1. Aibawk Bial chhunga Kohhran hrang hrangten April ni 13-16 chhunga Good Friday leh Easter Sunday chu hlim leh urhsun takin an hmang a, Good Friday vuakvet chhung hian Kohhran tinah Lalpa zanriah Sakrament te sem a nih bakah Lal Isua thupek anga Kesil rawngbawlna nei te pawh an awm. Good Friday chu Aibawk Kohhran, Sateek Kohhran, Falkawn Kohhran ten tisa lam ruai nen an hmang a, Falkhawn kohhranah April ni 15 Inrinni zan atangin Rev. R.C Puia’n rawngbawlna a nei bawk.
2. Bukpui Biala Pentecost kohhran hrang hrang ten Good Friday Programme urhsun taka hmangin Lalpa zanriah sakrament leh Kesil rawngbawl an nei a, N. Hlimen kohhrante chuan Good Friday chu ruai theh in hun hlimawm takin an hmang.
3. Headquarters Bialah District leh General lama rawngbawltu pawimawh tak tak ten tualchhung kohhran hrang hrangah Sakrament leh Kesil rawngbawl an neih pui.
Good Friday kar Inrinni April ni 15 khan District Office Workers Tual Upa Lalrikhuma, Model veng te chhungkua chuan Pathian chawimawina neiin an ran kohhranah an thawh a, Headquarters kohhrante bakah Chawimawina chhimtute’n hlim takin hun an hmang a, Chawimawina hun hman chhungin Rev. Lalmalsawma Sailo hnen atangin Pathian thuchah ngaihthlak thin a ni.
4. Kolasib venglai Bial chhunga Kohhrante leh Preaching Point awmte’n Hunpui Good Friday chu hlim takin an hmang. Good Friday-ah kumin April atanga Venglai Bial enkawltu thar Pastor B. Vanlalruata chuan Tuithaveng Kohhranah Sacrament leh Kesil rawngbawlna a nei a, Nau 4 a hlan bakah Pathian thuthlung hmua Pentecost kohhran zawm chhungkaw 1 member 5 a lawmlut bawk.
April ni 14 Good Friday khan Venglai Bial chhunga Saihapui Missions Field-ah Evan. C. Lalruatsanga leh a thiante’n rawngbawlna neiin, Venglai Bial atangin member thahnem tak ten Bialtu Pastor hovin an tawiawm bawk. Evan. C. Lalruatsanga hian a rawngbawlnaah hian Baptisma leh nauhlan rawngbawlna te a nei a ni.
5. Kawnpui Bial chhung Kohhran ten Good Friday programme hlim takin an hmang a, Kawnpui Banglaveng, Bualpui venglai leh Hortoki kohhrante hian Good Friday-ah ruai thehin hun an hmang. Bialtu Rev. C. Lalramthanga leh Evan. H. Laldawla ten Good Friday-ah Programme duangin Bial chhung Kohhran 7 an tlawh chhuak a, Sakrament an buatsaih sakin vek in Easter Sunday pawh kohhranhote’n hlim takin an hmang.
April ni 15 Inrinni zanah Bialtu Pastor hian Kawnpui venglaiah Programme hmangin inkhawm banah baptisma khur hawn a ni a, mi engemaw zatin sual ngaihdamna baptisma an chang.
6. Kanghmun Bial chhunga Kohhran pali Kanghmun, Khawrihnim, Bawngthah leh Darlung Kohhrante chuan Good Friday Programme hlim taka hmangin Bialtu Pastor Lalruatkima Fanai chuan Sakrament leh Kesil rawngbawlna Bial chhung kohhrante a hmanpui vek thei a ni.
Bial chhung kohhran hrang hrangte’n chhang ruai thehin Easter Sunday hlim takin an hmang bawk.
7. Maubawk Bial chhunga Kohhran pathum Bungkawn, Lawipu leh Maubawk te chuan Good Friday leh Easter Sunday hlim leh urhsun taka hmangin Rev. R. Laichhingpuia, Gen. SS Director chuan Maubawk Kohhrante Sakrament leh Kesil rawngbawl a neih sak a, Bialtu Pastor Rev. C. Lalmuanpuia’n Bungkawn Kohhrante Good Friday Programme a hmanpui a, Evan. P.C Lawmthanga’n Lawipu Kohhran te an hmanpuiin Sakrament rawngbawlna an nei a ni.
