Tun chawlhkar thar lo awm tur Nov 17-19 chhung hian Bethlehem Biak Inah General PYD in buatsaih Thu leh hla Kutpui neih a ni dawn.
He Kutpuiah hian Zaipawl leh Solo hmanga intihsiakna neih a ni dawn a, Nov 17, Zirtawp zanah Bethlehem YMA Hall ah Intihsiakna hi an tan dawn a, Common song ah “Buh seng hun a liam a” tih hla music awmlo (Acapella) a intihsiakna neih tur a ni. Nov 18, Inrinni Chawhma dar 10:00am ah Bethlehem YMA Hall ah Sound Track nen intihsiakna neih leh tur a ni ang.
Heta tang hian Top 5 thlan chhuah tur a ni a, Top 5 chin te hi Inrinni zan Grand Finale ah intihsiakna neih leh tur a ni a, Grand finale ah hian an hla duhzawng Pakhat hmangin an intihsiak leh ang. Intihsiakna ah hian eng hla pawh an sa thei a nga, sound track pawh an duh chuan an hmang thei ang a, an duh chuan Acapella pawhin an zai thei ang.
Lawmman 1 na – Rs 30,000 & Citation
Lawmman 2 na – Rs 20,000 & Citation
Lawmman 3 na – Rs 10,000 & Citation
Consolation prize – Rs 2,000
–
Solo intihsiakna hi Nov 17, Zirtawp ni chawhnu dar 1:00pm ah Bethlehem YMA hall ah Elimination round neih tur a ni a, Hollow Guitar nen hla pakhat sa a intihsiakna neih tur a ni. Elimination round atang hian Top 10 thlan tur a ni ang.
Top 10 chin te hi ni 18 November 2017 Inrinni chawhnu 1:00pm ah Bethlehem YMA Hall ah hla pahnih theuh hmangin intihsiakna neih leh tur a ni a, Hollow Guitar leh Sound Track hman tur a ni.
Top 10 atang hian Top 5 thlan leh tur a ni a, Top 5 te hi Inrinni zan Grand Finale ah hla pakhat hmangin intihsiakna neih leh tur a ni, intihsiakna ah hian Sound track emaw Hollow Guitar emaw an duh zawk zawk hman phal a ni a, hla hi elimination round leh Top 10 a an sak hnu pawh an sa nawn thei ang.
Lawmman 1 na – Rs 10,000 & Citation
Lawmman 2 na – Rs 6,000 & Citation
Lawmman 3 na – Rs 4,000 & Citation
Consolation prize – Rs 500 (Top 10 chin tan)
Lawmman zawng zawng hi Pathianni zan ah sem tur a ni.
Facebook