North East India UPC kohhran rorelna sang ber General Conference rorel April 8, Inrinnia neih chuan kohhran danpui siam thain ruahmanna thar a siam a, Hetiangin :
1) Financial Year : Constitution Article 7na, Section 30-in a sawi, Financial Year kan hman lai ‘January to December’ hi tidanglamin ‘April to March’ hi hman zawk tawh ni se tih a ni a. A hman tan hun tur chu Executive Board kutah dah a ni.
2) Bial Inkhawmpui palai chungchang: Kan Constitution Art. 17, Sec. 97-a Bial inkhawmpui palai tur a sawi hi tidanglamin ‘Tualchhung kohhranin thuhril rawngbawltua a ruat chinte’ hi palaia telh ni se tih rawtna chu tha ti tlangin lungrual taka pawm a ni. Hei hi kum 2018 Bial inkhawmpui hun atanga hman tan a ni ang.
4) Upa neih theih zat tihpun thu: Constitution Art. 19, Sec. 113-a Upa neih theih zat bithliah tihpun rawtna chu sawiho a ni a, hetiangin siam that a ni ang :
- (a) Members 100 chin hnuai lamin – Upa 3
- (b) Members 101- 200 thlengin – Upa 4
- (c) Members 201- 300 thlengin – Upa 5
- (d) Members 301- 400 thlengin – Upa 6
- (e) Members 401- 500 thlengin – Upa 7
Tichuan member zabi zelah upa 1 neih belh theih a ni dawn a. Hei hi kohhran inruat thar leh hun atangin hman tan nghal tur a ni.
5) Statistician dinhmun :
Kum 2016 General Conference rorel no. 3-nain Statistician neih tura a lo rel tawh bawhzuia Statistician-te dinhmun tur ruahmanna Executive Board atanga ngaihtuah tura lut chu pharh a ni a, Constitution-ah a hnuaia tarlan ang hian dah belh tur a ni :
Tualchhung kohhran hruaitute
Hengte hi tualchhung kohhran hruaitute chu an ni:
- (a) Chairman
- (b) Secretary
- (c) Treasurer
- (d) Statistician
Tualchhung kohhran hruaitu Statistician nih theihnate (Qualifications) :
- (a) Kohhrana mi rinawm, sawma pakhat pe mi, Licence holder emaw, Upa (Deacon) zinga mi emaw leh Church Board Committee Member zinga mi, kohhran statistic ziaka vawng fel thei tura ngaih, Pastor-in Statistician atana a ruat, kohhranin a remtihpui te.
Kohhran Statistician chuan hengte hi a vawng tha ang:-
- (1) Kohhran hming ziakna bu pui
- (2) Nau piang thar hming ziahna bu
- (3) Member thar lo lut ziahna bu
- (4) Kohhrana pem te chhinchhiahna
- (5) Kohhrana mi thite chhinchhiahna bu
- (6) Kohhran chhuahsantute chhinchiahna bu
- (b) Kohhran dinhmun Statistic report chu kum tinin emaw a tul hun apiangah Kohhran Committee-ah te, Pastor leh Bial Secretary hnenah te a pe thin ang.
- (c) Nau piang thar te, Pem chhuak leh mitthi te chu Kohhran hming ziakna bu puiah fel takin a chhinchhiah thin ang.
Hengte hi tualchhung Kohhran Committee member te chu an ni ang:
- (a) Chairman – Chairman
- (b) Secretary – Secretary
- (c) Treasurer – Member
- (d) Statistician – Member
- (e) Upa (Deacon) te – Member
- (f) Member tura ruatte – Member
- (g) Licence neite – Member
- (h) Sectional Pastor – Ex-Officio
Facebook