May 10 nilaini kha North East India UPC nu pawl LAD te ni pawimawh LAD Day a ni a, District hrang hranga Kohhran hrang hranga LAD ten Day chu remchan dan ang angin an hmang. District hrang hranga Bial report hetiang hi a ani:
I. North Mizoram District:
Aibawk Bial LAD te chuan Aibawk biak Inah hmangin LAD te infuihthatna leh intihhlimna hrang hrang hmangin hun an hmang. Day lawmna ruai tlaiah an theh bawk.
Bilkhawthlir Bial LAD te chuan Bukvanneiah Bial huapin an hmang a, Bial LAD te hian he ni hi infuihtharna leh intihhlimna hrang hrang nen hun hlimawm tak an hmang a, tlaiah LAD Day lawmna ruai an theh nghal a ni.
Chaltlang Bial LAD te chuan Bial huapa hmangin Bawngkawn UPC Biak In-ah an hmang a, hemi ni hian member te infuihtharna bakah intihhlimna hrang hrang neiin tlaiah LAD Day lawmna ruai tui tak an kilho nghal bawk.
Chaltlang Bial, chaltlang Kohhranten Diamond Jubilee an lawmnna Programme kal zelah May Ni 6 (Inrinni) zan khan LAD pual inkhawm neih a ni. He Lad pual inkhawmah hian Chaltlang Local LAD hruaitu lo ni tawhte chawimawina hlan niin; Hruaitu hlui chawimawina hlante hnen atangin minute 5 theuh thusawina hun ngaihthlak a ni a, Upa J. Ronghinglova hnen atangin thusawi ngaihnawm tak ngaihthlak a nih bakah Chaltlang Local LAD zaipawl ten thiam takin fak hla an hlan bawk a ni.
LAD puala Jubilee lawm inkhawm ban hian Thingpui leh a hmeh tui tak kilho a ni.
Chawlhhmun Bial Chawlhhmun Local te chuan Chawlhhmun Sunday School Hall-ah an hmang a, Tlaiah Day lawmna ruai an theh bawk a ni.
Dinthar Bial te chuan LAD DAY pualin fehchhuahna May ni 9 Thawhlehni khan an nei a, Aizawl Civil Hospital-ah Damlo mamawhte hman atan Sum fai Rs. 7000/- an hlan. Dinthar Bial LAD te chuan LAD DAY chu Bial huapin Dinthar SS Hall-ah an hmang a, chawhmaah Day thuchah chhiarchhuahna bakah infuihtharna an nei a, chawhnuah intihhlimna hrang hrang neiin; Day lawmna ruai an theh bawk.
Dinthar Kohhrante hian Tlangsang Bial Zomuantlang Biakin sak tanpuina atan May ni 7 Pathianni khan thawhlawm khawnin Rs. 19,300 (singkhat sangkua zathum) an hmuh chhuah sak.
Durtlang Bial LAD te chuan an Bial LAD Conference rorel bawhzuiin vawiin May ni 14 Inrinni khan Sialsuk kohhran tlawh turin an fehchhuak. Sialsukah Zanin May ni 14 atangin rawngbawlna an tan ang. Durtlang Bial LAD ten Sialsuk kohhran an tlawh Programme hian May ni 15 Pathianni zan thleng a awh dawn a ni.
Chawlhhmun Bial Chawlhhmun Local te chuan Tlangsang Bial Zomuantlang Biak In sak tanpuinan May ni 7 Pathianni zan khan thawhlawm khawnin Rs. 10150 an khawn chhuah sak. Chawlhhmunah hian Tlangsang atangin Upa Lalfakawma a kal a ni.
Hunthar Bial, Hunthar Local LAD ten Biak inah hmangin LAD te fuihna LAD Adviser leh bialtu Pastor hnen atangin an ngai thla. Bible Quiz Estheri bu intih siak nan bialtu Rev C.Lalhmunliana’n a neih pui a, chawhnu lamah variety programe hlimawm tak Sunday School hall-ah neiin Thianghlimna thupuiah hmangin DEBATE ropui tak neih a ni bawk. Tlaiah Day lawmna chawhlui kil ho a ni.
