General PYD Choir Prelude Album tlangzarh

July 25, Thawhleh zan khan General PYD Choir Album “Ka tlawm leh thin” tih chu Rev. Zohmingthanzama, General Treasurer chuan a tlangzar.

Prelude Album tlangzarh inkhawm hi Evan. Laltlanhlua hnamte, Music and Choir Committee Chairman chuan a kaihruai a, Bro. C. Lalzahawma, Music and Choir Committee Secretary in report a pe. Report tlangpui :

1. General Choir hi Oct 28 2008 a din a ni.
2. Kartin Thawhleh zan leh Ninga zanah hla an zir thin.
3. A din tirh Kum 2008 – 2014 inkar chhung zawng Chanmari SS Hall ah hla zir thin a ni a, kum 2014 kum tir atangin Aizawl East Dist Hqrs SS Hall ah hla zir thin a ni.
4. General, District, Bial, Local, PYD Group leh BSI programmee leh Inneihna ah te zai a rawngbawlna an nei thin.

Album tih chhuah tawh te :
1.‘Kan puang zel dawn’ 2010
2. Prelude Album ‘Ramniengmawi & ‘Isua hmangaihna leh thatna’ 2014
3. ‘Min hruai la’ 2015

Rawngbawlna tlangpui :
1. Kum 2009 ah Arunachal Mission field Hqrs Aalong ah Christmas an
hmanpui
2. Arunachal Mission field a Kolagaon ah Biak In an sa
3. Kum 2014 Christmas Kolkata Mission field ah Christmas an hmanpui.
4. Kolkata Mission field Director tan General Kohhranpui nen Bike an leisak
5. Kum 2015 ah UPC of Mynmar General Conference Hakha ah an kal
6. Kum 2015 ah Orphanage Children Home Kolasib ah Christmas an hmanpui
7. Kum 2016 ah Lelte Award leh Vulmawi Award an dawng.
8. Kum 2017 ah UPC of Mynmar General Conference Tahan ah kan kal
9. April 2017 atang General Mission Department ah Partner in Missionary (PIM)
thla tin Rs 1,000/- in missionary an chawm.

Kum 2018 hian Australia ah zaia rawngbawlna nei turin an buatsaih mek a ni, tuna an Album ‘Ka tlawm leh thin’ tih hi Australia Project atan ruahman a ni.

Rev. Zohmingthanzama chuan album released-in a ngaithlatu a piang ten thlarau lam tuihna thar dawng a, Pathian an hnaih lehzual theihna turin Pathian hnenah tawngtainain a hlan a. Pentecostal Choir, North Mizoram District PYD Choir leh General Choir ten zaia rawngbawlna an nei.

He albuma hla phuahtute Bro. H. Lalrinawma leh Bro. C. Lalrinmawia te’n an phuah dan chanchin tawi sawiin a music video thlir ho nghal a ni. He album siamna tur atana thilpeka tanpuitu te hnenah present hlanna hun hman chhunzawm a ni a, chumi hnuin Bro. Hmangaihnalaltlingzova, General Choir Asstn Conductor in lawmthu sawiin Rev. R. Laichhingpuia, General Sunday School Director-in malsawm tawngtainain inkhawm a tin a ni.

July 25, Thawhleh zan vek khan he album hi Lunglei District Conference Hall, Chanmari ah tlangzarhna hun hman a ni a, Bro. Vanlalnghaka’n inkhawm kaihruaiin Evan Kawlthuama’n hunserh a hmang a. Rev. R. Lalrosanga, Lunglei District Superintendent chuan a tlangzarh a ni. General Choir Conductor Upa K. Lalngilneia’n report pe in lawmthu a sawi.
He hunah hian kohhran mi bakah Lunglei khawpui chhung sawrkar mi pawimawh Lunglei SP, DFO, DSP, Dy Director Health & Family Welfare, MTKP V. President ten an hmanpui bawk.

He prelude album ah hian hla pathum : Ka tlawm leh thin (Bro. C. Lalrinmawia ), Hmangaihna chanchin (Bro. Rodingliana), Chatuan khawvarna ram (Bro. H. Lalrinawma ) tih hla te awmin Rs. 100/- man a ni.