General Missions rawngbawlna chanchin

Aug 14-15, 2016 chhung khan Guwahati-ah Assam Missions Field Board neih a ni a, Field chhunga hmalakna tur thupawimawh hrang hrang an ngaihtuah.
North Bengal and Sikkim Mission field huamchhung Jaigoan Section Rangamati khuaah Aug. 14, 2016 Pathianni khan Field Director Rev. James Lowrence zote rawngbawlna atangin mi thar 1 sengluh niin Lalpa Isua hmingin Baptisma a chang nghal. Tin, Sikkim ram Singtam khuaah Missionary Bro. Benjamin-a rawngbawlna atangin mi thar pakhat kohhranah sengluh niin Lalpa Isua hmingin Baptisma a chang nghal bawk.