Headquarters Bial chuan May ni 8, 2017 Thawhtanni chawhma dar 10:00 khan Headquarters Bial LAD te chuan LAD din chhamphaphak LAD Day denchhenin Aizawl Civil Hospital ah leh Kulikawn Damdawi Inah Thutthleng sei 4 ve ve an pe.
Damdawi in 2 ah hian thilpek hlan inkhawm tawi hmangin Pi Lalawmpuii Sailo Hqrs. Bial LAD President Chuan thilpek hlanna a nei a, Kulikawnah hian Nursing Supdt. Pi Vanlalfeli leh Senior Staff Nurse Pi Vanlalhruaii ten an lo dawngsawng a, Aizawl Civil Hospitalah hian Nursing Supdt. Mary Ramtei Pachuau leh thawktu dang ten an lo dawng sawng bawk.
Headquarters Bial LAD ten thilpek hlanna an neihah an Bialtu Pastor H. Zabiaka’n inkhawm hmanpuiin tawngtaina a nei bawk.
Headquarter Bial LAD te hian LAD Day Bial huapin Headquarters Biak In Tuikhuahtlangah an hmang a, hemi ni hian District Hruaitu Pathum Sist. C. Lalthangpuii B/W Dist. LAD President, Sist. P.C Lalromawii B/W Dist. LAD Secretary leh Sist. K. Lalrokimi Dist. LAD Treasurer ten an hmanpui a, thupui tha tak tak hmangin Seminar an nei.
Kanghmun Bial chhunga khawrihnim Kohhran LAD te chuan May ni 10 LAD Day chu Vantlang kawngdung tihfaina atana hmangin member thahnem tak thawkchhuakin hnatlang an nei.
Kolasib Venglai Bial chuan Bial huapin Rengtekawn Biak Inan LAD Day an hmang a, Chawhma dar 11 ah hunserh hmangin Day thuchah chhiar chhuah a ni a, Variety Programme hman a ni, Kol. Venglai Bial LAD te hian Day lawmna ruai an theh bawk. DAY lawmna hi zan lamah hman chhunzawm niin Bialtu Pastor B. Vanlalruata’n thuchah a sawi bawk.
Kawnpui Bial LAD te chuan Bial LAD Conference 2017 in a lo passed angin, Day pualin Kawnpui Damdawi inah Thutthlengsei (Bench) pali (4) mamawha hman atan an pe. Kawnpui Bial LAD ten Day puala thilpek an hlannah hian inkhawm tawi neiin Bial LAD Vice President Sis. Thanghmingliani’n hun a kaihhruai a, Sis. R.Lalpianfeli’n tawngtaina hun a hmang bawk.
Kawnpui Bial chhunga Kohhran hrang hrang te’n hetiang hian LAD DAY an hmang: Kawnpui Venglai LAD ten Chhunah Biak In compound tifaiin hnatlang hlimawm tak an nei a, Day lawmna sawhchiar pir hovin Zanah LAD DAY puala inkhawm an hmang chhunzawm. Sist. R. Lalpianfeli hnen atangin LAD awmzia leh thiltum pawimawh leh hmeichhe khwsak tha chungchang te sawiin an hlawkpui hle.
Kawnpui Bangla veng LAD ten Day chawhma lamah Biak Inah Day pual inkhawm an nei a chawhnuah Kawnpui Damdawi in (PHC)-ah damdawi in thawktute leh damlote hnenah thingpui leh artui an sem.
Bualpui Venglai leh Hmar Veng Local LAD te chuan LAD DAY Joint a hmangin Pathian hnena lawmthu sawina bakah intihhlimna chi hrang hrang nen hun an hmang a, Kawnpui Bial LAD President Sist. Lalchhanchhuahi’n Day a hmanpui. Tlaiah Day lawmna chawhlui an kilho bawk.
Hortoki kohhran LAD te chuan remchan zawkna avangin zanah hun an hmang a, LAD te infuihtharna hun tha tak an hmang. Kawnpui Chhim veng LAD te chuan Biak In sa lai an nih angin Day pualin Biak in sakna tura mamawh rawra chhut hnatlang hlim takin an nei bawk.
