August 29, Thawhtanni khan UPC-NEI General Headquarters Office-a News Recording neihna hmun Media Room tur atana buatsaih chu Rev. Lalmalsawma Sailo, General Superintendent chuan Pathian hnenah hlanin a hawng.
Rev. Lalmalsawma Sailo chuan Media room Studio chu Pathian Chhandamna Chanchin tha hrila puan darhna tur atana buatsaih a nih ang taka Pathianin hriak a thih theihnan leh Pennet rawngbawlna kaltlanga miten tisa leh thlarau damna an chan a, zau zawka rawngbawlna kalpui a nih zel theihna turin Pathian hnenah hlanin a hawng.
Hawnna puala inkhawm tawi buatsaih Rev. R. Lalhawia, PenNet Chairman chuan a kaihruai a. General hruaitu General Superintendent bakah hian Rev. R. Lalrinsanga General Secretary, Rev. Zohmingthanzama General Treasurer, Rev. R. Laichhingpuia General Sunday School Director, Rev. R. Vanlalawia Editor leh Rev. H. Lalngailiana General Missions Secretary ten thutawi an sawi a. Room thar hlan a Tawngtairualnaa neiin thingpui nen hlim taka hun hman a ni.
General Headquarters Office hmun hma pawhin hma a sawn chho zel a, tunah hian Committee room chhung pawh tihchangtlun chhoh zel a ni bawk.
Facebook