North Mizoram District Pastor General Mission Field fan Programme chu Nov. ni 15 Nilaini khan chhun zawm a ni.
General Mission Field fan Programme hi North Mizoram District Pastor te hian a tumkhatna kumin April ni 18th khan an lo nei tawh a, a tumkhatnaah hian Pastor rual 16 fehchhuakin North Bengol & Sikkim Mission Field an fang a, tun tumah hian Pastor 11 fehchhuak lehin an ni hian Arunachal Mission Field bakah Assam Mission Field-a kohhran thenkhat an tlawh bawk ang.
Field an tlawh dan tur ruahmanna hetiang hian an siam a, Nov. ni 15, Nilaini khan Shillong-ah riakin a tuk ni 16-ah Evangelist Malsawmdawngliana Masbat Missionary awmna hmun tlawhin Nov. ni 18 hian Arunachal Pradesh khawpui Itanagar an pan anga, Daparizo kohhran tlawhin hetah hian Baptisma khur hawngin Field member mi thar engemaw zat Baptisma an chantir nghal dawn a ni.
Ni 19-ah Along panin Arunachal Pradesh hmuna UPC dinna hmasa Jelly leh Dharka te an tlawh bawk anga, Ni 20-ah Pasigath kohhran tlawhin heta tang hian Assam-ah an let leh anga Dibrugarh bakah Nagaland-a Dimapur Missisn Field kohhran thenkhat- Chumukedima leh Khatkhati section an tlawh bawk ang.
Facebook