Kolasib Diakkawn Bial chhunga Thingdawl Venglai Local LAD te chuan Thingdawl Biak inah LAD te infuihtharna leh Day thuchah chhiarchhuahna te an nei a, chawhnu lamah intihhlimna hrang hrang neiin hun hlimawm tak an hmang bawk. Bialtu Pastor Rev. C. Lianchama’n Thingdawl Venglai LAD te hun a hmanpui a ni.
Reiek Bial Reiek Local LAD te chuan LAD Day Reiek UPC Biak inah hlim takin an hmang a, LAD Adviser Bro. Laldinthara leh Bialtu Pastor P. Vanlalfela te’n Nu pawimawhna leh an hlutna te sawiin hun hlimawm tak an hmang.
Sialsuk Bial Sialsuk Local LAD te chuan awmni khama hmangin Bialtu Pastor Lalramthanga kawlni hnen atangin Nute mawhphurhna thu ngaihthlak a ni a, intihhlimna hrang hrang nen hun an hmang a ni. Day lawmna ruai an theh bawk.
Thenzawl Bial LAD te chuan LAD Day puala fehchhuahna neiin Thenzawl Damdawi inah damlo harsa te hman atan Poor fund Rs 3000 an hlan. Bial huap Day lawmna hi Hermon Biak Inah nghatin Bible hriatna kawnga intihsiakna te neiin lengkhawm zaia inelna te an buatsaih bawk. Tlai ah LAD DAY lawmna chawhlui an kilho bawk a ni.
II. Aizawl East District:
Bawngkawn Bial te chuan LAD Day hi Bial huapa hmang lovin Tualchhung LAD kutah a dah angin Local hrang hrang te chuan hlim takin an hmang a, Bawngkawn Local ten chawhma lamah infuihtharna hun Biak In-ah hmangin chawhnu lamah intihhlimna hun an hmang a, Peniel Local LAD te chuan Chawhnu Dar 1 atangin an hmang tan a, Session 1-naah infuihtharna hun hmangin Bial LAD President, Sis Vanlalmawii hnen atangin thusawi ngaihthlak a ni. Session 2-naah Item chi hrang hrang hmanga intihhlimna an neih hnuah tlai-ah ruai kilho a ni. Ramhlun Vengthar Local LAD te pawhin awmni khamin LAD Day hi infiamna chi hrang hrang hmangin intihhlimna hun hmangin tlai-ah tisa ruai an theh bawk a ni.
Bazar Bial LAD te pawhin Bial huapa hmang lovin Tualchhung Kohhran hrang hrang te chuan an mahni remchan angin an hmang hlawm a, District Hqrs. LAD te chuan awmni khama hmangin Chawhma-ah Biak In-ah infuihtharna hun hmangin Chawhnu-ah Sunday School Hall-ah item chi hrang hrang hmangin intihhlimna hun an hmang a ni.
Armed Veng LAD te pawhin hlim takin hun an hmang a, chawhma lamah infuihtharna hun Biak In-ah hmangin chawhnu-ah Item chi hrang hrang hmangin intihhlimna hun an hmang leh a ni.
Bazar Local LAD te pawhin awmni khamin LAD Day hi an hmang a, Rev VL Dika Sailo, Former General Superintendent hnen atangin chhungkaw maicham chungchang ngaihthlakna an nei a, tlai-ah ruai an kilho bawk a ni.
Mualpui Bial te pawhin Bial huapa hmang lovin Tualchhung LAD ten anmahni remchan angin an hmang hlawm a, Salem Veng LAD te chuan awmni khamin he ni hi hmangin Chawhma lamah Biak In-ah infuihtharna hun hmangin chawhnu-ah Item chi hrang hrang hmangin intihhlimna hun an hmang a, tlai-ah ruai an theh bawk a ni.
