November 1, Thawhlehzan khan Kohhran Programme chhuahna tur bik atana buatsaih LPS Gospel Channel thar hawnna hun hman a ni a, Kohhran aiawhin General Superintendent leh media thawktu te an kal.
He Launching programme hi zan dar 8:00 ah tan a ni a, LPS ah hian channel thar LPS Gospel channel siam niin Kohhran hrang hrang paruk North East Inida UPC, BCM, Roman Catholic, Seventh Day Adventist, Mizoram UPC leh Salvation Army ten he channel ah hian nitin darkar khat theuh programme an nei thin dawn a, November 2, Nilai ni atang khan tih chhuah tan a ni.
Kohhran hrang hrang aiawh ten thutawi an sawi theuh a. North East India UPC kohhran aiawhin Rev. Lalmalsawma Sailo, Gen Supdt chuan thuchah sawiin UPC kohhran din chhan leh rawngbawl dan report a pe a, Pentecost nia Thlarau Thianghlimin a koh khawm hote rawngbawlna pawm a, zirtir a, keng nung zel tu kohhran an nih dan te, Pathian Chhandamna Chanchin Tha thu sawi hi hnapui ber atana UPC kohhranin a neih dan te sawiin khawvel pum huapa UPC rawngbawl dan chungchang report ngaihnawm takin a pe. LPS chhungkaw hnenah lawmthu sawiin kohhran programme chhuah thin dan tur tlangpui a tarlang bawk.
North East India UPC kohhran Programme Pennet tih hmingpuin zan tin dar 6:00-7:00 inkarah a chhuak thin dawn a, zanlai dar 12:00-1:00 inkarah te, a tuk zing dar 6:00-7:00 leh chhun lai dar 12:00-1:00 inkarah te a chhuak nawn dawn thin dawn a ni.
Programme hawnna inkhawm buatsaih hi LPS Managing Director Lalsawmliana Pachuau chuan a kaihruai a, kohhran hrang hrang 6 atangin mi 60 vel an kalkhawm a. Kohhran tin aiawh Zoram pum huap Gospel singer tha tak tak ten zaia rawngbawlna an nei a, kan kohhran aiawhin Bro. Alex Lalchhuankima’n “I piangthar tur a ni” tih hla mawi takin a sa a, Kalkhawm zawng zawng ten tawngtairualna neiin Pathian hnenah LPS Gospel channel hlanna hi nei a hawn a ni.
Kohhran Programme a chhuah tur atana Items solo, zaipawl, recitation, drama, worship dance nei duh apiang ten inthlahrung lova media thawktute hriattir turin Pennet co ordinator Bro. R. Lalbiakfela chuan kohhran hote a sawm a, hriattur leh zawhna nei te chuan a hnuaia mite hi biakpawh tur a ni
General Media Cell :
Chairman – Rev. R. Lalhawia (9862459186)
Secretary/Co-Ordinator – R. Lalbiakfela (9612131620)
District Media cell, Editor te :
Aizawl East – Bro. K. Lalbiaknunga (9862996079)
North Mizoram – Bro. Ms. Dawngliana (9862660318)
Lunglei – Bro. K. Lalrintluanga (8415842730)
Facebook