General PYD Choir ten lawmman dah

March 31, zirtawpni khan ‘General PYD Choir’ in kum 2016-a “Best Choir of the Year – Vulmawi Award” leh “Best Choir of the Year – Lelte Award” an dawn Trophy leh Certificate te chu General headquarter office a dah turin Superintendent Rev. Lalmalsawma Sailo hnenah an hlan a, Upa K. Lalngilneia, General Choir Conductor; General Choir Secretary C. Lalzahawma leh choir member thenkhat ten he hlanna hun hi an hmang a ni.
General PYD Choir hi kum 2008 ah din ani a, member leh hruaitu thahnemngai te zarah kum 10 em pawh a din hma a Mizoram Award ropui kan neih te an dawng thei mai hi a ropui tak zet a, General Choir te hian Album 2 siam tawh in, kum 2010 chhovah khan “Kan puang zel dawn” tih album an lo siam tawh a, kum 2015 khan “Min hruai la” tih album an siam tawh bawk a ni.