February 22 chawhnu dar 2 khan Gneral Superintendent Room-ah General Department hrang hrang leaders ten en meeting pawimawh tak neih a ni a. Meeting ah hian Missions, Sunday School, LAD leh PYD atangin an tel thei a. Department hruaitu hrang hrang hruaituten repport hrnag hrang- Activities an neih dan leh Financial report an pe a. Kumin 2017 a ruahmanna hrang hrang thlir lawkna an nei bawk.
General PYD Report: Chairman-in a sawm angin Pastor H. Lalropuia, General PYD President leh Pastor C. Lalmalsawma, General PYD Treasurer ten Report an pe a, report tlangpui:
1) General PYD hruaituten kum kal liamta chhung khan Tripura leh N. Mizoram District PYD Conference an hmanpui a, kuminah Barak District, Chhhimtuipui leh Aizawl East District PYD Conference an hmanpui bawk.
2) General PYD Choir-ten sawmna an hmuh angin kum kal liam taah khan Myanmar an tlawh a, kuminah Myanmar General Conference hmanpui turin an inbuatsaih leh mek.
3) Australia tlawh tura indawr tawnna neia hmalak mek a ni.
4) General hotuten General PYD Office tur room a pek avanga lawmthu sawiin a room chhung furniture leh thil tulte buaipui mek a nih thu a sawi a,
5) General PYD Chanchinbu ‘Thlamuantu’ tluang taka tihchhuah mek a ni.
6) General Missions Department-ah Missionary pakhat support a ni.
General LAD Report: Sis. Lalramthangi, General LAD Secretary leh Sis. F. Rohlupuii, General LAD Treasurer-ten report an pe a, report tlangpui chu hetiang hi a ni. :
1) October 27, 2016-ah khan General LAD Board Committee, Dimapur-ah neih a ni a. Dimapur field Hqrs. Biakin sak tanpuina Rs. 100,000/- (cheng nuaih khat) an hlan.
2) General LAD President leh Secretary ten Assam Missions Field-ah November, 2016 chhung khan Seminar an neih pui.
3) Churachandpur District LAD Conference -cum- Golden Jubilee February 16-19, 2017-ah khan General LAD Official pathumten an hman pui.
4) Orphanage Day Offering-ah Rs. 4,00,000/- (Cheng nuaih li) leh ASCH Sponsorship-ah Rs. 6,00,000/- (cheng nuaih ruk) zet an hmu a, chungte chu submit vek a ni tawh.
5) General Hqrs. Generator leina tur target Rs. 4,00,000/- (Nuaih li) submit tawh a ni.
General Sunday School Report:
Chairman-in a sawm angin Rev. R. Laichhingpuia, General SS Director leh Evan. F. Lalsangliana, General SS Treasurer-ten report an pe a, report tlangpui:
1)Tawng hrang hranga Sunday School zirlaibu lehlin hna thawh mek a ni a, English, Bengali, Assamese, Garo, Thado leh Hmar tawngtein Puitling leh Naupang Department thenkhat zirlaibu lehlin tawh a ni.
2) North East India huamchhung hmun hrang hrangah Sunday School hmasawnna turin Seminar neih kalmek a ni.
3) General Missions Field hrang hrangah Sunday School din tan mek a ni a, theihtawp chhuah zel a ni ang.
General Missions Report:
Chairman-in a sawm angin Rev. R. Lalhawia, General Missions Director-in report a pe a, report tlangpui:
1) Theihtawp chhuahin General Missions Field-ah hma lak a niin Field chhung hmun eng emaw zat ah Sunday School Department te, LAD leh PYD te din tawh a ni.
2) Kum hmasa report Arunachal leh N. Bengal leh Sikkim Field report an dawng tawh a, Arunachal Field-ah member thar 220-in kan pung a, N. Bengal/Sikkim Field-ah 84-in kan pung.
An thurel tlangpui te:
1. A remchan angin Department hrang hrangten Joint programme te siama hmalak thin ni se.
2. Department Conference leh Board rorel Minute-te General Department tin Office Bearer-te hnenah Department tinin in thawn tawn thin ni se.
3. UPC-NEI General Official-te leh General Department hruaitute hmalakna thlirho zel tura Joint Meeting a khat tawka neih thin ni se, a hun leh hmun tur chu General Official-ten rawn ruat thin se kan ti.
4. General Hqrs. Building sak chhunzawmna tur atan Kohhranpui leh Department hrang hranga in tum sem turin Rs 15,00,000/- ruahman a ni.
Facebook