September 1 – 2 chhung khan kohhran rorelna sang Executive Board chu General Headquarters Office, Mualpui Salem veng, Aizawlah neih a ni.
Rorel inkhawm dar 10 :30 ah tanin Rev. Lalmalsawma Sailo, General Superintendent chuan rorel a kaihruai a, Executive Board member thar Rev. H. Lalramliana, Barak District Superintendent leh Pastor H. Lalropuia, General PYD President te hmelhriatirna leh lawmluhna chibai buk turin chairman chuan Rev. R. Lalhawia, General Missions Director leh Rev. R. Lalrosanga, Lunglei District Superintendent chu a sawm a, rorel tan a ni. Thungaihtuah langsar zual te :
1. North East India UPC huamchhunga Tualchhung Kohhran tin te dinni chhinchhiahna bu fel taka neih tha tih a ni a, General Headquarters ah enkawlin General hruaituten a tul anga bawhzui turin an kutah dah a ni.
2. Pastor thar dah ngheh chungchang ngaithuah a ni a, General kutah dah tawh tura pass in a kalphung tur chu hruaituten lo duangin General Conference huna ngaihtuah tura dah a ni.
3. Audrine Scism Children Home leh Susane downs Boarding School, Khuangpuilam, Kolasib-a thawktute tan leave rule siam chu pawmin a tul angin Compassion Centre Project Committee ten an bawhzui ang.
4. UPC-NEI General Headquarters-Office a Archive Cell neih rawtna chungchang ngaihtuah a ni a, rawtna angin neih tha tih a ni a, General Hruaituten a tul ang lo bawhzui se tih a ni.
5. General PYD leh Disrtict PYD Conference-a rorel palai bik awm tura ruahmanna siam chu General Conference a thlen turin dah a ni.
6. New Pension Scheme chungchanga ngaihtuah a ni a, District hrang hrang atanga Survey report ngaithlak a ni a, Kum 2017 General Conference a ngaihtuah that tura dah tha tih a ni.
7. South East Nagaland District ten Kohima a Bible School din tura ruahmanna an siam recommend na an dil chu recommend an ni.
8. South East Nagaland District ami Bro. Isaac Ru Thupitor, Foreign Bible School zir tura recommend tura dilna lut chu remtih a ni.
9. General Missions inkaihhruaina dan approved a ni.
10. CBC Principal term hi kum 4 (Term hnih) bak mi pakhatin a zawn in chelh loh nise tih a ni.
11. Delhi Land Project chu Kum 2017 General Conference a pawmpui tura thlen turin dah a ni.
12. Kolkata-a Bengali Medium Bible School din rawtna chu General Conference ah pawmpui tura thlen a ni ang.
13. North East India huap Project Fund ruahmanna siam chungchang chu tha ti tlangin a kalphung tur hruaitute lo duan tur atan dah a ni.
Facebook