh HSLC chunglam board exam 1st Div. chin chawimawina thu ziak hlan te an rel a ni.

Headquarters bial Conference vawi 39-na pawh Farm veng biak inah an hmang a, Speaker atan District Secretary  Rev.C.Lalrintluanga leh bialtu Pastor Rev.C.Zohmingliana te hman an ni,a. He khawmpui hian – Civil Hospital-a Blood Donate, Bial Sport neih, ASC Home tanpui, Bial PYD chanchin record felfai taka vawn te an rel a ni.

Pukpui bial Conference vawi 33-na Bazar biak inah neih a ni a, District Treasurer Rev.C.Vanlalena chu speaker a ni a, an rorelte chu- Bial PYD huapa Bible chhiar chhuak tura hmalak leh chhiar chhuakte lawmman pek, 2019 ah PIM Rs.24,000-a support leh Bial Sport meet neih te an rel.

Luangmual bial Conference vawi 19-na pawh Luangmual biak inah neih a ni a, an rorelte zingah Kum 2018 chhungaMissionary pakhat chawm, Zaipawl uniform lei tura hmalak leh Bible ralchhan buatsaih te a ni.

Rahsiveng bial Conference vawi 34-na Sazaikawn biak inah an hmang a, Speaker atan District PYD President Evan. V. Lalduhawma hman a ni. ‘Thuthlung kha rawn pawisa ang che’ Sam 74:20 tih hmangin thusawi  ngaihthlak thin a ni a, an rorelte  thenkhat zingah – Bial meet neih, Zehtet Home Missions Field-ah bial hminga tanpuina pek, leh Bial huap chawnghei tawngtai neih te an rel a ni.