Zemabawk Bial chhunga Tualchhung LAD te pawhin hlim takin an hmang a, Zemabawk Vengpui LAD te chuan Chawhma-ah infuihtharna hun hmangin chawhnu-ah Item chi hrang hrang hmangin intihhlimna hun an hmang a ni.
Bethlehem Bial chhunga Tualchhung Kohhran LAD te pawhin hlim takin he ni hi an hmang hlawm a, Bial huapa hmang lovin mahni remchang angin an hmang hlawm a ni. Bethlehem Local te chuan Indoor Item chi hrang hrang hmangin intihhlimna hun an hmang a, Bethlehem Vengthlang Local ten chawhmaah infuihtharna leh Variety Programme-a hmangin zan-ah Sis C. Lalthapuii, Bial LAD President hnen atangin Nu mawhphurhna tih thupui-a hmangin thusawi ngaihthlakna an nei bawk a ni.
Thuampui Bial te chuan hi ni hi Bial huapin hlim takin Thuampui Biak In-ah an hmang a, Chawhmaah Bialtu Rev HL Dawngliana hnen atangin thusawi ngaihthlak a nih bakah Solo, Recitation leh Debate hmangin intihsiakna hun an hmang a, Zuangtui LAD ten Drama an entir bawk. Chawhnu lamah Item chi hrang hrang hmangin intihhlimna hun an hmang chhunzawm leh a ni.
Upper Republic Bial te chuan Bial huapa hmangin PUC Campus-ah nilengin Thupui thlanbik neiin tawngtaina hun an hmang a, Sis. Lalhlupuii, Bial LAD President chuan kaihruaiin Sis Lalnunmawii, Bial LAD Asst.Secretary-in hunserh a hmang a, Member kal an tha in hlawkthlak an ti hle a ni.
Chhingchhip Bial chhunga Tualchhung LAD te pawhin hlim takin an hmang hlawm a, Chhiahtlang Vengpui LAD te chuan Tualleng ramah LAD Sawhthing lingin hnatlang an nei a, member 20 vel an thawkchhuak thei a ni.
Champhai Bial te chuan Bial huapin nilengin hun an hmang a, Chawhmaah Bialtu Rev. VL Hnemtluanga hnen atangin Thianghlimna chungchang zirtirna neih a nih hnuah Chawhnu lamah intihhlimna hun hman chhunzawm a ni a, tlai-ah ruai theh a ni.
Champhai Bethel Bial te chuan Bial huapa hmang lovin tualchhung LAD te an remchan angin he ni hi an hmang hlawm a, Bial Hqrs. Local te chuan awmni khamin infuihtharna hun atan an hmang a ni.
Serchhip Bial chhunga Tualchhung Kohhran hrang hrangte pawhin he ni hi hlim takin an hmang hlawm a, Serchhip Biak Inpui te chuan chhunah Biak In pangpar huan an siam tifaiin an hnatlanga, tawngtai inkhawm an nei bawk a ni. New Serchhip te chuan awmni khama hmangin nilengin intihhlimna hun an hmang a, College Veng te chuan zan-ah hun an hmang thung a ni. Chanmari LAD te pawhin intihhlimna chi hrang hrang hmangin he ni hi an hmang bawk.
Ngopa Bial te chuan LAD Day hi Bial huapin Zanah an hmang a, Bialtu Pastor R. Malsawma hnen atangin thuchah ngaithlak a ni.
North Vanlaiphai Bial chhunga LAD te pawhin he ni hi hlim takin an hmang a, Leilet Local te chuan May 9, Thawhleh zan khan remchan zawkna avangin an hmang a, Rawlkhang Local te pawhin remchang zawkna avangin naktuk May 14, Inrinni hian item chi hrang hrang hmangin intihhlimna an nei ang.
Khawhai Bial te chuan mahni remchan dan anga hmangin LAD Day hi an hmang hlawm a, Bial Hqrs. Khawhai Local te chuan infuihtharna hun hmangin Bialtu Pastor E.Vanlalpeka Zote thuchah sawina a nei a, Bial LAD President in a hmanpui bawk. Local dang te chuan zan-ah an mahni remchan angin an hmang bawk a ni.
