General Conference – Sunday School Rorelna

On:
North East India UPC hnuaiah Sunday School hming ziak chu mi Singkua sangriat zahnih sawmriat leh panga (98285) an awm mek a, Sunday School Department zirlai bu thenkhat te hi – Thado,  Hmar, English, Bengali leh Assamese tawng te a lehlin a zirtir mek an ni.
Rev. R. Laichhingpuia, Director kaihhruaina in Conference rorelna neih  a ni a, kum 2016 chhunga Assamese leh Bangla zirlaibu lehlin thar an neih avangin lawmthu a sawi a. Zirlaibu lei uar chungchangah erawh tan lak a tulzia leh UPC te literature a hma lam pana tan kan lak a pawimawhziate a sawi a. Rorel tlangpui te –
1. Sunday School Department motto ‘Today’s Sunday school is the church for tomorrow’ tih chu nemngheh a ni.
2. Zirlaibu tawng danga lehlin dilna chu pawmin – Bengali, Karbi, English leh Thadou hmanga let leh tura ruahmanin General Board kuta dah a ni.
3. Kum 2017-18 chhunga kumpuan atan “Naupangte tan Thlarau Thianghlim” tih hman nawn leh tura ruahmanna awm chu pawm a ni.
4. Kumpuan bawhzui nan Section tinin Naupang pual Camping neih vek ni rawh se tih chu pawm a ni.
5. Aizawlah Naupang pualin ‘City Sunday School Meet’ neih rawtna chu her rem in Naupang Sunday School meet hi district hrang hrangah nei tura ruahmanin a bul tan nan Aizawl ah City huapin Kumin 2017 ngei hian neih nise tih chu pass a ni.  A tul buaipui turin General board kuta dah a ni.
6. Puitling S.S exam zawhna siam dan kalphung hi Multiple choice hmanga thlak danglam a ni.
7. India pum huapin S.S Exam result puan ni bik atan Sunday School Registration Day hi hman vek tur a pass a ni.
General Sunday School Board Rev R Laichingpuia kaihhruai na in neih nghal a ni a, an rorel zingah-
  • Text book translation budget chu Bengali tawng atan Rs 20,000.00; Karbi  leh English tawng atan Rs 10,000.00  leh Thadou tawng atan atan Rs 20,000.00 a sem a ni.
  • Naupang SS zirlaibu ah hian reference mumal tak dah thin.
  • Naupang Sunday School meet hi district hrang hrangah neih tura ruahman ni se, a bul tan nana Aizawl City huapa Kumina neih tura ruahmanna chu meet thlengtu tur District leh General SS Hruaitute inberawn in a tul anga hmalak thin nise tih te an rel a ni.