8. Mamit bial chhung Kohhran hrang hrangte’n Good Friday Programme hlim taka hmangin Bial Headquarters kohhranah Good Friday hman nan Sist. Lalremi leh a chhungte’n Kohhranah Sum enge maw zat pein ruai nen hlim takin an hmang. Mamit High school veng kohhranah Thlarau Thianghlim hriakthih beiseinain Tual Upa H. V. Thansanga te chhungin Pathian chawimawina hlanin hlim takin an hmang bawk. Darlak Preaching Point kohhrante pawh Bial SS hmalaknaa naupang pual Camping an neih hnuin lamtual khatin Pathian faka lam an awm reng thin a ni.
9. Reiek Biala kohhran hrang hrang Rulpuihlim, Reiek leh Ailawng te chuan Good Friday leh Easter Sunday hlim takin an hmang.
Bialtu Pastor P. Vanlalfela chuan Lal Isua Lungngaih zan Ailawng kohhran hmanpuiin Sarament a buatsaih a, Good Friday-ah Reiek kohhranah Sakrament rawngbawlna a nei a, April ni 14 Good Friday zan khan Bialtu Pastor kutah Mithar pakhatin Baptisma a chang bawk.
Pathianni kalta April ni 9 khan Reiek Bial rawiha Ailawng kohhrana rawngbawlna nei Evan. Lianthangvunga kutah chhungkaw khat member 3 te chuan Pathian thuthlung hmuin Baptisma an chang a, Bialtu Pastor P. Vanlalfela’n a lawmlut nghal a ni.
10. Sumsuih Bial chhunga Pentecost Kohhrante chuan Good Friday Programme tluang taka hmangin Lal Isua tawrhna hriatrengna Sakrament buatsaih an kil thei a, Thiak Kohhranah Bro. Lalfakawma te chhungin Pathian chawimawinana an ran thawh kaltlangin Good Friday ruai nen an hmang bawk. Chawimawinaah hian Rev. R. Lalhmangaiha Bialtu Pastor chu Speaker-ah hman a ni.
11. Thenzawl Bial chhung kohhran hrang hrangte’n Good Friday tluang taka hmangin Sakrament rawngbawlna kohhran tinah neih a ni a, Thenzawl PTS Preaching Point kohhranah Evan. C. Lalngaihzawma kalin Sarament khunkhan takin a buatsaih sak bawk.
12. Tlangnuam Bial chhunga kohhrante chuan Good Friday leh Easter Sunday Programme tluang taka hmangin, April ni 17 Easter monday khan Thlangnuam Kohhranah, Kohhrana mithahnemngaite sum thawhkhawm atangin Pathian chawimawina hun hman a ni.
13. Vairengte Bial chhunga kohhran hrang hrangte’n Good Friday leh Easter Sunday hlim leh tluang takin an hmang.
Lal Isua Lungngaih zanah Bialtu Pastor Rev. C. Lalthantluanga’n Vairengte Headquarters kohhran hmanpuiin Sakrament leh Kesil rawngbawlna neih pui. Vairengte Headquarters Kohhrante hian Good Friday ruai nena hmangin an hunpui hman Pathian thlarauvin a awmpui hle a ni.
Vairengte chhimveng kohhranah Evan. H. Chhuana’n rawngbawlna neiin Sakrament a buatsaih a, Vairengte Field Veng kohhranah Evan. Zoramthara Tirhkoh ramtlanin rawngbawlna a nei ve thung a ni. Kohhranin Ram an beih mekna hmun Hermon vengah Sr. Upa Zathuama inah Good Friday hlim takin an hmang a, Sakrament bakah kesil rawngbawlna an neih nghal a ni. Hermon-ah hian Good Friday ruai nen hlim taka hman niin; Hermon veng park-ah Tawngtai Bethel an nei bawk. Vairengte IOC Kohhranah Lal Isua lungngaih zanah Tirhkoh Senior IOC biak in hmun tur lo hauh va perh lo tartu Evan. Rinengan Lalpa zanriah a buatsaih a, Kesil rawngbawlna a nei nghal bawk.
Vairengte IOC kohhrante pawh hian Good Friday ruai nena hmangin an hlim hle a. N.Chhimluang kohhrante pawhin Good Friday Programme hlim takin an hmang a, Bial hruaitu Evan. H. Chhuana’n a hmanpui bawk.