Sakawrdai Bial chhunga Tualchhung LAD te pawhin hlim takin an hmang a, Sakawrdai Vengpui Local te chuan Chawhmaah Biak In-ah Infuihtharna hun hmangin hetah hian Bialtu Pastor Nupui hnen atangin thusawi ngaihthlak a ni a, chawhnu-ah Variety Programme hmangin intihhlimna hun an hmang a, tlai-ah ruai an kilho bawk a ni. Vaitin Local, Sakawrdai South leh New Vervek te pawhin LAD Day hi ruai nen hlim takin an hmang bawk a ni.
Zohmun Local te pawhin LAD Day kha hlim takin an hmang a, chawhmaah Inkhawm service pangngai a hun hmangin Pastor B. Lalhmingliana’n Pathian thuchah sawina a nei a, Bial LAD President Sis Laltlanchhungi leh Vice President Sis Vanlalngaii ten thu an sawi bawk.
Chawhnuah fellowship programme-a hun hman niin zaithiam tak tak te zai ngaihthlak a ni a, fiamthu thianghlim nen hun hlimawm tak an hmang a ni.
III. Chhimtuipui District:
South Lungpher ten LAD Day pualin Biak In ah hunserh inkhawm an nei a, thingpui ruai nen hlim takin hun an hmang. Sectional Pastor V. Lalhlimpuia’n DAY hi a hmanpui bawk a ni.
Bualpui ‘NG’ Local LAD ten DAY pual hian Biak Inah hunserh inkhawm an nei a, Bial LAD Treasurer Sis. Rose Marry leh Bialtu Pastor C. Lalchhuanthanga ten hun an hmanpui.
Vawmbuk Local LAD te chuan DAY pual hian nilengin intihhlimna hun an hmang a, tlaiah Day lawman ruai an kil ho a, member an chhuak tha hle.
Archhuang local te chuan Day pual inkhawm neiin ‘NU MAWHPHURHNA” tih thupuiah hmangin Sis. Pianglawmi’n zirtirna ape a, Lalnu Estheri chanchin zir hovin hun hlimawm tak an hmang bawk.
Saihatlangkawn Local LAD te chuan Ruai nen Day hlimawm tak an hmang a, Chawhmaah hunserh inkhawm neiin Sectional Pastor Rev. Dr. C. Sihmo leh local hruaitu ten an hmanpui. Chawhnuah Fellowship cum Workshop-a hun hmangin Pastor J.Chawnthanga’n kaihruaiin zirtirna hna athawk a ‘Nu mawhphurhna Rawngbawlna kawngah’ tih thu hmangin hun an hmang a, Group a inthenin Rome ziak atang Bible Quiz hlimawm tak annei bawk ani.
Saihatlangkawn local te hian Biak In sak chhunzawm turin hmanrua an chhek khawm mek a, Tualchhung Upa ten bial insemin an bial chhung kohhran In tinah statistic la in an fang mek bawk.
District Headquarters LAD ten DAY pual hian chhunah hunserh inkhawm an nei a, chawhnuah inpawl hona an nei ve thung a, “Kristian chhungkaw din hi – Nu mawhphurna nge? Pa mawhphurhna? tih thupui hmangin Debate hlimawm tak an nei bawk.
Zan lamah Biak Inpuiah kohhran pum huapin DAY pual inkhawm an nei a, Sis. H. Zoramthangi Dist LAD President chuan a hmanpui a, an lawm hle. Tin, Dist Hqrs Local PYD te tunlai hian tan nasa tak a la in group hrang hrangah inthenin sum an tuak thin.
Meisatla Local LAD ten DAY pualin hun hlimawm tak an hmang a, Group 5 ah inthenin item chi hrang hrangah intihsiakna an nei a, local-a Department hrang hrang ten an tawiawm tha hle.
Lawngtlai IV Bial chhung local hrang hrangah ‘LAD DAY’ hlim takin an hmang a. Chanmary (L-IV) Local te chuan Biak Inah awmni kham a hun hmangin, Bialtu Pastor Lalsawmliama Sailo chuan a hmanpui a ni.
Facebook