October 21, Zirtawpni khan UPC General Headquarters Office, Mualpui Salem veng Aizawl-ah UPC North East India, General Sunday School Board neih a ni.
North East India UPC huamchhung District 11 atangin board member te kalkhawmin Mizoram pawn atangin Manipur, Meghalaya leh Cachar District aiawh member te pawh an kal thei a. Rev. R. Laichhingpuia, General Sunday School Director chuan Board a kaihruai. Kum 2017 General Sunday School Budget, Puitling Sunday School thuzir tur leh a bu ziak tu tur, Teachers Manual leh Sunday school hmalakna tur thupawimawh hrang hrang an ngaihtuah.
Kum 2016 General Conference Report atanga a lan danin North East India UPC kohhran huamchhungah hian Sunday School hmingziak mi Nuai khat sawmthum pali awmin Tualchhung kohhran zanga sawmhnih pangaah Sunday School Department din a ni. Kumin hian Sunday School Department chuan kumpuan atang “Naupang te tan thlarau thianghlim” tih an hmang a, Noth East India UPC kohhran huamchhung Local hrang hrangah Camping leh Seminar buatsaihin Naupang ten thlarau thianghlim an dawn theihnan Programme siamin hmalak kal mek a ni.
Facebook