KUM 2024 SUNDAY SCHOOL ZIRLAI BU RELEASE A NI

KUM 2024 SUNDAY SCHOOL ZIRLAI BU RELEASE A NI

General Sunday School Department, United Pentecostal Church of North East India chuan, kum 2024 Sunday School zirlai bu release na hun Dt.2.11.2024 12:00 ah an hmang a. Lehkhabu release inkhawm hi Rev. Biaksangzuala, General Sunday School Directorin a kaihruai a. Rev. V.L. Dika Sailo, General Superintendent (Retired) chuan hunserh hmangin, Rev. Lalmalsawma Sailo chuan lehkhabu sawihawnna (Book preview) hun a hmang a. Evan R. Lalbiakfela, General Sunday School Treasurer chuan Technical report pein, Rev. R. Lalrinsanga, General Superintendent, UPC, NEI chuan lehkhabu te hi a tlangzarh a ni.

Kum 2024 ah hian Puitling Sunday School chuan Thuhriltu leh Hla Thlan Khawmte, Rev. K. Malsawmtluanga, Calvary Bible College Principal ziah an zir ang a, Naupang lamah Pentecostal Education Series Kum 2-na an zir dawn a ni. Tuntumah hian Puitling zirlai bu leh Naupang zirlai bu zawng zawng hi a ruala release vek a ni.

Puitling Zirlai bu hi copy 17000 chhut a ni a. November chawlhkar 2-naah Chhimtuipui, Lawngtlai West District leh Pentecostal Book Store Millenium Center tan pek chhuah hmasak ber a ni a ang a. November chawlhkar 3-naah Lunglei District ah pek chhuah a ni ang a, November chawlhkar 4-naah North Mizoram leh Aizawl East t^n pek chhuah a ni leh ang. November chawlhkar 5-naah Mizoram p^wn lamah pek chhuah a ni ang. Puitling zirlai bu man hi Rs.120/- a ni ang.

Rev. Jh. Za Hluna, General Sunday School Secretary hnen atangin lehkhabu release a nih theih nana tha thawhtu zawng zawngte chunga lawmthu sawina leh General Sunday School Deparmtent hmalakna pawimawh leh hriattur tulte ngaihthlak a ni hnuin, Rev.R.Laichhingpuia, Gen.Missions Director in inkhawm hi tawngtaiin a tin a ni.