September 21, Nilaini khan General Missions Department Executive Board chu UPC General Headquarters Committee Room-ah Rev. R. Lalhawia, General Director kaihhruaina in neih a ni.
An rorel zingah Kum 2017 Department pui Budget leh Field hrang hrang Budget tur thlirin an ruahman a, kum 2017 budget atan cheng Vaibelchhe hnih, Nuai sawmthum pahnih singkhat leh sangkua pawm a ni.
Bufaitham, Thawktute Transfer dan tur leh Bhutan Ministry chungchang te an ngaihtuah a. Assam, Arunachal, leh North Bengal & Sikkim Field a thawk turin mi 6 an la thar. Field huamchhunga Licence dilte chungchang ngaihtuahin Field hrang hranga Biak In leh Quarters sak zat tur te siamin, Field enkawl leh tihhmasawnna tur atana rawtna hrang hrang an siam thar a, Field chhunga Biak in leh quarter sak tura ruahmanna thlirin kum 2017 chhungin Biakin leh Thawktute Quarters tur 20 chuang sak tura ruahman a ni.
General Secretary Rev. H. Lalngailiana report atanga alan danin General Missions Department hian Mizoram State pawnah Field 7 enkawlin rawngbawlna hna a thawk mek a, kumin chhung hian member thar 400 chuang kohhranah seng luh an ni tawh. Tin, kum 2016 budget atangin 56% lut tawhin Buhfaitham atangin 37% a lut tawh bawk.
Facebook